خەلقىمىزنىڭ گىجىم ياغلىق سەنئىتى

مۇڭقىز

	خەلقىمىزنىڭ گىجىم ياغلىق سەنئىتى     گىجىم ياغلىق - خەلقىمىزنىڭ ئەنئەنىۋى توقۇمىچىلىق تېخنىكىسىنىڭ نەتىجىسى بولۇپ، بۇ مەھسۇلات مىللىي خاسلىقى، نەپىسلىكى، يارىشىملىقى بىلەن ھەر مىللەت خانىم- قىزلىرىنىڭ ئەتىۋارلىق باش كىيىمى ۋە كېيىم -كېچەك مەدەنىيىتىمىزنىڭ يارقىن نامايەنلىرىدىن بىرىدۇر.     گىجىم ياغلىق ساپ يىپەكتىن توقۇلىدىغان، سىدام ئاق رەڭلىك بولۇپ، تۆت چاسا شەكىللىك، ئۇزۇنلۇقى ۋە كەڭلىكى 1مېتىر 10سانېتىمىر چۆرىسىگە 20 سانتىمېتىر ئۇزۇنلۇقتا چۇلچۇلا چىقىرىلىپ، توخۇ كۆزى، تەڭگە چۆچۈرە، غىچ يەنى خىش شەكىللىك گۈل چىقىرىلىدۇ. گىجىم ياغلىقنى توقۇشتا ئۇزۇنلۇقى 50- 60 سانتىمىتېر، دىيامېتىرى ئىككى مىللىمېتىر كېلىدىغان قىزىل يۇلغۇننىڭ پىشقان چىۋىقىدىن ئىككى دانە زىخ ياساپ، زىخنىڭ ئىككى ئۇچىنى سىلىقلاشتۇرۇپ، يىپنى ئوڭ قول بارماقلىرى بىلەن گۈل نۇسخىسىغا ماسلاشتۇرۇپ، ئوڭ ۋە تەتۈر توقۇلىدۇ. ئاندىن چۆرىسىگە تەكشى تەييارلانغان 20 سانتىمېتىر چۇلچا زىخ بىلەن ئېلىپ توقۇپ چېتىلىدۇ.     گىجىم ياغلىق توقۇش ئۇسلۇبىنىڭ ئۆزگىچىلىكى، سىپتىلىقى، مىللىي خاسلىقى بىلەن ھازىرقى زامان تېخنىكىسىنىڭ گىرەلىشىش، تۇرمۇشقا يېقىنلىقى بىلەن ھۈنەر سەنئەت مەدەنىيىتىمىزدە ئالاھىدە قىممەتكە ئىگە. گىجىم ياغلىق توقۇش تېخنىكىسى بىر قەدەر ئىنچىكىلىكلىكى، سىپتىلىقنى، ئەستايىدىلىقنى تەلەپ قىلىدىغان نەپىس سەنئەت. زامانىۋى تاۋار بويۇملىرىنىڭ كۆپ خىللىقى، ۋاقىت زىچلىقى، ۋارسلارنىڭ ياشىنىپ قېلىشى، ئىشلەپچىقىرىش، تېخنىكا، ئەمگەك سىجىللىقى ۋە بۇ كەسپكە قىزىقىدىغانلارنىڭ ئازلاپ كېتىشى سەۋەپلىك گىجىم ياغلىق توقۇش مەلۇم چەكلىمىگە ئۇچرىماقتا. شۇڭا، گىجىم ياغلىق توقۇش تېخنىكىسىنى كېڭەيتىش ھەم ۋارىسلىق قىلغۇچىلارنى قوغداش، تەربىيىلەشنى كۈچەيتىش تولىمۇ زۆرۈر.

polat

	ئەنئەنىۋى مەدەنىيىتىمىزنى ئەۋلاتتىن ئەۋلاتقا داۋاملاشتۇرىشىمىز كىرەك

nifit

	ھەي بۇ سەنئەت بۇ گۇزەللىكنى بىز ئۆزىمىز يوق قىلۋەتتۇق !!

