مارالبېشى ناھىيەسىدە 11مىڭدىن ئارتۇق ھەر مىللەت كادىر، ئىشچى-خىزمەتچىلەرنىڭ سالامەتلىكىنى ھەقسىز تەكشۈرۈش باشلاندى
مارالبېشى ناھىيەسى ھەر مىللەت كادىر، ئىشچى-خىزمەتچىلەرگە پارتىيە،ھۆكۈمەتنىڭ ئىللىقلىقىنى يەنىمۇ چوڭقۇر ھىس قىلدۇرۇش، ئۇلارنىڭ خىزمەت ئاكتىپىلىقىنى تېخىمۇ يۇقىرى كۆتۈرۈپ، كىسەل بولسا بالدۇر بايقاپ داۋالاش، كىسەل بولمىسا ئالدىنى ئېلىشنى كۈچەيتىش مەقسىدىدە قانات يايدۇرىلىدىغان 11مىڭدىن ئارتۇق ھەر مىللەت كادىر، ئىشچى-خىزمەتچىلەرنىڭ سالامەتلىكىنى ھەقسىز تەكشۈرۈش 4-ئاينىڭ 19-كۈنى ناھىيەلىك خەلق دوختۇرخانىسى ۋە ئۇيغۇر تىبابەت دوختۇرخانىسىدا ئومۇمىيۈزلۈك باشلاندى.
مارالبېشى ناھىيەسى بۇ يىلقى «خەلق تۇرمۇشى يىلى»دىكى تۈرلۈك نىشان، ۋەزىپە-كۆرسەتكۈچلەرنى سان-سۈپەتكە كاپالەتلىك قىلغان ھالدا ئىشقا ئاشۇرۇش ئۈچۈن ناھىيە مالىيەسىدىن 2مىليۇن يۈەنگە يېقىن پۇل ئاجرىتىپ، ناھىيە تەۋەسىدىكى ئىشلەۋاتقان، پىنىسىيەگە، دەم ئېلىشقا چۈشكەن11مىڭدىن ئارتۇق ھەر مىللەت كادىر، ئىشچى- خىزمەتچىلەرنىڭ سالامەتلىكىنى ھەقسىز تەكشۈرۈش پائالىيىتىنى قانات يايدۇرۇشنى قارار قىلغان بولۇپ، بۇ پائالىيەت 4-ئاينىڭ 19-كۈنى ناھىيەلىك خەلق دوختۇرخانىسى ۋە ئۇيغۇر تىبابەت دوختۇرخانىسىدا ئومۇمىيۈزلۈك باشلاندى.
ناھىيەلىك خەلق دوختۇرخانىسىدا قان بېسىمىنى ئۆلچىتىۋاتقان ناھىيەلىك سىيايسىي كىڭەشنىڭ رەئىسى ئابدۇرېيىم رۇزى مۇنداق دىدى: - ناھىيەلىك پارتكوم، خەلق ھۆكۈمىتىنىڭ ناھىيە تەۋەسىدىكى ئىشلەۋاتقان، پىنىسىيەگە، دەم ئېلىشقا چۈشكەن ھەر مىللەت كادىرلار، ئىشچى-خزىمەتچىلەرنىڭ سالامەتلىكىنى ھەقسىز تەكشۈرۈشكە ئورۇنلاشتۇرىشى ناھىيەلىك پارتكوم، خەلق ھۆكۈمىتىنىڭ ھەر مىللەت كادىرلار، ئىشچى-خىزمەتچىلەرگە كۆيۈنگەنلىكى، ئۇلارنى ئاسىرىغانلىقىنىڭ تىپىك مىسالى، بۇ ھەم بىز ھەر مىللەت كادىرلار ، ئىشچى-خىزمەتچىلەرنىڭ خىزمەت ئاكتىپلىقىنى تېخىمۇ يۇقىرى كۆتۈرۈپ، ناھىيەمىزنىڭ ئۇزاق ئەمىنلىكى ۋە ھالقىما تەرەققىياتىنى ئەمەلگە ئاشۇرۇشتا مۇھىم ئەھمىيەتكە ئىگە. بۈگۈن مەن سالامەتلىكىمننى تەكشۈرتۈپ،تېخىمۇ خاتىرىجەم بولدۇم، قايسى جەھەتتە دىققەت قىلىشىمنىڭ تولىمۇ زۆرۈرلىكىنى بىلىۋالدىم.
-مەن بۇ قېتىم ناھىيەنىڭ ئورۇنلاشۇتۇرىشىغا ئاساسەن سالامەتلىكىمنى تەكشۈرتۈپ، قان بېسىمىمنىڭ بىر ئاز يۇقىرىلىقىنى، جىگىرىمنى ماي قاپلاپ كەتكەنلىكىنى ئۇقىۋالدىم، ئەمدى دەرھال ياتاقتا يېتىپ داۋالىنىمەن. ناھىيەگە كۆپ رەھمەت! بالدۇرراق تەكشۈرتۈپ، كىسلىمنى بالدۇر بايقىغىنىم ئوبدان بولدى، يىمەكلىككە دىققەت قىلىش بىلەن بىرگە بەدەن چېنىقتۇرۇشنى كۈچەيتىپ، سالامەتلىكىمنىڭ تېزراق ئەسلىگە كىلىشىنى قولغا كەلتۈرۈمەن،-دىدى، سالامەتلىكىنى تەكشۈرتۈۋاتقان ناھىيەلىك ئىتتىپاق كومتېتىنىڭ شوپۇرى ئېلىجان راخمان ئەھۋال تونۇشتۇرۇپ.
ئىگىلىنشىچە بۇ پائالىيەت 8-ئايدا ئاخىرلىشىدىكەن.
توغراق خەۋىرى،فوتوسى
يوللىغان ۋاقتى 2012-4-19 19:12:24
