مەن ئوقۇيمەن

سەلكىن01

                                                                     مەن ئوقۇيمەن

# Y- H) X* M0 v  w9 k                                                                        (ئىتوت)
* @+ \7 V# K2 ]% H
                                                                ئەنۋەر ئابلا سەلكىن
. C) X  @% I8 {& F9 M
ئاساسلىق پىرسۇناژلار: ئاۋۇت بوۋاي،نەۋرىسى ئارزىگۈل،ئامىنە مۇئەللىم.
سەھنىگە بىر دانە ئۈستەل قويۇلغان.بىر بوۋاي بېشىغا تۇماق كىيگەن، ئۇچىسىغا پەلتۇ كىيىپ، بېلىنى كۆك پوتىدا ئوراپ،ھاسىسىغا تايانغىنىچە ئۈستەلدە خىيالغا پاتقان ھالدا ئولتۇرىدۇ. يان تەرەپتىن ئۇچىسىغا ئەتلەس كۆينەك كىيىپ، چېچىنى ئۇشاق 12 تال قىلىپ ئۆرىگەن 12 ياشلار چاممىسىدىكى بىر قىز مۈرىسىگە سومكىسىنى ئېسىپ، تاقلىغىنىچە  سەھنىگە كىرىپ كېلىدۇ.
ئا: ھە، قىزىم، كىيىكتەك تاقلاپ يول قاياققا؟
ب: مەكتەپكە، بوۋا.
. ]( f7 a* E- G6 R9 I+ l! C% ^; Aئا:مېنى يالغۇز تاشلاپما؟
+ _- {+ t7 }1 K9 j6 uب:جېنىم بوۋا، كېسىلىڭمۇ خېلى شىپا تېپىپ قالدى. سېنىڭ ھالىڭدىن خەۋەر ئالىمەن دەپ مەكتەپتىن رۇخسەت سورىغىلى 1ھەپتىدىن ئاشتى.ئۇنىڭ ئۈستىگە، مەۋسۇملۇق ئىمتىھان ۋاختىغىمۇ يېقىنلاپ قالدى،ناۋادا دەرس تاشلاپ، ئىمتىھاندىن ئۈتەلمەي قالسام،يۈزۈڭگە سەت بولارمىكىن؟
ئا:مېنىڭ سەن ئېيتقاندەك ئۇنچىلىك يۈزۈم يوق، قىزىم.
: m( p9 j! L( Y/ u* V5 Cب:مەھەللە-كۇيدا ئات-ئېشەكتەك خېلى يۈزۈڭ بار، ھەممەيلەن سېنىڭ ئاغزىڭغا قارايدىغان تۇرسا.
ئا: ھۇ، تەنتەك قىز.
ب: راست دەيمەن، ئۇنىڭ ئۈستىگە مېنىڭ‹‹ئۈچتە ياخشى ئوقۇغۇچى›› دېگەن شەرەپلىك نامىمغىمۇ سەت ئەمەسمۇ؟(قىز بوۋىسىغا ئەركىلەيدۇ)
6 q4 t8 z0 T% E! cئاجىددى تەلەپپۇزدا)مەكتەپكە ئەمدى بارما.
ب(ئەجەبلەنگەن ھالدا) نېمە ئۈچۈن؟
4 a0 ^2 z! Z- |6 I4 ^& [! Qئاغېرىبسىنغان ھالدا) مەن قېرىپ قالدىم، مېنى يالغۇز تاشلاپ قويما، دائىم ساقسىز يۈرۈيمەن، ئالىمادىس بىرەر كېلىشمەسلىك بولۇپ قالسا،سېنى كىمگە تاپشۇرۇشنىمۇ بىلمەيمەن.ئاتاڭ بىلەن ئاناڭ قاتناش ھادىسىسىدە قازا قىلىپ،كۆزى ئۇچۇق كەتتى.ھايات ۋاختىمدا سېنى بىرەر ھۈنەرنىڭ پېشىنى تۇتسۇنمىكىن دەيمىنا!
