ئاممىۋىي لۇشىيەنگە دائىر بىلىشكە تېگىشلىك سوئال-جاۋابلار

ADiL · ۋاقتى: 2014-5-14 00:49:38

پارتىيە ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىدە بىلىشكە تېگىشلىك بىلىملەر
1. پارتىيە ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىدىكى ئومۇمىي تەلەپ نىمە؟
ج: پارتىيە ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىنىڭ پۈتۈن جەريانىدا «ئەينەككە قاراش، ئۈستى- بىشىنى تۈزەشتۈرۈش، يۇيۇنۇپ تارىنىش، كېسەل داۋالاش»نى ئومۇمىيۈزلۈك ئىزچىللاشتۇرۇشتىن ئىبارەت.
2. ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىدىكى «تۆت ئىستىل» قايسى مەزمۇنلارنى ئۆز ئىچىگە ئالىدۇ؟
ج: ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىنىڭ ئاساسلىق ۋەزىپىسى ئىستىل قۇرۇلۇشى جەھەتكە مۇجەسسەملەنگەن بۇلۇپ، شەكىلۋازلىق، بىيۇكراتلىق، راھەتپەرەسلىك ۋە ئىسراپخورلۇق قاتارلىق «تۆت ئستىل» مەسىلىسىنى مەركەزلىك ھەل قىلىدۇ.
3. «تۆت ئىستىل» مەسىلىسىنىڭ ئاساسلىق ئىپادىلىرى قايسى؟
ج: «تۆت ئىستىل» مەسىلىسىنىڭ ئاساسلىق ئىپادىلىرى: غايە ئتقادى تەۋرىنىش، مەقسەت ئېڭى ئاجىز بۇلۇش، ئىدىيە جەھەتتە بىپەرۋالىق قىلىش، نام- مەنپەئەتكە ئىنتىلىش، ساختىپەزلىك قىلىش، ئەمەلىي ئۈنۈمنى قولغا كەلتۈرەلمەسلىك، ئەمەلىيەتتىن، ئاممىدىن ئايرىلىپ قىلىشپ، مەسئۇلىيەتسىزلىك قىلىش، ئىسراپخورلۇق قىلىش، راھەت- پاراغەتكە بېرىلىش ھەتتا شەخسىي كۆمچىكىگە چۇغ تارتىش، چىرىكلىشىش، چۈشكۈنلىشىش قاتارلىقلار.
4. «ئەينەككە قاراش، ئۈستى- بىشىنى تۈزەشتۈرۈش، يۇيۇنۇپ تارىنىش، كېسەل داۋالاش»نىڭ مەزمۇنى نىمە؟
«ئەينەككە قاراش» دېگىنىمىز ئاساسلىقى پارتىيە نىزامنامىسىنى ئەينەك قىلىپ، پارتىيە ئىنتىزامى، ئاممىنىڭ ئۈمىدى، ئىلغار تىپلار، ئىستىل ئۆزگەرتىش تەلىپىگە سېلىشتۇرۇپ، مەقسەت ئېڭى، خىزمەت ئىستىلى، پاك- ئىنتىزامچان بۇلۇش جەھەتلەردىكى مەسىلىلەرنى ئويلىنىپ پەرىقلەرنى تېپىپ چىقىپ، يۈنىلىشنى ئايدىڭلاشتۇرۇشتىن ئىبارەت. «ئۈستى- بىشىنى تۈزەشتۈرۈش» دېگىنىمىز ئاساسلىقى ئامما ئۈچۈن ئەمەلىيەتچىل، پاك بۇلۇش تەلىپىگە ئاساسەن، كەمچىلىك ۋە يىتەرسىزلىكلىرىگە تۇغرا قاراپ پارتىيە ئىنتىزامى بۇلۇپمۇ سىياسىي ئىنتىزامنى چىڭىتىپ، زىددىيەت ۋە مەسىلىلەرگە تۇغرا قاراپ، ئۆزىدىن، ھازىردىن باشلاپ، ئىش- ھەركەتلىرىنى تۇغرىلاپ، پارتىيۋىلىك تەربىيەلىنىشنى ئاڭلىق تۇغرىلاپ، پارتىيە ئەزالىرىنىڭ مەجبۇرىيەتلىرىنى رەتلەپ، پارتىيە ئىنتىزامى دۆلەت قانۇنىنى چىڭىتىپ، پارتىيەلىكلەرنىڭ ياخشى ئوبرازىنى ساقلاشتىن ئىبارەت. «يۇيۇنۇپ تارىنىش» دېگىنىمىز ئاساسلىقى ئىستىل تۈزۈتۈش روھى ئارقىلىق تەنقىد ۋە ئۆز- ئۆزىنى تەنقىد قىلىشنى قانات يايدۇرۇپ، مەسىلە يۈز بېرىشنىڭ سەۋەبىنى چوڭقۇر ئانالىز قىلىپ، ئىدىيە ۋە ھەركىتىمىزدىكى چاڭ- تۇزانلارنى پاكىزلاپ، پارتىيە ئەزالىرىنىڭ سىياسىي جەھەتتىكى جاسارىتىنى ساقلاپ قىلىشتىن ئىبارەت. «كېسەل داۋالاش دېگىنىمىز» ئاساسلىقى كېسەل داۋالاپ ئادەم قۇتقۇزۇش فاڭجېنىدا چىڭ تۇرۇپ، ئەھۋاللارنى پەرىقلەندۈرۈپ، كېسەلگە قارىتا دورا بېرىش، ئىستىل جەھەتتە مەسىلە ساقلىنىۋاتقان پارتىيە ئەزالىرى، كادىرلارنى تەربىيەلەپ، مەسىلىسى ئېغىرلارنى قاتتىق تەكشۈرۈپ بىر تەرەپ قىلىپ، ناتۇغرا ئىستىل ۋە گەۋدىلىك مەسىلىلەرنى مەخسۇس تۈزەشتىن ئىبارەت.
5. پارتىيە ئاممىۋىي لۇشيەننىڭ ئاساسلىق مەزمۇنى نىمە؟
ج: بارلىق ئىشلارنى ئامما ئۈچۈن قىلىش، بارلىق ئىشلاردا ئاممىغا تايىنىش، ئاممىدىن ئېلىپ، ئاممىغا قايتۇرۇش، بۇنىڭ ئىچىدە «بارلىق ئىشلارنى ئامما ئۈچۈن قىلىش» پارتىيە ئاممىۋىي لۇشىيەننىڭ تۈپ چىقىش نۇقتىسى؛ «بارلىق ئىشلاردا ئاممىغا تايىنىش» پارتىيەنىڭ ئاساسىي خىزمەت ئۇسۇلى؛ «ئاممىدىن ئېلىپ، ئاممىغا قايتۇرۇش» پارتىيەنىڭ ئاساسلىق رەھبەرلىك ئۇسۇلى ۋە خىزمەت ئۇسۇلىدۇر.
6. پارتىيە ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىنىڭ ئەڭ زور ئەھمىيىتى نىمە؟
ج: پارتىيە ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتى پارتىيە 18- قۇرۇلتىيىدا بىكىتىلگەن كۈرەش نىشانلىرىنى ئىشقا ئاشۇرۇشنىڭ مۇقەررەر تەلىپى، پارتىيە ئىلغارلىقى ۋە پاكلىقىنى ساقلاپ، پارتىيەنىڭ ھاكىمىيەت يۈرگۈزۈش ئاساسىي ۋە ئورنىنى مۇستەھكەملەشنىڭ مۇقەررەر تەلىپى، شۇنداقلا ئاممىنىڭ ئىنكاسى كۈچلۈك گەۋدىلىك مەسىلىلەرنى ھەل قىلىشنىڭ مۇقەررەر تەلىپىدۇر.
7. پارتىيە ئاممىۋىي لۇشىيەن تەربىيەسىنى قانات يايدۇرۇشنىڭ يىتەكچى ئىدىيەسى نىمە؟
ج: پارتىيە 18- قۇرۇلتىيى روھىنى ئومۇمىيۈزلۈك ئىزچىللاشتۇرۇپ، جۇڭگوچە ئالاھىدىلىككە ئىگە سوتسىيالىزم ئۇلۇغۋار بايرىقىنى ئېگىز كۆتۈرۈپ، ماركىسىزىم، لېنىنزىم، ماۋزېدۇڭ ئىدىيەسى، دېڭ شىياۋپىڭ نەزەرىيىسى، «ئۈچكە ۋەكىللىك قىلىش» مۇھىم ئىدىيەسى، ئىلمىي تەرەققىيات قاراشلىرىنى يىتەكچى قىلىپ، پارتىيەنىڭ ئىلغارلىقى ۋە پاكلىقىنى ساقلاشنى زىچ چۆرىدىگەن ھالدا، خەلق ئۈچۈن ئەمەلىي ئىش قىلىپ بېرىشنى مۇھىم مەزمۇن، ناھىيە باشقارما دەرىجىلىكتىن يۇقىرى رەھبەرلىك ئورگىنى، رەھبەرلىك بەنزىسى ۋە رەھبىرىي كادىرلارنى مۇھىم نۇقتا قىلىپ، بارلىق پارتىيە ئەزالىرىنىڭ ماركىسىزملىق ئاممىۋىي كۆز قارىشى ۋە پارتىيە ئاممىۋىي لۇشىيەن تەربىيەسىنى ھەقىقىي كۈچەيتىشتىن ئىبارەت.
8. پارتىيە ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىدە ھەل قىلىنىدىغان تۈپ مەسىلە نىمە؟
ج: ھەل قىلىنىدىغان تۈپ مەسىلە پارتىيە ۋە خەلق ئاممىسىنىڭ مۇناسىۋەتلىك مەسىلىسىدۇر. پارتىيەلىك كادىرلار بۇلۇپمۇ رەھبىرىي كادىرلارنى تەربىيەلەپ، ئاساسىي مەقسەت ئېڭىنى كۈچەيتىپ، ئاممىۋىي نۇقتىئىنەزەرنى تۇرغۇزۇپ، پارتىيە بىلەن ھەر مىللەت ئاممىسىنىڭ قان بىلەن گۆشتەك مۇناسىۋىتىنى ئىشقا ئاشۇرۇشتىن ئىبارەت.
9. پارتىيەنىڭ ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىـــــــــــــــــــــــــ
ج: شەكىلۋازلىق، بىيۇكراتلىق، راھەتپەرەسلىك ۋە ئىسراپخورلۇق قاتارلىق «تۆت ئىستىل» مەسىلىسىدۇر. «تۆت ئىستىل»غا قەتئىي قارشى تۇرۇپ، پارتىيە ئىستىلى ھۆكۈمەت ئىستىلىنى ھەقىقىي ياخشىلاشتىن ئىبارەت.
10. پارتىيەنىڭ ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىنىڭ كىرىشىش نۇقتىسى نىمە؟
ج: كىرىشىش نۇقتىسى مەركەزنىڭ خىزمەت ئىستىلىنى ياخشىلاش، ئامما بىلەن زىچ ئالاقە باغلاشتىكى 8 تۈرلۈك بەلگىلىمىنىڭ روھىنى ئىزچىل ئەمەلىيلەشتۈرۈشتىن ئىبارەت.
11. مەركەزنىڭ 8 تۈرلۈك بەلگىلىمىسىدىكى تەلەپلەر قايسى؟
ج: (1) مەركەز سىياسىي بىيروسىدىكى بارلىق يولداشلار تەكشۈرۈپ تەتقىق قىلىشنى ئۆزگەرتىپ، ئاساسىي قاتلاملارغا بېرىپ تەكشۈرۈپ تەتقىق قىلغاندا ھەقىقىي ئەھۋالدا چوڭقۇر ئىگەللەش، تەجرىبىلەرنى خۇلاسىلاش، مەسىلىلەرنى مۇزاكىرە قىلىش، قېيىنچىلىقلارنى ھەل قىلىش، خىزمەتلەرگە يىتەكچىلىك قىلىش، ئاممىدىن ئۆگىنىش، ئەمەلىيەتتىن ئۆگىنىش، ئامما بىلەن كۆپرەك سۆھبەتلىشىش، كادىرلار بىلەن كۆپرەك سىردىشىش، كۆپرەك مۇزاكىرە قىلىپ، تىپلارنى ئانالىز قىلىپ، قېيىنچىلىق ۋە زىددىيەتلەر، ئاممىنىڭ پىكرى كۆپ ئورۇنلارغا بېرىش، شەكىلۋازلىق، كۆز بۇيامچىلىق قىلىشتىن ساقلىنىش؛ كۈتۈۋېلىشتا ھەمرا بۇلۇشنى ئازايتىش، كۈتۈۋېلىشنى ئاددىيلاشتۇرۇش، شۇئار، لوزىنكىلارنى ئاسماسلىق، ئاممىنى كۈتۈۋېلىشقا ئورۇنلاشتۇرماسلىق، مىھماننى قارىشى ئېلىش سىلىنچىسى سالماسلىق، گۈل تىزماسلىق، زىياپەت ئورۇنلاشتۇرماسلىق.
