تىل-ئەدەبىيات ئوقۇتۇش تەتقىقات گۇرۇپپا پىلانى

سەلكىن01 · ۋاقتى: 2015-9-12 14:34:16

                                                         تىل-ئەدەبىيات ئوقۇتۇش تەتقىقات گۇرۇپپا پىلانى

يېڭئۆستەڭ مەكتەپنىڭ ئوقۇ-ئوقۇتۇش سۈپىتىنى ھەقىقىي تۈردە يوقۇرى كۆتىرىش، ئانا تىل ئوقۇتۇشى سەۋىيىسىنى ئۆستۈرۈش، ئوقۇتقۇچىلارنىڭ دەرسخانا ئوقۇتۇشىنى لايىھەلەش، تىزىس تۈزۈش ۋە دەرس ئۆتۈش ،تاپشۇرۇق تەكشۈرۈش، يىراق مۇساپىلىق ئوقۇتۇش ئۈسكۈنىلىرىدىن پايدىلىنىپ ئوچۇق دەرس ئۆتۈش،ئوقۇتۇش تەتقىقاتى بىلەن پائال شوغۇللىنىشىنى قېلىپلاشتۇرۇش،ئوقۇغۇچىلارنىڭ ھەر تەرەپلىمە تەرەققىياتىغا ئاساس سېلىش، ئوقۇغۇچىلارنىڭ ئاغزاكى ئالاقە ۋە يېزىقچىلىق ماھارىتىنى يېتىلدۈرۈش ئۈچۈن تۆۋەندىكى بىر قاتار خىزمەتلەرنى ياخشى تەشكىللەپ، پىلانلىق ھالدا يولغا قويىمىز:
1.ئوقۇتقۇچىلارنىڭ دەرس تەخسىماتىنى ۋاختدا تۈزۈپ، ئۈستىگە ئالغان پەنلەرنى ۋاختىدا تەسىس قىلىپ ۋە ئېلان قىلىپ، ئوقۇتقۇچىلارنىڭ ئالدىن تەييارلىق ئىشلىرىنىڭ پۇختا بولۇشىغا كاپالەتلىك قىلىمىز.
2.ئوقۇش باشلىنىشتىن ئىلگىرى ئوقۇتقۇچىلارنىڭ تىزىس تۈزۈشىگە يېتەكچىلىك قىلىپ،ئالدىن تۈزۈلگەن تىزىسنىڭ ئىككى ھەپتە ئىلگىرى بولۇشىغا كاپالەتلىك قىلىمىز.
3.تىزىس تەستىقلاش پائالىيىتىگە ئەستايىدىل مۇئامىلە قىلىپ، تىزىسنى ئەستايىدىل كۆرۈپ،مەسىلە كۆرۈلگەن ھامان دەرھال تۈزىتىشكە سەپەرۋەر قىلىپ، تىزىسنىڭ ئۆلچەملىك تۈزۈلۈشىگە كاپالەتلىك قىلىمىز.تىزىس تۈزۈلمىسە ياكى تەستىقلانىغان بولسا، ئوقۇتقۇچىنىڭ شۇ سائەتلىك دەرسى لاياقەتسىز قىلىنىپ، شۇ سائەتتە خىزمەتكە قاتناشمىغان دەپ خاتىرلىنىدۇ ۋە مەسئۇلىيەتنامىنىڭ روھى بويىچە بىر تەرەپ قىلىنىدۇ.
4.ئوقۇتقۇچى دەرس ۋاختىدا دەرسكە سەۋەپسىز كىرمىسە ياكى ئورنىغا باشقا ئوقۇتقۇچىلارنى ۋاكالەتەن دەرس ئۆتۈپ تۇرۇشقا تەكلىپ قىلمىسا، بىر سائەت دەرس ئۈچ ھەسسىلىنىپ، سەۋەپسىز قاتارىدا مۇئامىلە قىلىنىدۇ.
5. دەرسخانىدا ئوقۇتقۇچى ئۆز مەجبۇرىيىتىنى ياخشى ئادا قىلىشى، نامدا دەرس ئۆتكەن بولۇپ، باشقا ئىشلار بىلەن شوغۇللانماسلىقى لازىم. بۇ خىل ئەھۋال سادىر بولسا،شۇ سائەتلىك دەرس ئىناۋەتسىز قىلىندۇ.
6.تاپشۇرۇقنى ئۆز قەرەلىدە تەكشۈرۈپ، خۇلاسىلاشقا كاپالەتلىك قىلىمىز.ھەپتىنىڭ ئاخىرىدا مەخپى ياكى ئوچۇق تەكشۈرۈش ئۇسۇلىدىن پايدىلىنىپ، تاپشۇرۇق تەكشۈرۈش ئەھۋالىنى ئىگەللەيمىز. مەسىلە كۆرۈلسە تۈزىتىشكە بۇيرۇلۇپ، تاپشۇرۇق تەكشۈرمىگەن قاتاردا خاتىرلىنىدۇ.
7.يىراق مۇساپىلىق ئوقۇتۇش ۋاستىلىرىدىن ئۈنۈملۈك پايدىلىنىشنى ئىشقا ئاشۇرۇشقا كاپالەتلىك قىلىمىز.ئەمەلىي ئەھۋالغا ئاساسەن، ئۇچۇق دەرس ئۆتمەكچى بولغانلارنىڭ ئىسىملىكىنى ئېلان قىلىپ، شۇ ۋاقىتنىڭ ئۆزىدە ئۇلارنىڭ دەرسىنى تىڭشاپ، نەق مەيداندا پىكىر بېرىش، باھالاش پائالىيىتىنى قانات يايدۇرۇپ،سەر خىل ئوقۇتۇش پائالىيىتىنى دەرسخانىغا ئېلىپ كىرىشكە كاپالەتلىك قىلىمىز.
8.ماۋسۇمدا بىر قېتىم ياش ئوقۇتقۇچىلار ماھارەت مۇسابىقە پائالىيىتىنى قانات يايدۇرۇپ،ئوقۇتقۇچىلارنىڭ ئوقۇتۇش تەجرىبىسىنى بېيىتىشقا كاپالەتلىك قىلىمىز.
