ئۈمىد تېنىقلىرى

ئەزھەر36

ئۈمىد تېنىقلىرى

ئۈمىدسىز – چۈشكۈنلۈك قېينايدۇ مېنى ،
خىيال كەپتىرىم ھەر ياققا ئۇچۇپ .
پۇرسەت دەپ تۇتىمەن ھەر بىر مېنۇتنى ،
ھاياتىم بېغىغا گۈللەرنى تۇتۇپ .

ئۈمىد – ئارزۇيۇم يۈكسەككە ئۆرلەش ،
ئەجرىمدىن ھاياتىم بېغىنى گۈللەش .
بىر ئۆمۈر سەرپ قىپ ئەقىل – زېھنىمنى ،
ئىجتىھات يولىدا قىلىمەن كۆرەش .

يېڭى كۈن ھاياتنىڭ يېڭى ھالقىسى ،
چىڭ تۇتساق مەنىلىك ئۆتەر كۈنىمىز .
ئىرادە سېپىلى قىلايلى ھاسىل ،
شۇندىلا ھاياتتا ئۇتۇپ ئۆتىمىز .

ھورۇنلار تۇتمايدۇ ۋاقىتنى يولداش ،
كۆپۈكلۈك خىيالغا بولىدۇ سىرداش .
ھەمنەپەس بولىدۇ غەيۋەت – شىكايەت ،
بىكارچى ، غەيۋەتچى بولىدۇ قولداش .

‹‹ تۇنجى باشلىنىش – يېرىم غەلبە ›› دۇر ،
تاۋلايلى ئىرادە چۈشۈپ چېلىشقا .
مەغلۇپ بوپ يىقىلساق چېلىشتا ئەگەر ،
يەنە بىر سىنايلى قايتا ئۇتۇشقا .

پىلانلىق ، نىشانلىق ئۆتەيلى دوستلار ،
كىتابنى ھەمراھ قىپ يېڭى بىر يىلغا .
چاڭقىغان دىللارغا زەمزەم قۇيايلى ،
يېتەكلەپ ئۇلارنى ئېرپان يولىغا .

مەنبە : ئەخمەتجان مەمتىمىن ( ئەزھەر 36 )
2015-يىل 2-ئاينىڭ 1-كۈنى

WOLKANI

ئەزھەر ئەپەندىنىڭ بۇ يېڭى شئېرىنى ياقتۇردۇم،ئىلگىرلەش زور سزدە ،داۋاملىق ئەسەرلىرىڭىزنى كۆرۈپ تۇرۇشنى ئۈمىد قىلمەن .

ئەزھەر36

WOLKANI يوللىغان ۋاقتى  2015-2-2 17:57
ئەزھەر ئەپەندىنىڭ بۇ يېڭى شئېرىنى ياقتۇردۇم،ئىلگىرلە ...

ئېلھام بەرگىنىڭىزگە كۆپ رەھمەت . داۋاملىق يوللاپ تۇرىمەن .

نەۋرۇز

شىئېرىڭىزنىڭ تلى ياخشىلنىۋاتىدۇ. "ئۈچ چى قېلىنلىقتىكى مۇز بىر كېچىدە قاتمايدۇ' . تېرىشىڭ قېرىندىشىم.

ئەزھەر36

نەۋرۇز يوللىغان ۋاقتى  2015-2-2 21:22
شىئېرىڭىزنىڭ تلى ياخشىلنىۋاتىدۇ. "ئۈچ چى قېلىنلىقتىكى  ...

شىئىرلىرىمغا ناھايىتى ياخشى باھالارنى ۋە تەكلىپ - پىكىرلەرنى بېرىپ كىلىۋاتىسىز .
سىلەرنىڭ كۆپىرەك تەكلىپ - پىكىرىڭلارغا مۇھتاجمەن .

نۇرلان

ئەزھەر ئەپەندىمنىڭ قەلىمىگە يەنىمۇ بەرىكەت تىلەيمەن.

ئەزھەر36

نۇرلان يوللىغان ۋاقتى  2015-2-2 21:35
ئەزھەر ئەپەندىمنىڭ قەلىمىگە يەنىمۇ بەرىكەت تىلەيمەن.

نورلان ئەپەندىنىڭ ياخشى باھاسىغا رەھمەت .