سۈزۈك تۇيغۇلار

ئەزھەر36

   
7 R% @" u( A" e3 I/ N
سۈزۈك تۇيغۇلار


(نەسرلەر)
ۋەلى كېرىم كۆكئالپ

+ p; B* D$ t4 `+ G* d' y
4 A" ]/ ]7 ^$ ~كۈنلەردىن بىر كۈنى سېنى چوقۇم ئىزدەپ تاپالايدىغانلىقىمغا، سېنىڭ نۇرلۇق جامالىڭغا تەلپۈنگىنىمچە، ھاياتىمدىكى ئەڭ بەختلىك مىنۇتلارنى ئۆتكۈزەلەيدىغانلىقىمغا ھازىرمۇ تولۇق ئىشەنمەكتىمەن. ھالبۇكى، ئەي مېھرى ئىسسىق گۈلۈم! سەن ئۇزۇن يىللاردىن بېرى مېنى گۈل ئىشقىدا خەندان ئۇرغان باغرى قان بۇلبۇلدەك تەنھا، دەرمانسىز قالدۇرۇپ، ئۆز مەنزىلىڭ تامان يول ئالدىڭ.
مەن گويا مەجنۇنغا ئوخشاش چۆللەردە سەرسان بولدۇم، يۈرىكىم چوغدەك يېلىنجاپ، ئىشقىڭ ئاتىشى ۋۇجۇدۇمنى گۈر-گۈر كۆيدۈردى. مەن بۇ ئازابقا چىدىيالماي ئاھ ئۇرماقتىمەن، ياشلىق كۆزلىرىمنى مۆلدۈرلىتىپ بىچارىلەرچە بىرەر ئۈمىد نۇرىنى كۆرۈشنى، بۇ ئازابتىن مەڭگۈلۈك قۇتۇلۇپ كېتىشنى ئارزۇ قىلدىم. ھالبۇكى، ساڭا ئىلتىجا بىلەن سۇنغان كىچىككىنە قوللىرىم جاۋابسىز ھاۋادا پۇلاڭلاپ قالدى. سەن غالىبلارچە گىدەيگىنىڭچە ئالدىمدىن ئۆتۈپ كەتتىڭ. مېنىڭ يۈرىكىم پارە-پارە بولۇپ، ئارقاڭدىن تەلمۈرگەنچە قاراپ قالدىم.
كۈنلەردىن بىر كۈنى مەن سېنىڭ ۋىسالىڭغا چوقۇم ئېرىشىدىغانلىقىمنى، داغى ھىجران پىراقىدىن قان بولغان باغرىمنى تەسكىن تاپقۇزۇپ، ۋىسال شەربىتىدىن قانغۇچە ئىچەلەيدىغانلىقىمنى بىلگەچكىلا ئالدىڭدا نىدا قىلىپ، بىچارىلەرچە ساڭا تەلمۈرۈپ ئولتۇرماقتىمەن، ئەي مېھرى ئىسسىق گۈلۈم! ۋىسال لەززىتىنىڭ بۇنچىلىك قەدىرلىك، ھەرقانچە ئېغىر ئازاب بولسىمۇ چېكىشكە ئەرزىيدىغان ۋە لەززەتلىكلىكىنى ھېس قىلغانلىقىم ئۈچۈن ساڭا ئۆمۈرلۈك تەلپۈنۈشكە، ئازاب چېكىشكە رازىمەن، گۈلۈم!
