ئۆتكۈرنىڭ ئىمزاسى قويۇلغان كىيىم ۋە پۇتبولغا ئېرىشكۈڭىز بارمۇ؟

تەڭرىتاغ

	ئۆتكۈرنىڭ ئىمزاسى قويۇلغان كىيىم ۋە پۇتبولغا ئېرىشكۈڭىز بارمۇ؟ جۇڭگو دۆلەتلىك ياشلار پۇتبول كوماندىسىنىڭ كاپىتانى ــ ئۆتكۈر     ئىيۇل ئېيىنىڭ باشلىرى تورىمىز مۇخبىرلىرى شەندۇڭ ئۆلكىسى ۋېيففاڭ شەھىرىگە بېرىپ جۇڭگو دۆلەتلىك ياشلار پۇتبول كوماندىسىنىڭ كاپىتانى ــ ئۆتكۈر ھەسەننى زىيارەت قىلدى، شۇنداقلا ئۆتكۈر ھەسەننىڭ ئىمزاسى قويۇلغان بىر مايكا ۋە ئىككى دانە پۇتبولنى مۇنبەردىكى ئەزالارغا سوۋغا سۈپىتىدە ئېلىپ كەلدى. ھازىر بىز بۇ مايكا ۋە پۇتبولنى تەلەيلىك مۇنبەرداشلارغا سوۋغا قىلىمىز. مۇشۇ تېمىنىڭ 111-قەۋەت، 308-قەۋەت، 575-قەۋەتلىرىگە ئىنكاس يازغان تورداشلار پەخىرلىك ئوغلانىمىز ئۆتكۈر تەمىنلىگەن سوۋغاتلاردىن بەھرىمان بولىدۇ. 111-قەۋەت ئۆتكۈر ئىمزا قويغان توپقا ئېرىشىدۇ. 308-قەۋەت ئۆتكۈر ئىمزا قويغان مايكىغا ئېرىشىدۇ. 575-قەۋەت ئۆتكۈر ئىمزا قويغان ھەم ئۆزى تەپكەن توپقا ئېرىشىدۇ.     ئەسكەرتىش: بىر ئەزانىڭ ئىنكاس سانى چەكلەنمەيدۇ( قانچە ئىنكاس يازسا بولىدۇ)، بىراق چوقۇم ئىنكاسلار ئوخشاشمىغان بولۇشى، شىنجاڭ پۇتبولچىلىقىغا مەدەت تىلەيدىغان تىلەك سۆزلىرى يېزىلىشى كېرەك. بىرىنچى تورداشنىڭ ئىنكاسى بىلەن ئوخشاش بولۇپ قالغان ھەر قانداق تورداشنىڭ ئىنكاسى ئۆچۈرۈلىدۇ. چوقۇم ئۆزىنىڭ كۆڭۈل سۆزىنى ئېيتىشى كېرەك.     تورداشلارنىڭ شىنجاڭ پۇتبولچىلىقىنى قوللاش بىلەن بىرلىكتە، ئىچكىرى ئۆلكىلەردە توپ تېپىۋاتقان شىنجاڭلىق پۇتبولچىلارغا مەدەت بېرىشىنى چىن كۆڭلىمىزدىن ئۈمىد قىلىمىز. مۇنبىرىمىز بۇنىڭدىن كېيىنمۇ، تېخىمۇ كۆپ شىنجاڭلىق پۇتبولچىلار بىلەن ئالاقىلىشىپ، ئۇلارنىڭ سوۋغىسىنى پۇتبول سۆيەر شىنجاڭ خەلقىگە يەتكۈزۈش ئۈچۈن تىرىشىدۇ!     