بوكس خۇمار تىجارەتچى پالۋانغا «تۇلپار» سوۋغا قىلدى

نەسىمى

	بوكس خۇمار تىجارەتچى پالۋانغا «تۇلپار» سوۋغا قىلدى ئىلزات ئىلھام خەۋىرى، فوتوسى       ئاتا - بوۋىلىرىمىزدىن شۇنداق بىر ئۇدۇم قالغانىكەن، بىر يۇرتتىن پالۋان چىقسا، ئۇنىڭ باتۇرلۇقىغا ئاپىرىپ ئوقۇپ، خەلق ياكى شۇ يۇرتنىڭ بايلىرى پالۋانغا ئات سوۋغا قىلاتتىكەن. مانا بۈگۈنمۇ دىيارىمىزنىڭ بوكس ماھىرى مەمەتتۇرسۇن چوڭ ئولىمپىك تەنھەرىكەت مۇسابىقىسىنىڭ ئاسىيا رايونىدىكى تاللاش مۇسابىقىسىدە 69 كىلوگىراملىقلار ئايرىمىسى بويىچە 1 –- لىككە ئېرىشىپ، يەنە بىر قېتىم ئولىمپىك تەنھەرىكەت مۇسابىقىسىگە قاتنىشىش شەرىپىگە نائىل بولۇۋېدى، ئەزىزانە قەشقەردىكى تەنتەربىيەگە، بولۇپمۇ بوكسقا ئالاھىدە ئىشتىياقى بار يەككە تىجارەتچى تۇرسۇنجان ئابدۇرېھىم مەمەتتۇرسۇن چوڭنىڭ مەشىق لاگېرىدىن قايتىپ كېلىشىنى بىر ھەپتىدىن بۇيان كۈتۈپ، 17 –- ئىيۇن ئاخىرى شىنجاڭ بوكس كوماندىسىنىڭ مەشقاۋۇللىرى ۋە مەمەتتۇرسۇن چوڭ قاتارلىق بوكس كوماندىمىزنىڭ بىر قىسىم ماھىرلىرى بىلەن دىدارلاشتى ھەمدە ئارزۇسى بويىچە بوكس كوماندىسىدىكىلەرگە، مۇھىمى مەمەتتۇرسۇن چوڭنى لوندونغا ئۇزىتىش يۈزىسىدىن چاي بەردى.       تۇرسۇنجان ئابدۇرېھىم مۇنداق دېدى: «بوكس ـــ مەن 20 يىلدىن بۇيان ياقتۇرۇپ كۆرۈۋاتقان تەنھەرىكەت يۈرلىرىنىڭ بىرى، ھەتتا ئوغلۇمنىمۇ مۇشۇ ساھەدە تەربىيەلەۋاتىمەن، شۇڭا مەمەتتۇرسۇن چوڭنىڭ ئاسىيادىن ھالقىپ، دۇنياۋى سەھنىلەردە بەش يۇلتۇزلۇق قىزىل بايراقنى لەپىلدىتىشى چوڭ دائىرىدە دۆلىتىمىزنىڭ شان –- شەرىپى بولسا، يەنە بىر تەرەپتىن بىز شىنجاڭلىقلارنىڭ ۋە ئۇيغۇرلارنىڭ شان –- شەرىپى. گەرچە مەن كىچىك دائىرىدىكى تىجارەتچى بولساممۇ، ھەممىمىزگە زور شەرەپ كەلتۈرگەن پالۋانىمىزغا ئەجدادلاردىن قالغان ئۇدۇم بويىچە بىر تۇلپار ئاتاپ قويغان ئىدىم، لېكىن مەمەتتۇرسۇن چوڭنىڭ شارائىتىنى كۆزدە تۇتۇپ، شۇ قىممەتتە ئۇنىڭغا 100 مىڭ يۈەن يوللۇق تۇتتۇم. بىزگە ئۇنىڭ نەتىجىسى كېرەك ئەمەس، ئۇنىڭ دۆلىتىمىزنىڭ بوسۇغىسىدىن ئاتلاپ لوندونغا بېرىشىنىڭ ئۆزىلا زور ئۇتۇق دەپ قارايمەن، ئەلۋەتتە لوندوندا تېخىمۇ ياخشى نەتىجىلەر پالۋىنىمىزغا يار بولغاي».       ئېگىلىشىمچە، مەمەتتۇرسۇن چوڭ 2008 –- يىلىمۇ بېيجىڭ ئولىمپىك تەنھەرىكەت مۇسابىقىسىنىڭ 64 كىلوگىراملىقلار مۇسابىقىسىگە قاتناشقان بولۇپ، بۇ قېتىمقى ئولىمپىك تەنھەرىكەت مۇسابىقىسىدە ئۇنىڭ تۇنجى مەيدان مۇسابىقىسى 29 – ئىيۇل ئېلىپ بېرىلىدىكەن. شۇ كۈنكى ئۇزىتىش چېيىغا ئاتاقلىق زىيالىيلىرىمىزدىن ئىسلامجان شېرىپ، ئابدۇقادىر جالالىدىن، يالقۇن روزى ۋە مەركىزىي مىللەتلەر ئۇنىۋېرسىتېتىنىڭ پىروفېسسورى، دوكتۇر يېتەكچىسى ئابدۇرېشىت جېلىل (قارلۇق) قاتارلىقلار قاتنىشىپ، مەمەتتۇرسۇنغا مەدەت بەردى ۋە ئاجايىپ ياخشى تىلەكلەرنى بىلدۈردى.

