كەلگۈدەك

كۇسەنى

كەلگۈدەك
(ساتىرا)
يۇقىرىدىن مۇپەتتىش تەكشۈرگىلى كەلگۈدەك،
سان-ساناقنى يالغاندىن يوللىغىلى كەلگۈدەك،
دوكىلاتنى ئاشتىغا ياسىغىلى كەلگۈدەك،
قورساق بېقىپ يۇقىرىنى گوللىغىلى كەلگۈدەك.

تەييارلىقلار پۇختىغۇ راسلاپ بولدۇق سورۇننى،
ئىشقا سالدۇق مۇپەتتىش ئۇخلاپ قالغان ھۇرۇننى،
بەش يۇلتۇزدىن راسلىدۇق ئۇخلايدىغان ئۇرۇننى،
سامان قورساق باشلىقنى قوللىغىلى كەلگۈدەك.

مېۋە-چىۋە دەپ قاپسىز ئادەمگىياھ تەييارغۇ،
لەببەي بىلەن تۇرىمىز بىز راستىنلا چاكارغۇ،
سىزنى ئۇبدان كۈتۈشكە خانىمچاقلار تەييارغۇ
شۇ ساپاسىز باشلىقنى داڭلىغىلى كەلگۈدەك.

ياساپ قويدۇق ئۇخلىماي مەكتەپ ئىچى سىنىپنى،
ئېيتىشقىمۇ ئادەم بار سىز ياندۇرغان قۇسۇقنى،
ئەيىپ ئەمەس كوپ ئىچىش ئۇ بۇزىدۇ تۇسۇقنى،
ھېلە بىلەن بىزلەرنى كوملىغىلى كەلگۈدەك.

ئاڭلاشتىنلا ئەيمىنەر مۇپەتتىشنى، ئاتاقنى،
كۆز بوياپلا ياپىمىز ۋاختى كەلسە چاتاقنى،
ھىچ بولمىسا ئەپلەيمىز شوپۇر دىگەن چاپاقنى،
قىز چوكاننى ئاسانلا ئوۋلىغىلى كەلگۈدەك.

دەپتەر-قەلەم بويالدى ساختا ئوستى سان سۈپەت،
كەلسە چۇقۇم يارايدۇ بىز تاللىغان جۈپ ئۆلپەت،
پۇقرا تارتار دەردىنى كەلسە يەنە شۇ كۈلپەت،
ھۇقۇق بىلەن بۇرتىنى مايلىغىلى كەلگۈدەك.

چارچاپ كەتتى كۆپ ئىشلەپ ئىشخانىدا ئۆزىچە،
باشلىق بولماق تەس ئىمىش ئاشۇلارنىڭ سۆزىچە،
پۇقرالارنىڭ دەردىگە ئۇخلىماسمىش كېچىچە،
شۇ ھۇقۇقنىڭ كۈچىنى سۈردۈرگىلى كەلگۈدەك.

دوستخان سالماي ئالدىغا مۇز قاپاقلار ئېچىلماس،
نازۇ-نىممەت تەيياردۇر بۇلارغا يوق تېپىلماس،
سىگارت دەمسىز ھاراقمۇ بۇ داستىخان يېپىلماس،
ئۆزلىرىگە كۈچ-ماغدۇر توپلىغىلى كەلگۈدەك.

ئاشقازىنى بەك چوڭمىش،قورساقلىرى ناغىردەك،
ھىچ بىر ئارام بەرمەيدۇ، بۇلۇپ بىزلەر پايپېتەك،
ماشىنىسى لىق تولسا ئاندىن خۇشال قايتقۇدەك،
سۈپەت نىمە بىلمەستىن يايرىغىلى كەلگۈدەك.

جەرىمانە پۈتۈكلۈك،كىم ۋايسىسا يىغلىسا،
باشلىقلارنى ئويلىماي كىمدۇر بالدۇر ئۇخلىسا،
ئاچ بۆرىدەك ئالىيار قورساقلىرى تويمىسا،
باشلىقىمنى چۈيۈندەك تاۋلىغىلى كەلگۈدەك.