2010-يىلى باھاردا، ئەمدىلا 19 ياشقا كىرگەن شىنجاڭلىق ياش پۇتبولچى مىرئەخمەت مۇزەپپەر جۇڭگو دۆلەت كوماندىسىنىڭ يىغىلىپ مەشىق تىزىملىكىگە تاللىنىپ، تۇنجى بولۇپ دۆلەت كوماندىسىغا تاللانغان شىنجاڭلىق پۇتبولچى بولۇپ قالدى. بۇ خەۋەر پۈتۈن شىنجاڭدىكى ھەر مىللەت خەلقىنى ھاياجانغا سالدى؛ 2011-يىلى 16-مارت، 18 ياشقا كىرگەن شىنجاڭلىق يەنە بىر ياش پۇتبولچى ئۆتكۈر ھەسەن يېڭى بىر نۆۋەتلىك جۇڭگو دۆلەت كوماندىسىنىڭ يىغىلىپ مەشىق تىزىملىكىگە كىردى، شۇ يىلى 23-مارت ئۇ دۆلەت كوماندىسى بىلەن گوستارىكاغا يول ئالدى، بۇ ئۇنىڭ تۇنجى قېتىملىق دۆلەت كوماندىسى سەپىرى بولۇپ، مىر ئەخمەتتىن كېيىنكى يەنە بىر دۆلەت كوماندىسىغا تاللانغان شىنجاڭلىق پۇتبولچى بولۇپ قالدى. سولدىن ئوڭغا ئارسلان كامىل(تەڭرىتاغ تورى مۇخبىرى)، ئۆتكۈر ھەسەن، ئالىمجان ئابدۇراخمان(تەڭرىتاغ تورى مۇخبىرى)      ئۆتكۈر ھەسەن مىرئەخمەتكە ئوخشاش شەندۇڭ لۇنىڭ پۇتبول مەكتىپىدە تەربىيەلەنگەن بولۇپ، 2004-يىلى، 10 ياشقا كىرگەندە لۇنىڭ مەكتىپىگە كىرىپ، كەسپىي مەشىقلەندۈرۈلگەن. ئۇنىڭ دۆلەت كوماندىسىغا تاللىنىشىدىكى سەۋەپ شۇكى، ئەينى چاغدا دۆلەت كوماندىسىدىكى نۇرغۇن پۇتبولچىلار ئاسىيا چېمپىيونلار لوڭقىسى پۇتبول مۇسابىقىسىگە قاتنىشىش ۋەزىپىسى بولغانلىقتىن دۆلەت كوماندىسىغا تاللىنالمىغان، دۆلەت ياشلار كوماندىسىنىڭ كاپىتانى، شۇنداقلا مۇداپىئە سېپىنىڭ مۇھىم ئەزاسى بولۇش سۈپىتى بىلەن ئۆتكۈر بىرىنچى بولۇپ دۆلەت كوماندىسىغا تاللانغان. 2009-يىلى 16 ياشقا كىرگەن ئۆتكۈر مەملىكەتلىك 11-نۆۋەتلىك تەنھەرىكەت يېغىنىنىڭ ئوغۇللارنىڭ B دەرىجىلىكلەر پۇتبول مۇسابىقىسىگە قاتناشقان، ئۇ شۇ ياشتىكىلەر ئىچىدە پۈتۈن مەملىكەت بويىچە ئەڭ مۇنەۋۋەر توپچى ھېسابلىنىدىغان بولۇپ، شەندۇڭ كوماندىسىنىڭ كاپىتانى ئىدى، ئۇ شەندۇڭ كوماندىسىغا باشلامچىلىق قىلىپ، شۇ نۆۋەتلىك مۇسابىقىدە چېمپىيون بولغان، ھەمدە شۇ نۆۋەتلىك مۇسابىقىدىكى ئەڭ مۇنەۋۋەر بېك بولۇپ باھالانغان. ئۆتكۈرنىڭ ياش تۇرۇپلا مەملىكەت بويىچە چېمپىيون بولۇشى ھەرگىزمۇ ئۇنىڭ تەلىيى ئوڭدىن كەلگەنلىك ئەمەس. ئۆتكۈر كۈچلۈك شەخسىي ماھارىتى ۋە تالانتى ئۇنىڭ ئۇتۇق قازىنىشىدىكى ئاساسلىق سەۋەپ. 3- نومۇرلۇك مۇسابىقە كىيىمى كەيگەن ئۆتكۈر شەندۇڭ كوماندىسىدىكى ئەڭ ئىشەنچىلىك ئەزا بولۇپ، كىچىك تۇرۇپلا مەسئۇلىيەتچان بولۇپ، ترېنېرنى خاتىرجەم قىلىدىغان توپچى.

