«تارىم غۇنچىلىرى» پروگراممىسىغا تەكلىپ

جام

ئاقسۇ تېلېۋىزىيە ئىستانسىسى «تارىم غۇنچىلىرى» پروگراممىسىغا تەكلىپ

* h; q- A# a1 h1 i" r2 Eمەن بۈگۈن كەچ ئۈرۈمچى ۋاقتى سائەت 6 يېرىملار ئەتراپىدا ئاقسۇ تېلېۋىزىيە ئىستانسىسى ئۇيغۇرچە 4- قانىلىدا كۆرسىتىلىۋاتقان «تارىم غۇنچىلىرى» پروگراممىسىنى تەساددىپىي ھالدا كۆرۈپ قالدىم ھەم بۇ فىلىمنى كۆرۈش جەريانىدا فىلىم ئىشلىگۈچىلەرگە، مائارىپ ساھەسىدىكى ئوقۇتقۇچى- ئۇستازلارغا مۇنداق ئىككى تەكلىپ بېرىپ ئۆتۈشنى زۆرۈر دەپ قارىدىم:
1. «غۇنچىلار» نىڭ گىرىمى بەك قېنىق بولۇپ كەتكەن. مەن تېلېۋىزور تېزگىنىكىنى مەزكۇر قانالغا توغرىلاپ، بالىلىرىمنىڭ كۆرۈشى ئۈچۈن قويۇپ بېرىۋېتىپ، بۇ پروگراممىغا ئىشتىراك قىلغان ئۆسمۈرلەرنىڭ، جۈملىدىن قىزلارنىڭ گىرىمىنىڭ ھەددىدىن زىيادە قېنىق بولۇپ كەتكەنلىكىنى بايقىدىم (ئەلۋەتتە تېلېۋىزورنىڭ رەڭ تەڭشىلىش ھالىتى پۈتۈنلەي نورمال ئىدى).
. T+ q( |" I* D' Yئارتۇق گەپ قىلىشنىڭ ئورنى يوق، شۇنداق بولسىمۇ بۇ ھەقتىكى ئويلىغانلىرىم: ياش- ئۆسمۈرلەر شۇ ئائىلە- شۇ يۇرتنىڭلا ئەمەس بەلكى پۈتكۈل مىللەتنىڭ كەلگۈسى. ئۇلارنىڭ ھەر جەھەتتىكى ئۆسۈپ يېتىلىش سۈپىتىنىڭ ياخشى- يامان بولۇشى كەلگۈسى تەقدىرىنىڭ قانداق بولۇشىغا بىۋاسىتە تەسىر كۆرسىتىدۇ. ئۆسۈپ يېتىلىش جەريانىدىكى بىرقىسىم كىچىككىنە نوقسانلار ۋاقتى كەلگەندە ئەشۇ ئاق قەغەزدەك ساپ غۇنچىلارنىڭ پۈتكۈل ھاياتىغا بىۋاسىتە تەسىر كۆرسىتىشى تۇرغانلا گەپ. شۇڭا كەڭ ئوقۇتقۇچى- ئۇستازلار، تېلېۋىزىيە ئىستانسىسىدىكى ئالاقىدار خادىملارنىڭ بۇ ھەقتە ئوقۇغۇچىلارغا ماس بولغان يوللار بىلەن فىلىم ئىشلىشىنى، جۈملىدىن بۇنداق قېنىق گىرىم ئارقىلىق ئۇلارنىڭ سەبىي دىلىغا سەلبىي تەسىر كۆرسىتىپ قويماسلىقىنى سەمىمىيلىك بىلەن ئۈمىد قىلىمەن.
) q( K3 h0 g# f; m2. خەلقىمىزنىڭ مەدەنىي مىراسلىرىغا ھۆرمەت قىلىش، كلاسسىك ئەسەرلىرىمىزنى خالىغانچە ئۆزگەرتىۋەتمەسلىك كېرەك.
ھەممىمىز كىچىك ۋاقتىمىزدا ئۇيغۇر خەلق مەسەللىرىدىن «باغۋەننىڭ ۋەسىيىتى» نى باشلانغۇچ مەكتەپ دەرسلىك كىتابىمىزدىن ئوقۇغان. بۇ ئارقىلىق بىز، ھالال ئەمگەكنى قەدىرلەش كېرەكلىكىنى، پەقەت جاپالىق ئەجىر- مېھنەت ئارقىلىقلا تۈگىمەس بايلىققا ئېرىشكىلى بولىدىغانلىقىدەك ھايات ھەقىقەتلىرىنى تونۇغان ئىدۇق. مىنىڭ تولىمۇ ئەپسۇسلانغىنىم، مەزكۇر فىلىمدە گەرچە ئاساسىي ئىدىيىسى ئۆزگەرتىلمىگەن بولسىمۇ بىراق مەزمۇنى، قۇرۇلمىسى ئۆز بېشىمچىلىق بىلەن ئۆزگەرتىۋېتىلگەن، بۇ ئارقىلىق مەزكۇر مەسەلنىڭ سېھرى كۈچى تەبئىيلا ئاجىزلىشىپ كەتكەن. فىلىمدا بۇ مۇنداق دەپ ئۆزگەرتىلگەن:
