پەن ئۆگەنمەكلىك كېرەك !

روك

  پەن ئۆگەنمەكلىك كېرەك

نامى بار، بى ئىقتىدار بولسا مىسالى پور تېرەك ،
ئۇ زامانىۋى قۇرلۇشقا ھىچ قىلىپ كەلمەس كېرەك .
ئۇسسۇغاندا ئەلگە سۇ توڭغاندا ئاتەش بولمىساڭ ،
قانچە داشۆدە ئوقۇپ چىقساڭمۇ گەرچە بى كېرەك .

كۆزلىسەڭ ئەل بەختىنى بولسۇن ئىچىڭدە مول بىلىم ،
بولمىسا بۇنداق سۈپەت بولغانغا تەڭ دانىڭ پۈچەك .
ئويلىسا كىمكى روناق ، خەلقى ئۈچۈن تاپماق ئىجاد ،
يوق جاھاندا ياخشىراق پەن ئۆگەنمەكتىن بۆلەك .  

پەن بىلىمنىڭ ئۇلىنى دەسلەپتە سالغىن پۇختىلاپ ،
شوخ  ئېچىلغان چېچەكمۇ مول مېۋىگە ئالدىن دېرەك .
شۇنچە چوڭ ھەيۋەت بىنا دەسسەيدۇ ئۇلنىڭ ئۈستىگە ،
بولسا ئاجىز ئۇل ئەگەر ئۇ بىر دۆۋە داشقال كېسەك .

تەۋسىيە : بۇ بەك ياخشى شېئىر ئىدى ، مەن بەك ياقتۇراتتىم . يادىلىغىنىم بويىچە يېزىپ باقتىم .  تۆتىنچى كۇپلىتى ئېسىمدىن كۆتۈرۈلۈپ قاپتۇ،  تولۇق بىلىدىغانلار بولسا  ۋە بۇ شېئىرنىڭ ئاپتورىنى بىلىدىغانلار   يوللاپ قويساڭلار ! مېنىڭ ئېسىمدە قالغىنى مۇشۇكەن . رەھمەت سىلەرگە !

ablimitt

ياخشى شېركەن، دۆلىتىمىزدە بىر يەردە چارۋىچىلىق ئىدارسىنىڭ باشلىقىنى مائارىپ ئىدارسىغا باشلىق قىلىپ، دەرىجە (قالپاق) بۇيىچە يۈتكىدۇق دەپ چۈشەندۈرۈپتۇ...