چىرا ناھىيەسىدە «ئانىلار بايرىمى» تەبرىكلەندى
ئەخمەتجان مەتقۇربان (مۇڭداش) خەۋىرى، فوتوسى
«مېرىبان ئانىلار» ئۆزلىرىنىڭ پاك قەلبىدىكى چەكسىز ھارارەت بىلەن مېھرى- مۇھەببەتكە تەشنا قەلبلەرنى ئىللىتىپ، ئۇلارغا تەبىئەت دۇنياسىدىكى ئەڭ ئۇلۇغ سېھرى كۈچنى ئاتا قىلالايدۇ، مېھرىبانلىق ئانىلارغا خاس تەرپلەشلەرنىڭ بېرى، ئانىلارنىڭ بارلىغى پەرزەنتلەرنىڭ گۈزەل ئىقبالىغا بېغىشلانغان ئۇلۇغ روھ.
چىرا ناھىيەلىك پارتكۇم، خەلق ھۆكۈمىتىنىڭ يېقىنىدىن قوللىشى، ناھىيەلىك «مېھرىبان ئانىلار» جەمئىيتىنىڭ ئۇيۇشتۇرىشى بىلەن، 11- ماي «مېھرىبان ئانىلار» كوللىكتىپى بىر يەرگە جەم بولۇپ، ناھىيەلىك تەنتەربىيە مەركىزى تىياتېرخانىسىدا «ئانىلار بايرىمى» نىڭ 99 يىللىقىنى تەبرىكلەش پائالىيىتى ئۆتكۈزدى. تەبرىكلەش پائالىيىتىگە ناھىيەلىك پارتكۇم، خەلق ھۆكۈمىتىنىڭ مۇناسىۋەتلىك رەھبەرلىرى تۇلۇق قاتناشقاندىن سىرت، «مېھرىبان ئانىلار» جەمئىيتىگە ئەزا ئانىلار ھەم ئائىلىسىدە قىيىنچىلىقى بار ئانىلاردىن بولۇپ، 300 نەپەردىن ئارتۇق ئانا پائالىيەتكە قاتناشتى.
تەبرىكلەش پائالىيىتىدە، «مېھرىبان ئانىلار» كوللىكتىپى ۋە سەنئەت ھەۋەسكالىرى تەييارلىغان مول مەزمۇنلۇق ئەدەبىي- سەنئەت نومۇرلىرى، شائىرلارنىڭ ئانىلارغا ئوقۇلغان مەدھىيەلىرى پائالىيەتكە قاتناشقان ئانىلارغا ئىستېتىك زوق بېغىشلىسا، ناھىيەلىك خەلق دۇختۇرخانىسىدىن توققۇز نەپەر سېستىرانىڭ ئائىلىسىدە قىيىنچىلىقى بار توققۇز نەپەر ئانىغا 100 يۈەندىن پۇل ياردەم قىلىشى، پائالىيەت ئىشتېراكچىلىرىنىڭ بەس- بەستە پۇل ئىئانە قىلىشى پائالىيەتنى تېخىمۇ ئەۋجىگە كۈتۈردى. پائالىيەتكە بىرلەشتۈرۈپ «مېھرىبان ئانىلار» ۋەكىللىرىگە سوۋغانلىق بۇيۇم، گۈل ۋە دوپپا تەقدىم قىلىنىپ، ناھىيەنىڭ ھالقىما تەرەققىياتى ۋە ئۇزاق ئەمىنلىكىنى ئىلگىرى سۈرۈشتە «مېھرىبان ئانىلار» نىڭ قوشقان تۆھپىلىرىگە ئاپىرىن ئوقۇلدى.
سۈرەتتە: «ئانىلار بايرىمى» نى تەبرىكلەش پائالىيىتىدىن كۆرۈنۈشلەر:
يوللىغان ۋاقتى 2012-5-11 20:00:48
