ياشلار مەغلۇبىيەتكە قانداق مۇئامىلە قىلىشى كېرەك ؟

ئەزھەر36

ياشلىق ئىنساننىڭ ئەڭ قىسقا ۋە مۇھىم بولغان بىر مەزگىلى ، كىشىلەر ئادەتتە ياشلىقنى سەھەردە ئېچىلغان گۈلگە ، يېڭدىن كۆتۈرۈلگەن قوياشقا ئوخشىتىدۇ . ياشلار ھەقىقەتەن سەھەردە ئېچىلغان گۈلگە ئوخشاش جەلپكار ، يېڭىدىن كۆتۈرۈلگەن قوياشقا ئوخشاش جۇشقۇن ۋە كۆتۈرەڭگۈ روھلۇق بولىدۇ .
1 e% Q% l$ w# S; l2 X, Wياشلىق چاقماققا ئوخشاش چېقىپ ئۆچىدۇ-دە ، كۆزدىن غايىپ بولىدۇ . ياشلىق دەۋرىدە قولدىن كەتكەن پۇرسەتلەرنى كەينىگە ياندۇرۇشنىڭ ئورنى يوق . شۇڭا ، ياشلىق دەۋرىنى قەدىرلەش ۋە ئۇنىڭدىن ماھىرلىق بىلەن پايدىلىنىشنى ئۆگىنىۋېلىش كېرەك . ئەگرى-توقايلىقلارغا تولغان بۇ تۇرمۇش يولىدا ياشلار ھەمىشە بەزى قىيىن مەسىلىلەرگە ئۇچراپ تۇرىدۇ . بۇ مەسىلىلەر ھەقىقەتەن كىشىنىڭ ئويلىنىپ كۆرۈشىگە ئەرزىيدۇ . مەسىلەن : ئالىي مەكتەپكە ئۆتەلمەي قالغان بىر قىسىم ياشلارنى ئېلىپ ئېيتساق ، ئۇلار « مەن بەك يارامسىز ئىكەنمەن ، ئائىلەمگە يۈك بولۇپ قالدىم ، بارلىق غايىلىرىم كۆپۈككە ئايلاندى » دەپ مەيۈسلىنىدۇ . تۇيۇق يولغا كىرىپ قېلىپ ، ئۆزىنى تۈگەشتۈرۈۋالىدۇ . ھەتتا مۇشۇ بىر قېتىملىق مەغلۇبىيەتنى ئۆز تۇرمۇشىنىڭ تراگىدىيىسى قىلىۋالىدۇ .
: U3 K0 J$ u  `$ u! z! j4 {3 f" a* H# Rئەمەلىيەتتە ، ئىمتىھاندىن ئۆتەلمەسلىك – تۇرمۇش يولىدىكى كىچىككىنە بىر مەغلۇبىيەتتۇر . ئىمتىھاندىن ئۆتۈش – ھايات كەچۈ- رۈشنىڭ بىردىن-بىر يولى ئەمەس ، ئالىي مەكتەپ بىزنىڭ ئىستىقبالىمىزنى بەلگىلەيدىغان بىردىن-بىر شەرتمۇ ئەمەس . بىزنىڭ بەختىمىز جەمئىيەتنىڭ ھەر قايسى ساھەلىرىگە چېچىلغان . بىز ئالىي مەكتەپكە كىرەلمىگەن تەقدىردىمۇ ، ئۆز ئورنىمىزدا تىرىشىپ ئىشلەپ ، ئىگىلىك يارىتىش ، ئۆزىمىزنى سىناپ كۆرۈش ، ئىزدىنىش ئارقىلىقمۇ ئۆز بەختىمىزنى تاپالايمىز ، ياخشى نەتىجىلەرنى قولغا كەلتۈرەلەيمىز .
نۆۋەتتە ، ئالىي مەكتەپلەرگە تاپشۇرىدىغان ئوقۇش پۇلى بارغانچە كۆپىيىۋاتقان بولغاچقا ، ئالىي مەكتەپلەرگە قوبۇل قىلىنغان بەزى ئوقۇغۇچىلارنىڭ ئىقتىسادتىن قىينىلىپ قېلىش ئەھۋالى مەۋجۇت . مۇشۇنداق ئەھۋالدا ئۇلار نېمە قىلىشىنى بىلمەي گاڭگىراپلا قالىدۇ ، تۇرمۇش يولى ئېتىلىپ قالغاندەك ھېس قىلىپ ، ھېھنى چېچىلىپ كېتىپ ، ئۆگىنىشنى بوشاشتۇرۇپ قويىدۇ . بەزىلەر ئىقتىسادنى دەپ ئوقۇشتىن ۋاز كېچىدۇ . بۇ – ئىرادىسىزلىك . ئەتراپىمىزدا بۇنىڭدىنمۇ ئېغىر قىيىنچىلىقى بارلارمۇ بارغۇ ