سۆيۈشنى بىلگەنلەر سۆيۈملۈك ئەزەل

يۇلغۇن

	سۆيۈشنى بىلگەنلەر سۆيۈملۈك ئەزەل دوستلىرىڭ بەرگەن تاش كېرەكسىز ئەمەس، دۈشمىنىڭ بەرگەن زەر ئېلىپ كېلەر نەس. دوست بىلەن دۈشمەننى ئايرىپ ياشىغىن، جاپاغا باش ئەگمە بولغىن زەپەردەس. ھۆرمەتلە ، ئىززەتلە ، قەدرىنى قىلغىن، سېنىمۇ ئۆزىدەك چاغلىغانلارنىڭ. تۈنىدە قۇياش بول ، بەختىنى تىلە، مېھرىنى مېھرىڭگە باغلىغانلارنىڭ. ھەزەر قىل ، سىر  ئېيتما، ئىشىنىپ كەتمە، كۆزۈڭگە تىكىلىپ ماختىغانلارغا. نەپ بەرسەڭ ھىجىيىپ ، پايدا بەرمىسەڭ، ھومىيىپ ، قاپاقنى ئاچمىغانلارغا. شاد- خورام ياشايمەن دېسەڭ دۇرۇس بول، ئاۋامنىڭ كۈيىگە جۇر بولسۇن ئۈنۈڭ. شەيتىنىڭ، نەپسىڭنى باشقۇرالمىساڭ، نادامەت، خورلۇقتا ئۆتىدۇ كۈنۈڭ. ياخشىلار كۆڭلىگە بەرمىگىن ئازار، ياردەم قىل، ئىلھام بەر غېرىب ، مىسكىنگە. مېھرىڭنى ئايىما ئاجىز ، پېقىردىن، قىممىتىڭ ، ئىززىتىڭ ساخاۋىتىڭدە. مەنىلىك ، كۆڭۈللۈك ياشايمەن دېسەڭ، زېھنىڭنى سەرپ قىل ، ئەلگە ، مىللەتكە. سۈيۈشنى بىلگەنلەر سۈيۈملۈك ئەزەل، بەختلىك، ئامەتلىك قالمايدۇ دەردتە.

manglisa

	ھۆرمەتلە ، ئىززەتلە ، قەدرىنى قىلغىن، سېنىمۇ ئۆزىدەك چاغلىغانلارنىڭ. تۈنىدە قۇياش بول ، بەختىنى تىلە، مېھرىنى مېھرىڭگە باغلىغانلارنىڭ.     ياخشى يېزىلغان ئىكەن

(نۇر)

	ياخشى شئىېر ئىكەن تەشەكۈر.

naserden

	ياخشى يىزىلىپتۇ!!

naserden

	ياخشى  يېزىلىپتۇ!!

ＫＡＰＩＴＡ

	(نۇر) يوللىغان ۋاقتى  2012-9-28 12:50 ياخشى شئىېر ئىكەن تەشەكۈر. نۇر ئەپەندىم، تىنىچلىقمۇ؟ سىزگە بىر تەكلىپ بەرسەم، سىز دائىم ‹‹تەشەككۈر›› دىگەن سوزنى‹‹تەشەكۇر›› دەپ يازىدىكەنسىز. ئىملاغا دىققەت قىلسىكەن دىگەن ئۈمىتتىمەن.

maripat0996

努尔艾力江

	ماڭىمۇ نەسىھەت بولۇپ قالدى.