ياپونىيە 2-دۇنيا ئۇرۇشىدا نېمىشقا سوۋېت ئىتتىپاقىغا...

erdewil

	2-دۇنيا ئۇرۇشى مەزگىللىرىدە ياپونىيە نېمىشقا سوۋېت ئىتتىپاقىغا يىراق شەرقتىن ھۇجۇم قىلمىغان؟      نۇرغۇن تورداشلار بەزىدە ،2-دۇنيا ئۇرۇشىنىڭ دەسلەپكى مەزگىللىرىدە ھىتلېر باشچىلىقىدىكى ئوق مەركىزى دۆلەتلىرى شۇنداق كۈچلۈك تۇرسا ، ياپونىيە نېمىشقا يىراق شەرقتىن گېرمانىيەگە ماسلىشىپ سوۋېتنى يېۋەتمىگەن دەپ سورىشى مۇمكىن. ئۇرۇش ئىستىراتىگىيەسى بويىچە قارىغاندا ،بەزى ئۇرۇش تەتقىقاتچىلىرىنىڭ نەزىرىدە شۇنداق قىلسا ئەڭ ئاقىلانىلىك بولۇپ ھېسابلىناتتى،  دەل مۇشۇ سەۋەبتىن ياپونىيە ئاجايىپ زور زىيانلارنى تارتىپ كېيىن 2-دۇنيا ئۇرۇشنىڭ مەغلۇبىيەت بىلەن ئاخىرلىشىشىغا تۈرتكىلىك رول ئوينىغان.       خوش گېپىمىزگە كېلەيلى، ھەقىقەتەنمۇ ياپونىيە سوۋىت ئىتتىپاقىنىڭ چىشىغا تېگىپ باققان، لېكىن بۇرنىغا يەپ شۈكلەپ كەتكەن؛ قانداق شۈكلەپ كەتكەن، تارىختىكى<<نومېنكان ئۇرۇشى>>سەۋەبىدىن.      نومېنكان ئۇرۇشى ئېغىزغا چىقىپ قالدى، ئەمدى ئازراق چۈشەنچىگە ئىگە بولۇپ باقايلى؛ نومېنكان ئۇرۇشى 1939-يىلى 5-ئايدا ياپون بىلەن سوۋېت ئارىسىدا يۈز بەرگەن. سىياسى، ۋە جوغراپىيەلىك سەۋەبىدىن 1904-يىللىرى جۇڭگونىڭ شەرقىي شىمالىدا ياپونىيە-سوۋېت(چار روسىيە دەۋرى) ئارىسىدا ئومۇمىيۈزلۈك ئۇرۇش پارتىلايدۇ. بۇ ئۇرۇشتا ياپونىيە غەلىبە قىلىدۇ. 1931-يىللىرى ياپونىيە كانتون ئارمىيەسى 18-سىنتەبىر ۋەقەسىنى تۇغدۇرۇپ جۇڭگونىڭ شەرقى شىمالىنى يۇتۇۋالىدۇ. ئارقىدىنلا قورچاق مانجۇرىيە ھاكىمىيىتىنى تىكلەيدۇ. ئەمما (1921-يىللىرى) سوۋېتنىڭ كونتروللىقىدا قۇرۇلغان تاشقى مۇڭغۇلىيە ياپونىيەنىڭ كونتروللىقىدىكى قورچاق مانجۇرىيە بىلەن چىگىرلىنىدىغان بولغاچقا مۇشۇ رايونلاردا ياپونىيە بىلەن سوۋېت ئارىسىدا يەنىلا چېگرا مەسىلىسى توغرىسىدا ئىختىلاپلار كۆرۈلۈپ تۇرىدۇ. ياپونىيە يەنە جىم تۇرالماي قالىدۇ-دە، تارىختىكى چىگرا مەسىلىرىنى دەستەك قىلىپ تۇرۇپ شۇۇنداقلا تاشقى مۇڭغۇليە بىلەن سوۋېتنىڭ ھەربىي كۈچىنى سىناپ بېقىش مەقسىتىدە 1935-يىلىدىن 1938-يىللىرىغىچە كۆپ قېتىم ئۆز ئارا توقىنىشىدۇ، ئۇرۇش كۆلىمىمۇ چوڭىيىدۇ. ئۇزاققا قالماي ئۇرۇش توختىتىش كېلىشىمى ئىمزالىشىدۇ.       1939-يىلى 5-ئاينىڭ4-كۈنى يەنە شۇ بۇرۇنقى تالاش تارتىشلارنىڭ نەتىجىسىدە دۇنيانى زىل-زىلگە سالغان نومېنكان ئۇرۇشى پارتىلايدۇ. 4ئايغا سوزۇلغان تۇنجى قېتىملىق نومېنكان ئۇرۇشىدا سوۋېتتىن57000كىشى ئۇرۇشقا قاتناشقان بولۇپ بۇلاردىن 7000كىشى ئۆلىدۇ،1000كىشى يوقاپ كېتىدۇ،16000كىشى يارىلىنىدۇ. ياپونيە تەرەپتىن بولسا 58925 كىشى ئۇرۇشقا قاتناشقان بولۇپ، 7696 كىشى ئۆلىدۇ،8647 كىشى يارلىنىدۇ،1021كىشىنىڭ ئىزدېرىكى بولمايدۇ.