يۈز خەتلىك فېليەتۇنلار

akbulak$

	كەمسىتىش توغرا نەزەر بىلەن قارىماسلىق ساغلام بولمىغان بىر خىل روھىي ھالەت.شۇسەۋەپتىن:ئاق تەنلىكلەر باشقا تەنلىكلەرنى كەمسىتىدىغان،شەھەرلىكلەر يېزىلىقلارنى كەمسىتىدىغان،خىزمىتى بارلار خىزمىتى يوقلارنى كەمسىتىدىغان ئەھۋالار كېلىپ چىقىدۇ....مۇنداق كىشىلەر باشقىلارغا غەلىتە نەزەر بىلەن قارايدۇ،كۆڭلىدە ھەمىشە ئىپتىخارلىق تۇيغۇسى بولىدۇ،ئاغزىمۇ جىم تۇرماي ھەمىشە باشقىلارنى چۈشۈرىدۇ.ئەمما،سەللا ئېھتىيات قىلمىسا ئۆزىمۇ ئوخشاشلا ئاقىۋەتكە دۇچار بولىدۇ.            ھازىرقى تېلېۋىزىيە فىلىملىرى ھازىر تېلېۋىزىيە فىلىملىرىدە كۆرسىتىلۋاتقانلىرى ساپلا ھە دىسىلا ئىگىلىپ توققۇز تەزىم قىلىپ تۇرىدىغان ئۇزۇن چاچلىقلار ياكى بولمىسا قاتىللىق،بۇلاڭچىلىق قىلىدىغان،ھەددىدىن ئېشىپ كەتكەن قارا جەمىيەت كۈچلىرى.ھازىرقى زامان فىلىملىرىدە كۆرسىتۋاتقانلىرى ساپلا ئىسىل ماشىنا،مودا قىزلار ياكى بولمىسا داچا،كېچىلىك ئىشرەت كۇلۇبىدىكى ئىشلار. داغدۇغا بىلەن ئوتتۇرغا چىقىرىلغان ھازىرقى زامان ھەربىي ئىشلار تېمىسىدىكى تېلېۋىزىيە فىلىملىرىدە تەسۋىرلەنگەنلىرىمۇ بىر ئوفىتسىر بىلەن بىرقانچە قىزنىڭ مۇھەببەت سەزگۈزەشتىسىدىن ئىبارەت.مەن ئۇلارغا قۇل قويدۇم.قارىغاندا تېلېۋىزىيە فىلىمى ئىشلەش بىر ياخشى كەسىپ بولسا كېرەك.بۇنى ھېچكىم باشقۇرمىغاندىكىن ،فىلىم ئىشلىگۈچىلەر قانچە دادىل بولسا شۇنچە چوڭ،كۆپ فىلىملەرنى ئىشلىسە كېرەك.            غەلىتە ئەھۋال ۋاڭ باۋسېن:خىيانەتچىلىك جىنايىتى ئۆتكۈزگەن،قولغا ئېلىنىشتىن ئىلگىرى 1992-يىللىق بېيجىڭ خەلقارا خىيانەتچىلىككە قارشى تۇرۇش يىغىنىنىڭ رەئىسى بولغان. لى جىجۇ:ئەتكەسچىلەرنى قانات ئاستىغا ئېلىش جىنايىتى ئۆتكۈزگەن،قولغا ئېلىنىشتىن ئىلگىرى مەملىكەتلىك ئەتكەسچىلىككە زەربە بېرىش رەھبەرلىك گۇرۇپپىسىنىڭ باشلىقى بولغان. خۇڭ دۇ:بالىلارغا پەسكەشلىك قىلىش جىنايىتى ئۆتكۈزگەن،قولغا ئېلىنىشتىن ئىلگىرى جۇڭگو بالىلار فوندى جەمىئىيىتى بىخەتەرلىك ساغلاملىق پىلانىنىڭ <<غەمخۇرلۇق ئەلچىسى>>بولغان. جاڭ جۈنيى:ئالدامچىلىق جىنايىتى ئۆتكۈزگەن،قولغا ئېلىنىشتىن ئىلگىرى جۇڭخۇا خەير-ساخاۋەت باش جەمئىيىتىنىڭ مائاۋىن باشلىقى ئىدى........                                  مەنبە: ئەدەبىي تەرجىمىلەر2003-يىل7-سانىدىن

tuman

	ياخشى ئىكەن ~!

ئارتۇچ

	تەربىيىۋى ئەھمىيىتى زور ئەسەركەن.