«مېنىڭ نىدالىرىم مەغرۇر گۈلۈمنى قاچانمۇ تەسىرلەندۈرەر، ئۇنىڭ ۋىسالىغا قاچانمۇ يەتكەيمەن» دەپ ئۈمىد بىلەن ئۈمىدسىزلىك ئارىسىدا دىلىغۇل بولۇپ تۇرغان چېغىمدا، يامغۇردىن كېيىن تۇيۇقسىز قۇياش ئالتۇن نۇرلىرىنى زېمىنغا سەپكەندەك، چۆلدە تەشنالىقتىن جېنى ھەلقۇمىغا كېلىپ قالغان يولۇچى شىپابەخش بۇلاققا ئۇچراپ قالغاندەك مۆجىزە يۈز بەردى: مەن ئۆمۈرلۈك تەشنا بولغان گۈلۈمدىن خۇددى تاڭ ساباسىدەك خۇشخەۋەر قۇلىقىمغا ئاڭلاندى! مەن يۈرەكلەرنى ياشارتقۇچى بۇ خەۋەردىن مەست-مۇستەغرەق بولغان ھالدا ئۇنىڭ قۇياشتەك جامالىنى تاماشا قىلىش ئۈچۈن يۈرۈپ كەتتىم.
; J7 ~5 v) M: N# ^كۈنلەردىن بىر كۈنى مەن بىر ئۆمۈر تەلپۈنگەن گۈلۈمنىڭ ۋىسالىغا يېتىدىغانلىقىمنى بىلەتتىم، ئۇنىڭ ئۈچۈن ھەر نە رىيازەت چېكىشكە رازى بولغانىدىم. مانا ھازىر مېنىڭ مېھرى ئاتەش گۈلۈم ئالتۇن قوڭغۇراقتەك ئاۋازىنى بولۇشىغا قويۇۋېتىپ، سان-ساناقسىز مۇھەببەت گۈللىرى ئېچىلىپ كەتكەن گۈلىستان قوينىدا مېنى تەشنالىق بىلەن كۈتمەكتە. مەن قۇياشنىڭ ئالتۇن نۇرلىرىنى تېنىمگە سىڭدۈرۈپ، گۈلزارلىقنىڭ خۇشبۇي ھاۋاسىنى تەشنالىق بىلەن سۈمۈرگىنىمچە ئاشىق-مەشۇقلار ۋەتىنىگە قاراپ يۈگۈرۈپ كەتتىم.
# ?# F. y" x5 f9 Vكىچىككىنە قوللىرىڭ
% `$ ?, t5 {( l% L! T  x9 |2 t% K7 r) `كىچىككىنە قوللىرىڭنى ماڭا نېمىشقا سۇنۇۋېرىسەن، ئەي قىزچاق! نېمىشقا قول ئىلكىدە بار، كۆرۈنۈشىدىن پۇلدارلىقى چىقىپ تۇرىدىغان كىشىلەر ئەتراپىڭدا مىغىلداپ تۇرسىمۇ، ئۇلاردىن پۇل-مال تەلەپ قىلماي، نېمىشقا مەندەك كۈن ساناپ ئۆمۈر كەچۈرۈۋاتقان بىر بىچارىگە قولۇڭنى ئۇزىتىسەن؟
مەندە دەريادەك كۆڭۈل بولسىمۇ، ئەمما قولۇم قىسقا، مۇھتاجلىق كوچىسىدا سەندىنمۇ بەتتەر قېقىلىپ-سوقۇلۇپ كۈن ئۆتكۈزۈۋاتماقتىمەن. لېكىن مەن ساڭا ئوخشاش ئۇچرىغانلا ئادەمگە قولۇمنى ئۇزىتىپ، ئۇلاردىن شەپقەت تىلىمىدىم، ئۆز ئېھتىياجىمنى باشقىلاردىن ئېلىشنى نومۇس دەپ بىلدىم. شۇڭا مېنىڭ ئەپتىمدىن مۇھتاجلىقىم بىلىنمەيدۇ. گەپلىرىمنى چۈشەنگەن بولساڭ قولۇڭنى يىغىۋال، چۈنكى، مەن سەندىنمۇ بەكرەك مۇھتاجمەن.