# }# u8 F5 M; M2 o- \ب: ئارتۇقچە غەم قىلىپ كېتىپسەن، سەن يەنە 50 يىل ياشايسەن، مەن ئۈچۈن بولسىمۇ شۇنداق ياشىشىڭ شەرت.
ئا:قىزىم، سەن ئىشنى بەك ئاددى ئويلايدىكەنسەن.مەن بولسام ئىككى پۇتى گۆرگە ساڭگىلىغان قېرى. ‹‹قۇغۇن پىشسا ساپىقىدا تۇرماس› دېگەن گەپ بار، ساپاقتىن قاچان ئايرىلدىغىنىمنىمۇ بىلمەيمەن.
, }7 C# ^5 w5 _4 B, ~ب:شۇنداق، بوۋا،سەن پىششىپ، ۋايىغا يەتكىنىڭ ئۈچۈن، تولىمۇ تاتلىقسەن.شۇڭا مەن سەندەك ‹‹قوغۇن››نى يېيىشكە بەك ئامراق.
ئا: ھۇ، شەيتان، مېنى ئالداشقا بەك ئۇستا جۇمۇ سەن، بىراق، بۇ گېپىمنى ئويۇن ئورنىدا كۆرسەڭ بولمايدۇ.مەن ساڭا چاقچاق قىلمىدىم.
ب:بوۋا، ئۆتكەن يىلى شەھەرگە بارغاندا ھاجىتىڭ قىستاپ،ئۇقۇشماستىن ئاياللار ھاجەتخانىسىغا كىرىپ قېلىپ، ئوسال بولغىنىڭنى ئويلىسام، ھازىرمۇ كۈلكەم قىستايدۇ.سەن ساۋاتسىزلىقنىڭ دەردىنى بىر ئۆمۈر تارتقاچقا، مېنى تىرىشىپ ئوقۇشقا دائىم رىغبەتلەندۈرۈپ كەلدىڭ. مېنىمۇ ئۆزۈڭدەك ساۋاتسىز بول دېمەيدىغانسەن؟
8 K8 R5 N' ]+ E' ~5 g' qئا:ياق، بالام، چۈشۈمدىمۇ سېنى ياخشى ئوقۇپ، ئاسماندىكى ئاينى ئۈزسىكەن دەپ ئۈمىد قىلىمەن.
ب:شۇ ئەمەسمۇ،بوۋا.ھازىر دۆلىتىمىز مائارىپ ئارقىلىق دۆلەتنى قۇدرەت تاپقۇزۇش سىياسىتىنى يولغا قويۇپ، زامانىۋى مەدەنىيەتنى يېتەكچى قىلىشنى تەكىتلەۋاتىدۇ. دۆلىتىمىز ئۇچقاندەك تەرەققىي قىلىپ، شەھەر، يېزىلارنىڭ قىياپىتىدە ئالەمشۇمۇل ئۆزگىرىشلەر بارلىققا كەلدى.مېنىڭ ئارزۇيۇم: تىرىشىپ ئۆگىنىپ، بىلىملىك، ساپالىق ئىقتىساس ئېگىلىرىدىن بولۇپ، كەلگۈسىدە ۋەتەنگە تۆھپە قۇشۇش. بۇ ئارزۇيۇمنى چۈشەپ قويمايدىغانسەن؟
ئا: توغرا دەيسەن قىزىم،ئىلگىرى كىيىدىغىنىمىز، يەيدىغىنىمىز يوق، ئىتنىڭ كۈنىنى كۆرۈپياشاپ ئۆتكەن.مانا ھازىر خان-پادىشاھلارنىڭ ھۇزۇرىنى سۈرۈپ ياشاۋاتىمىز. بۇ كۈنلەرنى ئويلىسام، پارتىيە، ھۆكۈمەتكە بولغان ھۆرمىتىم ھەسسىلەپ ئاشىدۇ، مىننەتدارلىقىقىمنى ئېيتىپمۇ تۈگىتەلمەيمەن، قىزىم.
( L4 p8 q- u3 b% {) Dب:ھۆرمەتلىك بوۋا، مېنىڭ ئالىي مەكتەپتە ئوقۇپ، ۋەتەنگە ياراملىق ئادەم بولغۇم، ئۆمرۈڭنىڭ ئاخىرىدا بولسىمۇ، سېنى راھەت-پاراغەتلىك تۇرمۇشقا ئېرىشتۈرگۈم بار.دادام، ئاپام تۈگەپ كېتىپ،سېنى كۆپ جاپادا قويدۇم، مەن ئۈچۈن تۆلىگەن بەدەللىرىڭنى بىر ئاز بولسىمۇ قايتۇرسام دەيمەن.
ئا:مېنى يالغۇز تاشلاپ قويۇپما؟
ب: سەن ھەرگىز يالغۇز ئەمەس، سېنىڭ قەلبىڭدە مەن، مېنىڭ قەلبىمدە سەن بار ئەمەسمۇ؟
