[ئولجىسىغا «تۇغۇت ئانىسى» بولغان ئانا شىر.
بۇ بىر بۇ بالىس بۆكىنىنىڭ جەسىتى، جەسەت خېلىلا مۇكەممەل بولۇپ، جەسەتتىن ئانچە يىراق بولمىغان يەردە بىر چىشى شىر ھاسىراپ-ھۆمىدىگىنچە ياتاتتى. قارىغاندا بۇ ئانا شىر خېلىلا زور كۈچ سەرپ قىلىپ بۇ بۇبالىس بۆكىنىنىڭ جېنىنى ئالغان بولسا كېرەك. ئانا شىر ئورنىدىن تۇرۇپ ئولجىسىنىڭ يېنىغا باردى، ئۇ بۇ مىززىلىك يېمەكلىكىنى ئالدىرىماي مەززە قىلماقچى بولدى. ئۇ جەسەتنىڭ يېنىغا بېرىپ ئاۋۋال بۇبالىس بۆكىنىنىڭ قورسىقىنى ياردى، ھازىرغىچە ھېچقانداق بىنورماللىق كۆرۈلمىگەن بولسىمۇ، ئەمما ئۇنىڭدىن كېيىن يۈز بەرگەن ئىشلار بىزنى ھاڭ-تاڭ قالدۇرۇۋەتتى.
شىر ئادەتتە ئەڭ ئاۋۋال ئولجىسىنىڭ قورساق قىسمىنى يېرىپ، ئاشقازىنىنى تارتىپ چىقىرىدۇ. كامىرا ۋە دۇربۇن ئارقىلىق يىراقتىن ئىزچىل ئۇ يەردە يۈز بېرىۋاتقان ئىشلارنى كۆزىتىپ تۇردۇق. ئانا شىر بۇبالىس بۆكىنىنىڭ قورسىقىدىن ئاشقازىنىنى ئەمەس باشقا بىر نېمىنى تارتىپ چىقاردى. ئەسلىدە بۇ چىشى بۇبالىس بۆكىنى بوغاز بولۇپ، ئانا شىرنىڭ ئۇنىڭ قورسىقىدىن تارتىپ چىقارغىنى تېخى تۇغۇلمىغان بۇبالىس بۆكىنىنىڭ قوزىسى ئىدى. ئانا شىر بۇ قوزىنى ئۆلتۈرۈۋەتمەستىن ياكى يەۋەتمەستىن، بۇرنى بىلەن پۇراپ قويدى. مۆجىزە! بۇ قوزا تېخى ھايات ئىكەن.
ئانا شىر كەينىدىن بۇ قوزىچاقنى ئانىسىنىڭ تېنىدىن پۈتۈنلەي ئايرىپ تۇمشۇقىدىن چىشلەپ كۆتۈرۈپ پۇلاڭشىتتى ۋە يەرگە ئاستا قويۇپ قويدى. ئانا شىر بۇ قوزىچاقنىڭ تېنىنى پۇراپ، تىلى بىلەن يالىدى. ئانا شىر خۇددى ئۆز بالىسىغا مۇئامىلە قىلغاندەك مۇلايىملىق بىلەن قوزىنىڭ بوينىدىن چىشلەپ ئورمانلىققا قاراپ ماڭدى، قوزىچاق ئىزچىل ھايات ئىدى. نەچچە مىنۇتتىن كېيىن، ئانا شىر ئورمانلىق ئىچىدىن قايتىپ چىقىپ، ئولجىسىنىڭ جەسىتى يېنىدا ئۇخلاپ قالدى.
.
يوللىغان ۋاقتى 2012-4-29 14:34:41