halpambag

	«ھەممىمىزگە زور شەرەپ كەلتۈرگەن پالۋانىمىزغا ئەجدادلاردىن قالغان ئۇدۇم بويىچە بىر تۇلپار ئاتاپ قويغان ئىدىم، لېكىن مەمەتتۇرسۇن چوڭنىڭ شارائىتىنى كۆزدە تۇتۇپ، شۇ قىممەتتە ئۇنىڭغا 100 مىڭ يۈەن يوللۇق تۇتتۇم. بىزگە ئۇنىڭ نەتىجىسى كېرەك ئەمەس، ئۇنىڭ دۆلىتىمىزنىڭ بوسۇغىسىدىن ئاتلاپ لوندونغا بېرىشىنىڭ ئۆزىلا زور ئۇتۇق دەپ قارايمەن، ئەلۋەتتە لوندوندا تېخىمۇ ياخشى نەتىجىلەر پالۋىنىمىزغا يار بولغاي».     نىمە دىگەن ئىسىل سۆزھە بۇ!!!    پالۋانلىرمىزنىڭ تېخىمۇ زور شەرەپ قۇچۇشىغا، ساخەتچىلەرنىڭ تېخىمۇ روناق تېپىشىغا تىلەكداشمەن.

阿凡提

	قالتىس!!! قالتىس  ئىش بوپتۇ. بۇ ساخاۋەتچى قالتىس ئىش قىپتۇ!ئەجداتلارنىڭ روھى خوش بولغاي.

rusul

	ئەجرىڭىزگە رەخمەت !!

tuman

	ئەجرىڭىزگە رەخمەت !!

uygari

	بۇ ساخاۋەتچى ئۆزىنىڭ ئېسىل پەزىلىتىنى نامايەن قىپتۇ . ساخاۋەتچىمىزگە بەرىكەت ، پالۋانىمىزغا ئۇتۇق تىلەيمەن !

yalkun085

	پالۋانلىرمىزنىڭ تېخىمۇ زور شەرەپ قۇچۇشىغا، ساخەتچىلەرنىڭ تېخىمۇ روناق تېپىشىغا تىلەكداشمەن。

ronaK0000000

	ئاجايىپ ياخشى بىر ئىش بوپتۇ..قىلغان ئەجرىڭىز يەردە قالماپتۇ.تىخىمۇ  شان شەرەپ قۇچقايسىز.

rusul

	تېمىڭىزغا رەھمەت !!!

polat

	ساۋاۋەتچىنىڭ سېخىلىغىغا رەخمەت