يېشىللىق سۆيگۈسى

ئەزھەر36

يېشىللىق سۆيگۈسى


چاڭ – توزاننى سۈمۈرۈپ ،
پاكىز قىلدى يېشىللىق .
ھۆسىن قوشتى ئەتراپقا ،
ئادەملەرگە ئىجىللىق .

يېشىللىقتۇر سالقىنلىق ،
يېشىللىقتۇر پاكىزلىق .
يېشىللىق ئۇ زىننەتتۇر ،
بېرەر ئەلگە خۇشاللىق .

يېشىللىقتىن ئايرىلسا ،
ھېچكىم بولماس سالامەت .
يېشىللىقنى سۆيمىسەڭ ،
سەندە بولماس لاياقەت .

دەشت – چۆلنى ، يەرلەرنى ،
ياشارتتى ئەل ، تەر تۆكۈپ .
قاقاس يەرلەر ئۆزگەردى ،
مول ھوسۇل ، ئاشلىق بېرىپ .

كۆچەت تىكىش ئۇلۇغ ئىش ،
نابۇت قىلىش جىنايەت .
قەدىرلىسەڭ ئەمگەكنى ،
ئېلىپ كىلەر سائادەت .

چەيلەپ – دەسسەپ ئاڭسىزلار ،
مەينەت قىلدى ‹‹ يېشىل ›› نى .
پاكىزلىقتىن بۇلغۇنۇپ ،
تۆكتى زېمىن يېشىنى .

قاقاس يەرلەر ئۆزگىرىپ ،
قۇرۇلدى كۆپ ئىمارەت .
تولدى ئەتراپ ‹‹ يېشىل ›› غا ،
ئۆتەر كۈنلەر بەك راھەت ،

چىمنى دەسسىمە دوستۇم ،
بېرەر ئۇ بىزگە راھەت .
ئەل ئالدىدا تەنبىھ يەپ ،
تارتما ھەرگىز خىجالەت .

ئۆز يۇرتۇڭنى ياشارتقىن ! ،
كۆچەت تىكىپ ، گۈل تېرىپ .
يېشىللىققا پۈركەنسۇن ! ،
جۇدۇن كەتسۇن ، توڭ ئېرىپ .

قۇلاڭ سېلىڭ مۇھىتنىڭ ،
چەككەن – ئاھۇ – زارىغا .
يېتىڭ گۈزەل مۇھىتنىڭ ،
قەدرىگە ھەم ھالىغا .

ھەممە بىردەك ئاسرايلى ! ،
يېشىللىقنى دوست تۇتۇپ  .
تەبىئەتنى سۆيەيلى ،
ھەممە بىردەك قول تۇتۇپ .

مەنبە : ئەخمەتجان مەمتىمىن ( ئەزھەر 36 )
2014-يىل 1-ئاينىڭ 28-كۈنى

نەۋرۇز

تەبىئەتنى سۈيۈش ھەممىمىزنىڭ مەسئۇليىتى. بۇنىڭغا بىزنىڭ ئاتا بوۋىللىرىمىزنىڭ ئەنئەنىسى گۇۋاھ . يازمىڭىزدىن سۈيۈندۇم.

نۇرلان

ئەزھەر ئەپەندىمنىڭ بۇ يېقىملىق لېرىكىسى- مۇھىت ئاسراش جەھەتتە ياخشى تەشۋىقات ئەندىزىسى بولالايدىكەن. قەلىمىڭىز يەنىمۇ نۇرلانسۇن.

ئەزھەر36

نەۋرۇز يوللىغان ۋاقتى  2015-1-28 22:08
تەبىئەتنى سۈيۈش ھەممىمىزنىڭ مەسئۇليىتى. بۇنىڭغا بىزنى ...

يازمامغا ياخشى باھا بەرگىنىڭىزگە كۆپ رەھمەت ، مەن شئىر  يېزىشقا ئەمدىلا كىرشكەن ‹‹ مايسا ›› تەكلىپ - پىكىرىڭلارغا تەشنامەن .

ئەزھەر36

نەۋرۇز يوللىغان ۋاقتى  2015-1-28 22:08
تەبىئەتنى سۈيۈش ھەممىمىزنىڭ مەسئۇليىتى. بۇنىڭغا بىزنى ...

يازمامغا ياخشى باھا بەرگىنىڭىزگە كۆپ رەھمەت ، مەن شئىر  يېزىشقا ئەمدىلا كىرشكەن ‹‹ مايسا ›› تەكلىپ - پىكىرىڭلارغا تەشنامەن .

ئەزھەر36

نۇرلان يوللىغان ۋاقتى  2015-1-28 22:25
ئەزھەر ئەپەندىمنىڭ بۇ يېقىملىق لېرىكىسى- مۇھىت ئاسراش  ...

ياخشى باھا بەرگىنىڭىزگە كۆپ رەھمەت .

سىھىر

ياخشىمۇ سىز ئەزھەر ئ‍ەپەندىم،،،،،شىئ‍ىرىڭىزنىڭ تىلى بەكمۇ يىنىك يېقىشلىق چىقىپتۇ،،،،،ھارماڭ،،،،،كىيىنكى ئ‍ىجادىيەتلىرىڭىزگە زور ئ‍ۇتۇقلارنى تىلەيمەن ☺!!!!!!

ئەزھەر36

سىھىر يوللىغان ۋاقتى  2015-1-29 02:20
ياخشىمۇ سىز ئەزھەر ئ‍ەپەندىم،،،،،شىئ‍ىرىڭىزنىڭ تىلى  ...

رەھمەت سىزگە .

ئەزھەر36

سىھىر يوللىغان ۋاقتى  2015-1-29 02:20
ياخشىمۇ سىز ئەزھەر ئ‍ەپەندىم،،،،،شىئ‍ىرىڭىزنىڭ تىلى  ...

رەھمەت سىزگە .

Ayshemgul

سىزنىڭ باشقا يوللانمىللىرىڭىزنى كۆرگەن. بىراق شېئىر يازغىنىڭىزنى كۆرمەپتىكەنمەن.  ئەھمىيەتلىك تېمىلارنى يوللايتىڭىز. بۇنى ئوقۇپمۇ شۇنداق مەمنۇن بولدۇم.  ناھايتى راۋان، يىنىك، يېقىشلىق يېزىپسىز. بەك ياقتۇردۇم. قەلىمىڭىز يەنىمۇ بەرىكەتلىك، ئۆتكۈر بولسۇن!