رۇبائىيلار توپلىمى

سۈربۆرە

       ئىبرەتلىك قىسىمى

تەڭ ئىدۇق ھەممىمىزتەڭرى ئالدىدا،
ۋەلېكىن تەڭ  ئەمەس دەۋىر ئالدىدا.
كۆرەڭلەپ  كەتمە  ئامەتلىرىڭدىن،
ئاخىرى تەڭ بۇلىمىز قەبرە ئالدىدا .

                     تۇرمۇشتا  بارئۇنىڭغا  بۇنى چاقىدىغانلار،
                     ئەمەل،مەنسەپ پۇتىغا لەۋنى ياقىدىغانلار.
                   بىرەرجايدىن ئېچىلسا نەپ تۈشۈكى ئەگەردە،
                  شۇ تۈشۈكتىن يۇندىدەك سىرغىپ ئاقىدىغانلار.

‹‹ئاق››دېسە قۇندۇزنى باشلىق،مەن دېدىم‹‹قاردىنمۇئاق››،
‹‹ياش››دېسە ئاق باش موماينى مەن دېدىم: ‹‹پاقلان بوۋاق››.
دەۋېرىپ  ئاشۇنداقلا  جىقلاپ  نەپ  ئالدىم  ، لېكىن ،
شەكلىم   ئادەملىكتە   قالدى   خىسلىتىم   كەتتى   يىراق .

                                    بولسا  شاھ،چاشقان ئەگەردە ئامىتى ئوڭدىن  كېلىپ،
                                ئايلىنار  ئەتراپىدا   شىر  پۈكلىنىپ،تەزىم قىلىپ.
                                 ‹‹شاھىمىزنىڭ قۇدرىتىدىن يېرىلار تاغ چاكۇ چاك››،
                                  دەپ چاپار مەنلىك قىلار يولۋاس جاھانغا جار سېلىپ.
بەزىلەر   ئازراق   ئەمەلنى  ئۆتتى   ئڭگۈشتەر   قىلىپ،
سانجىدى  ئەل كۆكسىگە  گويا  ئۇنى  نەشتەر  قىلىپ .
ئاخىرى ئەل ئاھى تۇتقاچ ئۇل‹‹جاناپلار››نى بۈگۈن ،
تاشلىدى  رەسۋايى  ئالەم  ھەممىدىن  بەتتەر   قىلىپ.

                             قىلغىنىم    يالغاننى  راس،ئىكەن   ۋاقىتلىق    ھادىسە،
                              بىرمەھەل‹‹بىڭسىم بۇ››دەپ كەتتىم كۆرەڭلەپ ھەدېسە.
                            بولدى  پاش  ئەل  ئالدىدا،ئاخىر  بۇئىشىمنىڭ  سىرى،
                              مەن  كەبى  رەسۋا  بۇلۇر  كىم  ساختا  شۆھرەت ئىزدىسە

ماھىرى مەن كۆرسىتىشنىڭ تۈگمىنى تاغدەك قىلىپ،
سۇ،گىياھسىز چۆلنى گويا  مېۋىلىك  باغدەك قىلىپ.
دىلدا  غەم كۆزلەرمۇنەم  بولغان  مۇسىبەت  كۈنىنى،
خۇددى ئايەم بۇلىۋاتقان زاد-خورام چاغدەك قىلىپ.

                                     بارمىدۇ  دۇنياداجاي  سۆزى  شېكەر  يالغانچى  يوق؟،
                                   سۆزلىرى  شىرىن  لېكىن  دىلى  زەھەر يالغانچى يوق؟
                                   ماختىسا ئالدىڭدا گەر،ئارقاڭدىن پىچاق تەڭلەيدىغان،
                                  ئىككى تىللىق، ئىككى يۈزلۈك ھىلىگەر يالغانچى يوق؟



يۆگىمەچنى  دېسە ‹‹ رەيھان›› زەپ  ياراشقان  ئات  دىمە،
ماختىنىپ لاڭقائىشەك‹‹مەن ئات››دىسە‹‹سەن ئات››دىمە.
پىتنە    ئوقياسىنى    كۆڭلۈڭ    ئۆزگىلەرگە    تەڭلىسە،
سۇندۇرۇپ  تاشلا  ئوچاققا، ‹‹قېنى چەنلەپ ئات›› دىمە.

