شىنجاڭ ئۇيغۇر ئاپتونوم رايونىنىڭ نامىنى توغرا ئاتىماق زۆرۈر

سۈرخان

	شىنجاڭ ئۇيغۇر ئاپتونوم رايونىنىڭ نامىنى توغرا ئاتىماق زۆرۈر     يېقىندىن بۇيان نوپۇزلۇق تاراتقۇلاردا ‹شىنجاڭ ئاپتونوم رايونى›دېگەن بىر ئاتالغۇ پەيدا بولۇپ قالدى. بۇ ئاتالغۇ شىنجاڭدىكى ئازسانلىق مىللەتلەرنىڭ ھوقۇق-مەنپەئەتىنى قوغداۋاتقان ‹مىللىي تېرىتورىيىلىك ئاپتونومىيە قانۇنى›غا ئۇيغۇنمۇ؟ شىنجاڭ دېگەن ئاتالغۇ ئەسلىدىنلا مەنچىڭ ۋە گومىنداڭ دەۋرىدە قويۇلغان، بۇ نامنى كومپارتىيەنىڭ نۇرلۇق زامانىسىدا يەنە كۆتىرىپ يۈرىمىزمۇ؟ ۋەتەننىڭ 6\1قىسمىنى تەشكىل قىلىدىغان بۇ زېمىننىڭ توغرا نامىنى ئاتاش شۇنچە تەسمۇ؟ ئەجىبا بۇ تاراتقۇلار بۇنىڭ تەسىرىنى ئويلاشمىغانمىدۇ؟     شىنجاڭ ئۇيغۇر ئاپتونوم رايونى دېگەن ناممۇ ئاسان قويۇلغان ئەمەس. شۇڭا، ئاپتونومىيە قانۇنىدىمۇ ئاپتونومىيە ئورۇن نامىنى قانداق ئېلىش مەسىلىسى ئېنىق بېكىتىلگەن. شۇنداقكەن، بىزنىڭ قانۇن بويىچە ئىش كۆرمەسلىك، ئاپتونومىيە ئورۇن ناملىرىنى تولۇق ئالماسلىققا ھېچ ئاساسىمىز يوق.     تەڭرىتاغ تورى باشقۇرغۇچىلىرى ۋە ئالاقىدار تارماقلارنىڭ بۇ ئىشقا كۆڭۈل بۆلىشىنى ئۈمىد قىلىمەن .

harsan

	شىنجاڭ ئاپتونوم رايونى ئەمەس، شىنجاڭ ئۇيغۇر ئاپتونۇم رايونى دىيىشىمىز كېرەك. بولۇپمۇ ئاخبارات ۋاستىللىرىمۇ ئالاھىدە  دىقەت قىلسا.

Bidar-Qutlan

	قىسقارتمىسا بولمىغىدەك قىسقارتىۋەتسە بەك بىمەنە ئاڭلىنىدىكەن.

	تەڭرىتاغ تورىنىڭ مۇناسىۋەتلىك ئورۇنلارغا تەكلىپ بېرىشىنى ئۈمىد قىلىمەن.

tursunjan5110

Erkman

	خەنزۇچە ئەخبارات ۋاسىتىلىرىدە، رەھبەرلەرنىڭ سۆزلىرىدە بۇنداق بۇزۇق ئاتالغۇ بەك كۆپ، ئۆزگرتىپ بولاتتىمۇ؟

	«جۇڭخۇا خەلق جۇمھۇرىيىتىنىڭ مىللىي تېررىتورىيىلىك ئاپتونومىيە قانۇنى»نىڭ 13-ماددىسىدا:  مىللىي ئاپتونومىيىلىك جاينىڭ نامى يەر نامى، مىللەت نامى، مەمۇرىي ئورنى رېتى بويىچە ئاتىلىدۇ، ئالاھىدە ئەھۋال بۇنىڭ سىرتىدا، دەپ بەلگىلەنگەن.