(2) يىغىن پائالىيەتلىرىنى ئاددىيلاشتۇرۇش، يىغىن ئىستىلىنى ھەقىقىي ياخشىلاش، مەركەز نامىدىن ئىچىلىدىغان تۈرلۈك مەملىكەتلىك يىغىنلار ۋە ئۆتكۈزۈلىدىغان زور پائالىيەتلەرنى قاتتىق كونتىرول قىلىش، كونكىرتنى بولمىغان خىزمەتلەرنى ئورۇنلاشتۇرىدىغان ۋە تەلەپلەرنى ئوتتۇرىغا قويىدىغان يىغىنلارنى ئاچماسلىق، مەركەزنىڭ تەستىقىدىن ئۆتكۈزمەي تۇرۇپ، تۈرلۈك لېىنتا كېسىش، ئول سىلىش پائالىيىتى، تەبرىكلەش يىغىنى، خاتىرلەش يىغىنى، تەقدىرلەش يىغىنى، كۆرگەزمە، مۇزاكىرە يىغىنى ۋە تۈرلۈك مۇنبەر پائالىيەتلىرىگە قاتناشماسلىق، يىغىننىڭ ئەمەلىي ئۈنۈمىنى ئاشۇرۇپ، يىغىنلارنى قسىقا ئېچىپ، ئاز سۆزلەش، قۇرۇق گەپ، قىلىپلىشىپ كەتكەن گەپلەرنى قىلماسلىق.
(3) ھۆججەت، قسىقا خەۋەرلەرنى ئىخچاملاش، يىزىقچىلىق ئۇسلۇبىنى ھەقىقىى ئۆزگەرتىش، ئەمەلىي مەزمۇنى يوق، تارقاتسىمۇ، تارقاتمىسىمۇ بۇلىدىغان ھۆججەت ۋە قسىقا خەۋەرلەرنى بىردەك تارقاتماسلىق.
(4) زىياپەتكە چىقىش پائالىيەتلىرىنى قېلىپلاشتۇرۇش، دىپلوماتىيە خىزمىتى سەۋەبىدىن چىقىشقا تۇغرا كەلسە زىيارەتكە چىقىش پائالىيىتىنى مۇۋاپىق ئورۇنلاشتۇرۇش، زىيارەتكە بىرگە چىقىدىغانلارنى قاتتىق كونترول قىلىش، قاتناش قۇرالىغا بەلگىلىمە بۇيىچە ئولتۇرۇش، ئادەتتە جۇڭگو ھەمكارلىق ئورگىنى، جۇڭگو مۇھاجىرلىرى، چەتئەلگە ئۇقۇشقا چىققان ئوقۇغۇچىلار ۋەكىللىرى قاتارلىقلارنى ئايرىدرومغا چىقىپ كۈتۈۋېلىشقا ئورۇنلاشتۇرماسلىق.
(5) مۇھاپىزەت خىزمىتىنى ئۆزگەرتىش، ئامما بىلەن ئالاقىلىشىشقا پايدىلىق بۇلۇش پرىنسىپىدا چىڭ تۇرۇپ، قاتناش ئىدارە قىلىشنى ئازايتىش، ئادەتتىكى ئەھۋالدا يوللارنى قامال قىلماسلىق؛
(6) ئاخبارات، خەۋەرلەرنى ئۆزگەرتىپ ياخشىلاش، مەركىزى بىيرودىكى يولداشلار يىغىن ياكى پائالىيەتكە قاتناشماقچى بولسا، جەزمەن خىزمەت ئېھتىياجى، ئاخبارات قىممىتى، ئىجتىمائىي ئۈنۈمى قاتارلىقلارغا ئاساسەن خەۋەر قىلىش- قىلماسلىقنى بەلگىلەش، خەۋەر مىقدارى، خەت سانى، ۋاقتىنى يەنىمۇ قىسقارتىش لازىم.
(7) ئورگىنالىنى ئېلان قىلىشنى چىڭىتىش، مەركەز بىر تۇتاش ئورۇنلاشتۇرغانلىرىدىن باشقا، شەخسىلەرنىڭ ئەسەر ۋە كىتاپچىلىرىنى مەتبۇئاتلاردا ئاشكارە نەشىر قىلماسلىق، تەبرىك خېتى، تەبرىك تېلېگراممىسى تارقاتماسلىق، بېغىشلىما، قوليازما يېزىپ بەرمەسلىك.
(8) ئاددىي- ساددا، تېجەشچان بۇلۇش، پاك- دىيانەتلىك بۇلۇشقا ئالاقىدار بەلگىلىمىلەرگە قاتتىق ئەمەل قىلىش، تۇرالغۇ ئۆي، ماشىنا سەپلەش قاتارلىق خىزمەت ۋە تۇرمۇش تەمىناتىغا ئالاقىدار بەلگىلىمىلەرنى قاتتىق ئىجرا قىلىش.
12. پارتىيەنىڭ ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىنىڭ نۇقتىلىق ئوبىيكىتلىرى كىملەر؟
ج: پارتىيەنىڭ ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتى بارلىق پارتىيە ئەزالىرى ئارىسىدا قانات يايدۇرۇلۇپ، ناھىيە دەرىجىلىكتىن يۇقىرى رەھبەرلىك ئورگىنى، رەھبەرلىك بەنزىسى ۋە رەھبىرىي كادىرلار نۇقتىلىق ياخشى تۇتىلىدۇ.
13. پارتىيەنىڭ ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىنىڭ ھەر بىر تۆركۈمدە قايسى ھالقىلار نۇقتىلىق چىڭ تۇتۇلىدۇ؟
ج: ھەر بىر تۆركۈمدىكى تەربىيە ئەمەلىيەت پائالىيىتىدە ئۈگۈنۈش تەربىيەلەش، پىكىر ئاڭلاش، مەسىلىلەرنى تىپىپ چىقىش، تەنقىدنى قانات يايدۇرۇش، تۈزۈتۈشنى ئەمەلىيلەشتۈرۈش، قائىدە- تۈزۈملەرنى تۇرغۇزۇشتىن ئىبارەت 3 ھالقا چىڭ تۇتۇلىدۇ. بۇ 3 ھالقا ئۆز- ئارا ئالاقىلىشىش، ئۆز- ئارا ئىلگىرى سۈرۈشنىڭ ئورگانىك بىرىكتۈرۈلىشىدۇر. ئۈگۈنۈش تەربىيەلەش، پىكىر ئاڭلاش ئاساس، مەسىلىلەرنى تىپىپ چىقىش، تەنقىدنى قانات يايدۇرۇش ئاچقۇچ، تۈزۈتۈشنى ئەمەلىيلەشتۈرۈش، قائىدە- تۈزۈم تۇرغۇزۇش تۈپ ئاساستۇر.
14. پارتىيەنىڭ ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىنىڭ ئاساسىي پرىنسىپى قايسىلار؟
ج: ئىجابىي تەربىيەنى ئاساس قىلىش، تەنقىد ۋە ئۆز- ئۆزىنى تەنقىد قىلىش، ئەمەلىي ئۈنۈمگە ئىنتىلىش، تۈرگە ئايرىپ يىتەكچىلىك قىلىش، رەھبەرلەر باشلامچى بۇلۇشتا چىڭ تۇرۇشتىن ئىبارەت.
15. بۇ قېتىمقى پارتىيەنىڭ ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىنىڭ 2 ئالاھىدىلىكى قايسى؟
ج: بىرىنچى، مەركەز باشلامچى بۇلۇش، يۇقىرىدىن تۆۋەنگىچە تۆركۈملەرگە بۆلۈپ ئېلىپ بېرىش، مەركىزى بىيرو 8 تۈرلۈك بەلگىلىمىنى تۈزۈش ۋە ئەستايىدىل ئەمەلىيلەشتۈرۈش، پائالىيەتنى باشلامچىلىق بىلەن قانات يايدۇرۇش بۇ نۇقتىنى تۇلۇق ئىپادىلەپ بەردى. ئىككىنچى، باسقۇچلارغا ئايرىماسلىق، باسقۇچلارنى ئايلاندۇرماسلىق بىر خىل يىڭىلىق بۇلۇپ، بۇنىڭدىكى مەقسەت 3 ھالقىدىكى تەلەپنى ئېنىق چۈشۈنۈپ ئۆز ئارا جىپسىلاشتۇرۇپ، تەربىيە ئەمەلىيەتتىن ئۆتكۈزۈش پائالىيىتىنىڭ پۈتكۈل جەريانىغا سىڭدۈرۈشتىن ئىبارەت.
16. پارتىيەنىڭ ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىدە يەتمەكچى بولغان نىشان، تەلەپلەر قايسى؟
ج: پارتىيە ئەزالىرى ۋە كادىرلارنىڭ ئىدىيۋى تۇنۇشىنى يەنىمۇ يۇقىرى كۆتۈرۈپ، ئىستىلنى يەنىمۇ ئۆزگەرتىپ، پارتىيە بىلەن ئاممىنىڭ، كادىرلار بىلەن ئاممىنىڭ مۇناسىۋىتىنى يەنىمۇ يىقىنلاشتۇرۇپ، خەلق ئۈچۈن ھەقىقىي پاك- دىيانەتلىك بۇلۇش ئوبرازىنى يەنىمۇ تىكلەشتىن ئىبارەت.
17. پارتىيەنىڭ ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىدە «5نى ئاخىرىغىچە ئىزچىللاشتۇرۇش» نىمىنى كۆرسىتىدۇ؟
ج: پائالىيەت ئومۇمىي تەلىپىنى ئاخىرىغىچە ئىزچىللاشتۇرۇش، 4 ئىستىلغا قارشى تۇرۇشنى ئاخىرىغىچە ئىزچىللاشتۇرۇش، ئىستىلنى تۈزۈتۈش روھىنى ئاخىرىغىچە ئىزچىللاشتۇرۇش، رەھبەرلەر باشلامچى بۇلۇشنى ئاخىرىغىچە ئىزچىللاشتۇرۇش، تۈزۈم قۇرۇلۇشىنى ئاخىرىغىچە ئىزچىللاشتۇرۇش.
18. پارتىيەنىڭ ئاممىۋىي لۇشىيەن تەربىيەسىنى ئەمەلىيەتتىن ئۆتكۈزشۈش پائالىيىتىدە ئۇچۇق- ئاشكارە پائالىيەت قىلىشتا چىڭ تۇرۇشتىكى تەلەپ نىمە؟
ج: ئاساسىي تەلەپ شۇكى ئاممىنى قاتناشتۇرۇش، ئاممىغا باھالىتىپ ھۆكۈم قىلغۇزۇش، ئاممىنىڭ نازارىتىنى قۇبۇل قىلىش، «ئاممىنى قاتناشتۇرۇش» ئاساسلىقى سۆھبەت يىغىنى ئىچىش، ئايرىم سۆھبەتلىشىش، ئىشىك ئالدىغىچە بېرىپ پىكىر ئېلىش قاتارلىق كۆپ خىل شەكىللەردىن پايدىلىنىپ، ئاممىنىڭ پىكرىنى كەڭ- كۆلەمدە ئېلىش، تۇغرا مۇئامىلە قىلىش، ئاممىنىڭ پىكىر- تەكلىپلىرىنى كەمتەرلىك بىلەن قۇبۇل قىلىشتىن ئىبارەت. «ئاممىنىڭ نازارىتىنى قۇبۇل قىلىش» ئاساسلىقى ۋەزىپەنامە ۋە ۋاقىت جەدۋىلىنى تۈزۈتۈپ، ئاممىغا ئېلان قىلىش، تۈزۈتۈش لايىھەسى ۋە نەتىجىسىنى بەلگىلىك دائىرە ئىچىدە ئېلان قىلىش، ئاممىغا نىمىنى تۈزۈتۈش، قانداق تۈزۈتۈش، تۈزۈتۈشنىڭ قانداقراق بولغانلىقىنى بىلدۈرۈش، بارلىق پائالىيەتنىڭ باش- ئاخىرى ئاممىنىڭ نازارىتى ئاستىدا بۇلۇشتىن ئىبارەت. «ئاممىغا باھالىتىپ ھۆكۈم قىلغۇزۇش» ئاساسلىقى مۇۋاپىق ۋاقىتتا پارتىيەلىك ئاممىنى تەشكىللەپ، مەسىلىلەرنى ھەل قىلىش، ئىستىل تۈزۈتۈش قاتارلىق ئەھۋاللارنى دېموكراتىك باھالىتىپ، پائالىيەتنى ئامما قوللايدىغان، ئامما تەكشۈرىدىغان، ئامما رازى بۇلىدىغان ئەل رايى قۇرۇلۇشىغا ئايلاندۇرۇشتىن ئىبارەت.
