مېنى باستى تەشنالىق قەدەر

kuzum

	مېنى باستى تەشنالىق قەدەر بۇران ئۇچار تەنھا كەپەمدىن، ئەسلىمەمنى ئۇچۇرار ھەريان. غېرىبلىكنىڭ چەكسىزلىكىدە، سېغىنىمەن سېنى ھەر قاچان.   يالغۇز قالدىڭ سەنمۇ يىراقتا، ئارمانلىرىم سىڭىپ باغرىڭغا. تەنھالىقتا قاغجىراپ قەلبىڭ، قىينالدىڭمۇ سۆيگۈ پىراقتا. تەلمۈرەتتى كۆزلىرىم ھەردەم، ئىنتىزا بوپ يۇلۇڭغا سېنىڭ. ئارام تاپار بۇ خەستە دىلمۇ، نىگاھلاردا چۈشۈمگە كىرسەڭ. سېغىنىشتا ئۆرتەلدى يۈرەك، مەن يۈرىمەن تىلەپ ۋىسالنى. جاپالارمۇ بىلىندى راھەت، قۇت تاپالسام ھەممىگە رازى.    مېنى باستى تەشنالىق قەدەر، شاماللارمۇ بولدى شۇنچە جۆر. ئۈمىدۋارمەن ئارمانلىرىمغا، سېغىنشمۇ ماڭا بىر ھۇزۇر.    سېزىمەن شۇتاپ قەلبىڭنى، تەقەززارسەن سەنمۇ دىلكىشىم. شاماللارمۇ يەتكۈزدى يەنە، كۆزۈڭ يولدا جانۇ ھەمرايىم. مەنبە ؛قەلىمىــــم

alimjan

吐鲁汗

	ئالقىش،ئالقىش ،سىز بىر تالات ئىگىسى ئىكەنسىز،سىزنىڭ تىخىمۇ ياخشى ،نادىر شېرلارنى يېزىشىڭىزغا تىلەكداشمەن،قەلىپ باغىڭىزدا تېخىمۇ  كۆپ گۈل،غۇنچىلار ئىچىلغاي

gulpira

nargiz

	شىېرىڭىز   بەك ياخشى چىقىپتۇ توختاپ قالمىغايسىز

uyghur

	ئىلھاملىرىڭىزغا ئاپىرىن ، ساپ ھېسياتنى چىن مىسرالاردا مەلھەم قىلىپ  ئېسىل چىقىپتۇ .

hokumran

	كۈزۈمنىڭ يۈرىكىدىن چىققان سېغىنىش ، تەشنالىق ئازابلىرى سىڭگەن نىدالىرى ھەقىقەتەن ئادەمنىڭ يۈرىكىنى ئېزىۋەتتىغۇ.   ئاھ! خۇدا، نىمىشقىمۇ كېچىكىپ بىلگەندىمەن؟ مېنى كەچۈرەرسەنمۇ كۈزۈم . ( چاخچاخ ھە! )

VESAL

	ماسلاشمىسىمۇ بىر كۇپلىت كەلتۇرۇپ باقاي: كونائورمان سۆزلەپ رىۋايەت، پاش قىلغاندا كەچمىشلىرىڭنى. سېغىنىش كۇيى قۇچۇپ قەلبىمنى، شامال بولۇپ ئىزدەيمەن سېنى.

kurban

	لىرىكىڭىز كىشىنىڭ يۈرىكىنى ئىزىدىكەن، بۇ شىئېردا ھىسيات ئوز جايىنى تېپىپتۇ.

haltakoqa

	بىرەر ژورنالغا ئېۋەتسىڭىز بەرگۈدەك