يامغۇرلار سىرغىدى...

شاھدىل

يامغۇرلار سىرغىدى...

شاھ دىل


يامغۇرلار سىرغىدى يۈزۈمنى بويلاپ ،
ياشلىرىم قېتىلىپ كەتتى ئۇنىڭغا .
تەلمۈردۈم بەك ئۇزاق ، سىغېنىش بىلەن-
ۋىسالغا تۇتاشقان كىلەر يولۇڭغا .


يامغۇرلار سىرغىدى جىسمىمنى بويلاپ ،
مۇزلىدى تەنلىرىم مۇزلىدى يۈرەك .
ۋىسالنىڭ نۇرلىرى ئۆچكەن خانەمگە ،
قەلبىڭدىن پارلىغان بىر قوياش كىرەك .


2009 - يىلى    قەشقەر

نۇرلان

يەنىلا  ياخشى يېزىلغان شېئىر. شاھدىل ئەپەندىمنىڭ قەلىمى يەنىمۇ بەرىكەتلىك بولغاي.

شاھدىل

نۇرلان ئۇستازنىڭ باھالىرىغىمۇ كۆپ رەھمەت !

ئىدرسجان

ياخشى يىزىپسىز تىخمۇ تىرشىڭ.

نەۋرۇز

تەسىرچانلىقى كۈچلۇك ھەم بەك ياخشى يېزىپسىز. ئەمما قارىسام شىئرىڭىزنىڭ ئاخىرى باردەكلا.......ئەگىشىپ يازاي دىسەم كاللامغا ھېچنىمە كەلمەيۋاتىدۇ. ئەمما بىر كۈنى چۇقۇم يازىمەن.

شاھدىل

ئۇستازلارنىڭ پىكىرىنى كۆرۈپ شۇنداق سۆيۈندۈم .... مەنمۇ ئۇستازلار بىلەن پىكىرداش - سۆھبەتداش بولۇشنى چىن كۆڭلۈمدىن ئۈمۈد قىلىمەن !

جام

نەۋرۇز يوللىغان ۋاقتى  2015-1-1 20:14
تەسىرچانلىقى كۈچلۇك ھەم بەك ياخشى يېزىپسىز. ئەمما قارى ...

بولسا شۇنداق قىلىڭە ھۆرمەتلىك «نەۋرۇز» ئەپەندىم، قەلىمىڭىزگە ئىنتىزارمەن
مۇشۇ ھۆرمەتلىك تېما ئىگىسى «شاھدىل» قېرىندىشىمىزنىڭ مۇشۇنىڭ بىلەن ئىككىنچى تېمىسىنى كۆرۈشۈم. مەنمۇ سىزدەكلا ھېس قىلىپ قالدىم، قارىغاندا بۇمۇ بىر شېئىر يېزىشتىكى ئۇسۇلۇبمۇ قانداق: مەن مۇشۇنچىلىك يېزىپ تۇراي، ئاخىرىنى سەن چىقار دەپ بىزگە خىتاب قىلىۋاتقاندەك، ئەشۇ يازغان شېئىرلىرىدا ئىپادە قىلىنغان تۇيغۇنىڭ ئىچىگە بىزنى ئىتتىرىپلا تۇرىدىكەن

شاھدىل

جام يوللىغان ۋاقتى  2015-1-1 23:35
بولسا شۇنداق قىلىڭە ھۆرمەتلىك «نەۋرۇز» ئەپەندىم، قەل ...

ھۆرمەتلىك ‹‹جام›› ئەپەندى قەلىمىڭىز ئارقىلىق ھىسلىرىمنىڭ داۋامىنى ئاڭلاشقا مۇيەسسەر بولغۇم بار ، ‹‹نەۋرۇز››ئەپەندى بىلەن ئىككىڭلار بىر چۈشۈرۈپ بىرىڭلار ....

سىھىر

مەن ئەگىشىپ باقايمۇ،،،،،،

نەۋرۇز

جام يوللىغان ۋاقتى  2015-1-1 23:35
بولسا شۇنداق قىلىڭە ھۆرمەتلىك «نەۋرۇز» ئەپەندىم، قەل ...

بەزىدە قەلەم مىنى راستىنلا قىيناپ قويىدۇ جام ئەپەندى. يەنىلا سادىق ئوقۇرمەن بولۇشمۇ بىر خىل ھۇزۇر. تېما ئىگىسى ئۆزى بۇ ھەقتە ئويلىنىپ كۈرۈپ داۋاملاشتۇرسا ۋە ياكى باشقا شائىرلار داۋاملاشتۇرسا ئاندىن بىر نىمە دەرمىز.