, T" N$ `2 U( Q! _) L  r7 @بۇرۇنقى زاماندا بىر بوۋاي مومىيىدىن ئايرىلىپ تۆت بالىسى بىلەن قاپتۇ (تۆت دېدىمۇ ياكى ئۈچمۇ ئېسىمدە قالماپتۇ)، ھەمدە ئېغىر ئورۇن تۇتۇپ يېتىپ قېلىپ، بالىلىرىغا مۇنداق ۋەسىيەت قالدۇرۇپتۇ: ‹بالىلىرىم، بىزنىڭ 2 مو يىرىمىزنىڭ مەلۇم بىر يىرىدە ئالتۇن كۆمۈكلۈك، ئۇنى تېپىپ، كېيىنكى تۇرمۇشۇڭلارنى قامداڭلار› دەپتۇ- جان ئۈزۈپتۇ. شۇنىڭ بىلەن ھېلىقى بالىلار ھېلىقى كۆمۈلگەن ئالتۇنلارنى تېپىش ئۈچۈن قېزىشقا باشلاپتۇ، قىزىپتۇ- قىزىپتۇ، بىراق ئالتۇن تۇرماق بىرەر تال تاشمۇ تېپىلماپتۇ. شۇنىڭ بىلەن بۇلار ئۈمىدسىزلىنىپ، ئاخىرى ئەتىيازلىقىدا بۇ يەرگە بۇغداي تېرىپتۇ، شۇنىڭ بىلەن بوشىتىلغان يەرلەرگە تېرىلغان بۇغدايلار ئوخشاپ تازا ھوسۇل بېرىپتۇ...
ئېسىمدە قېلىشىچە ئەسلى مەسەلنىڭ تەربىيىۋى نىشانى گەرچە ئۆزگىرىپ كەتمىگەن بولسىمۇ بىراق، مەزمۇنى تولىمۇ قاملاشقان ۋە تەبئىي بولۇپ، بۇنىڭدا قەدىمدە بىر باغۋەن بوۋاينىڭ بولغانلىقى ۋە ئۈچ پەرزەنتىنىڭ بولغانلىقى، ئۇلارنىڭ ئىش خۇشياقمايدىغان، ھورۇن بولۇپ چوڭ بولغانلىقىدىن بوۋاينىڭ تولىمۇ ئۆكۈنىدىغانلىقى، كۈنلەرنىڭ بېرىدە بوۋاي ئورۇن تۇتۇپ يېتىپ قېلىپ، سەكرات ئۈستىدە ئەشۇ باغنىڭ مەلۇم بىر يېرىدە ئالتۇن- يامبۇ كۆمۈكلۈك ئىكەنلىكىنى، بىراق ھازىر ئەسلىيەلمەيۋاتقانلىقىنى، شۇڭا بالىلارنىڭ ئۆزىدىن كېيىن قېلىپ، بېىشىغا كۈن چۈشكەندە شۇ ئالتۇن- يامبۇلارنى كولاپ تېپىپ، تەڭ بۆلۈشۈپ ئىشلىتىشى كېرەكلىكىنى ئېيتىپ، ئۇزاق ئۆتمەي ئالەمدىن ئۆتىدۇ. بالىلار شۇ بايلىقنى ئىزدەپ تاپىمىز دەپ پۈتكۈل باغنى قىزىۋېتىدۇ، بىراق ئالتۇن تېپىلمايدۇ، شۇنداقتىمۇ بالىلار مېۋىلەرنىڭ مول ھوسۇللۇق ئوخشاشلىرىدىن بۇ يامبۇلارنىڭ مەۋجۇت ئەمەسلىكىنى، بىراق جاپالىق ئەجىرنىڭ تېگىدە ئالتۇن بارلىقىدەك ھەقىقەت ئارقىلىق مەرھۇم دادىسىنىڭ ۋەسىيىتىنىڭ تېگىگە يېتىدۇ (ھۆرمەتلىك تورداشلار، بۇ چۆچەك ھەققىدە قولۇمدا ھىچقانداق بىر ماتېرىيال يوق، شۇنداقتىمۇ ئېسىمدە قالغانلىرى بويىچە تېمىغا مېسال سۈپىتىدە ئالدىم، ئاساسىي جەھەتتىن شۇنداق دەپ قارايمەن، قىسمەن ئوخشىمايدىغان تەرەپلىرى بولسا تەنقىدى پوزىتسىيەدە بولۇشۇڭلارنى ئۈمىد قىلىمەن).
