يىقىلغان جەڭچى
بىر جەڭچى پولكوۋنىكتىن «ئادەمسىز رايون» ئەتراپىدا يىقىلغان سەپدىشىنىڭ يېنىغا بېرىشقا ئىجازەت سوراپتۇ. پولكوۋنىك «بولىدۇ، بىراق سەن ياخشىراق ئويلىنىپ باق، سەن مۇشۇ سەۋەبلىك جېنىڭدىن ئايرىلىشىڭ مۇمكىن، قۇربان بولغان ئۇ سەپدىشىڭنى دەپ جېنىڭدىن ئايرىلىشىڭ مۇمكىن، قۇربان بولغان ئۇ سەپدىشىڭنى دەپ بۇنداق قىلىش، مېنىڭچە ئەرزىمەيدۇ» دەپتۇ. پولكوۋنىكنىڭ ئاگاھلاندۇرۇشى جەڭچىنىڭ ئىرادىسىنى توسۇپ قالالماپتۇ. ئەسكەر بولسا جەڭ مەيدانىغا قاراپ ئۆزىنى ئېتىپتۇ. بۇ جەڭچى مۆجىزە يۈز بەرگەندەك سەپدىشىنى يۈدۈپ جەڭ مەيدانىدىن ئايرىلىشقا نەچچە مېتىر قالغاندا ئوق تېگىپ يارىلىنىپتۇ. بىراق، ئۇ قەتئىي غەيرەتكە كېلىپ سەپدىشىنى يۈدۈپ ئاكوپقا كەپتۇ. پولكوۋنىڭ جەڭچىنىڭ يارىسىنى تەكشۈرۈپ بېقىشنى ئېيتىپ بېشىنى چايقاپ تۇرۇپ: «بۇ قىلغىنىڭ ئەرزىمەيدۇ، سېنىڭ دوستۇڭ ئاللىبۇرۇن ئۆلدى، ئۇنىڭ ئۈستىگە سەنمۇ ئېغىر يارىلاندىڭ» دەپتۇ. جەڭچى «ئەرزىيدۇ، پولكوۋنىك» دەپتۇ. «نېمە ئەرزىيدۇ؟ سېنىڭ دوستۇڭ ئاللىبۇرۇن ئۆلگەن تۇرسا!» دەپتۇ پولكوۋنىك. جەڭچى ئاغرىققا چىداپ تۇرۇپ:«شۇنداق، ئۇ ئۆلدى، بىراق مېنىڭ قىلغىنىم ئەرزىيدۇ. چۈنكى مەن ئۇنىڭ: (قېرىندىشىم، چۈنكى مەن سېنىڭ كېلىدىغانلىقىڭنى بىلەتتىم) دېگەن سۆزىنى ئاڭلىدىم» دەپتۇ.
قېرىنداشلىق مۇھەببىتى، سۆيگۈ مۇھەببەت ياكى دوستلۇق مۇھەببىتىنىڭ قايسىلا خىلى بولسۇن، بۇ خىل ھەقىقىي تۇيغۇ دائىم باشقىلار تەرىپىدىن ئېتىبارغا ئېلىنمايدۇ. مۈشكۈلات ئىچىدە ھەقىقىي مۇھەببەتنى ھېس قىلغىلى بولىدۇ. بۇ خىل ھېسسىيات سىزنىڭ قەدىرلىشىڭىزگە ئەرزىيدۇ.
يوللىغان ۋاقتى 2012-9-10 12:50:23