almila

	شىنجاڭ كوماندىسىنىڭ مەدەت بەرگۈچىلىرىنىڭ قىزغىنلىقىدىن ئۇيغۇرلارنىڭ پۇتبولغا قانچىلىك ئىشتىياق باغلىغانلىقىنى كۆرىۋىلىشقا بولىدۇ. ئىشىنىمىزكى، خەلقىمىزنىڭ مۇنداق قىزغىنلىقى ۋە قوللىشى بىلەن شىنجاڭ كوماندىسى چوقۇم ياخشى نەتىجىلەرنى قولغا كەلتۈرىدۇ.

تەۋسىيە

	مەن بۇ سوۋغىلارغا ئېرىشىشنى ئارزۇ قىلىۋاتىمەن، بىراق مېنىڭ ئالالىشىم ناتايىن، مەيلى كىملا بۇ سوۋغىلارغا ئېرىشىشىدىن قەتئىينەزەر ئالدى بىلەن تەڭرىتاغ تورىنىڭ مانا مۇشۇنداق بىر پائالىيەت ئارقىلق بىزگە پۇتبولچىلىرىمىز بىلەن تونۇشيش پۇرسىتى يارىتىپ بەرگەنلكگە كۆپ رەھمەت. ئىنكاس مېنىڭدىن باشلانسۇن، قېنى ھەممىمىز يازايلى، بۇ پۇتبولچىلىرىمىزغا بولغان مەدەت، بىر ئۇيغۇر پۇتبول ئوينىسا، بىز شۇ ئۇيغۇرنىڭ توپ مەستانىسى!

سادا

	مۇنبەر باشقۇرغۇچىلىرى، مۇنبەر ئەمدى قىززىۋاتىدۇ جۇمۇ، نەچچە كۈندىن بۇيان كىرمىسەم خېلى ياخشى ئىشلار بولۇپ كېتىپتىغۇ، مەنمۇ ئىنكاس يېزىپ پۇتبولچىلىرىمىزنى قوللاپ قوياي، لېكىن مېنىڭچە بۇ سوۋغاتلارنى مەن ئالغاندىن كۆرە مېنىڭدىن بەكرەك پۇتبولغا زور ئىشتىياق بېرىۋاتقانلار ئالسا نېمىدىگەن ياخشى، شىنجاڭ پۇتبولچىلىقىنىڭ باھارى يىتىپ كەلگەندەك تۇرىدۇ، ھەممەيلەن، پۇتبولچىلىرىمىزنى قوللايلى، ئۇلارغا ھۆرمەت بىلدۈرەيلى !

ئادىلadl

	ئۆتكۈرنىڭ ياش تۇرۇپلا مەملىكەت بويىچە چېمپىيون بولۇشى ھەرگىزمۇ ئۇنىڭ تەلىيى ئوڭدىن كەلگەنلىك ئەمەس،ئۆتكۈر كۈچلۈك شەخسىي ماھارىتى ۋە تالانتى ئۇنىڭ ئۇتۇق قازىنىشىدىكى ئاساسلىق سەۋەپ.