9بىر قېتىم مۇنەۋۋەر دەرسخانا ئوقۇتۇش پائالىيىتىنى باھالاش پائالىيىتىنى يولغا قويۇپ، دەرسخانا ئوقۇتۇشىدا نەتىجىسى ئالاھىدە بولغانلارنى گۇرۇپپا ئىچىدە مۇكاپاتلاش پائالىيىتىنى تەشكىللەيمىز.
10.بىر قېتىم پەن باشلامچىلىرىنىڭ ئۈلگە كۆرسىتىش، تەجرىبە تونۇشتۇرۇش، كۆرەك پائالىيىتىنى تەشكىللەپ، ئانا تىل ئوقۇتۇش تەجرىبىلىرىنى بارلىق ئوقۇتقۇچىلارغا يۈزلەندۈرۈشكە كاپالەتلىك قىلىمىز.
11.بىر قېتىم مەكتەپ دەرىجىلىك ئوقۇتۇش تەتقىقاتى بويىچە كۆرگەزمە پائالىيىتىنى يولغا قويۇپ، ياخشى تۈزۈلگەن تىزىس، ياخشى لايىھەلەنگەن بىر سائەتلىك ئوقۇتۇش لايىھەسى، ياخشى يېزىلغان ئوقۇتۇش تەتقىقات ماقالىسى، ئۆزى ئىجاد قىلغان ئەدەبىي ئەسەرلەرنى كۆرگەزمىگە قويۇپ،نەق مەيداندا كۆرۈپ، تەسىراتىنى بايان قىلىش، تەكلىپ-پىكىر بېرىشكە يېتەكچىلىك قىلىمىز.
12.دەرسخانا ئوقۇتۇشىنىڭ تەلىۋىگە ئاساسەن، ئېچىۋېتىلگەن دەرس ھەپتىسى پائالىيىتىنى يولغا قويۇپ، ئوقۇغۇچىلارنىڭ تەبىئەت بىلەن ئۇچرىشىش، شەيئىلەرنى كۈزىتىپ ماھايىتىنى ئىگەللەش ۋە يېزىقچىلىق پائالىيىتى بىلەن شوغۇللىنىشىغا كاپالەتلىك قىلىمىز.
13.بىر قېتىم ئوقۇغۇچىلارنى ئانا تىل بويىچە نوتۇق سۆزلەش، ئۆزى ئىجاد قىلغان تۈرلۈك ژانىردىكى ئەدەبىي ئەسەرلەرنى ئوقۇش، خۇشخەت قاتارلىق ماھارەتلەردە مۇسابىقە پائالىيىتىگە ئويۇشتۇرۇپ،نەتىجىسى كۆرۈنەرلىك بولغانلارنى نەق مەيداندا مۇكاپاتلاش ئېلىپ بارىمىز.
14.ئوقۇتقۇچىلارنىڭ ئوقۇتۇش تەتقىقات پائالىيىتى بىلەن پائال شوغۇللىنىپ، ئانا تىل ئوقۇتۇشى ئۈستىدە ئەتراپلىق ئىزدىنىشىگە ئىلھام بېرىپ،ماۋسۇمدا بىر قېتىم بىر پارچە ئوقۇتۇش تەتقىقات ماقالىسى يېزىش،بىر پارچە دەرس لايىھەسى تۈزۈش،بىر قېتىم مۇسابىقە خارەكتىرلىك ئۇچۇق دەرس ئۈتۈش،بىر پارچە قىممەتكە ئىگە ئوقۇتۇش سۈپەت ئانالىزى دوكلاتى يېزىشقا يېتەكلەپ، ئىلمىي بۆلۈمدىكى ھەر قايسى ئوقۇتۇش گۇرۇپپىلىرىغا مەسئۇل خادىملار ئەستايىدىل باھالاپ، دەرىجىگە تۇرغۇزۇپ،دەرىجىگە ئېرىشكەنلىرىنى شەھەرلىك مائارىپ ئىدارىسى ئوقۇتۇش تەتقىقات ئىشخانىسىغا يوللاپ، باھالاشتا ياخشى نەتىجىلەرنى قولغا كەلتۈرۈپ،مەكتەپكە شان-شەرەپ كەلتۈرۈشكە تىرىشىمىز.
15.ئوقۇتقۇچىلارنى پائال يېتەكلەپ، بىر كىچىك تېما تەتقىقاتىغا  قاتنىشىپ،يېڭىلىق يارىتىش،ياخشى نەتىجىلەرنى قولغا كەلتۈرۈشكە كاپالەتلىك قىلىمىز.
16.شەھەرلىك ئوقۇتۇش تەتقىقات ئىشخانىسى تەرىپىدىن دەرىجىگە ئېرىشىپ گۇۋاھنامە بېرىلگەن ماقالە، دەرس لايىھەسى،مۇسابىقىگە قاتنىشىپ ئېرىشكەن شەرەپ گۇۋاھنامىلىرى، كىچىك تېما تەتقىقاتىدا ئېرىشكەن شەرەپ گۇۋاھنامىلىرىنىڭ كۆپەيتىلگەن نۇسخىسىنى تاپشۇرغان ئوقۇتقۇچىلارنىڭ گۇۋاھنامىلىرىنى مەركىزىي مەكتەپكە يوللاپ، ماۋسۇم ئاخىرىدا مەسئۇلىيەتنامىنىڭ روھى بويىچە تەقدىرلەش ئېلىپ بارىمىز.
17.‹‹كىچىك مۇخبىر››،‹‹كىچىك دېكتور›› تەربىيلەش پائالىيىتىنى ياخشى تەشكىللەپ، نۇتۇق ئىقتىدارى يوقۇرىلاردىن ‹‹كىچىك دېكتور››لارنى تاللاپ چىقىپ،مەكتىۋىمىزدىكى يېزىقچىلىق ئىقتىدارى بىر قەدەر يوقۇرى ئوقۇغۇچىلاردىن ‹‹كىچىك مۇخبىر››لار پونكىتى تەسىس قىلىپ، مەكتەپ ئىچى- سىرتىدىكى ياخشى ئىش، ياخشى پائالىيەتلەرنى تەشۋىق قىلىپ،  مەكتەپنىڭ ئومۇمىي كەيپىياتىدا يېڭىلىق يارتىشقا كاپالەتلىك قىلىمىز.

