تەڭرىتاغ ئۇيغۇرچە تورىنىڭ يانفون نۇسخسى ئېلان قىلىندى
تەڭرىتاغ مۇنبىرىنى تېلېفوندا نورمال زىيارەت قىلغىلى بولىدۇ
ئاپتونوم رايونلۇق پارتكوم تەشۋىقات بۆلۈمىنىڭ مۇئاۋىن باشلىقى، تاشقى تەشۋىقات ئىشخانىسىنىڭ مۇدىرى خوۋ خەنمىن بىلەن تەڭرىتاغ تورىنىڭ باش مۇھەررىرى جۇ جيەنخۇا تەڭرىتاغ ئۇيغۇرچە تورىنىڭ يانفون نۇسخىسىنىڭ يوپۇقىنى ئاچتى
تورىمىز خەۋىرى: ئاپتونوم رايونىمىزدىكى چوڭ ئىلگىرىلەش، چوڭ تەرەققىيات، چوڭ ئېچىۋېتىش شۇنداقلا شىنجاڭدىكى ئالەمشۇمول ئۆزگىرىش ۋە يېڭىلىقلارنى خەلق ئاممىسىغا تېخىمۇ تېز، بىۋاسىتە يەتكۈزۈش ھەمدە شىنجاڭنىڭ تور مەدەنىيەت ئىشلىرىدىكى زور تەرەققىيات، زور راۋاجلىنىشنى تېخىمۇ ياخشى، تېخىمۇ تېز ئىلگىرى سۈرۈپ، شىنجاڭنىڭ كۆپ مىللەتلىك، كۆپ تىللىق، كۆپ مەدەنىيەتلىكتىن ئىبارەت ئەۋزەللىكىنى تولۇق جارى قىلدۇرۇپ، ھەر مىللەت خەلقنىڭ مەنىۋى مەدەنىيەت تەلىپىنى قاندۇرۇش ، ئاز سانلىق مىللەتلەرنىڭ ئۇچۇر-ئالاقە ئىشلىرىنىڭ تەرەققىياتىنى ئىلگىرى سۈرۈش ئۈچۈن، تەڭرىتاغ ئۇيغۇرچە تورى يانفون نۇسخىسىنى ئېلان قىلىش مۇراسىمى 29-ئاۋغۇست چۈشتىن بۇرۇن ئۈرۈمچىدە ئۆتكۈزۈلدى.
ئېچىلىش مۇراسىمىغا ئاپتونوم رايونلۇق پارتكوم تەشۋىقات بۆلۈمىنىڭ مۇئاۋىن باشلىقى، تاشقى تەشۋىقات ئىشخانىسىنىڭ مۇدىرى خوۋ خەنمىن، ئاپتونوم رايونلۇق پارتكوم تەشۋىقات بۆلۈمى تور تەشۋىقات بۆلۈمىنىڭ باشلىقى دىڭ لىن، ئاپتونوم رايونلۇق پارتكوم تەشۋىقات بۆلۈمى تور باشقۇرۇش باشقارمىسىنىڭ باشلىقى لۇ چۈنپىڭ، تەڭرىتاغ تورىنىڭ باش مۇھەررىرى جۇ جيەنخۇا قاتارلىق رەھبەرلەر قاتناشتى.