	«گوۋۇيۈەننىڭ مەمۇرىي رايونلارغا ئايرىش باشقۇرۇش نىزامى»نىڭ 3-ماددىسىدا: ئۆلكە، ئاپتونوم رايون، بىۋاستە قاراشلىق شەھەرنى قۇرۇش، ئەمەلدىن قالدۇرۇش، نامىنى ئۆزگەرتىشنى مەملىكەتلىك خەلق قۇرۇلتىيى قاراپ چىقىپ قارار قىلىدۇ، دەپ بەلگىلەنگەن.

noshirwan

	1955-يىلى 9-ئاينىڭ 13-كۈنى مەملىكەتلىك خەلق قۇرۇلتىيى دائىمىي كومىتېتىنىڭ 21-يىغىنىدا زوڭلى جوئېنلەي ئوتتۇرىغا قويغان تەكلىپ قارالمىسى تەستىقلىنىپ، شىنجاڭ ئۇيغۇر ئاپتونوم رايونى قۇرۇش، شىنجاڭ ئۆلكىسى تەشكىلىي تۈزۈلۈشىنى ئەمەلدىن قالدۇرۇش، ئەسلىدىكى شىنجاڭ ئۆلكىسىنىڭ مەمۇرىي رايونى شىنجاڭ ئۇيغۇر ئاپتونوم رايونىنىڭ مەمۇرىي رايونى بولۇش قارار قىلىنغان.

noshirwan

	مىللىي ئاپتونومىيىلىك جايلارنىڭ نامىنى توغرا ئاتاش ناھايىتى مۇھىم مەسىلە، خالىغانچە قىسقارتىش، ئۆزگەرتىشكە بولمايدۇ.

ambition

	نىمىدىگەن   قاملاشمىغان  ،،،،،،،ئاچچىقىم  كىلىۋاتىدۇ

kurban

	بۇ ئاتالغۇنى قانۇن بويىچە قوغدىشىمىز تولىمۇ زۈرۈر. تېمىڭىزگە رەھمەت.

تەڭرىتاغ

	كۆپچىلىكنىڭ بۇ تېمىغا نىسبەتەن ئىلمىي پىكىر قىلىشىنى ئۈمىد قىلىمىز . قالايمىقان پىكىر قىلىشقا ، ھېسسىياتىغا تايىنىپلا سۆزلەشكە قەتئىي بولمايدۇ .

muallim

	تەڭرىتاغ يوللىغان ۋاقتى  2011-11-16 20:18 كۆپچىلىكنىڭ بۇ تېمىغا نىسبەتەن ئىلمىي پىكىر قىلىشىنى  ... تەڭرىتاغ ئەپەندىم: سىز كۆپچىلىكنى بۇ تېمىغا نىسبەتەن پىكىر قىلىشقا چاقىرماي، بەلكى، تەڭرىتاغ تورى شىنجاڭ ئۇيغۇر ئاپتونوم رايونلۇق پارتكوم تەشۋىقات بۆلۈمى قۇرغان تور بېكەت بولغاچقا «بىز بۇئەھۋالنى يۇقىرىغا ئىنكاس قىلىپ باقايلى، ئەڭ تېز سۈرئەتتە تورداشلارغا ئېنىق جاۋاپ بېرىمىز» دەپ ئىنكاس يازغان بولسىڭىز ياخشى بولاتتى دەپ ئويلايمەن. چۈنكى تەڭرىتاغ تورى ھۆكۈمەتنىڭ ئەمىر - پەرمان، سىياسەتلىرىنى خەلققە يەتكۈزىدىغان، خەلقنىڭ ئاۋازىنى ھۆكۈمەتكە يەتكۈزىدىغان، بۇ ئارىدا كۆۋرۈكلۈك رول ئوينايدىغان سورۇن. گېپىم ئېغىر كەتكەن بولسا كەچۈرۈم سورايمەن.

atilla

	ھەممەيلەن ھەرۋاقىت دىققەت قىلىدىغان مەسىلە.