مەنبە:ئۆزۈم

بۈگۈن مەكتەپنىڭ ئورۇنلاشتۇرۇشىغا ئاساسەن، ھەر قايسى ئوقۇتۇش تەتقىقات گۇرۇپپىلىرىنىڭ پىلانى ۋە مۇناسىۋەتلىك خىزمەتلەرنى ئىشلەپ، ئارخىپلاشتۇرۇشقا ئورۇنلاشتۇرۇلغان ئىدى. پىلاننى يېزىپ بولۇپ، ماڭا ئوخشاش ‹‹كېچىكىپ›› قالغانلار يەنە بولۇشى مۈمكىن دەپ قاراپ،تورغا بېرىشنى لايىق تاپتىم. ھەر قايسى مەكتەپتىكى ئوقۇتۇش تەتقىقات گۇرۇپپىسىغا مەسئۇل خادىملارنىڭ پايدىلىنىشىنى ئۈمىد قىلىمەن. ئايرىلىپ قالغان تەرەپلەر بولسا، سەمىمىي مەسلىھەت بېرىشىنى ئۈمىد قىلىمەن.

نۇرلان · ۋاقتى: 2015-9-12 16:28:42

سەلكىن ئەپەندىمنىڭ ئەمگىكىگە كۆپ رەھمەت.

tulpar2 · ۋاقتى: 2015-9-12 23:41:44

ياخىشى يېزىلىپتۇ . ھارمىغايسىز .

sapdil88 · ۋاقتى: 2015-9-13 22:48:24

ناھايىتى ياخشى يىزىلغان پىلان ئىكەن،رەخمەت سىزگە،قولىڭىزغا دەت بەرمىسۇن