& e5 ^& e" M$ {& \ھەممىگە مەلۇم، چۆچەك، مەسەل قاتارلىق خەلقىمىزنىڭ بۇ مەنىۋى مىراسلىرى، خەلقىمىزنىڭ ئۇزاق ئۆتمۈشتىن بويان تەبىئەت دۇنياسى بىلەن كۈرەش قىلىش، كىشىلىك تۇرمۇش جەريانىدىكى خىلمۇ- خىل ئوي- پىكىر ھاسىلاتلىرى ئاساسىدا مۇئەييەن تەربىيىۋى مەقسەت ئۈچۈن مەلۇم بىر شەخس تەرىپىدىن ئىجاد قىلىنغان، كېيىن، يىللار- ئەسىرلەر داۋامىدا ئېغىزدىن- ئېغىزغا كۆچۈش ئارقىلىق دەۋرىمىزگىچە يېتىپ كەلگەن زور مەنىۋىي بايلىقى. ئۇنىڭ مەزمۇنى كەڭ، تەربىيىۋى ئەھمىيىتى چوڭقۇر بولۇپ، مەڭگۈ نۇر چېچىپ تۇرىدۇ. يەنىمۇ ئېنىقكى، مەسەل- چۆچەك ئەپسانىۋى تۈس ئالغان پەۋقۇلئاددە بىر ژانىر بولۇش سۈپىتى بىلەن ئۇ قەدىمدە پەيدا بولغان، بۈگۈنكى ۋاقىتتا پەيدا بولمايدىغان (ياكى قىسمەن پەيدا بولمايدىغان) ئالاھىدە تۈردۇر. شۇڭا بۇ يەردە بۇ ئۇلۇغ مەنىۋى مىراسنى ئاتايەن ئۆزگەرتىپ، «ئىككى مو يەر»، «بىر تال تاشمۇ تېپىلماپتۇ»، «بۇغداي تېرىپتۇ» دەپ ئېلىشنىڭ قىلچە زۆرۈرىيىتى يوق ئىدى. ئەسلى تېكىستى بويىچە ئالسىمۇ ئوخشاشلا تەربىيىۋى ئەھمىيىتى شۇنچە زور بولۇپ، مەزكۇر پروگراممىنىڭ سۈپىتىگە قىلچە نوقسان يەتكۈزەلمەيتى. يەنە كېلىپ بۇنداق قىلىش ئەخلاقسىزلىق. چۈنكى، خەلقىمىزنىڭ مەنىۋى مىراسلىرىنى يېنىكلىك بىلەن خالىغانچە ئۆزگەرتىشكە بولمايدۇ. شۇڭا بۇنداق ئەھۋالنىڭ ئەمدى قەيەردە بولۇشتىن قەتئىينەزەر يۈز بەرمەسلىكىنى ئۈمىد قىلىمەن. ئېيتايلۇق، سىزمۇ، مەنمۇ خالىغانچە ئۆزگەرتسەك، خەلقىمىزنىڭ بۇ مەشھۇر مەنىۋى مىراسلىرى نېمە بولۇپ كېتەر؟ بۇ ئىشتىن مەن بىرقىسىم يېڭى زامان ياش ناخشىچىلىرىنىڭ خەلق ناخشىلىرىنىڭ ئاھاڭىنى (ھەتتا بىرقىسىم سۆزلىرىگىچە) خالىغانچە ئۆزگەرتىپ ئېيتىپ، ئادەمنى بېزار قىلغان تۇيغۇدەك تەسىراتقا كېلىپ قالدىم...
7 V% n; R" v! [% ]& F7 z) {مەن بۇ يەردە ۋاقىت ئېتىبارى بىلەن يەنىمۇ تەپسىلىي توختىلىشنى لايىق كۆرمىدىم. مۇناسىۋەتلىك ئورۇن- شەخسلەرنىڭ ۋە تورداشلارنىڭ تېمامغا- قارىشىمغا تەنقىدىي پوزىتسىيەدە بولۇشىنى ئۈمىد قىلىمەن.
6 ]& r" |, h: V+ f% k, h8 G, g. @