تەڭرىتاغ

	muallim يوللىغان ۋاقتى  2011-11-16 22:55 تەڭرىتاغ ئەپەندىم: سىز كۆپچىلىكنى بۇ تېمىغا نىسبەتەن  ... مەن بۇ يەردە كۆپچىلىكنى پىكىر قىلىشقا چاقىرمىدىم ، ئۆزىڭىز كۆرۈپ بېقىڭ ، 10 نەچچە ئىنكاس چۈشۈپتۇ ، شۇڭا مەن ئىنكاس يازغانلارنىڭ بەك ھاياجانلىنىپ كەتمەسلىكىنى كۆزدە تۇتتۇم ، يېڭى ئېچىلغان مۇنبەرنى بىخ ھالىتىدە ئۇجۇقتۇرۇۋېتىشنى كىم خالايدۇ دەيسىز . بىز چوقۇم سىز دېگەندەك قىلىمىز .

نىدائىي

	‹‹شىنجاڭ ئۇيغۇر ئاپتونوم رايونى›› دېگەن نامنىڭ كېلىپ چىقىشى تەرجىمە قىلغۇچى: نىدائىي    1954–يىلى 7–ئاينىڭ 31–كۈنى مەركەز شىنجاڭدا ئۆلكە دەرىجىلىك ئاپتونوم رايون  قۇرۇش مەسىلىسى توغرىسىدا شىنجاڭ شۆبە بىيوروسى مەخسۇس سۆھبەت يىغىنى چاقىرىپ، شىنجاڭدا قۇرۇپ چىقىلىدىغان ئۆلكە دەرىجىلىك ئاپتونوم رايوننىڭ نام مەسىلىسى ھەققىدە پىكىر ئالدى.    پىكىردە ئاپتونوم رايوننىڭ نامىنى ئاتاش توغرىسىدا مۇنداق ئۈچ خىل قاراش ئوتتۇرىغا قويۇلدى: بىرىنچى، شىنجاڭ ئاپتونوم رايونى دەپ ئاتاش، ئىككىنچى، شىنجاڭ ئۇيغۇر ئاپتونوم رايونى دەپ ئاتاش، ئۈچىنچى، ئۇيغۇرستان ئاپتونوم رايونى دەپ ئاتاش. بۇنىڭدا مۇتلەق كۆپ ساندىكى يولداشلار ئىككىنچى خىل قاراشقا قوشۇلىدىغانلىقىنى بىلدۈرگەن. شىنجاڭ شۆبە بىيوروسى شۇ يىلى 8–ئاينىڭ 6–كۈنى يەنە بىر قېتىم مەخسۇس يىغىن ئېچىپ، مۇشۇ نام ھەققىدە مەخسۇس مۇنازىرە ئېلىپ باردى. يىغىندا مۇتلەق كۆپ ساندىكى يولداشلار ‹‹شىنجاڭ ئۇيغۇر ئاپتونوم رايونى›› دېگەن نامنى قوللىنىش نىسبەتەن مۇۋاپىقكەن، دېگەن قاراشقا كەلگەن. بۇنىڭ سەۋەبى مۇنداق: بىرىنچى، بۇ نام شىنجاڭنىڭ ئۇيغۇرلارنى ئاساس قىلغان قىلغانلىقىدەك ئەمەلىي ئەھۋالى ۋە مىللىي تېررىتورىيەلىك ئاپتونومىيەنى ئەمەلىيلەشتۈرۈش تېزىسىغا ئۇيغۇن كېلىدۇ. ئىككىنچى، مىللەتلەرنىڭ ئىناق–ئىتتىپاقلىقىغا پايدىلىق.    