19. ئاممىۋىي لۇشىيەننىڭ ئاساسلىق مەزمۇنى نىمە؟
ج: ئامما ئۈچۈن ئىشلەش، ئەمەلىيەتچان بۇلۇش، پاك- دىيانەتلىك بۇلۇشتىن ئىبارەت.
20. جۇڭگو كوممۇنىستىك پارتىيەسىنىڭ رەھبىرىي كادىرلارنىڭ پارتىيە ئىستىلى پاكلىق قۇرۇلۇشىغا نىسبەتەن ئامما ئۈچۈن ئىشلەش، ئەمەلىيەتچان بۇلۇش، پاك- دىيانەتلىك بۇلۇشنى تەلەپ قىلىشىدىكى ئامما ئۈچۈن نىمىنى كۆرسىتىدۇ؟
ج: ئامما ئۈچۈن پارتىيە قۇرۇش، ئامما ئۈچۈن ھاكىمىيەت يۈرگۈزۈش، خەلق ئاممىسىنىڭ تۈپ مەنپەئەتىنى ياخشى ئەمەلگە ئاشۇرۇش، ياخشى قوغداش، ياخشى تەرەققىي قىلدۇرۇشنى ئۆزىمىزنىڭ مەسىلىلەرنى ئانالىز قىلىش ۋە خىزمەتلەرنى قانات يايدۇرۇشىمىزدىكى تۈپ چىقىش نۇقتىسى ۋە پەللىسى قىلىشنى كۆرسىتىدۇ.
21. جۇڭگو كوممۇنىستىك پارتىيەسىنىڭ رەھبىرىي كادىرلارنىڭ پارتىيە ئىستىلى پاكلىق قۇرۇلۇشىغا نىسبەتەن ئامما ئۈچۈن ئىشلەش، ئەمەلىيەتچان بۇلۇش، پاك- دىيانەتلىك بۇلۇشنى تەلەپ قىلىشىدىكى ئەمەلىيەتچان بۇلۇش نىمىنى كۆرسىتىدۇ؟
ج: راسىتچىل- ئەمەلىيەتچىل بۇلۇش، پارتىيە ۋە خەلقنىڭ ئىشلىرىغا يۈكسەك مەسئۇل بۇلۇش نۇقتىسىدا تۇرۇپ، خىزمەتلەرنى باش چۆكۈرۈپ، پۇختا ئىشلەپ، ئەمەلىيەتكە ئەھمىيەت بېرىش، ھەقىقىي كۈچەپ ئەمەلىي ئىشلەش، ئەمەلىي ئۈنۈمگە ئىنتىلىشتە چىڭ تۇرۇپ، قۇرۇق ئابروي ۋە مەۋھۇم تۆھپىگە بېرىلمەسلىك، پارتىيە ۋە دۆلەتنىڭ تۈرلۈك قارار ۋە خىزمەتلىرىنى ئۆز ئورنىغا پۇختا ئەمەلىيلەشتۈرۈشنى كۆرسىتىدۇ.
22. جۇڭگو كوممۇنىستىك پارتىيەسىنىڭ رەھبىرىي كادىرلارنىڭ پارتىيە ئىستىلى پاكلىق قۇرۇلۇشىغا نىسبەتەن ئامما ئۈچۈن ئىشلەش، ئەمەلىيەتچان بۇلۇش، پاك- دىيانەتلىك بۇلۇشنى تەلەپ قىلىشتىكى پاك- دىيانەتلىك بۇلۇش نىمىنى كۆرسىتىدۇ؟
ج: ئىنتىزامنى چىڭىتىپ، ھۆكۈمەت ئىشلىرىدا پاك- دىيانەتلىك بۇلۇش، پارتىيە ۋە خەلق مەنپەئەتىنى ھەر ۋاقىت ئالدىنقى ئورۇنغا قۇيۇپ، پارتىيە ئىنتىزامى دۆلەت قانۇنىغا قاتتىق ئەمەل قىلىپ، يۈكسەك روھى ئىنتىلىش، پارتىيە ئەزالىرىنىڭ ئۇلۇغۋار روھىنى داۋاملىق ساقلىشىدا چىڭ تۇرۇپ، چىرىتىشكە قارشى تۇرۇپ، مەڭگۈ يۇقتۇرماسلىقىنى ھەقىقىي ئىشقا ئاشۇرۇشنى كۆرسىتىدۇ.
23. بىيروكراتلىقنىڭ تەبىرى ۋە ئىپادىلىنىش شەكلى قانداق؟
ج: بىيرۇكراتلىق دېگىنىمىز ئەمەلىيەتتىن، ئاممىدىن يىراقلىشىپ، مەنسەپدارلىق، رەھبەرلىك ئىستىلىدا بۇلۇشنى كۆرسىتىدۇ. ئەگەر ئاساسىي قاتلامغا ۋە ئامما ئارىسىغا چوڭقۇر چۆكمىگەندە، ئەمەلىي ئەھۋالنى چۈشەنگىلى بولمايدۇ، ئاممىنىڭ ئاھۇ- زارىغا كۆڭۈل بۆلگىلى بولمايدۇ. قۇرساقنى تويغۇزۋېلىپ، كۈنبۇيى بەخىرامان يۈرۈپ، مەسىلىلەرگە يۇلۇققاندا مەسئۇل بولغىلى بولمايدۇ، ئۆز بىشىمچىلىق قىلىپ، ئوبىيكتىپ قانۇنىيەت بۇيىچە ئىش بىجىرمەي ئىشلارغا سۇبىيكتىپ ھالدا قارغۇلارچە يىتەكچىلىك قىلىش قاتارلىق ئەھۋاللىرى كىلىپ چىقىدۇ. بۇيرۇقۋازلىق، ھۆججەتۋازلىق، ئىشۋازلىق قاتارلىق ئىپادە شەكىللىرى بار.
24. راھەتپەرەسلىكنىڭ گەۋدىلىك ئىپادىلىرى قايسى؟
ج: راھەتپەرەسلىكنىڭ ئىپادىلىرى كۆپ خىل بۇلۇپ، بىر قەدەر كونكىرتلىرىدىن: روھى ھالەت جەھەتتە، ئىدىيەسى قۇرۇق، روھىي چۈشكۈن، راھەت- پاراغەتكە بېرىلىپ، ئالغا ئىلگىرلەشنى ئويلىماسلىق، شەخسى مەنپەئەتنى ھەممىدىن ئۈستۈن ئورۇنغا قۇيۇش؛ خىزمەت پۇزىتسىيەسى جەھەتتە جاپا- مۇشەققەتتىن قورقۇش، مەسئۇلىيەتتىن قىچىش، ئىشنىڭ ئىقىشىغا كىرىۋېلىش، ھۆكۈمەت پائالىيەتلىرىدە سۆلەتۋازلىق، ھەشەمەتچىلىك قىلىپ، ئىسراپخورلۇق قىلىش، ئەمەلىي ئۈنۈمگە ئەھمىيەت بەرمەسلىك؛ تۇرمۇش شەكلىدە ئاقسۆڭەكلەرچە تۇرمۇشقا، خۇشال- خورام يەپ- ئېچىشقا بېرىلىش، ھەشەمەتچىلىك قىلىش قاتارلىقلار.
25. «باش ۋىكلىيۇچاتىل» مەسىلىسىنى ياخشى ھەل قىلىش نىمىنى كۆرسىتىدۇ؟
ج: مەقسەت ئېڭى ۋە ئاممىۋىي لۇشىيەنىنى ھەقىقىي ھالدا قەلبىمىزگە پۈكۈپ، باشتىن- ئاخىر خەلق ئاممىسىنىڭ مەيدانىدا تۇرۇپ مەسىلىلەرگە يۈزلىنىپ، مەسىلىلەرنى ئويلاپ، مەسىلىلەرنى ھەل قىلىپ، دۇنيا قاراش، كىشىلىك تۇرمۇش قارىشى، قىممەت قارىشىدىن ئىبارەت بۇ ئۈچ «ۋىكلىيۇچاتىل» مەسىلىسىنى ھەقىقىي ھەل قىلىشنى كۆرسىتىدۇ.
26. ئىستىل تۈزىتىشتە «5 كە قارشى تۇرۇش»نى ئىشقا ئاشۇرۇشتىكى «5كە قارشى تۇرۇش» دېگەن نىمە؟
ج: كىتاپبازلىققا باشلامچىلىق بىلەن قارشى تۇرۇپ، ياخشى ئۈگۈنۈش كەيپىياتىنى يارىتىش؛ بىيرۇكراتلىققا باشلامچىلىق بىلەن قارشى تۇرۇپ، خەلق ئاممىسى بىلەن زىچ ئالاقە باغلاشتا چىڭ تۇرۇش؛ شەكىلۋازلىققا باشلامچىلىق بىلەن قارشى تۇرۇپ، ئەمەلىي ئۈنۈم ھاسىل قىلىشقا ئىنتىلىش؛ راھەتپەرەسلىككە باشلامچىلىق بىلەن قارشى تۇرۇپ، جاپاغا چىداپ كۆرەش قىلىش روھىنى ساقلاش؛ ئىسراپخورلۇققا باشلامچىلىق بىلەن قارشى تۇرۇپ، تىجەشچان، ئاددىي- ساددا بۇلۇش ئەنئەنىسىنى جارى قىلدۇرۇشتىن ئىبارەت.
27. پارتىيەنىڭ ئەڭ زور سىياسىي ئەۋزەللىكى ۋە ھاكىمىيەت يۈرگۈزۈشتىكى ئەڭ زور خەۋىپى نىمە؟
ج: ئەڭ زور سىياسىي ئەۋزەللىكى ئامما بىلەن زىچ ئالاقە باغلاش؛ ھاكىمىيەت يۈرگۈزۈشتىكى ئەڭ زور خەۋىپى ئاممىدىن ئايرىلىپ قىلىشتۇر.
28. ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈشتىكى قوللىنىلىدىغان مۇھىم ئۇسۇل قايسى؟
ج: قوللىنىلىدىغان مۇھىم ئۇسۇل ئاپتونۇم رايونلۇق پارتكوم باشلامچىلىقىدا، يۇقىرىدىن تۆۋەنگىچە قانات يايدۇرۇش، يۇقىرى دەرىجىلىك تۆۋەن دەرىجىلىكنى يىتەكلەش، ئاساسلىق رەھبەر بەنزە ئەزالىرىنى يىتەكلەش، رەھبىرىي كادىرلار ئادەتتىكى كادىرلارنى يىتەكلەش ئۇسۇلى قوللىنىلىپ، ناھىيە دەرىجىلىكتىن يۇقىرى رەھبەرلىك ئورگىنى، رەھبەرلىك بەنزىسى، رەھبىرىي كادىرلار نۇقتىلىق چىڭ تۇتۇلىدۇ.
29. ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىدىكى ئاساسلىق بەلگىلەنگەن ھەركەت نىمە؟
ج: ئۈگۈنۈش تەربىيەلەش، پىكىر ئاڭلاش، مەسىلىلەرنى تىپىپ چىقىش، تەنقىدنى قانات يايدۇرۇش، تۈزۈتۈشنى ئەمەلىيلەشتۈرۈش، قائىدە- تۈزۈم تۇرغۇزۇشتىن ئىبارەت.
30. ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىنىڭ ئاساسىي پرىنسىپى قايسىلار؟
ج: مەركەزنى چۆرىدەپ، ئومۇمىيلىققا مۇلازىمەت قىلىشتا چىڭ تۇرۇش؛ ئىجابىي تەربىيەنى ئاساس قىلىشتا چىڭ تۇرۇش؛ تەنقىد ۋە ئۆز- ئۆزىنى تەنقىد قىلىشتا چىڭ تۇرۇش؛ ئەمەلىي ئۈنۈمگە ئىنتىلىشتە چىڭ تۇرۇش؛ رەھبەرلەر باشلامچى بۇلۇش، مۇھىم نۇقتىنى گەۋدىلەندۈرۈشتە چىڭ تۇرۇش؛ تۈرگە ئايرىپ يىتەكچىلىك قىلىشتا چىڭ تۇرۇشتىن ئىبارەت.
31. ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىنى ئاشكارە ئېلىپ بېرىشتىكى تەلەپ قايسى؟
ج: تەربىيە ئەمەلىيەت پائالىيىتىگە ئاممىنى قاتناشتۇرۇش، ئاممىغا باھالاتقۇزۇش، ئامما نازارىتىنى قۇبۇل قىلىش، پەرىقلەرنى تىپىپ چىقىپ، ئاممىۋىي خىزمەتتە ئەمەلىي ئۈنۈمنى گەۋدىلەندۈرۈش، تەدبىر بېكىتىپ، ئاممىۋىي خىزمەت ئۇسۇلىنى ئۆزگەرتكەنلىكىنى گەۋدىلەندۈرۈش، مەسىلىلەرنى ھەل قىلىشتا ئاممىۋىي لۇشىيەننى ئىزچىللاشتۇرۇپ، ھاسىل قىلغان ئۈنۈمنى ئامما باھالاش، تەرەققىيات سەۋىيەسىنى ئىلگىرى سۈرۈش، كۆرۈلگەن ئۈنۈمنى مۇستەھكەملەپ، ئاممىنى ھەقىقىي نەپكە ئېرىشتۈرۈش.
32. ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىدە «ئالتىنى ئاخىرىغىچە ئىزچىللاشتۇرۇش»تا چىڭ تۇرۇش نىمىنى كۆرسىتىدۇ؟
