«قەسەن- جەمىلە» فىلىمى توغرىسىدا

wolfiram

	«قەسەن- جەمىلە» فىلىمى توغرىسىدا     «قەسەن-جەمىلە »دېگەن فىلىمدە كىشىلەرنى تەسىرلەندۈرىدىغان مۇھەببەت ئىپادىلەنگەن بولۇپ،قەسەن بىلەن جەمىلەنىڭ  چىن مۇھەببىتى مىللەتلەرنىڭ ئەركىنلىك ۋە ئازاتلىققا ئېرىشىشكە سىمۋول قىلىنىپ تىپىك ئىپادىلەنگەن. تاماشىبىنلار باش رولچىنىڭ ئوبرازىدىن بارلىق قازاق ياشلىرىنىڭ ھەمدە پۈتكۈل قازاق مىللىتىنىڭ ئەمگەكچان باتۇر خاراكتىرى ۋە ئازاتلىققا، بەخىتلىك تۇرمۇشقا ئىنتىلىشتەك غايىسىنى كۆرۈۋالالايدۇ.فىلىمدە ئۇلارنىڭ مۇنداق بەخىتسىزلىككە ئۇچرىشىشى ئەمەلىيەتتە دەل ئەينى ۋاقىتتىكى ئىجتىمائىي مۇھىت ئىچىدە ياشاۋاتقان نەچچە ئونمىڭلىغان ياش قازاق چارۋىچىلارنىڭ بەختسىزلىكى.ئۇلارنىڭ مۈھەببەت تۇرمۇشى ئەمەلىيەتتە چوڭقۇر ئىجتىمائىي مەسىلە. شۇنداق دېيىشكە بولىدۇكى، بۇ فىلىم قازاق مىللىتىنىڭ دەۋر ئۆزگىرىشىنى ئارقا كۆرۈنۈش قىلىپ، شەخسىلەرنىڭ بەخىتسىزلىكى ئارقىلىق شۇ دەۋردىكى ئۇنىۋېرسال ئۆزگىرىشلەرنى ئىپادىلەپ بەرگەن. فىلىم شىنجاڭنىڭ چەت رايونلىرىدىكى يەرلىك ئالاھىدىلىك ۋە ئۆرپ-ئادەتلەرنى يارىتىش ئارقىلىق، زور بۆسۈش جەھەتتىكى نەتىجىنى ياراتقان. بۇ شۇ دەۋردە ئىشلەنگەن ئەڭ نادىر ھېكايە فىلىم بولۇپ ھېساپلىنىدۇ.         ئەينى چاغدا فىلىمگە بېرىلگەن باھادا كۆرسۈتۈلىشىچە،فىلىمنىڭ ئۆزىگە خاس ئالاھىدىلىكى-بۇ ھېكايىنىڭ ئەگرى-توقاي،تەسىرلىك ئىكەنلىگىدە بولۇپلا قالماستىن،بولۇپمۇ يەرلىك ئالاھىدىلىكنىڭ تەكىتلىنىشىدە ئىپادىلىنىدۇ. فىلىمدە يەرلىك ئۆرپ-ئادەت ئىپادىلىنىپ، كىشىلەرنىڭ ئىدىيىۋىي ھېسياتى تەبىئي ۋە رىئال يارىتىلغان.فىلىم باشلىنىش بىلەنلا تەبىئىي ۋە ھېسياتقا تولغان يەرلىك ئالاھىدىلىك-فىلىمنىڭ تەسىرلەندۈرۈش كۈچىنى ئاشۇرغان.  