يايرىم كەلگۈدەك (شېئىر)

tarkidunya

	يايرىم كەلگۈدەك ئېلىپ كەلدى شامال ھىدىڭنى، تۇيدى كۆڭلۈم يايرىم كەلگۈدەك. ئۈمۈدلەندى چاڭقىغان يۈرەك، ئازاب مەندىن يىراق كەتكۈدەك. چۆل-باياۋان كەزگەن ئاشىققا، باغۇ-بوستان قۇچاق ئاچقۇدەك. ۋىسال پەيتى ئىللىق قۇياش بوپ، باشلىرىغا نۇرلار چاچقۇدەك. زېمىستاندا مۇزلىغان كۆڭۈل، ئېرىپ ئەمدى باھار كەلگۈدەك. ياشارغۇدەك سارغايغان ياپراق، تۇيدى يۈرەك يايرىم كەلگۈدەك. يايرىم كەلسە باھار بىلەن تەڭ، زېمىستاننىڭ قەھرى سولغۇدەك. كائىناتقا كىرىپ قايتا جان. جىمى زېمىن گۈلگە تولغۇدەك. ئاپتاپ چېقىپ چاڭقىغان زېمىن، يامغۇر يېغىپ سۇغا تويغۇدەك. پات ئارىدا جانانىم كېلىپ، جاننى ئېلىپ ياندا قويغۇدەك. ئاھۇ-زارىم يەتتىمۇ كۆككە، ئىگەممۇ ھەم تەسىرلەنگۈدەك. ھىممىتىڭگە ئېيتاي تەشەككۈر، كۈتۈۋالاي يايرىم كەلگۈدەك. ئازاپلىرىم كېتىڭلار يىراق، ئۆچسۇن ئەمدى دىلدىكى پىراق. زۇلمەتنىمۇ يورۇتسۇن چىراق. تۇيدى كۆڭلۈم يايرىم كەلگۈدەك. ئەسەر ھوقۇقى پەقەت ئۆزۈمگىلا تەۋە. كۆچۈرۈشتىن نومۇس قىلىڭ.!!!

gulpira

	ياخشىكەن بۇ شېئىر

sakra

	بەك ياخشى يىزىپسىز،رەخمەت...

sabirjan

	تۇيدى يۇرەك يايرىم كەلگىۇدەك ئىسسىق بەدەن شىرىن لىۋەن كەلگۇدەك سۇزى تاتلىق مىھرى ئىسسىق نازنىن سۇپەت جانان كەلگۇدەك

ھەمرا

nargiz

	ئەجرىڭىزگە رەخمەت

美丽的

	قارلىغاچ تەك سايراپ بۇلبۇلۇم ، دىلغا ئارام  بەخىش ئەتكۇدەك . ئۇچۇپ كېلىپ شۇيىراق جايدىن، تەڭلا ئەتە بىللە يۈر گىدەك ، رەخمەت سۇنۇق كۈڭۈللەر گە سۇنغان سوغىڭىزغا