ج: پائالىيەت ئومۇمىي تەلىپىنى ئاخىرىغىچە ئىزچىللاشتۇرۇش، «تۆت ئىستىل»غا قارشى تۇرۇشنى ئاخىرىغىچە ئىزچىللاشتۇرۇش، رەھبەرلىك باشلامچى بۇلۇشنى ئاخىرىغىچە ئىزچىللاشتۇرۇش، سىياسىي مۇستەھكەملىكىنى گەۋدىلەندۈرۈشنى ئاخىرىغىچە ئىزچىللاشتۇرۇش، تۈزۈم قۇرۇلۇشىنى ئاخىرىغىچە ئىزچىللاشتۇرۇشنى كۆرسىتىدۇ.
33. ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيتىىدە يەتمەكچى بولغان نىشان تەلەپلەر قايسى؟
ج: پاتىيە ئەزالىرى، كادىرلارنىڭ سىياسىي ئېڭىنى يەنىمۇ مۇستەھكەملەش، ئىدىيەسىنى يەنىمۇ يۇقىرى كۆتۈرۈش، ئىستىلنى يەنىمۇ ئۆزگەرتىش، پارتىيە بىلەن ئامما، كادىرلار بىلەن ئامما مۇناسىۋىتىنى يەنىمۇ يىغىنلاشتۇرۇش، خەلق ئۈچۈن ئەمەلىي ئىش قىلىپ بېرىش، پاك- دىيانەتلىك بۇلۇش ئوبرازىنى يەنىمۇ تىكلەش، تىرىشقاندىلا ئۆزگەرتكىلى بۇلىدۇ، تىرىشساقلا ئۆزگەرتەلەيمىز دېگەن ئىدىيۋى كۆز قاراشنى يەنىمۇ كۈچەيتىشتىن ئىبارەت.
34. ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىدە ئوتتۇرىغا قۇيۇلغان ئىستىل تۈزۈتۈپ، ئىنتىزامنى چىڭىتىش قايسى مەزمۇنلارنى ئۆز ئىچىگە ئالىدۇ؟
ج: سىياسىي مۇستەھكەملىكنى گەۋدىلەندۈرۈش، ئۈستىگە ئېلىشقا جۈرئەت قىلىش، شەكىلۋازلىققا، بىيرۇكراتلىققا، راھەتپەرەسلىككە، ئىسراپخورلۇققا قەتئىي قارشى تۇرۇشتىن ئىبارەت 5 جەھەتتىكى مەزمۇننى ئۆز ئىچىگە ئالىدۇ.
35. ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىدە «سىياسىي مۇستەھكەملىكنى گەۋدىلەندۈرۈپ، ئۈستىگە ئېلىشقا جۈرئەت قىلىش» جەھەتتىكى ئاساسلىق تەلەپ نىمە؟
ج: پارتىيە ئەزالىرى، كادىرلارنى شىنجاڭ مۇقىملىقىغا تەسىر يەتكۈزىدىغان ئاساسلىق خەۋپ مىللىي بۆلگۈنچىلىك دېگەن تۇغرا ھۆكۈمدە چىڭ تۇرۇش جەھەتتە تەربىيەلەش ۋە يىتەكلەش، شىنجاڭدىكى بۆلگۈنچىلىككە قارشى تۇرۇش كۈرىشىنىڭ ئۇزاق مۇددەتلىكى، مۇرەككەپلىكى، ئۆتكۈرلىكىنى سەگەكلىك بىلەن تۇنۇش، مىللىي بۆلگۈنچىلىكنىڭ مىللەت مەسىلىسى ئەمەسلىكىنى، دىنىي ئەسەبىي كۈچلەرنىڭ نورمال دىندىكىلەردىن ئەمەسلىكىنى سەگەكلىك بىلەن تۇنۇش جەھەتتە تەربىيەلەش ۋە يىتەكلەش، مىللىي بۆلگۈنچىلىك ۋە بۇ خىل ھەركەتلەرگە تۇتقان پۇزىتسىيە ۋە ئەمەلىي ھەركىتىنى بارلىق پارتىيە ئەزالىرى ۋە كادىرلارنى تەكشۈرۈشنىڭ بىرىنچى ئۆلچىمى قىلىش، مىللىي بۆلگۈنچىلىك ۋە بۇ خىل ھەركەتلەر بىلەن قىلچە بىخەستىلىك قىلماي كۈرەش قىلىشنى بارلىق پارتىيە ئەزالىرى ۋە كادىرلارنىڭ ئىستىلىنى تۈزۈتۈپ ئىنتىزامىنى چىڭىتىشتىكى بىرىنچى تەلەپ قىلىش، دىنىي ئەسەبىيلىكنىڭ سىڭىپ كىرىشىنى تۇساپ، زوراۋان، تىررورلۇق جىنايەتلىرىنىڭ ئالدىنى ئېلىشنى ھەر دەرىجىلىك پارتىيە تەشكىلاتلىرى ۋە بارلىق پارتىيەلىك كادىرلارنىڭ چوڭ ھەق چوڭ ناھەق ئىشلىرىدا كۆكرەك كېرىپ مەيدانغا چىقىشىنى، زىددىيەتلەردە قىيىنچىلىقلارنى يىڭىپ ئالغا ئىلگىرلەش، خەۋپلەردە كۆكرەك كېرىپ ئوتتۇرىغا چىقىش، «ئۈچ خىل كۈچ»كە قارشى قەتئىي كۈرەش قىلىشنى ئىلگىرى سۈرۈپ، «3نى قەتئىي تۇساش» نىشانىنى ئىشقا ئاشۇرۇشتىن ئىبارەت.
36. ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىدە «شەكىلۋازلىققا قەتئىي قارشى تۇرۇش»تىكى ئاساسلىق تەلەپ نىمە؟
ج: پارتىيە ئەزالىرى ۋە كادىرلارنى ئۈگۈنۈش ئىستىلىنى تۇغۇرلاپ، ئۈگەنسىمۇ تەپەككۈر قىلماسلىق، ئۈگەنسىمۇ ئىشەنمەسلىك، ئۆگەنسىمۇ ئىجرا قىلماسلىقنى قەتئىي تۈزۈتۈپ، ئۈگۈنۈش ئارقىلىق ئەخلاق تۇرغۇزشۇش، ئۈگۈنۈش ئارقىلىق ئەقىلنى كۈچەيتىش، ئۈگۈنۈش ئارقىلىق ئىشلىتەلەيدىغان بۇلۇشنى ئىلگىرى سۈرۈش، ئىدىيۋى ئىستىلنى تۇغۇرىلاپ، سەھنىگە چىققاندا ۋە سەھنىدىن چۈشكەندە 2 خىل ئوبراز بۇلۇش، ئىدارە ئىچى- سىرتىدا 2 خىل ئىپادە بۇلۇشنى قەتئىي تۈزۈتۈش، رەھبەرلىك ئىستىلنى تۇغۇرىلاپ، نام- ئاتاققا بېرىلىش، ساختىپەزلىك، كۆز بۇيامچىلىق قىلىشنى قەتئىي تۈزۈتۈپ، پارتىيە ئەزالىرى، كادىرلارنىڭ ئوي پىكرىنى ئۆز ئىشلىرىنى ياخشى قىلىشقا ھەقىقىي قۇيۇشنى، قابىلىيىتىنى ئەمەلىي ئۈنۈم يارىتىشقا قۇيۇشنى ئىلگىرى سۈرۈش. خىزمەت ئىستىلىنى تۇغۇرىلاپ، يۈزەكىلىك، ئالدىراڭغۇلۇق، كۆز ئالدىدىكى مەنپەئەتنىلا ئويلاشنى قەتئىي تۈزۈتۈپ، ئوبراز قۇرۇلۇشى ۋە سىياسىي نەتىجە قۇرۇلۇشى ئېلىپ بېرىش. ھۆججەت، يىغىن ئىستىللىرىنى تۇغۇرىلاپ، قۇرۇق گەپ قىلىشنى قەتئىي تۈزۈتۈپ، قىسقا، ئەمەلىي، يىڭىلىق بۇلۇشنى تەشەببۇس قىلىپ، ئەمەلىي قىممىتى، ئەمەلىي رولى يوق يىغىن، ھۆججەت، تەبرىكلەش پائالىيەتلىرىنى قەتئىي بىكار قىلىش، ئەمەلىيەتكە ئۇيغۇن كەلمەيدىغان، ئەمەلىي ئۈنۈمى يوق تەكشۈرۈش، تەتقىق قىلىش ۋە باھالاپ سېلىشتۇرۇپ ئۆلچەمگە يەتكەنلەرنى تەقدىرلەش قاتارلىق پائالىيەتلەرنى قەتئىي بىكار قىلىشتىن ئىبارەت.
37. ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىدە «بىيرۇكاتلىققا قەتئىي قارشى تۇرۇش»تىكى ئاساسلىق تەلەپ نىمە؟
ج: پارتىيە ئەزالىرى، كادىرلارنى چىن نىيىتىدىن ئاممىغا مەسئۇل بۇلۇش، ئامما ئۈچۈن قىزغىن مۇلازىمەت قىلىش، ئامما بىلەن ئالاقە باغلاشتىكى «5 تۈرلۈك تۈزۈم»، ئاممىغا مۇلازىمەت قىلىشتىكى «5 تۈرلۈك خىزمەت»، ئاممىۋىي خىزمەتتىكى «5 مېخانىزىم»نى ئومۇمىيۈزلۈك ئەمەلىيلەشتۈرۈپ، تىرىشىپ شارائىت يارىتىپ ئاساسىي قاتلاملارنىڭ تېخىمۇ ياخشى ئىشلىشىنى قوللاش، ئاساسىي قاتلاملارنىڭ يۈكىنى ئاشۇرماسلىق جەھەتتە تەربىيەلەش ۋە يىتەكچىلىك قىلىش، تەكشۈرۈپ تەتقىق قىلىشنى ئۆزگەرتىپ، ئارقا كۇچا، بۇلۇڭ- پۇشقاقلارغىچە تەكشۈرۈپ ھەقىقىي ئەھۋاللارنى تەكشۈرۈپ ئىگەللەش، زىددىيەت، قىيىنچىلىقلار كۆپ جايلارغا بېرىپ ھەقىقىي گەپلەرنى ئاڭلاش، يېڭى ئەھۋاللارنى مۇزاكىرە قىلىش، يېڭى مەسىلىلەرنى ھەل قىلىش، دېمۇكراتىك مەركەزلەشتۈرۈش تۈزۈمىنى ئەستايىدىل ئىزچىللاشتۇرۇش پاسسىپ تاقابىل تۇرۇش، قىلىدىغاننى قىلماسلىق، قىلغاندىمۇ قالايمىقان قىلىش، بۇسۇغۇسى داۋان، ئەلپازى يامان، ئىشى بىراۋان بۇلۇش ۋە ئامما مەنپەئەتىگە زىيان يەتكۈزۈشتەك مەسىلىلەرنى مەخسۇس تەرتىپكە سېلىپ تۈگۈتۈپ، پارتىيەنىڭ ئاممىنى بېيىتىپ، ئاممىغا نەپ يەتكۈزۈش سىياسەتلىرىنى قىسىپ قىلىش، ئاممىۋىي مەنپەئەتنى تارماقلاشتۇرۇش، تارماق ھوقۇقىنى شەخىسىلەشتۈرۈشكە قەتئىي يول قويماسلىق، ئادا قىلىشقا تېگىشلىك ۋەزىپىنى ئاممىغا قىلىنغان «ئىلتىپات» قىلىۋېلىش، ئاممىغا قۇپاللىق قىلىش، جەرىمانىنى باشقۇرۇشنىڭ ئورنىغا دەسسىتىشكە قەتئىي يول قويماسلىق، ھەر قايسى تارماقلار تەستىقلاش ئىش تۈرلىرىنى يەنىمۇ ئازايتىپ، تەستىقلاش، بىجىرىش ۋاقىت چېكىنى قىسقارتىش، ئاشكارە مۇلازىمەت قىلىش، تەشەببۇسكارلىق بىلەن مۇلازىمەت قىلىش سالمىقىنى زورايتىپ، شىنجاڭنى تەستىقلاش ئىش تۈرلىرى ئەڭ ئاز، تەستىقلاش ئۈنۈمى ئەڭ يۇقىرى، مۇلازىمەت سۈپىتى ئەڭ ئەلا رايونلارنىڭ بىرىگە ئايلاندۇرۇشتىن ئىبارەت.
38. ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىدە «راھەتپەرەسلىككە قەتئىي قارشى تۇرۇش»تىكى ئاساسلىق تەلەپ قايسى؟