بۇ فىلىم قازاق مىللىتىنىڭ قۇدىلىشىش،قىز قوغلىشىش قاتارلىق مىللىي پۇراققا ئىگە بولغان تەسۋىرلىرىنى قىستۇرۇپ بايان قىلغان. توي مۇراسىمى ئۆتكۈزگەن ۋاقىتتا قىزنىڭ يۈزىنى ئاچقاندىن كېيىن جەمىلەنىڭ قاتتىق يىغلاپ كەتكەنلىكى –ئۇنىڭ ئەينى ۋاقىتتا ئاشۇ خىل تەقدىردىن قۇتۇلۇشقا ئامالىنىڭ يوقلىقىنى بىلدۈرىدۇ. بۇ فىلىمدىكى ئوبرازلارنىڭ ھەممىسى قازاق مىللىتى خەلقى ئۆزلىرى رول ئېلىپ، ئوبراز ياراتقان. ئىككى ئاساسلىق ئارتىس بولغان قەسەننىڭ رولىنى ئالغۇچى-ئابلەي بولۇپ، ئەسلىدە ئۇ بىر ئوقۇغۇچى ئىدى، كېيىن مەدەنىيەت ئىشلىرى ئۆمىكىگە ئەۋەتىلىپ، خىزمەتكە قاتناشقان. جەمىلەنىڭ رولىنى ئالغۇچى-پەرىدە تەرجىمانلىق خىزمىتى بىلەن شۇغۇللانغان. بۇ ئىككەيلەن ئەسلىدە ئارتىس ئەمەس ئىدى.شۇ سەۋەپتىن رېژىسسور-ۋۇيوڭگاڭ ئۇلارنى ئىنچىكىلىك بىلەن تەربىيەلەپ، جۇڭگو كىنوچىلىقىنىڭ تەرەققىيات ئەھۋالى، ئادەتتىكى كىنو بىلىملىرى ۋە رول ئېلىش جەھەتتىكى ماھارەت قاتارلىقلارنى چۈشەندۈرۈپ تەربىيەلىگەن. فىلىم ئەينى ۋاقىتتا قازاق تىلى ئارقىلىق سۈرەتكە ئېلىنغان. بۇ ئۇنىڭ تېخىمۇ رىياللىققا ئىگە بولىشىغا تۈرۈتكە بولغان. فىلىمنىڭ قويۇلۇش ئۈنۈمىدىن كۆرۈۋېلىشقا بولىدۇكى، بۇ فىلىم ناھايىتى غەلبىلىك ئىشلەنگەن نادىر فىلىم بولۇپ، بۇ فىلىم 1955-يىلى 8-ئاينىڭ 1-كۈنى تۇنجى قېتىم ئۈرۈمچىدە قويۇلغان ۋاقىتتا ئىسلام دىنىنىڭ قائىدىسى بويىچە قۇربان ھېيت كۈنى ئىدى. بۇ قېتىم سېتىلغان بىلەت سانى 200مىڭ 200 نەچچە پارچىدىن ئارتۇق بولغان. گەرچە قويۇلىدىغان فىلىم ئاپپاراتى 47 دانىگە كۆپەيتىلگەن بولسىمۇ ئەمما پۈتۈن مەملىكەتتىكى قويۇلۇش قېتىم سانى بىرمىليون 200مىڭ 326 مەيدان قويۇلغان بولۇپ، ئەينى ۋاقىتتىكى بىر مەھەل دەۋر سۈرگەن ھىندىستان نادىر فىلىمى «سەرگەردان»كىنوسىدىن ئېشىپ كەتكەن. قىزىقسىڭىز كۆرۈشكە ئالدىراڭ!   تەييارلىغۇچى- قەشقەر شەھەر 16-ئوتتۇرا مەكتەپنىڭ پىنسىيۇنېرى-ئابدۇمىجىت مۇھەممەتئېلى تېلفۇن: 13779894333   13657557546 2012-يىلى 6-سىنتەبىر