ئا: سەن ۋىتۋىتقا گەپ تېپىپ بەرگىلى بولمايدۇ. ھېلىمۇ بەختىمگە سەن بولۇپ قاپتىكەنسەن،بۇلبۇلدەك سايراپ مېنى زادىلا زېرىكتۈرمەيسەن،بىلىدىغىنىڭمۇ كۆپ، ئوقۇغان ئادەم باشقىچە بولىدىكەن.بۇ ئۆينى سەن ئاۋات قىلمىساڭ، دۇزاقنىڭ ئۆزى بولاتتى.
ب:ئۇنداق دېمە بوۋا، سېنىڭ ماڭا قىلغانلىرىڭنى ساناپمۇ تۈگىتەلمەيمەن.يەتتە ياشقا كىرگەن يىلى قۇلۇمدىن يېتىلەپ، مەكتەپكە ئېلىپ بارغان ۋاختىڭ مەڭگۈ ئېسىمدىن چىقمايدۇ.شۇ چاغدىلا سەن مېنىڭ قەلبىمدىكى ئۆلمەس ئابىدىگە، تۇنجى ئۇستازىمغا ئايلانغانسەن.
ئا: نېمە دەيدىغانسەن، قىزىم. مەن شۇ توپىغا مىلىنىپ، مەينەت-مۇشەققەت ئىچىدە كۈن ئۆتكۈزىدىغان ئاددىي بىر دېھقان.
ب:بوۋا، سەن ئۆزۈڭنىڭ قەدىر-قىممىتىنى بەك تۆۋەن چاغلاپ قاپسەن. سەن ئالدى بىلەن كۈيۈمچان، ئاقكۈڭۈل، مېھرى ئىسسىق پەدەر،ئاندىن قالسا، ئەمگەكتىن گۈل كەلتۈرۈپ، سېخى ئالقانلىرىڭ بىلەن بېھىش راسلىغۇچى مېھنەتكەش پەرىشتىسەن.سەن بىلەن ئالەم كۆكلەيدۇ،سەن بىلەن ھاياتلىق ئۆز نېسىۋىسىگە ئېرىشىدۇ. سەندەك ھۆرمەتكە سازاۋەر ئىنساننى قانداقمۇ بىر ئاددى ئادەم دېگىلى بولسۇن؟
( I- ~. n, e- f" [1 l  Eئا:  سايرا، تۇمۇچۇقۇم، ئۆزۈڭ چىرايلىق، سۆزۈڭ چىرايلىق، پەزىلىتىڭ دۇرۇس ياخشى قىز بولدۇڭ، كۆز تەگمىگەي ئىلاھىم.(ئاغزىنى مىدىرلىتىپ، سۈف- سۈف دەپ قىزنىڭ يۈزلىرىگە تۈكۈرىدۇ)
! \5 n0 P1 R# Q  ~بئۆزىنى چەتكە ئەپقېچىپ قىيدىغان قىياپەتتە) بولدى قىلە بوۋا، يۈز-كۆزلىرىمگە تۈكۈرۈپ، شالتاق قىلىۋەتتىڭ،مېنى تۈكۈرۈك قاچىسىمىكىن دەپ قالغانمىدىڭ؟(ئۇلار قاقاھلىشىپ كۈلۈشىدۇ)
; o2 o" M# D" E! M(ئىشىك تاك-تاك-تاك قىلىپ چېكىلىدۇ، قىز يۈگۈرۈپ كېلىپ، يالغاندىن ئىشىكنى ئاچقاننى دورايدۇ)
ب: ياخشىمۇ سىز، ئامىنە مۇئەللىم، تىنچلىق تۇردىڭىزمۇ؟
س:سىزمۇ ياخشى تۇرغانسىز ئارزىگۈل، بوۋىڭىزنىڭ ئەھۋالى قانداقراق؟
8 k) l0 o5 b7 G/ }/ [' U7 Nب: خېلى ياخشى بولۇپ قالدى،مۆجىزە يۈز بەرگەندەك،بۈگۈن ئەتىگەندىلا ئورنىدىن تۇرۇپ كەتتىغۇ تاڭ. (قىز ئامىنە مۇئەللىمنى ئۆيگە باشلاپ كىرىدۇ)
س:ئەسسالامۇ ئەلەيكۇم، بوۋا، ئەھۋاللىرى قانداقراق؟
ئا: ۋەئەلەيكۇم قىزىم، قەدىرئەھۋال ياشاپ كەلدۇق، ئۆي ئىچى تىنچلىقتۇ؟
8 w0 S/ E1 ~- ?- H1 X8 b6 T/ V/ hس:ھەممىمىز ياخشى تۇرىۋاتىمىز، سېلىنى ساقسىز بولۇپ قاپتۇ دەپ ئاڭلاپ، يوخلاپ ئۆتەي دەپ كېلىشىم.مۇشۇ پۇرسەتتە، ئارزىگۈلنىڭ قاتنىشالماي قالغان دەرسىنى تەكرار  قىلىۋېلىشىغا ياردەملىشىش ئويۇممۇ بار.
