مىخ قېقىش ۋە ئاچچىقلىنىش

akbulak$

	مىخ بىر ئوغۇل بالىنىڭ مىجەزى بەك ئوسال ئىدى،شۇڭا دادىسى ئۇنىڭغا بىر قاپ مىخ بېرىپ،ھەر قېتىم ئاچىقى كەلگەندە ئارقا ھويلىدىكى تامغا بىر تال مىخ قېقىشنى ئېيتى. بۇ ئوغۇل بالا بىرىچى كۈنى تامغا 37تال مىخ قاقتى. ئىككىنچى كۈنى 30 تال مىخ قاقتى.   ئۇنىڭ قاققان مىخىنىڭ سانى كۈندىن-كۈنگە ئازلىدى.ئۇ ئاستا-ئاستا ئۆزىنىڭ ئاچچىقىنى بېسىشنىڭ مىخ قېقىشقا قارىغاندا ئاستىلىقىنى بايقىدى.بۇ بالا ئاخىرى سەۋرىچان بۇلالايدىغان،قالايمىقان ئاچچىقلانمايدىغان بولدى.ئۇ بۇ ئەھۋالنى دادىسىغا ئېيتقاندا،دادىسى ئۇنىڭغا ھازىردىن باشلاپ ھەر قېتىم ئاچچىقىنى باسقاندا بىر تال مىخنى يۇلۇشنى ئېيتتى.    كۈنلەر ئارقا-ئارقىدىن ئۆتۈۋەردى،ئاخىرى ھېلىقى بالا دادىسىغا مىخلارنىڭ ھەممىسىنى يۇلۇپ بولغانلىقىنى ئېيتتى. دادا بالىسىنىڭ قولىدىن يېتىلەپ ئارقا ھويلىغا چىقىپ:_ئوبدان بالام،ناھايىتى ياخشى قىلىپسەن،بىراق تامدىكى تۆشۈكلەرگە قاراپ باققىنا،بۇ ھويلا تېمىنى ئەمدى ھەرگىزمۇ ئىلگىرىكى ھالىتىگە كەلتۈرگىلى بولمايدۇ.سېنىڭ خاپا بولغان چاغدا دېگەن گەپلىرىڭ ئاشۇ مىخلارغا ئوخشاش ئىز قالدۇرىدۇ.ئەگەر سەن قولۇڭغا پىچاق ئېلىپ باشقىلارغا سانچىساڭ،سەن ئۇنىڭغا كۆپ قېتىم كەچۈرۈڭ دېسەڭمۇ،ئۇ جاراھەت مەڭگۈ ساقلىنىپ قالىدۇ.   كىشىلەر تىل يارىسىغا مىخ يارىغا ئوخشاشلا بەرداشلىق بېرەلمەيدۇ،دېدى.                                                                 كەڭ قۇرساق بولۇش   ۋيېتنام ئۇرۇشىدىن قايتىپ كەلگەن بىر ئەسكەر سان-فرانسىسكودىن ئاتا-ئانىسىغا تېلېفۇن بېرىپ:_دادا،ئاپا،مەن قايتىپ كەلدىم بىراق،مېنىڭ ئانچە مۇۋاپىق بولمىغان بىر تەلىبىم بار.مەن بىر دوستتۇمنىمۇ ئۆيگە بىللە ئېلىپ بارماقچىمەن._دېدى. بەك ياخشى بوپتۇ!-دېدى ئۇلار جاۋاپ قايتۇرۇپ،-بىز ئۇنى خوشاللىق بىلەن قارشى ئالىمىز.ئوغلى يەنە گېپىنى داۋاملاشتۇرۇپ مۇنداق دېدى:-بىراق،مۇنداق بىر ئىشنى ئالدىن سىلەرگە ئېيتىپ قويماقچىمەن.مېنىڭ ئۇ دوستۇم ۋيېتنام ئۇرۇشىدا ئېغىر يارلىنىپ،بىر قولى ۋە بىر پۇتىدىن ئايرىلغان،ئۇ ھازىر ئىنتايىن قىيىن ئەھۋالغا چۈشۈپ قالدى،مەن ئۇنى بىزنىڭ ئۆيگە ئەكېلىپ بىز بىلەن بىللە تۇرۇشقا تەكلىپ قىلماقچىمەن. -ئوغلۇم،مەن بۇنىڭدىن بەك ئەپسۇسلىنىۋاتىمەن،ئەمما بىز ئۇنىڭ خاتىرجەم تۇرغۇدەك بىرەر جاي تېپىۋىلىشىغا ياردەم بېرىشىمىز مۆمكىن،-دېدى دادىسى،-بىراق،نىمە دەۋاتقانلىقىڭنى بىلەمسەن ئوغلۇم،ئۇنىڭ مېيىپ ئادەملەر بىزگە ناھايىتى ئېغىر يۈك بولۇپ قالىدۇ.بىز ئۆزىمىزنىڭ تۇرمۇشىنى ئوبدان ئۆتكۈزۈشىمىز كېرەك.مېنىڭ تەكلىبىم شۇكى،سەن ئاۋۋال قايتىپ كېلىپ ئاندىن ئۇنى ئۇنتۇپ كەتكىن،ئۇ ئۆزى تۇرغۇدەك ماكان ېپىۋالار!    بۇ گەپنى ئاڭلىغان ئوغلى تېلېفۇننى قويۋەتتى،دادىسى شۇنىڭدىن كېيىن ئوغلى توغرىسىدا ھېچقانداق خەۋەر ئاڭلىمىدى. بىر نەچچە كۈن ئۆتكەندىن كېيىن بۇ ئاتا-ئانا سان-فرانسىسكو ساقچى ئىدارىسىنىڭ ئۇلارنىڭ ئوغلىنىڭ بىنادىن سەكرەپ ئۆلۋالغانلىقى ھەققىدە بەرگەن تېلېفۇنىنى ئالدى.ساقچى تەرەپنىڭ ئېيتىشىچە،بۇ پۈتۈنلەي بىر ئۆزىنى ئۆلتۈرۋېلىش دېلوسى ئىكەن. شۇنىڭ بىلەن بۇ ئاتا-ئانا دەرد-ھەسىرەت ئىچىدە ئايروپىلان بىلەن سان-فرانسىسكوغا يېتىپ باردى ھەمدەساقچى تەرەپنىڭ يول باشلىشى بىلەن ئوغلىنىڭ جەسىتىنى تۇنۇش ئۈچۈن جەسەت ساقلاش ئۆيىگە كىردى.  ئۇ ھەقىقەتەن شۇلارنىڭ ئوغلى ئىدى.بىراق،ئۇلارنى ھەيران قالدۇرغىنى،ئوغلىنىڭ پەقەت بىر قولى ۋە بىر پۇتىلا بار ئىدى.  بۇ ئاتا-ئانا زور كۆپچىلىكىمىزگە ئوخشايدۇ.چىرايلىق،كېلىشكەن ياكى گەپ-سۆزى لاتاپەتلىك ئادەملەرنى ياخشى كۆرىدىغانلارنى تېپىش بەك ئاسان.ئۆزىگە قۇلايسىزلىق ۋە خاپىلىق تېپىپ بېرىدىغان ئادەملەرنى ياخشى كۆرىدىغانلارنىتېپىش ناھايىتى قېيىن.   بىز ھامان ئۆزىمىزنىڭ ساغلام،چىرايلىق ياكى ئەقىللىق بولمىغان ئادەملەرگە يېقىنلىشىشىنى خالىمايمىز،بۇ نېمىدېگەن ئەپسۇسلىنارلىق ئىش-ھە! ھېلىمۇ خوداغا شۈكۈر،بەزى ئادەملەر بىزگە ئوخشاش ئۇنداق شەپقەتسىز ئەمەس.ئۇلار بىزنى پۈتۈنلەي ئاسرايدۇ،بىز ھەرقانچە يامن بولۇپ كەتسەكمۇ ئۇلار بىزنى ئارىغا ئالىدۇ.