جام

غىلاپ يوللىغان ۋاقتى  2014-4-26 08:56
  ?" A1 O. G3 M9 I7 \! r! m* f" Cياخشى  يېزىپسىز ، سىزنى  قوللايمەن . مېنىڭچە ، ئۇ  پروگى ...

بۇ جەھەتتە مەن ئاللىقاچان ئويلاشقان، شۇڭا بۇنى باغداش مۇنبىرىگىمۇ بەرمەكچى. ئەڭ مۇھىم دەپ بىلگىنىم، مۇشۇ پروگراممىنى ئىشلىگۈچىلەر پەقەت تېلېۋىزىيە ئىستانىسىسى بولسىمۇ بىراق قاتناشقۇچىلىرى، تەربىيەلەش ئوبېكتى دەل ئوتتۇرا- باشلانغۇچ مەكتەپ ئوقۇغۇچىلىرى. روھلان تورى بولسا مائارىپ ساھەسىدىكى ئاۋانگارت مۇنبەرنىڭ بىرى. ئەلۋەتتە، ئەشۇ پروگراممىنى ئىشلەشتە مائارىپ ساھەسى- ئوقۇتقۇچىلار جاپالىق ئەجىر- مېھنەت قىلماي ۋۇجۇدقا چىقمايدۇ، شۇنداق بولغان ئىكەن مەن ئەلۋەتتە بۇنى ئالدى بىلەن ئوقۇتقۇچىلارغا، مەدەنىيەت- مائارىپ ساھەسىنىڭ دىققەت قىلىشى ئۈچۈن سۇندۇم.
: l" @5 n0 b' y$ P5 A5 Rبۇ مۇناسىۋەت بىلەن، مۇشۇ ھەقتىكى يەنە بىرقىسىم قاراشلىرىمنى ئوتتۇرغا قويۇپ ئۆتكۈم كېلىۋاتىدۇ. كۆپچىلىكمۇ دىققەت قىلىۋاتقان، ئويلىغان بولۇشى مۇمكىن. ھازىر مەكتەپلەردە ئوقۇغۇچىلارنى تۈرلۈك پائالىيەتلەرگە تەشكىللىگەندە پائالىيەتكە قاتناشقان ئوقۇغۇچىلارغا يوقۇرقىدەك قېنىق گىرىم قىلىش بىلەن بىرگە يەنە بۇلارنىڭ ياش قورامىغا زىت بولغان كېيىم- كېچەكلەرنى كېيگۈزۈپ قويىدىغان ئىشلار كۆپ ئىكەن. مەن بەزىبىر سەۋەبلەر بىلەن تۇرۇشلۇق ئورنۇمدىكى مەكتەپلەرگە بېرىپ، شۇنداق پائالىيەتلەرنى كۆرگەندە تولىمۇ ئازابلىنىمەن، ھەم بىرقىسىملارغا بۇ ھەقتىكى قارىشىمنىمۇ دەپ ئۆتۈپ كەتتىم. دېمەكچى بولغىنىم، ئوچۇقلا دەي، باشلانغۇچ مەكتەپ ئوقۇغۇچىلىرى ئەمدىلا 8-9 لارغا كىرگەن بولىدۇ، ئۇلارنىڭ بەدىنىنىڭ يېتىلىشى ئۇنچە گەۋدىلىك بولۇپ كەتمەيدۇ، بۇنى يەتتە ياشتىن يەتمىش ياشقىچە ھەممە ئادەم بىلىدۇ، بىراق شۇنداق تۇرۇقلۇق ئۇلارنى سەھنىلەرگە يۈز- كۆزلىرىگە قېنىق گىرىم قىلغان، كۆكسى كۆرۈنەرلىك تومپىيىپ چىققان ھالەتتە ئېلىپ چىقىشىدۇ، ئوقۇتقۇچى- ئۇستازلار، ئېيتىڭلارچۇ ھەجەبا، بۇ ئەمەلىيەتكە ئۇيغۇن كېلەرمۇ؟! يا مەن ئارتۇقچە ئويلاپ كەتتىممۇ قانداق ھىچ بىلمىدىم. پات ئارىدا ‹1- ئىيون› خەلقئارا بالىلار بايرىمى يېتىپ كېلىدۇ، مەن مائارىپ ساھەسىدە، مىللەتنىڭ كەلگۈسى بولمىش ئوقۇغۇچىلارنىڭ يەنە بۇرۇنقى ۋاقىتلاردىكىدەك ئۆز يېشى- خارەكتېرىگە، سالاھىيىتىگە پەقەتلا ماس كەلمىگەن بۇنداق تەقى- تۇرۇقنى كۆرۈشنى خالىمايمەن.
  n3 ]4 ]' i* {5 p0 e/ F: k1 rبۇ ئىش چوقۇم ۋە چوقۇم بالىلار تەربىيىسى بىلەن شوغۇللىنىدىغان ھەر دەرىجىلىك ئورۇنلارنىڭ يۈكسەك دىققىتىنى تارتىپلا قالماي يەنە پەرزەنت- مىللەت كەلگۈسىگە كۆڭۈل بۆلۈدىغان ھەر بىر ۋىجدان ئىگىسىنىڭ قەتئىي ئەھمىيەت بېرىشىگە تۈرتكە بولۇشى كېرەك.

