‹‹چىرايلىق ھېكايە›› مۇختار بۇغرا ئەسەرلىرى ــ چولپانلار كۈيلىرى

ئارسلان

	ئۆزىنىڭ ‹‹ئۈمىد يۇلتۇزلىرى››، ‹‹قوش مېغىز››، ‹‹ئاخشامقى لىرىكا››، ‹‹قۇم پەسلى››، ‹‹تىكەن پەسلى››، ‹‹بەشىنچى پەسىل››، ‹‹ئارمان چوققىسى›› (قىرغىزچە)، ‹‹بۈيۈك قۇم پەسلى›› (خەنزۇچە) قاتارلىق ئەسەرلىرى،  800 پارچىغا يېقىن ئاھاڭغا ئىشلەنگەن شېئىرلىرى بىلەن خەلقىمىزنىڭ قەلب تۆرىدىن چوڭقۇر ئورۇن ئالغان شائىر ھاجى مۇختار خېلىل بۇغرا ھازىر شىنجاڭ تېلېۋىزىيە ئىستانسسىىنىڭ 1 - دەرىجىلىك رېژىسسورى، شائىر بولۇپ، ھازىرغىچە ‹‹زەرەپشان ساداسى››، ‹‹ئاتۇش باراۋەت مەشرىپى››، ‹‹ئىراق مۇقامى››، ‹‹ئاقتۇ تاغ مەشرىپى››، ‹‹نورۇزنامە››، روزا ھېيت، قۇربان ھېيت ۋە ‹‹مەشرەپ›› پىروگراممىسىنىڭ 30 دىن ئارتۇق سانىغا ۋە 10 دىن ئارتۇق MTV پىلاستىنكىسىغا رېژىسسورلۇق قىلغان، شۇنداقلا ھەر خىل بەدىئىي سەنئىي كېچىلىكلىرىنىڭ 100 دىن ئارتۇق سانىغا ئاپتورلۇق قىلغان.    مۇختار بۇغرانىڭ سەرخىل ئىجادىيەتلىرىدىن تەشكىل تاپقان بۇ كېچىلىكتە ئوتتۇرا ئاسىياغا داڭلىق سەنئەتكارلىرىمىزدىن سەنۇبەر تۇرسۇننىڭ ئەڭ يېڭى تېتىملىق ناخشىلىرىدىن، ئۆزبېكىستاننىڭ ناخشىچىسى ئەخرار ئوسمانوپنىڭ كۈيلىرىدىن، ئىززەت ئىلياس، ئۆمەرجان ئالىم، مەخمۇت سۇلايمانلارنىڭ مەنىلىك، مەردانە ناخشىلىرىدىن، قازاقىستان ئۇيغۇر تىياتىرىنىڭ ئاتاغلىق ناخشىچىسى نۇرئالىم ۋارىسوپنىڭ لىرىك كۈيلىرىدىن، ئەسقەر رېقىپ، ئابدۇرېشىت يۈسۈپ، ئابدۇغېنى ئابلىكىم خال، ئارزۇگۈل خەندان، شىرئەلى ئەلتېكىن، مەۋلان مەمتىمىن، ئابدۇقادىر يارئېلى، رەنا روزى، ئەيسابەگ مامۇت قاتارلىق ياشلارنىڭ قەلبلەرنى لەرزىگە سالىدىغان لىرىكىلىرىدىن، كۈلكە چولپانلىرىمىزدىن ئادىل مىجىت، ئابلىكىم كەلكۈن، ئابدۇقەييۇم مۇھەممەد، گۈلجامال مەتنىياز، تۇرغۇن قۇربان، ئىمام ياسىن، ئابدۇكېرەم ئابلىمىت، ئابدۇرېھىم ئابدۇراخمانلارنىڭ كۈلكىلىك ئىتوتلىرىدىن، يېڭىدىن يېتىشىپ چىقىۋاتقان ياش سەنئەت يۇلتۇزلىرىمىزدىن ئابلاجان ئاۋۇت ئايۇپنىڭ يېڭىچە ئىزدەنمە ناخشىلىرىدىن، سۇدىيەئاي، زۇلھايات، ئۇزنار، زۇلخۇمار خېلىل بۇغرالارنىڭ جۇشقۇن كۈيلىرىدىن قانغۇچە ھوزۇرلىنالايسىز. ئەلۋەتتە، مۇختەر بۇغرانىڭ دېكلاماتسىيەسى سىزنى شېئىرى دۇنياغا باشلاپ كىرىدۇ.    قۇتلۇق نورۇز ئەييامدا ئۇزۇن مۇددەت، يارقىن مەزمۇندا، يۇقىرى بەدىئىي سەۋىيەدە تەييارلانغان بۇ چولپانلار كۈيلىرى ــ سىزگە ئەڭ سەمىمىي نورۇزلۇق سوۋغا بولۇپ قالغۇسى!    بۇ كېچىلىك 17–، 18–مارت كەچتە ئاققۇۋۇق (نەنمېن) خەلق تىياتىرىدا تاماشىبىنلار بىلەن يۈز كۆرۈشىدۇ.

kaplan19

	يېقىنراق بولغان بولسا بېرىپ كۇرۈپ كېلەتتىم رەھمەت سىزگە...

شەيـدا

	مۇشۇ كېچىلىككە قاتناشقان بارلىق سەنئەتكارلارنىڭ ھاياتىغا چەكسىز ئېسىل مەنالار يار بولسۇن!

SARBAX

	بۇغرا ئەپەندى ئىجادىيتىڭىزگە مۇۋاپپقىيەت تىلەيمەن

admin

	ھەممە چولپانلار چىقىدىكەندە ، بۇ پروگراممىنىڭ ئوڭۇشلۇق ، رەڭدار چىقىشىنى چىن دىلىمدىن ئۈمىد قىلىمەن . قارىغاندا ئىئانە ۋە پاراۋانلىق ئىشلىرىنىمۇ بىللە قىلىدىكەنسىزدە ... ياخشى بوپتۇ

polat

	مۇختاركا ئىجادىيىتىڭىز يەنىمۇ رۇناق تاپقاي.

kurex

	بەدئىلىك ئۈ باشقا بىر خىل سەنئىت ئۈنى قانداق لاھىلەش  شۈ كىشىنىڭ  ئىختىدارىغا باغلىق

haltakoqa

	ئالدىنقى قېتىملىق كېچىلىكمۇ بەك ياخشى چىققان، بۇ قېتىم تېخىمۇ ياخشى چىققۇسى. قەشقەرگە كېلىپ قويغان بولسا بىر كۆرەتتۇق دە، پىلاستىنكىسىدىن بىرنى سېتېۋالاي

kurbanniyaz

	كىچىلىكنىڭ مۇۋەپپەقەيەتلىك بولىشىغا تېلەكدەشمەن، پېلاستىنكىسىنى تېزرەك تارقاتقان بولسىكەن.

你的公主HD

	ۋاھ-ۋاھ بىر كۆرەيلى جۇما......................