بىر دانىشمەننىڭ ئۆز پەرزەنتىگە قىلغان ئۆگۈتى:

xam65 · ۋاقتى: 2011-5-14 01:09:27

بىر دانىشمەننىڭ ئۆز پەرزەنتىگە قىلغان ئۆگۈتى:
1. بۈيۈك ۋەتەنپەرۋەر بولماق، ھاياتتا مۇۋاپىقەيەت قازانماق. جىسمانەن ۋە روھەن مۇكەممەل بولماق ئۈچۈن ئەمگەك سۆي، ئىش ئادىمى بول.
2. ھورۇن بولما، غەيرەتلىك بول، ۋۇجۇدۇڭ جۇش ئۇرۇپ تۇرسۇن، تىرىش- تىرماش، ئالغا باس.
3. ئېھتىياتچان بول، ھەممە ئىشىڭدا تەرتىپ- ئىنتىزامغا رىئايە قىل.
4. ساڭا جەمىيەت تەرىپىدىن تاپشۇرۇلغان ۋەزىپىلەرنى كەم- كۈتىسىز ئورۇندا.
5. شەرىپىڭ، نومۇسۇڭ ۋە ھاياتىڭنى قورۇقلا، باشقىلارنىڭمۇ شەرەپ ۋە نومۇسىغا ھۆرمەت قىل.
6. ھەقىقەتنى سۆي، يۈرۈش- تۇرۇشۇڭ ساددا ۋە تەبىئىي بولسۇن،
7. سەمىمىي، پاك قەلىبلىك، ۋىجدانلىق ۋە ھەقشۇناس بول.
8. مۇلايىم، لۇتفكار، مەرھەمەتلىك ۋە دوستپەرۋەر بول.
9. مۇتەئەسسىل بولما، ھۆر پىكىرلىك بول.
10. مۇتالىئە ۋە تەكشۈرۈش- تەدبىقلاش ئارقىلىق ئەقلىڭنى، زېھنىڭنى، پەم ۋە ئىدراكىڭنى تەربىيەت قىل، يۈكسەلدۈر.
11. قانائەتلىك، ھەممىگە مېھرىبان ۋە غەمخور بول.
12. ھۆرمەتكە سازاۋەر كىشىلەرنى ھۆرمەتلەشنى ئۇنۇتما.
13. مەردلىك، جاسارەتلىك ۋە شىجائەتنى ئۆزەڭگە شۇئار قىلىۋال.
14. شەرەپ ۋە نومۇسۇڭغا داغ چۈشۈرۈش ئېھتىمالى بار بولغان ھەر تۈرلۈك كەيىپ- ساپالاردىن قاچ.
15. گۈزەل ئەخلاقنىڭ ماتانىتى، ھېسىياتنىڭ ئالىيجانابلىقى بىلەن ۋۇجۇدۇڭغا ساقلىق ۋە لاتاپەت بېغىشلا.
«دۇردانىلەر غەزىنىسى» دىن

nigar305 · ۋاقتى: 2011-5-15 09:44:45

بۇ نەسىھەتلەرنىڭ ناھايىتى زور پايدىلىنىش قىممىتى بار ئىكەن،يوللىغىنىڭىزغا رەھمەت.

xam65 · ۋاقتى: 2011-5-15 09:53:35

ھەممىمىز بىر ئاتا-ئانا بولغۇچىلارمىز ماتىريال كۆرىۋېتىپ بۇ تېمىنى مائارىپ ژورنىلىدا كۆرۈپ قالدىم، پەرزەنت تەربىيلەشتە تەربىيىۋى ئەھمىيىتى باركەن دەپ قاراپ يوللاپ قويدۇم، ئىشلەتكىنىڭىزگە رەھمەت