بۇنىڭدىن ئىلگىرى سېنىڭكىدىنمۇ كىچىك، ئاجىز، مۇھتاج قوللار ماڭا ئۇزىتىلغانىدى. مەن ئۇ چاغلاردا باي بولمىساممۇ، ھەر ھالدا بىرەر ئادەمنى بېقىپ ھۆددىسىدىن چىقالايدىغان ھالەتتە ئىدىم. شۇڭا ئۇ كىچىك قوللارغا چامامنىڭ يېتىشىچە تەڭگە توشقۇزغانىدىم. بۇنىڭ بىلەن ماڭا سۇنۇلىدىغان كىچىك قوللار كۈندىن-كۈنگە كۆپەيدى، خىراجىتىممۇ ئېشىپ باردى، كىچىك قوللارغا تەڭگىلەرنى تاشلاۋەردىم. ئاخىر مانا مۇشۇ ھالەتكە چۈشۈپ قالدىم.
شۇنچە گەپ قىلساممۇ، نېمىشقا ماڭا كىچىككىنە قوللىرىڭنى سۇنۇۋېرىسەن، ئەي قىزچاق! مەن مۇھتاجلىق كوچىسىدا سەرسان بولۇشقا تېگىشلىك بولساممۇ، ئەمما باشقىلارغا بىچارىلەرچە تەلمۈرۈپ تەلەپكارلىق بىلەن قول ئۇزاتقىنىم يوق. بېشىمدىن ئۆتكۈزگەن نۇرغۇن ئىسسىق-سوغۇقلار بۇ ھاياتلىقنى نومۇس بەردىسى ئىچىدە ئۆتكۈزۈشتىنمۇ شەرەپلىك ۋە ئالىيجاناب ئىشنىڭ بولمايدىغانلىقىنى ھېس قىلدۇردى. ئۈستۈڭگە كۆرۈنمەس نومۇس پەردىسىنى ياپقىنىڭدىلا، ئىككى بىلىكىڭگە تايىنىپ ھاياتلىق ناۋاسىنى ياڭرىتىشنىڭ ئەھمىيىتىنى چۈشىنىپ يېتەلەيسەن!
+ I$ [% j. j0 J4 [( b; k8 [0 U# Dكىچىككىنە قوللىرىڭ ماڭا ئۆتمۈشۈمنى ئەسلىتىپ قويدى، ئەي قىزچاق! ئەمدى بۇ ئەپچىل قوللىرىڭنى يىغىۋالغىن، ھەقىقىي ھاياتلىق ۋە نومۇس پەردىسىگە ئورانغىن-دە، بۇ مۇھتاجلىق كوچىسىدىن چىقىپ كەتكىن.
كىچىك قوللار ماڭا سۇنۇلۇشتىن يىغىلدى. قىزچاق كىچىككىنە سېۋىتىنى كۆتۈرگىنىچە بۇ كوچىدىن چىقىپ كېتىش ئۈچۈن ماڭدى. ئۇنىڭ ۋىجىك گەۋدىسى بارغانچە نۇرلىنىپ كېتىۋاتقاندەك، نومۇس پەردىسىگە چۆمكىلىپ، تېخىمۇ نازاكەتلىك بولۇپ كېتىۋاتقاندەك كۆرۈنۈشكە باشلىدى. مەن بىكارغا گەپ قىلمىغانلىقىمنى ھېس قىلىپ، كۆزلىرىمگە ياش ئالدىم.
ياشلىق غەۋغالىرى
باشقىلار مېنى «ئەمدى چوپچوڭلا يىگىت بوپسەن!» دېگەن گەپلىرىنى ئاڭلىغان كۈنۈمدىن باشلاپ، ئۆزۈمنى ياشلىق كوچىسىنىڭ تۈگىمەس غەۋغالىرى قوينىغا كىرىپ قالغاندەك ھېس قىلغانىدىم. ۋۇجۇدۇمدا ياشلىق ئوتى مەشئەلدەك يالقۇنجاپ، مېنى تەگسىز خىيال دېڭىزىغا، پۈتمەس-تۈگىمەس ئارزۇ-ئارمان قوينىغا تاشلىۋەتكەنىدى.