ياپونىيە تەرەپتىن ئۇرۇشتىن كېيىن 400كىشى ساق قالغان. مەزكۇر ئۇرۇش ياپونىيەنىڭ ئۇرۇشخۇمارلىق روھىغا قاتتىق تەسىر كۆرسىتىپ ئۇلارنىڭ ھەيۋىسىنى يەرگە ئۇرغان. شۇنىڭدىن كېيىن ياپونىيە ئىمپىرىيىسى كېڭەيمىچىلىك قىلىش سىياسىتىنى<< شىمالغا يۈرۈش قىلىشتىن كۈچنى مەركەزلەشتۈرۈپ جەنۇبقا يۈرۈش قىلىشقا>> ئۆزگەرتكەن. شۇنداقلا نومېنكان ئۇرۇشىدىن كېين سوۋېت ئارمىيەسىگە نىسبەتەن بىر خىل قورقۇنچ پىسخكىسى ياپونىيە يۇقىرى دەرىجىلىك ئەمەلدارلىرىنى چىرمىۋالغان.        قىسقىسى، ياپونىيە ئاسان يېۋەتكىلى بولمايدىغان لوق گۆش‹‹سوۋېت ئىتتىپاقى››دىن قورققان.2-جاھان ئۇرۇشى مەزگىلىدا  ھىتلېر كۆپ قېتىم ياپونىيە تەرەپكە يىراق شەرقتىن سوۋېتقا ھۇجۇم قىلىشنى قايتا-قايتا تەكىتلىگەن بولسىمۇ، ياپونىيە بۇنىڭغا ئىتىبار بەرمىگەن. چۈنكى ياپونىيە كۈچلۈك دۆلەتكە تىگىش قىلىپ زىيان تارتقاندىن كۆرە ،  كۈچى يېتىدىغان ئاسىيانىڭ جەنۇبىدىكى ئۇششاق دۆلەتلەرگە تىگىش قىلىشنى ئەۋزەل كۆرگەن. شۇنىڭ بىلەن تارىختىكى نومېنكان ئۇرۇشى 2-جاھان ئۇرۇشىنىڭ تەرەققىياتىغا(جاھانگىرلارنىڭ يېڭىلىشىگە) بىۋاسىتە تەسىر كۆرسەتكەن ‹‹ھازىر كىشىلەر تەرپىدىن سەل ئۇنتۇلۇپ قالغان›› مۇھىم ئۇرۇشلارنىڭ بىرى بولۇپ قالغان.       بەزى سىياسەتچىلەر ھەم تەھلىلچىلەر دەيدۇكى، ياپونىيە ئۇرۇشنىڭ دەسلەپكى مەزگىللىرىدە ھېچقانداق دۆلەتكە يۇقۇلماي پۈتۈن كۈچىنى شەرقتىن سوۋېت ئىتتىپاقىغا ھۇجۇم قىلىشقا قارىتىپ گېرمانىيەگە ماسلاشقان بولسا 2-جاھان ئۇرۇشىنىڭ ئاقىۋېتىنى مۆلچەرلەش خېلى قېيىنغا توختايتى. جاھانگىرلارنىڭ ئۇرۇشتا مەغلۇب بولۇشىنى تىلغا ئېلىش بالدۇرلۇق قىلاتتى.      دېمەك نومېنكان ئۇرۇشىنىڭ ئاسارىتى ياپونىيەنىڭ 2-جاھان ئۇرۇشىدا سوۋېت ئىتتىپاقىغا يۇقۇلالماسلىقىدىكى تۈپكى سەۋەب. بۇ ماقالە پەقەت تەڭرىتاغ مۇنبىرىگە تەۋە، قالايمىقان كۆچۈرمەڭ. تەرجىمە مەنبەسى:http://baike.baidu.com/view/346399.htm

uyghun

	مەن ئاڭلىمىغان تارخى ۋەقەدىن بىرنى بىلىۋالدىم رەھمەت. نىمىشقا بۇ سۇرەتلەرنىمۇ قوشۇپ قويمىغانسىز. http://club.kdnet.net/dispbbs.as ... e=1&1=1#3054109

sakra

	تارىخى ماتېرياللاركەن.

Erkman

	بىلىۋالدۈك، رەھمەت ئەردەۋىلجان!

nadir

	بېلىۋالدۇق رەھمەت!!!!

Barcelona

	خەرىتەگە خېلى جىق قاراپ ئولتۇرۇپ كەتتىم .

Erkman

	«خەرىتە» لەقىمى سىڭىپ قالمىغاي يەنە!

Erkin

	ئاڭلاپ باقمىغان خەۋەركەن بۇنىمۇبىلىۋالدۇق رەخمەت سىزگە ئەردەۋىلجان !

kargay

	مۇشۇنداق ئىسىل تەرجىمە ئەسەرلىڭىز ئۇزۇلمىگەي ،،،!!!!!!!!!!

mungdax

	تېمىڭزغا تەشەككۈر! تەرجىمىلىرىڭىز ئۈزۈلمىگەي.