nargiz

	تەربىيىۋى ئەھمىيىتى زوركەن ، ئەجرىڭىزگە رەخمەت

akbulak$

	نارگىزخانىم،ھەر قېتىمقى ئېلان قىلىنغان ماقالە ۋە ئەسەرلىرىمگە ئىنكاس قايتۇرۇش ئارقىلىق باھا بېرىۋاتىسىز،سىزگە  كۆپ رەخمەت.سىز ،مېنىڭ ئەينىكىم رەخمەت سىزگە!

MaNaKxAm^0992

	ئەجرىڭىزگە رەھمەت .ياخشى  تېمىكەن

ｄｉし__SｉЯｉ

	رەھمەت،بىرىنجىسىنى بىر چاغدا قايسى بىر كىتاپتا كۆرگەندەك قىلىۋىدىم ، يەنە بىر كۆرۈش پۇرسىتى كەپقاپتۇ ئەھمىيەتلىككەن

marbiya

	مەنمۇ بىرىنچى مەزمۇننى ئىنتايىن ياقتۇرىمەن، ھەم دائىم ئاچچىقلانغاندا ئۇ ھېكايىنى ئەسكە ئېلىپ ئۆزەمنى ئاچچىقتىن ئاسانلا كونترول قىلالايمەن. رەھمەت سىزگە بەھىرلەندۈرگىنىڭىزگە، ئىشىنىمەن، نۇرغۇنلىغان مۇنبەرداشلار ياقتۇرۇپ ئۆزىگە ئۈلگە قىلىدۇ.