توغرا چۈشەن ئاتا-ئاناڭنى

ساتېرىك

توغرا چۈشەن ئاتا-ئاناڭنى
كونىلىققا ئېسىلىپ مەھكەم ،يېڭىلىققا قارشى تۇرسىمۇ،
مەنزىلىگە بارىدۇ تېنىچ ھەيدەپ تېخى ئېشەك ھارۋىنى.
شۇنچە تەمكىن ،شۇنچە مۇلايىم،بىراق ،شۇنچە جاھىل بولسىمۇ،
ھەق-ناھەقنى ئايرىيدۇ ئېنىق،پەرق ئېتىپ ئاق ۋە قارىنى.

چۈشۈپ كەتسە بالاڭ قولىدىن بىرەر بۇردا ناننىڭ ئۇۋىقى،
ئېرىنمەستىن ئالىدۇ تېخى سۆزلىگەنچە پۈۋلەپ،ئېڭىشىپ.
سەن بىزلەردەك قاراملىقى يوق،غەيرىتى بار جەسۇر تۇرۇقى،
باسار شۇنداق ھەر بىىر قەدەمنى مىڭ ئويلىنىپ،نەچچە كېڭىشىپ

نۇرغۇن ئىشقا بۆلىدۇ كۆڭۈل جىم تۇرمايدۇ ئىشلەيدۇ ھەردەم،
قىرانلىققا يەتكىنىڭدىمۇ چاي بېرىدۇ سېنى چاقىرىپ.
سەن ئويلايسەن چوڭ بولمىغاندەك سىنچىلايسەن ،قارايسەن بىردەم،
ئەجەپ .ئىشقۇ دەپلا قالىسەن كەتكەن شۇنداق چاچلار ئاقىرىپ.

قالساڭ ئەگەر بىرەر ئىشىڭنى ئۆزيولىدا ئەپلەشتۈرەلمەي،
ئاچچىق بىلەن قىلىدۇ زەردە ئېچىشتۇرۇپ كونا ياراڭنى.
سوت-سوراققا تارتىدۇ بەلكىم،سېنى ئويلاپ ئۇيقۇسى كەلمەي،
بولما لېكىن ئۇلاردىن بىزار،توغرا چۈشەن ئاتا-ئاناڭنى.

كۆڭلى چوڭقۇر دېڭىزدىن تېيىز،سىغار ھەتتا شۇنچە كەڭ ئالەم،
كۆپ سىناقلار ئۆتكەن بېشىدىن،مۈشكۈللەرگە بېرىپ بەرداشلىق،
ئۇ تەربىيە چەكسىز بىر بايلىق،يېتىلىدۇ شۇنداق ھەر ئادەم،
ئۇلار بىزگە بەخىش ئېتىدۇ ھەرقەدەمدە ئامەت ۋە شادلىق.

ئالمىچى

كۆپىنچە ۋاقىتلاردا ئادەم ئىرىشكەن نەرسىسىنى
يوقاتمىغۇچە ئۇنىڭ قەدىرنى بىلمەيدۇ، ھەم
ئۇنىڭ قەدىرىگە يەتمەيدۇ،،،،،
来自安卓客户端

Ayshemgul

بەك ياخشى يېزىپسىز!

ADiL

ھەقىقەتنى يېزىپسىز، بۇنى يېزىشتا بەلكىم كۆزىڭىزگە كۆرۈنۈپ قالغان ئاشۇنداق بىر قىسىم ئاتا-ئانىسىغا تىل ۋە قول تەككۈزدىغان مۇناپىقلارنىڭ ئىش ھەركىتى ياكى گەپ سۆزى تۈرتكە بولۇپ، قەلەم تەۋرەتكەن بولۇشىڭىزمۇ مۇمكىن.
ئاتا-ئانىلار بىزنى تىللىسىمۇ، ۋارقىرىسىمۇ بىزنى دەپ شۇنداق قىلىدۇ، بىزنىڭ كەلگۈسىمىزدىن، بىزنىڭ بىخەتەرلىكىمىزدىن ئەنسىرەپ شۇنداق كۆپ گەپ قىلىدۇ.
نېمىلا دېگەن بىلەن ئاتا-ئانا بىزنى بېقىپ، ئاق-قارىنى بىلگۈدەك بىر ئادەم قىلپ تەربىيىلىدى ئەمەسمۇ، ئۇلارغا قىيداشقا، ئۇلارغا ۋارقىرىشقا ، تىللاپ، ئۇرۇشقا قەتئىي بولمايدۇ، بۇنى بىزنىڭ ئىسلام دىنىمىزمۇ، ئەخلاقىمىزمۇ، ۋىجدانىمىزمۇ (قانۇنىمىزمۇ بار راست)  راۋا كۆرمەيدۇ.

روھلان

بۇ ئەخلاقى ۋە دىنى جەھەتتىن خاتا. ئاللاھ بىزنىڭ دەستۇرىمىزدا ئېنىق قىلىپ ئاتا ئانىغا ھەتتا «ئوھوي» دەپمۇ قويماسلىقنى ئېيتىدۇ. شۇڭا شۇنداق قىلغانلار دەرھال ئۆز ئەقلىنى تېپىشى ۋە بۇنداق خاتالىقتىن ساقلىنىشى كېرەك.

ئىدرسجان

ياخشى يىزلغان نادىر بىر ئەسەر بوپتۇ قولىڭىزغا دەرىت كەلمىسۇن رەھمەت.

سارسان

ياخشى يىزىپسىز  شىئىرلىرىڭىزدىن بەك سۈيۇندۇم

ئەزھەر36

ناھايىتى ياخشى يېزىپسىز ، تېخىمۇ تېرىشىڭ .