تاماكىنىڭ ئاياللارغا بولغان زىيىنىنى بىلىۋېلىڭ
تاماكا چېكىش سالامەتلىككە زىيانلىق، بولۇپمۇ ئاياللارغا نسبەتەن تاماكا چىكىشنىڭ زىيىنى تىخىمۇ روشەن ۋە ئېغىر بولىدۇ. ئاياللار تاماكا چېكىۋەرسە تۈرلۈك راك كېسەللىكلىرى، ھەيىز قالايمىقانلىشىش ھەم ھەيىز ئاغرىتىپ كىلىش، ھامىلدار بولۇش قىيىنلىشىش، ئەۋلاتلىرىنىڭ مېيىپ تۇغۇلىشى، تېز قېرىش قاتارلىق ئەھۋاللار كۆپ كۆرىلىدۇ.
تاماكا چېكىش ھامىلدارلىق مەزگىلىدىكى ئەگەشمە كېسەللىكلەرنى كەلتۈرۈپ چىقىرىدىكەن، تاماكا تەركىبىدىكى نېكوتىن بالياتقۇ تۈكچىلىرى ھەم بالياتقۇنىڭ ھەرىكىتىگە تەسىر قىلىپ، تاماكا چەككەن ئاياللاردە ئوڭاي ھامىلدار بولالماسىلىق، تۇخۇمدان سىرتىدا ھامىلە بولۇپ قىلىش، ھامىلە قورساقتا ئۆلۈپ قېلىشقا سەۋەب بولىدىكەن. تاماكا تەركىبىدىكى زەھەرلىك ماددىلار ئانىنىڭ تېنىگە سۈمۈرۈلگەندىن كېيىن ھامىلدار ئايالنىڭ قېنىدىكى ئوكسىگىن مىقدارىنى تۆۋەنلىتىپ، ھامىلىنىڭ نورمال تەرەققىياتىغا تەسىر يەتكۈزىدىكەن. تاماكا چەككەن ئاياللاردىن تۇغۇلغان بالىلارنىڭ تۇغما يۈرەك كېسىلىگە گىرىپتار بولۇش، غەيرى تۇغۇلۇپ قېلىش، ئەقلىي ئىقتىدارى تۆۋەن، نېرۋىسى ئاجىز بولۇپ قىلىش نىسبىتى ناھايىتى يۇقىرى بولىدىكەن. ھەتتا ئۆلۈپ كېتىشى مۇمكىنكەن.
مەنبە: ساغلاملىق لېنىيىسى تورى
يوللىغان ۋاقتى 