5 b: ]: A$ q$ `3 Eياشلىق ماڭا ئەمدىلا نېسىپ بولغىنىدا، ئۆزۈمنى توسۇن ئاتتەك ھېس قىلىپ، جاھاندا مەندىن باشقا نوچى يوقتەك تەڭداشسىز سانىغانىدىم. ھالبۇكى، مەن قاچان سۆيگۈ گۈلىستانلىقىنى تاسادىپىي ئۇچرىتىپ قېلىپ، گۈل ئىشقىدا خەندان ئۇرغۇچى بۇلبۇلغا ئايلانغىنىمدىلا، ئۆزۈمنىڭ گۈل ئالدىدا نەقەدەر بىچارە، نەقەدەر يەككە-يېگانە ۋە يۆلەنچۈكسىز ھېس قىلىپ بەك ئۆكۈنۈپ كەتكەنىدىم. مەن ۋىسال شەربىتىنى ئىچەلمىگەنچە، تەشنالىقىم بارغانچە ئارتىپ، مېنى ئۆلەر ھالەتكە كەلتۈرۈپ قويغانىدى. تۇنجى مۇھەببەت يولىدىكى ساراڭلىق مېنى سەمەرقەنت ئالمىسىدەك ھەر يەرگە ئاپىرىپ تاشلىدى، مەن ھەر يەردە زار يىغىلىدىم، قاخشىدىم، ئازابىمنى يېنىكلىتىدىغان مەلھەم ئىزدىدىم. ئەھۋالى ياخشىلار بىلەنمۇ، سۆيگۈ دەستىدىن باغرى قان بولغان ئاشىقلار بىلەنمۇ مۇڭداشتىم، ئۇلارنىڭ قىلغان نەسىھەتلىرى، كۆيۈنۈپ يول كۆرسىتىشلىرىنى ئاڭلىمىدىم، ئاڭلىغان تەقدىردىمۇ ئەمەلىيىتىمدە كۆرسىتىشكە كۈچ چىقارمىدىم. شۇنداق قىلىپ مېنىڭ ياشلىقىم بىھۇدە ئۆتۈشكە، چىرايىم بەرگى خازاندەك سارغىيىشقا، ئۆمرۈم بېغىنى ۋاقىتسىز قىراۋ بېسىشقا باشلىدى.
بىر ئاقىل يېنىمدىن ئۆتۈپ كېتىۋېتىپ ماڭا شۇنداق دېدى:
# b  g" F: |+ G% D' k+ r− ئوغلۇم، سەن ياشلىق غەليانلىرىنىڭ ئېزىقتۇرۇشلىرىغا بەكرەك بېرىلىپ كېتىپسەن. بۇ ئۆمۈرنىڭ گۈلتاجى بولغان ياشلىقىڭنى بۇنداق بىھۇدە ئۆتكۈزۈۋەتسەڭ بەك ئېچىنارلىق ئىش بولىدۇ. ئورنۇڭدىن تۇر، قەددىڭنى رۇسلا! سەن بېرىلگەن ياشلىق غەليانلىرى بۇ ھاياتلىقنىڭ رەڭ-بېزەكلىرىدۇر، ئېزىقتۇرغۇچى ئالۋۇنلىرىدۇر. ئۇ سېنى ئاسانلا مەھلىيا قىلىپ، ئادەمنىڭ ياشاش ئۈمىدىنى يوققا چىقىرىدۇ. ساختا سۆيگۈ يولىغا باشلاپ قويۇپ، ھەقىقىي مۇھەببەت پەيزىنى سۈرۈشۈڭگە توسالغۇ بولىدۇ. ئورنۇڭدىن تۇر، قەددىڭنى رۇسلا! ياشلىقىڭنى، ھاياتىڭنى قەدىرلە، ئەھمىيەتلەك ئىشلارنى قىلىپ، كىشىلەرگە مەنپەئەت يەتكۈزۈپ ئۆمرۈڭنى ئۆتكۈز! شۇندىلا يېڭى ھاياتلىققا ئېرىشەلەيسەن!