مۇڭقىز

	بۇ تېمىنى كۆرۈپ مۇنبەرگە تىزىملاتتىم، مەن ئۆتكۈرنىڭ ئىمزاسى قويۇلغان سوۋغىغا ئېرىششنى ئۈمىد قىلىمەن، مۇنبەرداشلار ماڭا سوۋغىدىن بىرنى ئۆتۈنسەڭلەرچۇ؟

almila

	مۇشۇنداق بىر پۇرسەت بىلەن خەلقىمىز ئۆزىنى بىراقلا تونىتىۋەتتى، ئەلۋەتتە يەنىلا  ھازىرقى شىنجاڭ كوماندىسىنىڭ بۇنىڭدىن كېيىن ياخشى نەتىجىلەرنى قولغا كەلتۈرىشىنى بەكرەك ئۈمىد قىلىمىز.

哈密瓜525

	بۇندىن كېيىن پۇتبول سەھنىسىدە تېخىمۇ كۆپ قېرىنداشلىرىمىزنىڭ چىقىشىنى ئۇمىد قىلىمەن! ھازىرقى ياش ئاتا ئانىلار باللىرىمىزنى تۇگىمەس ئېنگىلىز تىلى كورسى ، ئۇسۇل كورسى ، ماتىماتىكا ... كورسى قاتارلىق تۇگىمەس بالىلارغا بېسىم قىلدىغان كورسلارغا ئەمەس ، تەنتەربىيە تەربىيەلەش ئورونلىرىغا ئاپارساڭلارمۇ بولىدىغۇ ،  بالىلىرىمىز ساغلام ، پىشقان بالىلاردىن بولۇپ چىقسا ئۇلارنىڭ مەدەنىيەت دەرسلىرىمۇ تەبىئىي يۇقورلايدۇ دەپ ئويلايمەن، بالىلىرىمىزنى ئەركىگە قويۇپ بېرەيلى ، تەتىللەردە بىزنىڭ يېزا سەھرالىمىزدا ئەركەك ئاپتاپنى كۆرۇپ ، يالاڭ ئاياق ئاشۇ ئاپپاق توپىلارنى دەسسەپ كەلسۇن ، شەھەر ھاۋاسىدا بۇلغانغان نەپەسلىرى تەبىئەت دۇنياسىدا قانىغچە ھوزۇرلىنىۋالسۇن ... كەلگۇسىدە بىزنىڭ پۇتبول ئەزىمەتلىرمىزنىڭ خەلقارا سەھنىلەردە چاقنىشىغا ئىشەنچىم كامىل

almila

	ئۇنىمۇ دىدىم بۇنىمۇ دىدىم، راست گەپنى قىلسام مېنىڭ ئاشۇ مايكىنى بەكلا ئالغۇم بار، ھا ھا ھا...... ئۆتكۈر ھۇررا....... ئۆتكۈرنىڭ شىنجاڭ پۇتبولچىلىقىنى پۈتۈن دۇنياغا تونىتىشىنى ئۈمىد قىلىمەن.

哈密瓜525

	ئۆتكۇر ئىنى ئۇيغۇر يېزىقىنى يازغىنىڭنى كۆرۈپ كۆزۈمگە ياش كەلدى، رەھمەت ساڭا ،ئۆز يېزىقىمىزنى يازغىنىڭغا ، ئىچكىرىدە تۇرۇپمۇ ئۆز يېزىقىمىزنى ئۆگىنىپسەن ، قولىڭغا دەرت بەرمىسۇن ، سېنىڭ ئانا تىل ساۋادىڭنى چىقارغان قېرىندىشىمىزغا رەھمەت. ھازىر بۇ يەردىكى بەزى خەنزۇتىلىدا ئوقۇۋاتقان قېرىنداشلىرىمىزنىڭ باللىرى ئۆز ئانا تىلىنىمۇ ياخشى سۆزلىيەلمەيدۇ... خەنزۇچە خەتنى شۇنچە چىرايلىق يازدىڭ بولسا ئۆز يېزىقىمىزنىمۇ چىرايلىقراق يازارسەن ....