                                    ئۆمرىمىز ئۆتمەكتەخۇش-شاد،يەپ ئىچىپ مېھمانلىشىپ،
                                   ھەممە  ئىش تېخنىكا بىلەن كەتتى بەك ئاسانلىشىپ.
                                 بۇ  كەبى  دەۋران  ئىچىدە  باشقىسىدىن  غەم   نېمە.
                                  توي تۈگۈل نەزىر مۇھەم،  بولغان تۇرسا رېستۇرانلىشىپ.

ئۇستىسى مەن گەپ تېپىشنىڭ ئارقىسىدىن كىشىنىڭ ،
قىلغىنى   بىر   نۆرى  ھەتتا   ئويلىمىغان   ئىشىنىڭ.
تۇتسا  پەيزىم  بۇھۈنەردە ، دەپ  بېرەلەيمەن  شۇئان،
ئاشۇ   كەڭ  ھىمىت  سىيىتنىڭ، سانىنىمۇ   تېشىنىڭ.

                                       چۈش  كۆرۈپ تاپقان خەزىنەڭ ئەتىسى قوپقۇنچە يوق،
                                       تۆت تاغار قىلساڭ قۇرۇق گەپ ئاغىزىنى ئاچقۇنچە يوق.
                                     ئۇنى ئالداپ   بۇنى باپلاپ  كېرىلىپ   يۈرگەن بىلەن،
                                    ئاشۇ  قۇزغۇنچە  ھاياتنىڭ   بىر يىلى   بىر كۈنچە يوق.

yaxlik007

ناھايتى  ياخشى  يىزىپسىز  ، كۆپ رەھمەت . داۋاملىق تىرشىڭ

360

جاپا تارتىپسىز

arkzat

yaxlik007 يوللىغان ۋاقتى  2014-6-28 14:32
ناھايتى  ياخشى  يىزىپسىز  ، كۆپ رەھمەت . داۋاملىق تىرشىڭ ...

   يوللىغۇچى بۇ رۇبائىيلارنى ئۆزى يازماپتۇ، قېرىندىشىم، توپلاپ «توپلام» قىلىپ يوللاپتۇ. ھېچ بولمىغاندا، بىرىنچى رۇبائىينىغۇ تونۇغانسىز؟

arkzat

  ياخشى رۇبائىرنى تەۋسىيە قىلىپسىز، بەھىرلەندۇق، رەھمەت!
تەكلىپىم:
  1. ئېسىل رۇبائىيلارنى تەۋەررۈك ئانا تىل-يېزىقىمىزدا نۇقسانسىز يوللىغان بولسىڭىز، ئالتۇن ئۈزۈككە ياقۇت كۆز ياراشقاندەك ئىش بولاتتى.....
   2. «رۇبائىيلار توپلىمى» دېسىڭىز، كەم دېگەندە بىرەر يۈزدىن ئارتۇق رۇبائىينى ئوقۇيدىغان بولدۇم...دەپ ئىشتىھا بىلەن كىرىۋېدىم، ئەپسۇس...... «توپلام» سۆزىنىڭ ئىستېمالىنى بۇزمايلى.

سۈربۆرە

arkzat يوللىغان ۋاقتى  2014-6-29 00:07
ياخشى رۇبائىرنى تەۋسىيە قىلىپسىز، بەھىرلەندۇق، رەھم ...

مەنمۇ شۇنداق قىلاي دېگەن لېكىن بەك كۆپ   رۇبائىينى بىراقلا بىرقېتىم يوللىسام تەستىقتىن ئۆتمىدى .شۇڭا ئاز-ئازدىن يوللاۋاتىمەن. مەن 10كۈن سەرىپ قىلىپ بىرمۇنچە رۇبائىينى روھلانغا تەييارلاپ يوللىسام تەستىقلانمىدى . ئەگەر بىرەر  يولباشچى تەستىقلاپ بەرسە ھەممىنى بىراقلا يوللايتىم

ئونسۇ

سىز ئاۋال روبائىيلارنىڭ ماۋزوسنى ئايرىم -ئايرىم يېزىپ ئاندىن ئاستىغا، ھەممىسنى پىرىسلاپ يوللسڭىز ياكى ھەممىسنى ئېلىكترونلۇق كىتاپ قىلىپ ئىشلەپ يوللسڭىزمۇ بۇلدىغۇ؟  

قاراقاش

بولسا ئاپتۇرلىرىنى ئەسكەرتىپ قۇيۇڭ.