ج: پاتىيە ئەزالىرى، كادىرلارنى غايە ئېتقادىنى مۇستەھكەملەپ، پارتىيە ئەزالىرىنىڭ روھى ئىنتىلىشىنى قەتئىي ساقلاپ، غەم- ئەندىشە ئېڭىنى تۇرغۇزۇپ، «2 جەزمەن»نى مۇستەھكەملەش، ئومۇم ئۈچۈن خالىسانە تۆھپە قۇشۇش، ھۆكۈمەت ئىشىدا پاك- دىيانەتلىك بۇلۇش، ئىدىيە جەھەتتىكى مەنىسىزلىك، روھىي جەھەتتىكى چۈشكۈنلۈك، ئۇيۇن- تاماشىغا بېرىلىش، ھورۇنلۇق، تەمىنات بىلەن ھېسابلىشىپ، مەنپەئەت قوغلىشىش، سۆلەتۋازلىق، ھەشەمەتخورلۇق قاتارلىق قىلمىشلارغا قەتئىي قارشى تۇرۇش جەھەتتە تەربىيەلەپ يىتەكچىلىك قىلىش، ئىنتىزام ئېڭى، مەسئۇلىيەت ئېڭىنى كۈچەيتىپ، نەتىجە ئۈنۈمىنى قاتتىق باھالاپ، خىزمەتتە بىپەرۋالىق قىلغان كادىرلارنىڭ مەسئۇلىيىتىنى قاتتىق سۈرۈشتە قىلىش، ھەر دەرىجىلىك رەھبىرىي كادىرلارنىڭ خىزمەت ۋە تۇرمۇش تەمىناتىغا ئالاقىدار بەلگىلىمىلەرنى ئەمەلىيلەشتۈرۈش ئەھۋالىنى مەخسۇس تەكشۈرۈش، ھۆكۈمەت ئىشلىرىدا كۆتۈۋېلىشكە ئالاقىدار بەلگىلىمىلەرنى يەنىمۇ قېلىپلاشتۇرۇش ۋە ئەمەلىيلەشتۈرۈش، بەلگىلىمىگە خىلاپ كاتىپ سەپلەشنى قاتتىق چەكلەپ، بەلگىلىمىگە خىلاپ ئىشلەتكەن تۇرالغۇ ئۆي، ئىشخانا، سەپلەنگەن ماشىنىلارنى ئەستايىدىل ئېنىقلاپ قايتۇرۇش، ھۆكۈمەت ئىشلىرىغا ئىشلىتىلىدىغان ماشىنىلار شىتات ۋە ئۆلچەمدىن ئېشىپ كەتمەسلىكتىن ئىبارەت.
39. ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىدە «ھەشەمەتچىلىك ئىستىلىغا قەتئىي قارشى تۇرۇش»تىكى تەلەپ قايسى؟
ج: پارتىيە ئەزالىرى، كادىرلارنى تىجەشچانلىق شەرەپ، ئىسراپخورلۇق نومۇس دېگەن ئىدىيۋى قاراشنى مۇستەھكەملەپ، ئۆلچەمدىن ئاشۇرۇپ كۆتۈۋېلىش، بۇزۇپ- چېچىپ ئىسراپخورلۇق قىلىش، بەلگىلىمىگە خىلاپ قۇرۇلۇش قىلىش، ھەشەمەتلىك بىزەش، تۈرلۈك باھانىلەرنى ئىزدەپ ئومۇمنىڭ پۇلىنى بۇزۇپ- چېچىش قاتارلىق ناچار ئادەتلەرنى قەتئىي تۈگۈتۈپ، غورىگىل تۇرمۇش كەچۈرۈش ئىدىيەسىنى مۇستەھكەم تۇرغۇزۇپ، جاپاغا چىداپ ئاددىي- ساددا ياشاش، ھېساباتنى ئىنچىكە قىلىش، بارلىق ئىشلارنى تىجەشچانلىق بىلەن بىجىرىش. «كىچىك غەزىنە»لەرنى قاتتىق تەكشۈرۈپ بىر تەرەپ قىلىپ، «ئۈچ ئومۇم» خىراجىتىنىڭ ئىشلىتىلىش ئەھۋالىنى ئومۇمىيۈزلۈك تەكشۈرۈپ، ئىسراپخورلۇق قىلمىشلىرىنى قەتئىي تىزگىنلەش. ھۆكۈمەت پۇلىغا چوڭ يەپ- ئىچىش، ھۆكۈمەت پۇلىغا ئۆز ئارا زىياپەت ئۇيۇشتۇرۇش ۋە يۇقىرى ئىستىماللىق كۆڭۈل ئېچىش پائالىيەتلىرىنى ئورۇنلاشتۇرۇشنى قاتتىق مەنئىي قىلىش، يىغىن ئىچىش، تەكشۈرۈپ تەتقىق قىلىش،ئىكىسكورسىيە قىلىش، تەربىيەلەش قاتارلىق ناملار بىلەن شەكلى ئۆزگەرگەن ساياھەتكە چىقىشنى مەنئىي قىلىش، پارتىيە، ھۆكۈمەت ئورگانلىرىدا بەلگىلىمىگە خىلاپ ھالدا ھەشەمەتلىك ئىمارەت قۇرۇلۇشلىرىنى قىلىشنى قاتتىق مەنئىي قىلىش، ئومۇمنىڭ پۇلى ئارقىلىق مەسئۇل ھۆكۈمەت خادىملىرىغا ئىستىمال كارتىسى سۇۋغا قىلىشنى قاتتىق مەنئىي قىلىپ، ئەخلاقى بۇزۇق ھۆكۈمەت مەسئۇل خادىملىرىنى قاتتىق تەكشۈرۈپ بىر تەرەپ قىلىشتىن ئىبارەت.
40. تەربىيەنى ئەمەلىيەتتىن ئۆتكۈزۈش پائالىيىتىدە ئۈگۈنۈش، تەربىيەلەش، پىكىر ئاڭلاش ھالقىلىرىدا بەلگىلەنگەن ئۈگۈنۈش مەزمۇنلىرى قايسى؟
ج: ئۈگۈنۈش مەزمۇنى ئاساسلىقى «ھەر مىللەت ئاممىنى قىزغىن سۆيۈپ، گۈزەل شىنجاڭ قۇرۇش»نى ئاساسىي تېما قىلىپ، كۆپ خىل شەكىللەرنى قوللىنىپ ئۈگۈنۈش تەربىيەلەشنى قانات يايدۇرۇش. پارتىيە ئەزالىرى، كادىرلارنى جۇڭگوچە ئالاھىدىلىككە ئىگە سوتسىيالىزم نەزەرىيە سىستېمىسى، پارتىيە نىزامنامىسى ۋە پارتىيە 18- قۇرۇلتىيى دوكلاتى، باش شۇجى شى جىنپىڭنىڭ بىر قاتار مۇھىم سۆزلىرى، مەركەزنىڭ ئىستىلىنى يەنىمۇ ئۆزگەرتىش، ئامما بىلەن زىچ ئالاقە باغلاشقا ئالاقىدار تۈزۈم، بەلگىلىمىلىرى، مەركەزنىڭ شىنجاڭ خىزمىتىگە ئالاقىدار مۇھىم كۆرسەتمىلىرىنىڭ روھى، ئاپتونۇم رايونلۇق پارتكومنىڭ 7- نۆۋەتلىك 9- قېتىملىق ئومۇمىي ھەيئەتلەر (كېڭەيتىلگەن) يىغىنىدىن بۇيانقى مۇھىم ھۆججەتلەر، يىغىن روھى قاتارلىقلارنى ئەستايىدىل ئۈگۈنۈش، «ئاممىۋىي لۇشىيەن نەزەرىيىسىدىكى مۇھىم باياناتلاردىن تاللانما»، «پارتىيەنىڭ ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتى ھۆججەتلىرىدىن تاللانما»، «تېجەشلىك بۇلۇشنى قاتتىق ئىجرا قىلىپ ئىسراپخورلۇققا قارشى تۇرۇشتىكى مۇھىم باياناتلاردىن تاللانما»، پارتىيە تارىخى ۋە ئېسىل ئەنئەنىسى قاتارلىقلارنى ئەستايىدىل ئۈگۈنۈشكە تەشكىللەش، جۇڭگوچە ئالاھىدىلىككە ئىگە سوتسىيالىزم قۇرۇش نەزەرىيىسى، يولى، تۈزۈمى، «ئۈچ ئۆز- ئۆزىگە ئىشىنىش»، ئاممىۋىي خىزمەت مەيدانى، سىياسىتى، ئۇسۇلى، «ئۈچ ئاڭلىقلىق» مەخسۇس تېمىسىدىكى ئۈگۈنۈش ۋە مۇھاكىمىنى ئومۇمىيۈزلۈك قانات يايدۇرۇشتىن ئىبارەت.
41. ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىدىكى ئۈگۈنۈش تەربىيەلەش، پىكىر ئاڭلاش ھالقىلىرىدا پارتىيە ئەزالىرى، كادىرلارغا پىكىر ئاڭلاش جەھەتتە قۇيۇلىدىغان تەلەپ قايسى؟
ج: ناھىيە دەرىجىلىكتىن يۇقىرى ئورگان تارماقلار پارتىيە ئەزالىرى، كادىرلارنى ئامما بىلەن ياخشى مۇناسىۋەت باغلاپ، ئالاقىلىشىش نۇقتىسى ۋە ياردەم بېرىپ يۆلەش ئائىلىلىرىگە، چەت- يىراق، مۇرەككەپ يەرلەرگە بېرىپ پىكىرنى كۆڭۈل قۇيۇپ ئاڭلاپ، ھەقىقىي ئەھۋالنىڭ تېگى- تەكتىنى ئېنىقلاپ، ئەل رايى، ئەل تۇرمۇشى، ئەل قەلبىنى ھەقىقىي چۈشۈنۈشكە بىر تۇتاش تەشكىللەش، ئاساسىي قاتلام پارتىيە ياچېيكىلىرى بارلىق پارتىيە ئەزالىرى، كادىرلارنى تەۋەلىكىدىكى ئاممىنىڭ پىكرىنى ئاڭلاش، بىر ئائىلىنىمۇچۈشۈرۈپ قويماسلىققا تەشكىللەشتىن ئىبارەت.
42. ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىدىكى مەسىلىلەرنى تېپىپ چىقىش، تەنقىدنى قانات يايدۇرۇش ھالقىلىرىدا پارتىيە ئەزالىرى، كادىرلارغا مەسىلىلەرنى تېپىپ چىقىش جەھەتتە قۇيۇلىدىغان تەلەپ قايسى؟
ج: ئامما ئۈچۈن ھەقىقىي ئىش قىلىپ بېرىش، پاك- دىيانەتلىك بۇلۇش تەلىپىنى نۇقتىلىق چۆرىدىگەن ھالدا ئامما ئوتتۇرىغا قۇيۇش، ئۆزى ئىزدەش، يۇقىرى دەرىجىلىك كۆرسىتىپ بېرىش، ئۆز- ئارا ياردەملىشىش، سىياسىي جەھەتتە مۇستەھكەم بولماسلىق ۋە شەكىلۋازلىق، بىيرۇكراتلىق، راھەتپەرەسلىك ۋە ئىسراپخورلۇق قىلىش جەھەتلەردىكى مەسىلىلەرنى ئەستايىدىل تېپىپ چىقىپ، پارتىيىۋىلىك ئانالىز ۋە ئۆز- ئۆزىنى ئانالىز قىلىش، تەنقىد ۋە ئۆز- ئۆزىنى تەنقىد قىلىشنى قانات يايدۇرۇشتىن ئىبارەت.
43. ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىدىكى مەسىلىلەرنى تېپىپ چىقىش، تەنقىدنى قانات يايدۇرۇش ھالقىلىرىدا سېلىشتۇرۇپ تەكشۈرۈش ماتېرىيالى يېزىشتىكى تەلەپ قايسى؟
ج: سېلىشتۇرۇپ تەكشۈرۈش ماتېرىيالى ئادەتتە سىياسىي ئىپادىسى ۋە ئىستىل جەھەتتىكى ئاساسىي ئەھۋالى، ساقلىنىۋاتقان ئاساسلىق مەسىلىلەر، سەۋەبلەر ئانالىزى، تىرىشىش نىشانى ۋە ئۆزگەرتىش تەدبىرى قاتارلىقلارنى ئۆز ئىچىگە ئالىدىغان بۇلۇپ، مۇھىم نۇقتا ئاخىرقى 3 قىسىمغا قۇيۇلغان. ھەر دەرىجىلىك رەھبەرلىك بەنزىلىرى شىنجاڭ چوڭ ۋەزىيىتىنىڭ مۇقىملىقىنى قوغداش جەھەتتىكى تۇنۇشى ئۆز جايىدا بولماسلىق، پۇزىتسىيەسى قەتئىي بولماسلىق، خىزمەتلەر ئەمەلىيلەشمەسلىك، ئاممىۋىي خىزمەت پۇختا بولماسلىق جەھەتلەردىكى مەسىلىلەرنى ئەستايىدىل تىپىپ چىقىپ، مۇقىملىققا تەسىر يەتكۈزىدىغان زىيانلىق ئامىللار، گەۋدىلىك زىددىيەت، ئاجىز ھالقىلارنى چوڭقۇر تەھلىل قىلىش. ھەر دەرىجىلىك پارتىيە ئەزالىرى، كادىرلارنىڭ مىللىي بۆلگۈنچىلىك ۋە بۇ خىل ھەركەتلەردىكى زور مەسىلىلەردە سۆز ھەركىتىنىڭ، ئىچى بىلەن سىرتىنىڭ بىردەك ياكى بىردەك ئەمەسلىكى، بايرىقى روشەن ياكى روشەن ئەمەسلىكى، كۈرەش قىلىشقا جۈرئەت قىلالايدىغان- قىلالمايدىغانلىقى، ئۆزگۈرۈش ۋە ئىسلاھ قىلالايدىغان- قىلالمايدىغانلىقى، ئۈستىگە ئالالايدىغان- ئالالمايدىغانلىقى، ئەمەلىي ئۈنۈمگە ئىنتىلىدىغان- ئىنتىلمەيدىغانلىقى قاتارلىق جەھەتلەردە تەكشۈرۈىلىدۇ.
