ئۇستاز (دېھقانى)

دېھقانى

	ئۇستاز (يېتىپ كېلىۋاتقان ئوقۇتقۇچى ئۇستازلارنىڭ بايرىمىغا ھۆرمەت بىلەن بېغىشلايمەن)   ئانىدەك مېھرىبان ئۇستاز، ئاتىدەك غەمگۈزار ئۇستاز، كۆڭۈل-كۆكسى ئەزىم دەريا،ھامان شاۋقۇنلىنار ئۇستاز.    بىلىپ بىنام سەبىيلەرنى، مېھىر بەرسەڭ  قۇياش ئوخشاش، ئەجەپكى ئاينىغاي باغلار،شېرىن-شەربەت ئانار،ئۇستاز!    تالاي تىلسىزنى سۆزلەتتىڭ، بولۇپ بىر خۇشناۋا بۇلبۇل، يۈرىكىڭنى قىلىپ زەخمەك، چېكىپ ھەردەمكى تار، ئۇستاز!    تېنىمسىز  تەر-ئەجىر بىرلە، قاراڭغۇ دىل بولۇپ روشەن، ھاياتلىققا كۈلۈپ باقتى، بولۇپكى نەۋباھار ، ئۇستاز! كۆيۈپ شامدەك نۇرۇڭ تۆكتۈڭ، قارا تۈندىن ئېچىپ رۇجەك، يامان ئىللەتكە مەلھەمدۇر، دىلىڭ ساپ-بىغۇبار، ئۇستاز!    ئاقىل ئېيتاركى:« ئۇستازغا يىراقتىنلا سالام بەر »دەپ، بۇنىڭغا بولغىنى غاپىل، بولۇر ئۆمرىدە خار، ئۇستاز!    كىمىكى ئىزدىسە تاپقاي ۋۇجۇدۇڭدىن،ئېسىل خىسلەت- ئېلىپ ئۈلگە ياشار بولسا، ھاياتتا شان قۇچار، ئۇستاز!    سېنىڭ پۈتمەس تەرىڭ بىرلە، قىزىلگۈل قاپلىغاي يۇرتنى، تالاي گۈل-غۇنچىلار ئەلگە  ئەجەپ خۇش ھىد چاچار، ئۇستاز! تىلى تۆككەي داۋام ھېكمەت، يېتەر بولسا تېگىگە كىم، مىنۇتنى زايا ئەتمەستىن، بولۇر دەيمەن خۇمار، ئۇستاز! ھاياتىدا تۈمەن شاگىرت ئىزىنى باسقۇسى  دائىم، ئاڭا تۇزكور بولار كىمكى، لەنەتكەر،ئەلگە ھار ،ئۇستاز!    مۇھەممەت دەر: ئۇلۇغ ئۇستاز  سېنىڭ ئەجرىڭدە ئەر بولدۇم، ساڭا گەر قارا يۈز بولسام، ماڭا ئەۋزەلكى دار، ئۇستاز! مەنبە: ئىجادىيىتىم.

(نۇر)

	ئانىدەك مېھرىبان ئۇستاز، ئاتىدەك غەمگۈزار ئۇستاز، كۆڭۈل-كۆكسى ئەزىم دەريا،ھامان شاۋقۇنلىنار ئۇستاز. نىمە دىگەن ئەكمىيەتلىك شئىر بۇ،قەلەم ئىگىسىگە تەشىكۈر.

Erkman

	مانا مۇشۇنداق  نادىر تېما تەڭرىتاغ مۇنبىرىنىڭ  نادىر  جەۋھەرلىرىدىن  بولالمامدا  تەڭرىتاغ  ئۇكام؟

igilmes

	ھەقىقى ئۇستازلار ئەنە شۇنداق تەرىپلىنىدۇ .قەلىمىڭىز بەركەت تاپسۇن.....

xipayi

	مەسئۇلىيەتچان ئۇستازلارنى قانچە مەدھىلىسەك ئەرزىدۇ ،ياخشى يىزىپسىز.مىھنەتكەش ئۇستازلار بايرىمىڭلارغا مۇبارەك بولسۇن.

(نۇر)

	ئۇستازلار بايرىمىڭلارغا مۇبارەك بولسۇن.

amatlik~yigit

	شۇ جاپاكەش ۋە مىھنەتكەش ئۇستازلىرىمىزنىڭ كېلىش ئالدىدا تۇرغان بايرىمىغا مۇبارەك بولسۇن..ئوقۇتقۇچىلار بىزنىڭ مەكتەپتىكىلا ئەمەس پۈتۈن ھاياتىمىزدىكى بىزدىن ئايرىلمايدىغان مىھنەتكەشتۇر...

ah~tilek

	بارلىق ئۇستازلارنىڭ بايرىمىغا مۇبارەك بولسۇن . ئالتۇن بۇيى ئامان بولسۇن .

Erkman

	يالاڭتۆش ئۇستازلارغا بايراملىق سوۋغا:

哈密瓜525

	بەك ياخشى يېزىپسىز دوستۇم. مۇئەللىم بايرىمىڭىزغا مۇبارەك بولسۇن!!!(ئەتتىگەندە ئىككى ئوقۇتقۇچۇمغا تېلغۇن قىلىپ بولدۇم )