مەن مىڭ تەستە ئورنۇمدىن تۇردۇم ۋە ئاقىلغا بىرمۇنچە ۋەدىلەرنى بېرىپ، يولۇمغا ماڭماقچى بولدۇم.
− بەختلىك بول ئوغلۇم، ياشلىقىڭ زايا كەتمىسۇن! − دېدى ئاقىل ئارقامدىن خىتاب قىلىپ، − ھازىرلا مېنىڭ دېگىنىم بويىچە قىل، چوقۇم ئارزۇ-ئارمان گۈلۈڭ پورەكلەپ ئېچىلىپ ئەتراپقا خۇشبۇي تارىتىدۇ.
0 ]" B0 A% U9 c( t! v' fئارىدىن بىرنەچچە يىل تۇيمايلا ئۆتۈپ كەتتى. مەن ياشلىقنىڭ ئارزۇ-ئارمانلىرىغا يېتىپ، سۆيگۈدىن خىلمۇ خىل خۇشپۇراق گۈللەرنى ئېچىلدۇرۇپ بەختلىك ياشىماقتىمەن. مېنىڭ مۇشۇنداق يېڭى ھاياتلىققا ئېرىشىشمگە تۈرتكە بولغان ئاقىلغا كۆڭلۈمدە مىڭلارچە تەشەككۈرۈم بار. ھالبۇكى، ئۇنى ئۇزۇندىن بېرى ھەر يەردىن ئىزدەپمۇ تاپالمىدىم. ئەگەر ئۇنى تېپىپ قالسام، پېشىنى تۇتۇپ، بىر ئۆمۈر خىزمىتىنى قىلىمەن، دەيدىغان كۆڭلۈممۇ بار.
ھاياتلىق پەرىشتىسى
مەن ئۇزۇندىن بېرى ساڭا ئەيمىنىپ قارىيالماي كەلدىم، ئەي پەرىشتەم! مېنى مەپتۇن قىلغان ئەۋرىشىمدەك بويلىرىڭنىڭ قارىسى بۇ ناتىۋان كۆڭلۈمگە قاچان سايە تاشلىدى، شۇندىن بېرى سېنىڭ ئالدىڭدا كېكەچمەن، سۆيگۈنىڭ يۇمران قوللىرى گېلىمدىن بۇغقان گاچىغا ئايلىنىپ قالىمەن.
9 R3 m: t& W0 ^) zساڭا بېغىشلىغان سۆيگۈ كۈيلىرىم دۇتارىمنىڭ تارىسىدىن سىرغىپ چۈشكەندە، ئاھ، مېھرى ئىسسىق پەرىشتەم! مەن ئۇنى سېنىڭ قەلبىڭگە تەسىر قىلغۇدەك دەرىجىدە تېخىمۇ مۇڭغا تولدۇرۇپ ئالدىڭغا يوللاش ئۈچۈن تىرىشچانلىق كۆرسىتىمەن.