44. تەربىيە ئەمەلىيەت پائالىيىتىدە ھەر دەرىجىلىك رەھبەرلىك بەنزىلىرىنىڭ مەخسۇس دېموكراتىك تۇرمۇش يىغىنى ئېچىشىدا قانداق تەلەپلەر بار؟
ج: ھەر دەرىجىلىك پارتكوم (پارتىيە گۇرۇپپىلىرى)لار مەسئۇلىيەتنى ھەقىقىي ئۈستىگە ئېلىپ، ئاساسلىق مەسئۇللار باشلامچىلىق بىلەن مەسىلىلەرنى تېپىپ چىقىش، تەنقىد ۋە ئۆز- ئۆزىنى تەنقىدنى قانات يايدۇرۇش، يىغىندىن بۇرۇن، ئاممىنىڭ پىكرىنى تۇلۇق ئاڭلاش، پارتكوم (پارتىيە گۇرۇپپىلىرى)نىڭ ئاساسلىق مەسئۇللىرى ۋە بەنزە ئەزالىرى بىلەن بىر- بىرلەپ سىردىشىش، بەنزە ئەزالىرى ئۆز- ئارا سىردىشىش، ھەر بىر بەنزە ۋە بەنزە ئەزالىرى سىياسىي مۇستەھكەملىك، ئامما ئۈچۈن ئەمەلىي ئىش قىلىپ بېرىش، پاك- دىيانەتلىك بۇلۇش تەلىپى ۋە مەركەز، ئاپتونۇم رايونلۇق پارتكومنىڭ ئالاقىدار بەلگىلىمىلىرىگە سېلىشتۇرغان ھالدا سىلىشتۇرۇش تەكشۈرۈش ماتېرىيالىنى ياخشى يېزىش، يىغىندا ھەم ئۆز- ئۆزىنى چوڭقۇر تەنقىد قىلىش ھەم سەمىمىي ھالدا ئۆز- ئارا تەنقىد ئېلىپ بېرىش، يىغىندىن كېيىن، بەلگىلەنگەن دائىرىدە دېموكراتىك تۇرمۇش يىغىنى ئەھۋالىنى ئومۇمىي ئۇقتۇرۇش قىلىشتىن ئىبارەت.
45. ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىدە ھەر بىر پارتىيە ياچېيكىسى ياكى پارتىيە گۇرۇپپىلىرىنىڭ مەخسۇس تەشكىلىي تۇرمۇش يىغىنى ئېچىشىدىكى تەلەپلەر قايسى؟
ج: تەربىيە ئەمەلىيەت پائالىيىتىدە، ھەر بىر پارتىيە ياچېيكىسى ياكى پارتىيە گۇرۇپپىلىرى سىياسەتلەرنى ئۆز ئورنىا قانداق ئەمەلىيلەشتۈرۈشنى چۆرىدىگەن ھالدا مۇلازىمەت ئوبىيكىتلىرى بىلەن ياخشى تۇنۇشۇپ، ئاممىنىڭ بىيىشىغا ياردەم بېرىش، مەخسۇس تەشكىلىي تۇرمۇش يىغىنى ئېچىپ، ھەر بىر پارتىيە ئەزاسى ھەر بىر كادىر تۈزۈتۈش تەدبىرى ۋە ئۇسۇللىرىنى ئوتتۇرىغا قۇيۇپ، «مەن بۇرچۇمنى ئادا قىلالايمەن» دېگەن پۇزىتسىيەسىنى بىلدۈرۈش ۋە ئەمەلىيەتتىن ئۆتكۈزۈشتىن ئىبارەت.
46. ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىىتىدە يىتەكچىلىك گۇرۇپپىسىنىڭ تۆۋەن دەرىجىلىك رەھبەرلىك بەنزىسىنىڭ مەخسۇس دېمۇكراتىك تۇرمۇش يىغىنىغا قاتنىشىشىدىكى تەلەپلەر قايسى؟
ج: يۇقىرى دەرىجىلىك پارتىيە تەشكىلاتى ئەۋەتكەن يىتەكچىلىك گۇرۇپپىسى تۆۋەن دەرىجىلىك رەھبەرلىك بەنزىسىنىڭ مەخسۇس دېموكراتىك تۇرمۇش يىغىنىنىڭ پۈتۈن جەريانىغا قاتنىشىش، دېموكراتىك تۇرمۇش يىغىنىغا تەييارلىق قىلىش باسقۇچىدا، يىتەكچىلىك گۇرۇپپىسى ئەۋەتكەن پارتكوم (پارتىيە گۇرۇپپىسى)نىڭ ئاساسلىق رەھبىرىي ۋە بەنزە ئەزالىرىغا، بەنزىنىڭ قۇرۇلۇشىغا ئالاقىدار ئىگەللىگەن ئەھۋاللار ۋە ساقلانغان گەۋدىلىك مەسىلىلەرنى ئومۇمىي ئۇقتۇرۇش قىلىش، ساقلانغان مەسىلىلەرنى ئىنكاس قىلىشى بىر قەدەر كۆپ، بەنزە ئەزالىرىغا نىسبەتەن، يىتەكچىلىك گۇرۇپپىسى پارتكوم (پارتگۇرۇپپا)نىڭ ئاساسلىق مەسئۇلى بىلەن بىرلىكتە سۆھبەتلىشىپ ئەسكەرتىش، باشقا بەنزە ئەزالىرى بىلەنمۇ ئايرىم سۆھبەتلىشىپ ئەسكەرتىش. يىتەكچىلىك گۇرۇپپىسى پارتكوم (پارتگۇرۇپپا)نىڭ ئاساسلىق مەسئۇل بىلەن بىرلىكتە بەنزە ئەزالىرىنىڭ سېلىشتۇرۇپ تەكشۈرۈش ماتېرىيالى، تەنقىد ۋە ئۆز- ئۆزىنى تەنقىد قىلىشنى قانات يايدۇرۇش ئەھۋالىنى باھالاش ۋە مۇۋاپىق شەكىللەرنى قوللىنىپ پىكىر قايتۇرۇشتىن ئىبارەت.
47. ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىدىكى تۈزۈتۈشنى ئەمەلىيلەشتۈرۈش، قائىدە- تۈزۈم تۇرغۇزۇش ھالقىسىدا تۈزۈتۈشنى ئەمەلىيلەشتۈرۈش جەھەتتە قۇيۇلىدىغان تەلەپ قايسى؟
ج: تۈزۈتۈشنى ئەمەلىيلەشتۈرۈشتە نۇقتىلىق ھالدا ئىستىل جەھەتتە ساقلانغان مەسىلىلەرگە قارىتا ھەل قىلىش تەدبىرى، تۈزۈمى ۋە ئەمەلىيلەشتۈرۈش تۈزۈتۈش لايىھەسىنى ئوتتۇرىغا قۇيۇپ، تۈزۈتۈش لايىھەسىنى تۈزۈش ۋە ئەمەلىيلەشتۈرۈش؛ بىر قىسىم گەۋدىلىك مەسىلىلەرنى مەركەزلەشتۈرۈپ تەرتىپكە سېلىش، ھەر بىر ئورۇن سىياسىي مۇستەھكەملىك، ئىستىل تۈزۈتۈش، نۇقتىلىق مەسىلىلەرنى تۇتۇش، تۈزۈتۈش ۋەزىپىنامىسى، ۋاقىت جەدۋىلى تۈزۈشنى چۆرىدىگەن ھالدا 1- قول رەھبەر مەسئۇل بۇلۇش تۈزۈمىنى يولغا قۇيۇش ھەمدە بەلگىلىك دائىرە ئىچىدە ئېلان قىلىش. تۈزۈلمە مېخانىزىمى جەھەتتە مەسىلىلەرنى ھەل قىلىشقا ئەھمىيەت بېرىش، سىياسىي مۇستەھكەملىك، پارتىيەنىڭ ئاممىۋىي لۇشىيەنىنى ئىزچىللاشتۇرۇشنى پارتىيە ئەزالىرى، كادىرلارنىڭ ئۇزۇن مەزگىللىك ئاڭلىق ھەركىتىگە ئايلاندۇرۇشتىن ئىبارەت.
48. ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىدە رەھبەرلىك بەنزە قۇرۇلۇشىنى كۈچەيتىش ۋە كادىرلارنى قاتتىق تەربىيەلەپ باشقۇرۇش جەھەتتىكى كونكىرتنى تەلەپلەر قايسى؟
ج: كونكىرتنى تەلەپ شۇكى، ئىشلارغا سۇزلۇق قىلىدىغان، ھورۇن، چېچىلاڭغۇ رەھبەرلىك بەنزىسىنى تەرتىپكە سېلىش، ئادەتتىكى ئىستىل مەسىلىسى ساقلانغان كادىرلارنى تەربىيەلەپ ئۆزگەرتىش؛ ئاممىنىڭ پىكرى كۆپ، مەسىلىلەرنى ئەستايىدىل تىپىپ چىقمىغان، كۆرىنەرلىك ئۆزگەرتمىگەن كادىرلارنى تەشكىلىي جەھەتتە تەڭشەش، پائالىيەت جەريانىدا بايقالغان قانۇن- ئىنتىزامغا خىلاپ زور مەسىلىلەرنى ئۆز ۋاقتىدا ئىنتىزام تەكشۈرۈش، مەمۇرىي تەپتىش ئورگانلىرىغا تاپشۇرۇش ياكى ئالاقىدار جەھەتتە قاتتىق بىر تەرەپ قىلىش بىلەن بىرگە، ئېتقادى مۇستەھكەم، خەلق ئۈچۈن مۇلازىمەت قىلالايدىغان، ھۆكۈمەت ئىشىدا تىرىشچان، ئەمەلىيەتچىل، زېممىسىگە ئېلىشقا جۈرئەت قىلالايدىغان، پاك- دىيانەتلىك ياخشى كادىرلارنى زور كۈچ بىلەن ئۆستۈرۈش، راستچىل، سەمىمىي كىشىلەرنى، ئۇنۋېرسال ساپاسى يۇقىرى قابىلىيەتلىكلەرنى، ئۇزۇن مەزگىل بىرىنچى سەپتە باش چۆكۈرۈپ جاپالىق ئىشلىگەنلەرنى زىيان تارتقۇزماسلىق، بۆلگۈنچىلىك، تىررورلۇققا قارشى تۇرۇش كۈرىشىدە ئورنىدىن دەس تۇرالايدىغان، ھەر قانداق بەدەل تۆلەشتىن باش تارتمايدىغان، ئاممىنىڭ ھاياتى، مال- مۈلكىنى قوغدىيالايدىغان تۆھپىكار كىشىلەرنى قىزغىنلىق بىلەن پارتىيەگە كىرگۈزۈپ، قىزغىنلىق بىلەن مۇكاپاتلاپ، قىزغىنلىق بىلەن ئۆستۈرۈشتىن ئىبارەت.
49. ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىدە ئاچقۇچنى چىڭ تۇتۇپ، قائىدە- تۈزۈم تۇرغۇزۇشتىكى كونكىرتنى تەلەپلەر قايسى؟
