غەزەللەر

زەپەرى

(1)
تۆرىلىپ دۇنياغا ئىنسان كۆپلىگەن قاپقاننى كۆر،
خۇشامەت،يالاقچىغا يەكتىكى تون ياپقاننى كۆر.

ئەجرىدىن مىڭ بىر جاپادا  بىرسى چۆلنى كۆكلىتەر،
بىرى گۈلشەننى  چەيلەشكە تىزلائوت ياققاننى كۆر.

قورسىقى تويسا بىراۋنىڭ كۆزلىرى تويماس پەقەت،
زەررىچە نەپنى قارارلاپ يۈزنى ھەم ساتقاننى كۆر.

تەكتىدىن ھارام مۈلۈككە خۇيلىرى كۆنگەنمىكىن؟
پارىنىڭ پاتقاقلىرىغا ھەسسىلەپ پاتقاننى كۆر.

ياخشىلار ياخشى سۈپەتتە،ئەتىسى كۈلگەن چېغى،
رەشكىدىن  ھەسەت ھامىلدار پىتنە كۆز ئاچقاننى كۆر.
(2)
                  
تالاي يىللارنى ئۆتكۈزدۈم، قىرانى ياشلىقىم يوقتۇر،
ۋىسالسىز كۈندە ئاغرىقمەن،تىنىمدە ساقلىقىم يوقتۇر.

سىنىڭ ئەكسىڭنى كۆرمەككە  پۈكۈپ بارماقلىرىم تالدى،
پىغانىم يەتتى ئەۋجىگە ئىشەنگىن شاتلىقىم يوقتۇر.

يۇتۇشۇم دەردۇ-ئەلەمدۇر،گېلىمدىن ئۆتمىگەي ئاش-نان،
چېيىمدا نوكچا-ناۋاتتۇر،سۈمۈرسەم تاتلىقىم يوقتۇر.

سىنىڭدىن ئايرىلىپ يۈرگەن زاۋال كۈنلەردە ئۆرتەندىم،
بىشارەت بەرسە ئۆزگەيار  دىلىمدىن باققىنىم يوقتۇر.

يىراق يۈرسەڭمۇ مەندىن يار،كىلەرسائەتكە يەتكۈنچە،
چۈشۈمگە كىرگىنە بىر رەت،كۈتۈشكە تاقىتىم يوقتۇر.

                                           ئاپتۇر:كىرىمجان ياسىن(زەپەر)

نۇرلان

ياخشى يېزىلغان غەزەل ئىكەن. زەپەرى ئەپەندىمگە رەھمەت.

شۈكرانە

ئىسىل
来自安卓客户端

kirimulla

رەھمەت. قۇلىڭىزغا دەرت كەلمىسۇن!

757186521

ئەجرىڭىزگە كۆپ رەھمەت

نەۋرۇز

سىزنىڭ يازمىللىرىڭىز بىر بىرىدىن ئىسىل چىقىۋاتىدۇ قېرىندىشىم. تېخىمۇ تېرىشىڭ