سارسان

ياخشى  ئۇيلاپسىز   قىنىق گىرىم قىلغانلارنى كۆرسەمملا  كۆڭلۇم بىر خىل بۇلۇپ قالىدۇ دىسە

ئالمىچى

ھەي, نىمىسىنى دەي، باشلانغۇچ مەكتەپتە
0 k2 F1 Q: U: V; ]ئوقۇۋاتقان چاغلاردا، بالىلار بايرىمى بولسا
يىتەكچى ئوقۇتقۇچىمىز ئوغۇل ئوقوغۇچىلارغىمۇ
گىرىم قىلىپ لەۋسۇرۇخ سۈرۈپ قوياتتى
来自安卓客户端

غىلاپ

ياخشى  يېزىپسىز ، سىزنى  قوللايمەن . مېنىڭچە ، ئۇ  پروگىراممىنى  ئىشلىگەنلەر  ھەقىقى  مائارىپچىلار  ئەمەس ، ئۇلار  بۇ  تور بىكەتكە  كىرمەسمىكىن . شۇڭا  ئۇلار  كىرىدىغان تور بىكەتلەرگە  يوللاش  كىرەك .

تۇرسۇن

بۇخىل ئەھۋاللار بىر قىسىم مەكتەپلەردىمۇ ھەقىقەتەن  مەۋجۇت،بۇنداق پىرۇگىرممىلارنىڭ ئوڭۇشلۇق سەھنىگە چىقىرلىشىدا چوقۇم ئاشۇ ئوقۇتقۇچىلارنىڭ مەلۇم تۆھپىسى بار دىيشكە بولىدۇ،  مىنڭچە ئوقۇتقۇچىلار ئوقۇغۇچىلارنى تۈرلۈك پائالىيەتلەرگە تەشكىللىگەندە پائالىيەتكە قاتناشقان ئوقۇغۇچىلارغا  قېنىق گىرىم قىلىماسلىق بىلەن بىرگە يەنە بۇلارنىڭ ياش قورامىغا زىت بولغان كېيىم- كېچەكلەرنى كېيگۈزۈپ قويىدىغان ئىشلارغا دىققەت قىلىشى،ھەم مىللى ئۆرۈپ -ئادەتكە ھۆرمەت قىلىشى ھەقىقەتەن زۈرۈر دەپ قارايمەن، ئوقۇغۇچىلارغا كىچىكىدىن گىرىم قىلىشنى،ئوچۇق كىيىملەرنى كىيىشنى ئۆگىتىش بىز مائارپچىلارنىڭ ھەم تىلۋىزىرىيە،تەشۋىقات ۋاستىسىدىكىلەرنىڭ مەسئۇليىتى ئەمەس، بۇ نوقتىنى بولۇپمۇ ئادەم تەربىيلەيدىغانلار ئىنىق چۈشۈنىشى كىرەك دەپ قارايمەن.

غىلاپ

Jam يوللىغان ۋاقتى  2014-4-26 10:50
بۇ جەھەتتە مەن ئاللىقاچان ئويلاشقان، شۇڭا بۇنى باغدا ...

توغرا  دەيسىز ، بۇنداق  ناچار  ئىشلارنى  تۈگىتىشتە  ھەممىمىز  ئورتاق  كۈچ  چىلىرايلى !