ج: قائىدە- تۈزۈم تۇرغۇزۇشتىكى كونكىرتنى تەلەپ باش شۇجى شى جىنپىڭنىڭ مەركىزى سىياسىي بىيرۇسى مەخسۇس يىغىنىدا ئوتتۇرىغا قويغان «يەتتە كۈچ سەرپ قىلىش» تەلىپىنى ئەستايىدىل ئەمەلىيلەشتۈرۈپ، تۈزۈم تۇرۇپ ئىجرا قىلماسلىق مەسىلىلىرىنى گەۋدىلىك ھەل قىلىش، ئەمەلىيەتنىڭ سىنىقىدىن ئۆتكۈزگەن ئۈنۈملۈك، ئامما ئېتراپ قىلىدىغان تۈزۈملەردە چىڭ تۇرۇش ۋە ئەمەلىيلەشتۈرۈش؛ يېڭى ۋەزىيەت، يېڭى ۋەزىپىلەر تەلىپىگە ئۇيغۇنلىشالمايدىغان تۈزۈملەرنى تۈزۈتۈپ مۇكەممەللەشتۈرۈش، ئەمەلىيەت جەريانىدىكى ياخشى تەجرىبە، ياخشى ئۇسۇللارنى خۇلاسىلاپ ۋە كېڭەيتىپ، پارتىيە ئەزالىرى، كادىرلارنىڭ ئامما بىلەن بىۋاستە ئالاقىلىشىش تۈزۈمى ۋە ئاممىنىڭ ئەرز- تەلەپلىرىنى ئىنكاس قىلىش يوللىرىنى راۋانلاشتۇرۇش تۈزۈملىرىنى مۇكەممەللەشتۈرۈش، ئاممىنىڭ ئارزو ئىستىكىنى نامايەندە قىلالايدىغان ئىلمىي دېمۇكراتىك تەدبىر بەلگىلەش مېخانىزىمى، كادىرلارنىڭ ئىستىل جەھەتتىكى ئەھۋاللىرىنى تەكشۈرۈپ باھالاش مېخانىزىمى، تېجەشچانلىقنى قاتتىق يولغا قۇيۇپ، ئىسراپخورلۇقنى چەكلەش تۈزۈمى، ھەشەمەتلىك ئىمارەت قۇرۇلۇشى قىلىشنى، باشقۇرۇشنى قاتتىق ئىجرا قىلىش بەلگىلىمىسى، يىغىن، تەربىيەلەش، پائالىيەت راسخۇتلىرىنى باشقۇرۇش چارىسى، پارتىيە، ھۆكۈمەت ئورگىنى رەھبىرىي كادىرلىرىنىڭ تۇرالغۇ ئۆي، ماشىنا ئىشلىتىش قاتارلىق خىزمەت، تۇرمۇش جەھەتتىكى تۈزۈملىرىنى تۈزۈش ۋە مۇكەممەللەشتۈرۈش، دۆلەت ئىلكىدىكى كارخانا مەسئۇللىرىنىڭ ۋەزىپە ئىستىمالىنى باشقۇرۇش چارىسىنى تەتقىق قىلىپ تۈزۈش، ھۆكۈمەت ئىشلىرى چىقىمى، ھۆكۈمەت پۇلى ئىستىمالى جەھەتلەردىكى مۇپەتتىش تۈزۈمىنى تۇرغۇزۇپ مۇكەممەللەشتۈرۈش، دائىملىق، جىددىي بولغان پارتىيەنىڭ ئىچكى تەشكىلىي تۇرمۇش تۈزۈمىنى مۇكەممەللەشتۈرۈش، خىزمەت ئىستىلىنى ياخشىلاش، ئامما بىلەن زىچ ئالاقە باغلاشنى دائىملاشتۇرۇش، ئۇزاق ئۈنۈملەشتۈرۈشنى ئىلگىرى سۈرۈشتىن ئىبارەت.
50. ئاممىۋىي لۇشىيەن تەربىيەسىنى ئەمەلىيەتتىن ئۆتكۈزۈش پائالىيىتىدە ئامما ئارىسىدا «دۆلەت مەن ئۈچۈن بەخت كۆزلىسە، مەن دۆلەت ئۈچۈن تۆھپە قۇشىمەن» دېگەن تەربىيە پائالىيىتىنى كەڭ- كۆلەمدە ئېلىپ بېرىشنىڭ مەزمۇنى نىمە؟
ج: ئامما ئارىسىدا «دۆلەت مەن ئۈچۈن بەخت كۆزلىسە، مەن دۆلەت ئۈچۈن تۆھپە قۇشىمەن» دېگەن تەربىيەنى كەڭ- كۆلەمدە ئېلىپ بېرىپ، زامانىۋى مەدەنىيەت ئىنتىلىشنى گەۋدىلەندۈرۈپ، كۆپ خىل قاتلام، كۆپ خىل شەكىللەر ئارقىلىق دىنغا ئىشىنىدىغان ئاممىنى سىياسىيغا، قانۇنغا، ساغلاملىققا، ئۆرپ- ئادەتكە، تۇغرا دىنىي ئەقىدىلەرگە ئەھمىيەت بېرىش جەھەتتە تەربىيەلەپ، ھەر مىللەت ئاممىسىنىڭ دۆلەت ئېڭى، قانۇن ئېڭى، پۇقرالىق ئېڭى، پەن- تېخنىكا ئېڭىنى كۈچەيتىشتىن ئىبارەت.
51. پارتكومنىڭ خىزمەت ئىستىلىنى ئۆزگەرتىش، ئامما بىلەن زىچ ئالاقە باغلاش جەھەتتىكى 10 ماددىلىق بەلگىلىمىسى ئاساسلىق قايسى جەھەتتىكى مەزمۇنلارنى ئۆز ئىچىگە ئالىدۇ؟
ج: ئۈگۈنۈشنى ئاڭلىق كۈچەيتىش، تەكشۈرۈپ تەتقىق قىلىشنى ئۆزگەرتىش، يىغىن، ھۆججەت، قىسقا خەۋەرلەرنى ئىخچاملاپ، زىيارەتكە چىقىش ئىشلىرىنى قېلىپلاشتۇرۇش، مۇھاپىزەت خىزمىتى، خەۋەر، ئاخبارات قاتارلىقلارنى ئۆزگەرتىپ، ئورگىنالىنى ئېلان قىلىشنى چىڭىتىپ، تىجەشچانلىقنى قەتئىي ئىجرا قىلىپ، پاك- ئىنتىزامچان بۇلۇشتا چىڭ تۇرۇشتىن ئىبارەت.
52. مەركەزنىڭ شىنجاڭنىڭ ھالقىما تەرەققىياتى ۋە ئەبەدىي ئەمىنلىكىنى ئىلگىرى سۈرۈش تۇغرىسىدىكى پىكىرىدە ئوتتۇرىغا قويۇلغان «5 كۆرىنەرلىك، 1 كاپالەت» نىشانىنىڭ ئاساسىي مەزمۇنى نىمە؟
ج: 5 يىل ئىچىدە تىرىشىپ، شىنجاڭ بۇلۇپمۇ شىنجاڭ رايونىنىڭ ئىقتىسادى تەرەققىياتىنى كۆرىنەرلىك تىزلىتىش، ھەر مىللەت ئاممىسىنىڭ تۇرمۇشىنى كۆرىنەرلىك ياخشىلاش، شەھەر- يېزىلار قىياپىتىنى كۆرىنەرلىك ياخشىلاش، ئاممىۋى مۇلازىمەت سەۋىيەسىنى كۆرىنەرلىك ئۆستۈرۈش، ئاساسىي قاتلاملار قۇرۇلۇشىنى كۆرىنەرلىك كۈچەيتىش. 10 يىل بۇشاشماي تىرىشىش ئارقىلىق، شىنجاڭنىڭ ئۆز- ئۆزىنى تەرەققىي قىلدۇرۇش ئىقتىدارىنى كۆرىنەرلىك ئاشۇرۇپ، ئىچكىرى ئۆلكىلەر بىلەن بولغان تەرەققىيات پەرقىنى ئەڭ زور دەرىجىدە كىچىكلىتىپ، 2020- يىلىغا بارغاندا ئومۇمىيۈزلۈك ھاللىق جەمئىيەت قۇرۇشتىن ئىبارەت كۈرەش نىشانىنى ئىشقا ئاشۇرۇشقا كاپالەتلىك قىلىشتىن ئىبارەت.
53. مەركەزنىڭ شىنجاڭنىڭ ھالقىما تەرەققىياتى ۋە ئەبەدىي ئەمىنلىكىنى ئىلگىرى سۈرۈش تۇغرىسىدىكى پىكىرىدە ئۇتتۇرىغا قۇيۇلغان «4 تە چىڭ تۇرۇش» نىمىنى كۆرسىتىدۇ؟
ج: پارتىيەنىڭ مىللەت سىياسىتى ۋە مىللىي تىررىتورىيىلىك ئاپتونۇمىيە تۈزۈمىدە تەۋرەنمەي چىڭ تۇرۇش، ئاز سانلىق مىللەتلەرنىڭ مەدەنىيەت ئۆرپ- ئادىتىگە ھۆرمەت قىلىش بىلەن دۆلەڭ ئېڭى، قانۇن ئېڭى، گىراژدانلىق ئېڭىنىڭ بىرلىككە كىلىشىنى كۈچەيتىشتە چىڭ تۇرۇش، مىللىي تىررىتورىيىلىك ئاپتونۇمىيە ھوقۇقىنى قانۇن بۇيىچە يۈرگۈزۈش، پارتىيە ۋە دۆلەتنىڭ فاڭجېن سىياسەتلىرىنىڭ بىرلىككە كىلىشىنى ئىزچىل ئىجرا قىلىشتا چىڭ تۇرۇش، ئاز سانلىق مىللەتلەرنىڭ قانۇنلۇق ھوقۇق مەنپەئەتىدىن بەھرىمان بۇلۇش ۋە قانۇن بۇيىچە گىراژدانلىق مەجبۇرىيىتىنى ئادا قىلىشتا چىڭ تۇرۇش، ھەر قانداق مىللەتلەر ئىتتىپاقلىقىغا بۇزغۇنچىلىق قىلغان ۋە مىللىي بۆلگۈنچىلىك ھەركىتىنى كەلتۈرۈپ چىقارغانلارنى قانۇن بۇيىچە جازالاشتىن ئىبارەت.
54. شىنجاڭچە روھىنىڭ ئاساسلىق مەزمۇنى نىمە؟
ج: دۆلەتنى، شىنجاڭنى سۆيۈش، ئىتتىپاقلىشىپ تۆھپە قۇشۇش، ئەمگەكچان بۇلۇپ ئۆز- ئارا ياردەملىشىش، يول ئېچىپ ئالغا ئىلگىرلەشتىن ئىبارەت.
55. «1گە قارشى تۇرۇش 2گە ئەھمىيەت بېرىش» نىمىنى كۆرسىتىدۇ؟
ج: «1گە قارشى تۇرۇش 2گە ئەھمىيەت بېرىش» ئاپتونۇم رايونلۇق پارتكومنىڭ شۇجىسى يولداش جاڭ چۈنشىيەننىڭ شىنجاڭنىڭ مۇقىملىقىنى قوغداش خىزمىتى دۇچ كەلگەن يېڭى ۋەزىيەت، يېڭى ئالاھىدىلىكلەرگە قارىتا، يېڭى ۋەزىيەتتىكى شىنجاڭنىڭ مۇقىملىق خىزمىتىنى يەنىمۇ ياخشى ئىشلەش ئۈچۈن ئۇتتۇرىغا قويغان 3 تەلىپى بۇلۇپ، بىرىنچىسى، زوراۋان كۈچلەرگە قارشى تۇرۇش، «زوراۋان كۈچلەرگە قارشى تۇرۇش» دېگىنىمىز بارلىق زوراۋان كۈچلەر ياكى زوراۋانلىق قىلىپ تەھدىت سېلىشتەك جىنايى قىلمىشلارغا قارشى تۇرۇش ۋە جازالاشتۇر؛ ئىككىنچىسى، قانۇن- تۈزۈمگە ئەھمىيەت بېرىش، «قانۇن- تۈزۈمگە ئەھمىيەت بېرىش» دېگىنىمىز دۆلەت ئورگانلىرى، ئىجتىمائىي تەشكىلاتلار، دۆلەت خىزمەتچىلىرى ۋە گىراژدانلاردىن دۆلەت قانۇنىنى جەزمەن شەرتسىز قاتتىق ئىجرا قىلىش ۋە بوي سۇنۇشنى تەلەپ قىلىش، ھەر قانداق كىشىنىڭ قانۇندا يول قۇيۇلمايدىغان ئىشلارنى قىلىشىغا يول قويماسلىقنى كۆرسىتىدۇ؛ ئۈچىنچىسى، تەرتىپكە ئەھمىيەت بېرىش، ئىدىيۋى سىياسىي خىزمەت ۋە قانۇن بۇيىچە ئىدارە قىلىش تەربىيەسىنى كۈچەيتىپ، ھەر مىللەت ئاممىسىنى سىياسىيغا، ئومۇمىيلىققا ئەھمىيەت بېرىپ مۇۋاپىق، قانۇنلۇق ئۇسۇللار ئارقىلىق ئەرز- تەلەپلىرىنى ئىپادىلەش جەھەتتە تەربىيەلەپ ۋە يىتەكلەپ، قانۇن- ئىنتىزامغا رىئايە قىلىش، نورمال ئىجتىمائىي تەرتىپنى قوغداشتا ھەممە ئادەمنىڭ مەسئۇلىيىتى بار دېگەن ئومۇمىيلىقنى شەكىللەندۈرۈشتىن ئىبارەت. «1گە قارشى تۇرۇپ 2گە ئەھمىيەت بېرىش»نىڭ ئوتتۇرىغا قۇيۇلۇشى شىنجاڭنىڭ مۇقىملىقىنى قوغداپ، مىللىي بۆلگۈنچىلىككە قارشى تۇرۇش جەھەتتە مۇھىم يىتەكچى رول ئوينىدى.
56. «ئۈچ خىل كۈچلەر» نىمىنى كۆرسىتىدۇ؟
ج: مىللىي بۆلگۈنچى كۈچلەر، دىنىي ئەسەبىي كۈچلەر، زوراۋان تىررورچى كۈچلەرنى كۆرسىتىدۇ.
57. «ئۈچ قانۇنسىز» نىمىنى كۆرسىتىدۇ؟
ج: قانۇنسىز دىنىي پائالىيەت، قانۇنسىز دىن نەشرىياتى، قانۇنسىز دىننى توردا تارقىتىشنى كۆرسىتىدۇ.
58. «تۆتنى تۇنۇش» دېگەن نىمە؟
ج: «تۆتنى تۇنۇش» دېگىنىمىز ۋەتەننى تۇنۇش، جۇڭخۇا مىللەتلىرىنى تۇنۇش، جۇڭخۇا مەدەنىيىتىنى تۇنۇش، جۇڭگوچە ئالاھىدىلىككە ئىگە سوتسىيالىزىم يولىنى تۇنۇشنى كۆرسىتىدۇ.
59. «ئۈچ ئايرىلالماسلىق» دېگەن نىمە؟
ج: خەنزۇلار ئاز سانلىق مىللەتلەردىن ئايرىلالماسلىق، ئاز سانلىق مىللەتلەر خەنزۇلاردىن ئايرىلالماسلىق، ئاز سانلىق مىللەتلەر ئۆز- ئارا بىر- بىرىدىن ئايرىلالماسلىقنى كۆرسىتىدۇ.
Word ھۈججىتىنى تۆۋەندىكى خالىغان بىرسىدىن چۈشۈرۈۋېلىڭ:
群众路线知识（提问）.doc
Ammiwi Luxian Sual Jawab.doc