ئاپتونوم رايونلۇق پارتكوم تەشۋىقات بۆلۈمىنىڭ مۇئاۋىن باشلىقى، تاشقى تەشۋىقات ئىشخانىسىنىڭ مۇدىرى خوۋ خەنمىن تەڭرىتاغ ئۇيغۇرچە تورىنىڭ يانفون نۇسخىسىنىڭ يوپۇقىنى ئاچتى شۇنداقلا تەڭرىتاغ ئۇيغۇرچە تورىنىڭ يانفون نۇسخىسىنى نەق مەيداندا سىناق قىلدى
ھازىر بازاردىكى يانفونلار ئۇيغۇرچە تور بەتلەرنى نورمال كۆرسىتەلمەيدىغان بولغاچقا، تەڭرىتاغ ئۇيغۇرچە تورى بۇ جەھەتتىكى بوشلۇقنى تولدۇرۇش ئۈچۈن، يېڭى تېخنىكا ئارقىلىق تەڭرىتاغ ئۇيغۇرچە تور بېتىنىڭ يانفوندا نورمال كۆرۈنۈشىنى ئەمەلگە ئاشۇردى. تەڭرىتاغ ئۇيغۇرچە تورى يانفون نۇسخىسىنىڭ بارلىققا كېلىشى جەمئىيىتىمىزدە مەزمۇنى ساغلام، كىشىلەر تۇرمۇشىغا قولايلىق ھەم پايدىلىق بولغان يانفون تور مەھسۇلاتلىرىنى بارلىققا كەلتۈرۈپ، يانفۇن تورىنىڭ كىشىلەرنىڭ مەدەنىيەت، تۇرمۇش، كۆڭۈل ئېچىش ساھەلىرىگە سىڭىپ كىرىشىنى ئىلگىرى سۈرۈپ، ئاز سانلىق مىللەتلەرنىڭ مەنىۋىي تۇرمۇشىنى تېخىمۇ بېيىتىپ، زامانىۋىي مەدەنىيەتنى يېتەكچى قىلىشتا مۇھىم رول ئوينايدۇ.
تەڭرىتاغ تورىنىڭ خىزمەتچىسى تەڭرىتاغ ئۇيغۇرچە تورىنىڭ يانفون نۇسخىسىنى چۈشەندۈرمەكتە
ئىگىلىنىشىچە، تەڭرىتاغ ئۇيغۇرچە تورىنىڭ يانفون نۇسخىسى خەۋەر، مۇنبەر، مەخسۇس سەھىپە، سۈرەت، ئېكران، كۆڭۈل ئېچىش، ماقالە يوللاش قاتارلىق مەزمۇنلاردىن تەركىپ تاپقان بولۇپ، يانفۇن ئابونتلىرى پەقەت يۇمشاق دېتالنى چۈشۈرۈپ يانفونىغا قاچىلىسىلا خىلمۇ-خىل خەۋەر، ئۇچۇر، مۇنبەر يېڭىلىقلىرى ۋە سۈرەتلەردىن بەھرىمان بولالايدىكەن.
تەڭرىتاغ ئۇيغۇرچە تورىنىڭ يانفون نۇسخىسىدىكى مەزمۇنلار ئاممىنىڭ خىزمەت، تۇرمۇش ئېھتىياجىغا ئاساسەن تاللانغان بولۇپ، ئابونتچىلارنى دەل ۋاقتىدا ئۈنۈملۈك، كېرەكلىك، قىممىتى بار ئاخبارات مەزمۇنلىرى بىلەن تەمىنلەپ، جەمئىيەتنىڭ ئاساسىي مېلودىيەسىنى ياڭرىتىپ، شىنجاڭنىڭ بۈيۈك ئېچىۋېتىش، بۈيۈك ئىتتىپاقلىق، بۈيۈك تەرەققىيات، بۈيۈك گۈللىنىش قىياپىتىنى نامايەن قىلىپلا قالماستىن بەلكى تور سۈرئىتىنىڭ تېز، يانفۇن ئېقىم مىقدارى ئاز بولۇشتەك ئارتۇقچىلىقلارغا ئىگە.
تورداشلار پەقەت يانفونىغا m.xjtsnews.com/down دېگەن ئادرىېسنى كىرگۈزسىلا تەڭرىتاغ ئۇيغۇرچە تورى يانفون نۇسخىسىنى چۈشۈرەلەيدۇ.
ئاپتونوم رايونلۇق پارتكوم تەشۋىقات بۆلۈمىنىڭ مۇئاۋىن باشلىقى، تاشقى تەشۋىقات ئىشخانىسىنىڭ مۇدىرى خوۋ خەنمىن مۇخبىرلارنىڭ زىيارىتىنى قوبۇل قىلماقتا
مۇخبىرلار خىزمەت ئۈستىدە | 
يوللىغان ۋاقتى 2012-8-29 17:56:40
يوللىغان ۋاقتى 2012-8-29 18:15:50