wolfiram

	بۇ فىلىم 1955-يىلى ئىشلەنگەن بولۇپ، قازاق خەلقىنىڭ تۇنجى قىتىم ئىشلىگەن نادىر مۇھەببەت ھىكايىسى فىلىمى بولۇپ، كىشىلەرنى چوڭقۇر تەسىرلەندۈرىدىغان فىلىمدۇر. بۇ فىلىم ئۇيغۇرچىغا تەرجىمە قىلىنمىغان. خەنزۇچە فىلىمى توردا بار. بىر كۆرۈشكە ئەرزىيدۇ.

serjat

	ئەجرىڭىزگە كۆپ رەھمەت، بىلىۋالدىم    بولسا ‹‹سىھېرلىك ئالما››  فىلىم توغۇرلۇق بىر ماقالە يازغان بولسىڭىز تولىمۇ ياخشى ئىش بولاتتى،  تورلاردا ئۇ فىلىم ئۆزبىكىستان فىلىمى دەپ ئىلىنىپتۇ، بەزى ماتىرىياللاردىمۇ ھەم، لىكىن فىلىمدا قازاقىستانلىق داڭلىق كومپىزوتۇر، سەنئەت تەشكىلاتچىسى مۇرات ئەھمىدى، ۋە باشقا ئۇيغۇر سەنئەتكارلار رول ئاپتۇ، شۇڭا مۇشۇ فىلىم توغۇرلۇق بىلىدىغانلىرىڭىزنى يوللاپ قويغان بولسىڭىز...

nifit

	كۆرمەي بولدى .

kuyax

	يىقىندىن بۇيان دىققەت قىلىپ كىلىۋاتىمەن ، سىز نۇرغۇنلىغان شىنجاڭنىڭ نادىر فىلىملىرىنىڭ قىسقىچە ئەھۋالىنى يوللاۋاتىسىز ، سىز يوللىغان فىلىملەرنىڭ بىرسىنىمۇ مەن كۆرۇپ باقماپتىكەنمەن ، ئىسىمدە قىلىشچە بىزنىڭ ئۆي 1984-يىلى  تېلىۋىزۇر ستىۋاپتىكەن . بەلكىم بۇ فىلىملەر ئۇنىڭ ئالدىدا قويۇلۇپ بولغان بولسا كىرەك ...ئەگەر مۇمكىن بولسا سىز يىقىندا يوللىغان فىلىملەرنىڭ ھەممىسنى تورغا يوللاپ قويغان بولسىڭىز ، ھەممىمىز بىرلىكتە ئىشىراق بولساق ....رەھمەت ، جاپا چەكتىڭىز ....

TEREXQAN

	كۆسەك بولغىدەك جۇمۇ

wolfiram

	بۇ فىلىملار ئاساسەن دۆۋلىتىمىز ئازات بولغاندىن كىيىن ئىشلەنگەن. فىلىملەرنىڭ بەزىللىرى ساقلانغان ،بەزىللرى ساقلانمىغان. مەن فىلىم توپلاش بىلەن شۇغۇللۇنىۋاتىمەن. ئىچكىرى ئۆلكىلەردىن ئەكەلدۈردۈم. توردا يوللاشنى بىلەلمىدىم. مۇمكىن بولسا تېلفۇن ئارقىلىق كۆرۈشسەك مەن قولۇڭلارغا تەككۈزۈمەن.

marwayit

	ناھايىتى ياخشى تېمىلارنى يوللاپسىز،رەھمەت سىزگە ،كۆپ نەرسىلەرنى بىلىۋالدۇق .بەلكىم  مۇنبەر دەرىجىڭىز يۇقۇرىلىغانسېرى فىلىم يوللاش ھوقۇقىغا ئىگە بولۇشىڭىز مۈمكىنمىكىن ،باشقۇرغۇچىلار بىلەن ئالاقىلىشىپ باقسىڭىز بولاتتى !

زىلالە809

	بولسا سىز ئۇچۇرىنى بەرگەن كىنولارنىڭ ھەممىسىنىنىڭ كۆرۈش ئادرىسىنى يوللاپ قويغان بولسىڭىز كۆرۈپ باقساق بولاتتى........

xjhalik

	شەكلى ئۆزگەرگەن ئېلانغۇ بۇ ،. كۆرەي دىسە فىلىم ئۆزى يوق ،. بۇ ئىككى قۇر خەتلەنىلا يوللاپ قويغانننىڭ  نىمە ئەھمىيىتى بولسۇن ،. تېما يوللىغۇچى سىز مۇشۇلانى ساتماقچىغۇ خالاس.، شۇنداق بولغاندىكىن نىمىشقا مۇنبەردە ئېنىق دەۋەرمەيسىز ،. كۆرمەكچى بولسىڭىز ھەقلىق تەمىنلەيمەن دەپ . مۇشۇ پىسپاس ئېلانلا بىلەن  مىسرانىمدا رەسۋا بوپ بولۇپ تەڭرىتاغنى پاخاللاشتۇرغىلى تۇرۇپتىغۇ ئەمدى.،