1954–يىلى 11–ئاينىڭ 13–كۈنى، جۇڭگو كوممۇنىستىك پارتىيەسى مەركىزىي كومىتېتى شىنجاڭ شۆبە بىيوروسىغا: شىنجاڭ ئاپتونوم رايونى ئەمەلىيەتتە ئۇيغۇرلارنى ئاساس قىلغان ئاپتونوم رايون، ئەمما ئۇيغۇرلار، مۇھىمى چېگرا ئىچىدىكى باشقا ئاز سانلىق مىللەتلەرنىڭ ئىناقلىقى، شۇنداقلا ئۇيغۇرلارنىڭ خىزمەتتىكى ئاكتىپچانلىقىنى تېخىمۇ قوزغاش ئۈچۈن ئاپتونوم رايوننىڭ نامىنى ‹‹شىنجاڭ ئاپتونوم رايونى›› دەپ ئاتاش، ئەگەر ئۇيغۇر ۋە باشقا ئاز سانلىق مىللەتلەر خالىسا ‹‹شىنجاڭ ئۇيغۇر ئاپتونوم رايونى›› دېگەن نامنى ئويلىشىپ باقساق بولىدۇ، دېگەن مەزمۇندا تېلېگرامما يوللىغان.    1955–يىلى 2–ئاينىڭ 28–كۈنى، شىنجاڭ شۆبە بىيوروسى مەركەزگە: شىنجاڭدىكى مىللىي تېررىتورىيەلىك ئاپتونوم رايوننىڭ نامى توغرىسىدا، ئۇزاق كېڭىشىش ئارقىلىق كۆپ ساندىكى ئاز سانلىق مىللەت يۇقىرى دەرىجىلىك كادىرلىرى ‹‹شىنجاڭ ئۇيغۇر ئاپتونوم رايونى››، دەپ ئاتاشنى تەلەپ قىلىۋاتىدۇ، دېگەن مەزمۇندا تېلېگرامما يوللىغان. شۇ يىلى 4–ئاينىڭ 16–كۈنى مەركەز شىنجاڭ شۆبە بىيوروسىغا: شىنجاڭدىكى مىللىي تېررىتورىيەلىك ئاپتونوم رايوننىڭ نامى مەسىلىسى توغرىسىدا مەزكەر سىلەرنىڭ ئاپتونوم رايوننىڭ نامىنى ‹‹شىنجاڭ ئۇيغۇر ئاپتونوم رايونى››، دەپ ئاتىساق دېگەن پىكرىڭلارغا قوشۇلدى، دېگەن مەزمۇندا قايتىدىن تېلېگرامما يوللىغان.    1955–يىلى 9–ئاينىڭ 13–كۈنى، مەملىكەتلىك خەلق ۋەكىللەر قۇرۇلتىيىنىڭ 21–قېتىملىق يىغىنىدا: ‹‹شىنجاڭ ئۇيغۇر ئاپتونوم رايونىنى قۇرۇش، شىنجاڭ ئۆلكىسىنى بىكار قىلىش›› توغرىسىدىكى قارار ماقۇللانغان.    1955–يىلى 10–ئاينىڭ 1–كۈنى، شىنجاڭ ئۇيغۇر ئاپتونوم رايونى رەسمىي قۇرۇلۇپ، شىنجاڭ تارىخىدا يېڭى سەھىپە ئاچقان.

tumurkadiri

	.......

ئالغۇر

	بەزى خەنزۇچە ئاخبارات ۋاستىلىرى ئىنتايىن مەسئۇلىيەتسىز،يەر جاي نامىنى خالىغانچە قىسقارتىدۇ،ھەتتا كىشى ئىسىملىرىنى خاتا يازىدىغان ئەھۋاللارمۇ مەۋجۇت.

saray

	مەن ھىچنىمە دىمەي بولدى، يىغىپ كەلگەندە ئۇلار مۇشۇنداق قىلىپ بىزنى كۆندۇرۇمەكچى، بولمىسا، ئاخبارات ئورۇنلىرى بۇنىڭ ‹ ئاساسىي قانۇن› ۋە  ‹ ئاپتۇنۇمىيە قانۇنى› غا خىلاپ ئىكەنلىكىنى بىزدىن ئوبدان بىلىدۇ.