ئا:سېلىنى يەنە جاپادا قويۇپتىمىز، ئۇنىڭغا ئۆز قىزلىرىدەك كۆيۈنۈپ كېلىۋاتىلا، ئالدىلىرىدا مەن بەك خىجىل.ئارزىگۈلنىڭ تەييارلىقىمۇ پۈتۈپ قالغان، ئۇ سېلە بىلەن مەكتەپكە بارسۇن.
ب:كۇرۇكۇڭ ئاخىر يېشىلىپتۇ-دە، بوۋا.
9 M: ^& |0 N0 _* c2 {; bئائالىيىپ) تولا ئېغىز غېرىچلىماي، تەييارلىقىڭنى قىل، ئۇستازىڭ ئالدىدا ئەدەبسىزلىك بولىدۇ.
# ]0 G+ w6 j$ Q3 O0 Pس:يېشىلمەيۋاتقان قانداق كۇرۇكتى ئاۋۇتكا؟
! W) l6 q: s7 t& b1 sب:مېنى مەكتەپتە ئوقۇما دەيدۇغۇ.
س:بۇ قانداق گەپ؟
* I* I# o! Y; d1 ^4 Eب: مەن ياشىنىپ قالدىم، مەن پىشقان قوغۇن، ئەتە ساپاقتىن ئايرىلىمەن... دېگەندەك پەلىپەتىش گەپنى قىلىپ، مەكتەپكە بارما دەيدۇ.
س:مەخسەت-مۇددىئالىرى ماڭا ئايان بولدى، ئاۋۇتكا.ئەمەلىيەتتە سېلى ئارزىگۈلنىڭ كېيىنكى تەقدىرىدىن ئەنسىرەۋېتىپلا. بالا جەزمەن ئوقۇشى كېرەك، بۇ دۆلەتنىڭ سىياسىتى.سېلى بىر ئۆمۈر چېپىپ تۈگىتەلمىگەن كەتمەننى ئارزىگۈلگە مىراس قىلىپ قالدۇرىمەن دېمەكچىمۇ؟‹‹بىلىمسىزنىڭ كۈنى ئات-ئېشەكتىنمۇ خار›› دېگەن گەپنى ئاڭلىغان بولغىيتىلا،ئارتۇقچە تەشۋىشلىنىپ كەتمىسىلە،مانا مەن ئۇنى ئالىي مەكتەپكىچە ئوقۇتۇشقا تەييار. ئارزىگۈل سىنىپىمىزنىڭ گۈلى، مېنىڭ بۇ خۇشپۇراق گۈلدىن ئايرىلىپ قالغۇم يوق.نامرات دېھقانلارنىڭ پەرزەنتلىرىنىڭ ئوقۇشسىز قالماسلىقى، ئۆز ئىستىقبالىنى تېپىشى ئۈچۈن مەركەز ئىچكىرى ئۆلكىلەردە تەربىيلەش سىنىپلىرىنى تەسىس قىلدى. مائارىپ ھەقسىز، ئوقۇش مۇكاپات پۇلى بار، نېمىدىن غەم يەيلا؟
7 {/ `; b1 o; w6 q% V: F6 cئا:ئوغۇ شۇنداق، خانىم. مەنۇ ھەر كۈنى رادىئودىن مەركەزنىڭ سىياسەتلىرىنى ئاڭلاۋېرىپ، خېلى بىلەرمەن بولۇپ قالدىم. ئەمدى خاتىرجەم بولدۇم، ئىگە-چاقىسىز بىچارە قىزىمنى سىلىگە تاپشۇردۇم، سېلىگە ئالەمچە رەھمەت ئېيتىمەن.(چاپاننىڭ يېڭى بىلەن كۆز ياشلىرىنى سۈرتكەن قىياپەتتە) قىزىم،نېمىگە قاراپ تۇرىسەن؟ ئۇستازىڭنىڭ پېشىگە ئېسىل، مەڭگۈ قۇيىۋەتمە، ئارزۇيۇڭنى ئىشقا ئاشۇرۇپ، بەختىڭنى تاپ، قىزىم.
3 M! |, H5 v) Eب:رەھمەت، بوۋا، مېنى چۈشەنگىنىڭگە كۆپ رەھمەت!(ئارزىگۈل يۈگۈرەپ بېرىپ، بوۋىسىنىڭ بوينىغا گىرە سېلىپ، مەڭزىنى مەڭزىگە ياقىدۇ)
(كۆپچىلىك سالام بېرىپ، سەھنىدىن ئايرىلىدۇ)

