قىز - يىگىتنىڭ پاراڭلىرى
(1) 80 - يىللار
- شېرىن، ئەجەب يالغۇز سىرتلارغا چىقمايسىز دېسە، بۇ كوچىدا ئەگىپ يۈرگىنىمگە بىر ئاي بوپتۇ، ئاران پۇرسەت چىقتى، بىر گېپىم بار...
- چاپسان ئېيتىڭ، كىرىپ كەتمىسەم بولمايدۇ.
- چىمەن دوپپىڭىزنىڭ گۈلى بولاي دەيمەن.
- تاھىر، بولدى، دەرھال كېتىڭ، باغقا ئىشلىگىلى كەتكەنلەرنىڭ كېلىدىغان ۋاقتى بولدى، ئۇيات بولىدۇ.
- مەنمۇ بايىلا باغدىن كەلدىم، ئۇلارنىڭ كېلىشىگە تېخى بالدۇر، مەندىن ئۆزىڭىزنى ئەپ قېچىۋاتىسىز، ئۆيىڭىزگە ھامان ئەلچى كىرگۈزىمەن، ماڭا رازىلىق بېرەرسىزمۇ؟
- شېرىن، گەپ قىلمايسىزغۇ؟ بوپتۇ سىزنى خىجىل قىلماي، شۇنداق، كېتىشىم كېرەك، ئۇيات بولىدۇ، نامەھرەم بولىدۇ. سىزنى ھالالىم قىلغۇچە باغىمدا تەنھا سايرىمىقىم ئەۋزەل، ئامان بولۇڭ، ئاللاھقا تاپشۇردۇم، ئامان بولۇڭ.
(2) 90 - يىللار
- شېرىن، نەگە ماڭدىڭ؟
- بازارغا، سىزچۇ؟
- مەھەللىدىكى بالىلار توشقان تۇتقىلى چىقىمىز دەيدۇ، بىللە چىقىپ كىرەي.
- ۋاي كىچىك بالا، چوڭ بولمايسىزغۇ زادى؟
- چوڭ بولاي دېسەم بىزنىڭ شېرىن چوڭ بولماپتۇ ئەمەسمۇ؟
- شېرىننىڭ چوڭ بولۇشىغا ئالتە قاپاق پىششىقى بار.
- ھويلىدىكى قاپاقلارنى ساناپ تۇراي ئەمىسە.
- ۋاي ما گەپنى، ئوبدان ساناڭ، خاتا بوپ قالمىسۇن يەنە.
- قاپاق پىشقاندا، سېنى ئىزلەيمۇ؟ ياكى ئەلچى بارسۇنمۇ؟
- ... بولدى، مەن كەتتىم، خوش!
(3) 2000 - يىللار
- پەرھات، توپ ئوينامسىز؟
- شۇنداق ئوينىغۇم بار ئىدى، ئەمما چۈشتىن كېيىن گىتار ئۆگەنگىلى چىقىمەن.
- راۋاپ ئۆگەنسىڭىزچۇ گىتار ئۆگەنگىچە، مەن شۇنداق ئامراق.
- ئوغۇل بالىغا 72 ھۈنەر ئاز، ئۇنىمۇ قىلىپ كۆرەرمەن، قېنى سىز ئۈچۈن شېرىن، بۇ خەتنى...
- نېمە بۇ؟
- ئاچسىڭىز بىلىسىز، مەكتۇپ جاۋابىغا مېنى بەك ساقلاتماڭ شېرىن، بولامدۇ؟
- ئوقۇپ بولۇپ بىر نېمە دەي...
(4) 2010 - يىللار
- شېرىن، توردا بارمۇ؟
- ھەئە، ئۇخلىماپسىەنغۇ؟
- سىېنى سېغىنىپ.
- ئوخشىدى، ئويۇن ئويناپ تايىنلىق.
- ھا ھا، چاقچاق. ئەتە چۈشتىن كېيىن كىنوغا بارامسەن؟
- ياق، خالىمايمەن.
- ئۆيگە بەك كەچ قالساق مەن ئاپىرىپ قويىمەن.
- بولدى، رەھمەت، بارغۇم يوق، ئۆيدىكىلەرمۇ قوشۇلمايدۇ چوقۇم.
- ئەمىسە مېنىڭ ھېلىقى تەكلىپىمچۇ؟
- يۈرۈش ئىسلامدا يوق.
- ئۇغۇ شۇ، لېكىن ھازىر قايسى دەۋىر...؟
- قايسى دەۋىر بولسا ئوخشاش.
- مېنى چۈشەنمەيۋاتىسەن...
- ... كىم كىمنى چۈشەنمەيۋاتىدۇ؟
بۇ يازمىنى ئاخىرىدا نەسىمى تەھرىرلىگەن. ۋاقتى 2012-9-27 10:10
| 
يوللىغان ۋاقتى 2012-9-26 22:26:13