4 ?1 w3 @/ D4 `% W' `مەن ۋەسلىڭگە مۇشتاق بولۇش ئۈچۈن تاغ-داۋانلاردىن ئاشتىم، ئادەم ئايىغى يەتمىگەن چۆل-جەزىرىلەردىن كېسىپ ئۆتتۈم ۋە پېشىڭنى كۆزۈمگە سۈرگۈدەك بولۇپ شۇ تاپتا ساڭا تەلمۈرۈپ ئولتۇرماقتىمەن. ئەي مېھرى ئىسسىق پەرىشتەم، ئەي دىلخانەمنىڭ ئاتەشدىنى ۋە ئەي مۇھەببەتلىك كۆڭلۈمنىڭ قۇۋانچى! ئەمدى رەھىم قىلىپ، مېنى ئىشق دەشتىدىن قايتۇرۇپ كەلگەيسەن، لىرىك كۈيلەرنى ياراتقۇچى يۇمران قوللىرىڭ بىلەن يۈرىكىمنى ئاراملىق سىلاپ، ئازاب ۋە دەرت-ئەلەم دەستىدىن يارىلانغان قەلبىمنىڭ ھەكىمى بولغايسەن!
قايتىش
7 |; G, w9 [8 ~مېنى خىجىل قىلىپ جاھىللىق قىلىۋەرمە، قىزىم! ئەمدى قايتىدىغان ۋاقتىمىز بولۇپ قالدى.
بىز بۇ كونا چىغىر يولدا ئۇزۇن مۇساپىلەرنى باستۇق، چەكمىگەن جەۋرى-جاپايىمىز، كۆرمىگەن قاتتىق كۈنلىرىمىز قالمىدى، شۇنداقلا ھاياتىي تەجرىبىلەرنى كۆپلەپ يەكۈنلەپ، پۇتىمىزنىڭ مادارى قاچقان چاغدا قونالغۇمىزغا ئارانلا كېلىۋالدۇق. «كۆرگەن، بىلگەن نەرسىلىرىمىز بەك ئاز بولۇپ قالدى، مېنى يەنە نۇرغۇن يەرلەرگە ئاپىرىشىڭ كېرەك، مەن ئېرىشمىگەن يەنە نۇرغۇن نەرسىلەر بار، سەن مېنى ئۇلارنىڭ ھەممىسىگە ئېرىشتۈرۈشۈڭ كېرەك» دەپ تولا جېدەل قىلىۋەرمە، ئاپئاق قىزىم! ئەمدى قايتىدىغان ۋاقتىمىز بولۇپ قالدى.
7 ]- n! N- _9 S& `كېچە چۈشۈمدە ئاناڭنى چىرايىدىن ئالتۇن نۇرلار تۆكۈلۈپ تۇرغان ھالدا كۆرۈپ، كۆڭلۈم بىر قىسمىلا بولۇپ قالدى. بىز سەپەر قىلغان نەچچە يىلدىن بېرى ئاناڭ تۇرغان يەردىن بەك يىراقلاپ كەتتۇق، بىزنى نۇرغۇن تاغ-دەريالار ئايرىپ تۇرماقتا. سەن سېغىنمىغان بىلەن مەن ئاناڭنى، ئائىلەمنى، يۇرتۇمنى بەك سېغىندىم. يەنە سەپەر قىلىمىز، ئۆمرىمىزنى مۇشۇ ئىشقا سەرپ قىلىمىز دېسەڭ، ئەي ئالتۇن بوۇيلۇق قىزىم! مەن بۇنىڭغا بەرداشلىق بېرەلمەيمەن. چۈنكى، ئەمدى قايتىدىغان ۋاقتىمىز بولۇپ قالدى.
بىز ئەڭ ياخشىسى بىر ئائىلە كىشىلىرى جەم بولۇپ، بەختلىك ھايات كەچۈرەيلى، بۇ بەختتىن ھەممىمىز شادلىنىپ، خۇشال-خورام ياشاشنىڭ تۈگىمەس مېلودىيىسىنى ياڭرىتايلى. بۇنىڭغا نېمە دەيسەن قىزىم؟ چۈنكى، ئەمدى بىزنىڭ قايتىدىغان ۋاقتىمىز بولۇپ قالدى.

3 n& S9 h) Q" e$ B9 z" `مەنبەسى:جۇڭگو ئۇيغۇرچە رادىيو تورى   

360

تېمىلىرىڭىزغا تەشنامەن