TURANLAR

KALBIM

	شۇ   بۇ ياغلىقنى  كىشلەر  ھازىر چامدان   ياپىدىغان  ،،ئۇرۇن ياپىدىغان  قىلىپ  خالىمىسا تاشلاپ  قويىدىغان بوپ كېتىپتىغۇ..

skod

	ئەنئەنىۋى مەدەنىيىتىمىزنى ئەۋلاتتىن ئەۋلاتقا داۋاملاشتۇرىشىمىز كىرەك.سىلەرنىڭ ئورۇندا بۇ تۇر مەخسۇس غەيرى ماددى مەدەنيەت مىراسلىرىنى قوغداش تېزىملىكىگە كىرگۈزۈلدىمۇ؟ئاپتونۇم رايۇن ۋە دولەت دەرىجىلىك تۈر قىلىپ بېكىتىلدىمۇ؟مەن بۇ تۈرنى 2008-يىلى بىر قېتىم يوللىغان ئىدىم .ئاپتۇنۇم رايۇندىكى بىر قىسىم كىشىلەر بۇنىڭ بىز ئويغۇرلارنىڭ ئەنئەنىۋى ھۈنەر- سەنئىتى ئىكەنلىكىگىنى بىلمەمدۇ ؟ياكى بىز ياخشى يوللىيالمىدۇقمۇ بىلمىدىم .ئەپسۇس ئاپتۇنوم رايۇن دەرىجىلىك تۈرگە كىرەلمىدى .كىيىن مۇناسىۋەتلىك كىشىلەرىدن سورىسام <<بۇ ئويغۇرلارنىڭ ما؟>> دەيدۇ بەك ئەپسۇسلاندىم .مەدەنيەت سېستىمىسىدا سەنئەتنىلا چۇڭقۇر چۈشۈنىدىغان ۋە بىلىدىغان كىشىلەر ياكى ئاز سانلىق مىللەتلەرنىڭ مىللى مەدەنيىتىنى  بىلمەيدىغان كىشىلەر بۇ سەپتە ئورۇن ئىگەلىۋالسا مىللى مەدەنيەت چۇقۇم چاتاق چىققۇدەك ،نىمىشقا خەلق ۋەكىللىرى ۋە ھاكىميەت ئورۇنلىرى مۇشۇ مەسىلىنى ئەتىراپلىق ئويلاشمايدىغاندۇ؟ئەگەر بۇ مەسىلە رەھبەرلەرنىڭ دىققىتىنى تارتمىسا مىللى مەدەنيەت يوقۇلۇپ كېتىدۇ.ۋەياكى ھازىرقى بىر قىسىم رايۇنلاردىكىدەك ئۈلۈك شەكىلدىكى ئەبجەش نەرسىگە ئايلىنىپ قالىدۇ........

sarwi

	گىجىم ياغلىق توقۇش تېخنىكىسىنى كېڭەيتسە ،  شۇنداقلا بۇ  ياغلىقنى  تېخىمۇ كۆركەم  ، تېخىمۇ نەپىس شەكىللەردە لايىھىلىسە بەلكىم تېخىمۇ كۆپ كىشىلەرنىڭ ياقتۇرۇشىغا ئېرىشىشى مۈمكىن ، شۇنداقمۇ ؟

ronaK0000000

	باشقا ئارتىۋالسا شۇنداق يارشىدۇ بولمىسا  .

gulpira

	شۇنى دەڭلا بۇ ئەنئەنىمىز راسلا يۇقاپ كىتىۋاتىدۇ جۇمۇ؟

manglisa

	بىزنىڭ يۇرتتا بورۇن گىجىم رومال زاۋۇتى بار ئىدى ، بەك چوڭ زاۋۇت ئىدى .ھازىر زاۋۇتنىڭ ئورنىمۇ يوق ، لىكىن  ئۆيىدە گىجىم رومال توقۇيدىغانلا بارغۇ دەيمەن .بىر نەچچە يىلنىڭ ئالدىدا شىنجاڭ تېلۋېزىيە ئىستانسىنىڭ كۆڭۈلدىكى سۆز پىرگىراممىسىدا كۆرسەتكەن ئىدى.