Ammiwi luxian.zip (21.24 KB, چۈشۈرۈش سانى: 44)

ADiL · ۋاقتى: 2014-5-14 00:57:08

3-ئايدا مۇنبىرىمىز پىشقەدەم ئەزاسى @zulpiqar ئەپەندى يوللىغىنىغا بىر قىسىملىرى ئوخشاپ قالىدىكەن، شۇنداق بولسىمۇ ھازىر بۇ خىلدىكى ماتىرىياللار كەمچىل بولىۋاتقان شارائىتتا پايدىلىنىشىڭلار ئۈچۈن يوللاپ قويدۇم.
ئاممىۋى لۇشىيەن تەربىيەسىدە بىلىشكە تىگىشلىك 100سۇئال
/thread-30382-1-1.html

نۇرلان · ۋاقتى: 2014-5-14 01:12:06

ئادىل ئەپەندىممۇ سىياسىيغا ئەھمىيەت بەرگىلى تۇرۇپتۇ-دە؟ يارايسىز، روھلاندىكىلەرنىڭ ئېڭى يەنىمۇ يۇقىرىي كۆتۈرۈلىدىغان بولدى.

يوللانمىڭىزغا رەھمەت.

ADiL · ۋاقتى: 2014-5-14 01:26:36

نۇرلان يوللىغان ۋاقتى 2014-5-14 01:12
3 n8 e. H, R: g6 G- Yئادىل ئەپەندىممۇ سىياسىيغا ئەھمىيەت بەرگىلى تۇرۇپتۇ-د ...

بۇرۇن بۇ ماتىرىياللارغا ئانچە پەرۋا قىلىپ كەتمىگەن، ئەمما بۇ ھەپتە بۇ ئاممىۋى لۇشىيەن دېگەن تېمىدىكى سىياسىي ئۆگىنىش قىلىش ۋەزىپىسى بىزگىمۇ چۈشۈپتۇ، شۇڭا ماتىرىيال توپلىغاچ يوللاپ قۇيۇشۇم.

غىلاپ · ۋاقتى: 2014-5-14 08:37:45

چۈشۈرۈلدىم ، رەھمەت . يەكشەنبە كۈنى بۇنىڭدىن ئىمتىھان ئالغۇدەك .

قاراتال · ۋاقتى: 2014-5-14 14:46:20

بۇ جەمئى 100 سۇئال ئىدى. سىز 59 سۇئالنى يوللاپسىز.........

نۇرلان · ۋاقتى: 2014-5-14 17:27:12

ئۆگەنمەي بولمايدۇ. ئەمما مەندە تۇتقاقلىق كېسىلى بار ئىدى. بەك ئۆگىنىۋەتسە كېسىلى تۇتۇپ قالمىسۇن دەپ، ماڭا ئۆگىنىڭ دىمىدى.

شاھيار88 · ۋاقتى: 2014-5-14 21:11:44

بىزگە 103 سۇئال جاۋاپ بار بىر كىتاپنى تارقاتتى شۇنى ئۆگۈنىۋاتىمىز.

uqkun · ۋاقتى: 2014-5-17 19:11:19

رەھمەت، مومكىن بولسا يازغان تەسىرات ماقالىلىرىڭلارنىمۇ تىلفۇندا رەسىمگە تارتىپلا يوللىۋەتسەڭلا، سىياسى بىلەن خوشى مەندەكلەرگە تىخىمۇ ئاسانلىق بولاتتى

ئاممىۋىي لۇشىيەنگە دائىر بىلىشكە تېگىشلىك سوئال-جاۋابلار

مۇناسىۋەتلىك تېمىلار

باھا سۆز

كۆرگەن سەھىپە

ئالاھىدە تەۋسىيە /1