( V5 V7 s+ F+ n' t, ?مەنبە: ئۆزۈم

ئاقسۇ شەھرىدە ھەر قايسى يېزا(بازار) مەكتەپلىرى ئارا ئىتوت مۇسابىقىسى ئۆتكۈزىلىدىغان بولۇپ، بەشتۈگمەن يېزا مەركىزى مەكتەپ مۇدىرى چىمەنگۈلنىڭ ھاۋالىسى بويىچە بۇ ‹‹ئىتوت››نى يېزىپ چىقتىم. ئىلگىرى ‹‹ئىتوت›› يېزىپ باقمىغاچقا، يېزىش قائىدىلىرىنى تازا بىلىپ كەتمەيمەن. شۇڭا، پايدىلانغۇچىلارنىڭ پىسەنتىگە نائىل بولسا، ھەقسىز ئىشلەتسە بولىدۇ. شۇنى مەخسەت قىلىپ تورغا يوللىدىم.‹‹ئىتوتراق›› دەپ قارىسا، ماڭا تەنقىدى پىكىر بېرىپ، يول كۆرسىتىشىڭلارنى سەمىمىي ئۈمىد قىلىمەن.

ئامەت39

خېلى ياخشى چىقىپتىغۇ ،سەلكىن ئەپەندى قولىڭىزغا دەرت يەتمىسۇن

نۇرنام

ياخشى يېزىلىپتۇ ، ئىسىل تىمىلىرىڭىزغا رەھمەت

227520

ياخشى چىقىپتۇ،مىنىڭچە يۇمۇرىستىك سۆزلەرنى تېخمۇ كۆپرەك ئ‍ىشلەتكەن بولسىڭىز،تېخىمۇ ياخشى چىقاتتىكەن.

سىھىر

مەنمۇ يىزىپ باققان ئ‍ىدىم بەشىنچى ئايدا ئ‍ىتوتتىن بىرنى…دىئالوگدىن باشقا قىياپەت تەسۋىرى سەل كەمچىلمۇ قانداق ؟سەھنە ئ‍ەسىردە شۇ رول ئ‍ىگىسنىڭ بارلىق ئ‍ىش ھەركىتى تۇللۇق يىزىلدۇ ،…