ئوكسىفورت ئۇنىۋېرسىتېتىنىڭ دوكلاتىدا لوندون ئولىمپىك تەنھەرىكەت مۇسابىقىسى ‹‹تارىختىكى ئەڭ قىممەت›› مۇسابىقە بولۇپ قالىدۇ ، دېيىلدى
ئەنگلىيە ‹‹مۇستەقىللىق گېزىتى›› تورى، 26-ئىيۇن خەۋىرى : بىر تۈرلۈك تەتقىقاتتا ئايان بولۇشىچە ، لوندون ئولىمپىك تەنھەرىكەت مۇسابىقىسى تارىختىكى چىقىم ئەڭ كۆپ كېتىدىغان ئولىمپىك تەنھەرىكەت مۇسابىقىسى بولۇپ قالىدىكەن. ئوكسىفورت ئۇنىۋېرسىتېتىنىڭ سەيىد سودا ئىنىستىتۇتى ئېلان قىلغان بىر تۈرلۈك تەتقىقات دوكلاتىغا ئاساسلانغاندا لوندون ئولىمپىك تەنھەرىكەت مۇسابىقىسىنىڭ ئەڭ ئاخىرىقى چىقىمى 8 مىليارد 400 مىليون فوندىستېرلىڭغا يېتىدىكەن . بۇ پەقەت ‹‹ئولىمپىك تەنھەرىكەت مۇسابىقىسىغا مۇناسىۋەتلىك بولغان تەننەرخ ›› نىلا ئۆز ئىچىگە ئالىدىغان بولۇپ ، غايەت زور چىقىم كەتكەن بىر مۇنچە ئاساسىي ئەسلىھەلەر تۈرلىرىنى ئۆز ئىچىگە ئالمايدىكەن .
بۇ 8 مىليارد 400 مىليون فوندىستېرلىڭ پەقەت ئامانلىق قوغداش ، قاتناش ، ئېچىلىش مۇراسىمى ، شۇنداقلا ئولىمپىك مەيدانى ۋە ئولىمپىك كەنتى قۇرۇش قاتارلىق چىقىملارنى ئۆز ئىچىگە ئالىدىغان بولۇپ ، 2004-يىلى مۆلچەرلەنگەن دەسلەپكى ھېساباتتىن ％ 101 ئېشىپ كېتىدىكەن . بۇ خىراجەتلەر ئاساسلىقى ئاممىۋى تەشكىلاتلارنىڭ ۋە لوندون ئولىمپىك تەنھەرىكەت مۇسابىقىسى تەشكىلىي كومىتېتى بىلەن ھەمكارلاشقان سودىگەرلەرنىڭ ياردىمى ، شۇنداقلا ئىشىك بېلىتىدىن كىرىدىغان كىرىملەردىن توپلىنىدىكەن .
نىدائىي تەرجىمىسى
يوللىغان ۋاقتى 2012-6-27 13:01:08
يوللىغان ۋاقتى 2012-6-27 13:18:06