سۆزىمۇ يوق زەرىچە، باردۇر نىمە قىممىتى،
دەم ئالماستىن ئىشلەشلەر شۇ باشلىقنىڭ ھىممىتى،
ئادىل بۇلۇش پاك بۇلۇش شۇ باشلىقنىڭ زىننىتى،
يانچۇغىنى تولدۇرۇپ قاسسىغىلى كەلگۈدەك.

تىڭشىغىلى ۋاقىت يوق  ئۇ ئاۋامنىڭ سۆزنى،
يەنە بوياپ ئۈتەركەن يۇقىرى-تۆۋەننىڭ كۆزىنى،
ھۇقۇق دىگەن شۇ ئىمىش خان ئاتامنىڭ تۈزىمى،
پەيلى بىلەن بىزلەرنى بابلىغىلى كەلگۈدەك.

بىلمەستىنلا كىم ياخشى،كىملەر سىمىز كىم ئۇرۇق،
خىزمىتىدە يۈز نۇمۇر بۇلار ئىكەن شۇ تۇلۇق،
ئۆز-ئۆزەمگە دىدىم خەپ ئوڭشالماسمۇ بۇ خۇلۇق،
شۇ ھۇقۇقنڭ كۈچىدە يايلىغىلى كەلگۈدەك.

ھەق-ناھەقنى كۆرمەيدۇ شۇنچە ئۆتكۈر كۆزلىرىڭ،
پۇقرا ئۈچۈن ئوغىكەن سىنىڭ قىلغان سۆزلىرىڭ،
يۇندا يالاپ ھەر كۈنى قىزارمايدۇ يۈزلىرىڭ،
كوچىدىكى لالمىدەك يالىغىلى كەلگۈدەك.

نىمە بولسا بولمامدۇ شۇ خەلىقنىڭ تەغدىرى،
شەخسى مەنپەت ئۇيىدا بەگ غۇجامنىڭ كەپتىرى،
بىر كۈن تۇشۇپ قالارمۇ ۋېجدانىمنىڭ دەپتىرى،
غۇرۇرىنى قۇسۇققا مىلىگىلى كەلگۈدەك.

لەنەت ساڭا مۇپەتتىش غادايمىغىن ئۆزۈڭچە ،
ھۇقۇق دىگەن ساڭىلا باقى ئەمەس كەچكىچە،
ھارام بايلىق سىڭمەيدۇ سەن لەھەتكە كەتكۈچە،
بىكاردىنلا جىلە قىپ ئۆلتۈرگىلى كەلگۈدەك.

2014-1-12

ئەزھەر36

ياخشى تېما ئىكەن ، رەھمەت .

نۇرلان

ياخشى يېزىپسىز. ئۇستاز شائىر مۇھەممەدچان راشىدىننىڭ  مۇشۇ تېمىدا بىر شېئىرى بار.  ئوقۇغان بولغىيتىڭىز؟

ئالمىچى

ئالامەت ياخشى يىزىپسىز شىئىرنى، ھازىرمۇ شىئىردا دىيىلگەندەك، يۇقۇرغا خۇشامەت قىلىپ تۆۋەندىكى پۇقرالارنى ئىزىدىغان، نەپسانىيەتچى
پارىخور، چىرىك ئەمەلدارلا ساماندەك، خۇددى يۇقارقى يامان ئىللەتلەر ئۇلارنىڭ قىن-قىنىغا سىڭىپ كەتكەندەك.
قەلەم تۇلپارىڭىز ھارمىغاي.

توغراق520

دەل ھەقىقەتنى يېزىپسىز رەھمەت سىزگە.

نەۋرۇز

ئەسسالامۇ ئەلەيكۇم ساۋاقدىشىم !
قانداق ئەھۋالىڭىز ؟ بۇ يازمىڭىز تولىمۇ مۇۋاپپىقيەتلىك چىقىپتۇ. روھلان سىزنىڭ مۇشۇنداق ئېسىل يازمىڭىز بىلەن تېخىمۇ روھلانسۇن.....

نەۋرۇز

ھەر بىر مىسرا ھەر بىر كۇبلىت ئۆزگىچە مەنالار بىلەن تۇيۇنۇپتۇ. نەچچە رەت ئۇقۇپمۇ تويماۋاتىمەن ما يازمىڭىزغا .

چاقنار

بەك ئېسىل شېئىر بوپتۇ

ئىدرسجان

ياخشى چىقپتۇ داۋاملىق تىرشىڭ.