مانا ئاستا تارتتى يالغۇزلۇق

kuzum

	مانا ئاستا تارتتى يالغۇزلۇق كېتىۋاتىسەن ئۇزاپ ھېلىھەم يۈرەكلىرىم بوپ كەتتى قىيان. بۇ جۇدالىق ئۇزۇندۇر بەلكىم؟ يۈرىكىمدە قالدى بىر پىغان. قەلبىڭ قېتىدا ياتىمەن يىغلاپ، كۆز يېشىمدىن بېرىپ ئۇسسۇزلۇق. خىياللىرىم ئۇچۇپ بارغۇسى، يېنىككىنە قوينۇڭغا قونۇپ. ئامراق ئىدىڭ قىلىقلىرىمغا، چىداشقىمۇ رايىڭ يوق سېنىڭ. بوغۇزۇمدا ئاچچىق رېئاللىق، سەن نەلەرگە يوقالدىڭ جېنىم. مانا ئاستا تارتتى يالغۇزلۇق، سىڭىپ كەتتىم قۇمغا سىڭگەندەك. تىۋىشلىرىڭ ھەمراھ ۋە لېكىن، يۈرمەكتىمەن غېرىب ئادەمدەك. يۈگۈرگۈم بار شۇتاپ يېنىڭغا، ئاڭلاپ قالدىم ئاۋازىڭنى مەن. يېنىككىنە پىچىرلاپ ئۆتتۈڭ، «جانىم سېنى مەڭگۈ سۆيىمەن». كېتىپ قالدى ئەگىشىپ روھىم، چىقىپ ئاجىز تېنىمدىن مەھەل. خۇش بوپ قالسا قالسۇن ئۇ جېنىم، سېنىڭ بىلەن تۇرسۇن ھەر سەھەر. ھەمراھ بولسۇن ئۇزاق كېچىدە، سانسىز - سانسىز خىياللىرىڭغا. مەلھەم قىلىپ سۈرتىۋال ئۇنى، سېغىنغاندا ئۇ ساڭا ھەمراھ. ئارىيەت بەر سەنمۇ جانانىم، ئاشۇ ئوتلۇق كۈلۈشلىرىڭنى. بولۇپ قالدىم شۇنچىلىك ئاجىز، ھاياتىمغا قوشقان ئۇ تۈسنى.

SARBAX

	ئالقىش

KALBINUR0903

	بەك ياخشى  يېزىپسىز   مەنىسى  بەك  چوڭقۇر ناخشىلارمۇ يۇرەكلەرنى تىترىتىۋەتتى

KALBINUR0903

	كېتىپ قالدى ئەگىشىپ روھىم، چىقىپ ئاجىز تېنىمدىن مەھەل. خۇش بوپ قالسا قالسۇن ئۇ جېنىم، سېنىڭ بىلەن تۇرسۇن ھەر سەھەر.

polat

	كۆڭۈللەرگە چۈشمىسە مېھىر، ئارىيەتكە بەرگىلى بولماس. ياقتۇرمىسا چىمەننى بۇلبۇل، مۇڭلۇق سايراپ شاخىگە قونماس.

努尔艾力江

	بىر كۈنلۈك ھاردۇقۇم چىقتى مانا. ھېسسىيات بەك كۈچلۈك بولۇپتۇ.

شام

	رەخمەت سىزگە ،مەندىكى سىغىنىش ھىسياتىنى بىلگەندەك يېزىپسىز...

Castle

	ھېسىياتنى ناھايىتى ياخشى سىڭدۈرۈپسىز ، مۇزىكىمۇ ناھايىتى جايىدا كەپتۇ ، يۈرەكنى تىتىرەتتى ..

gulpira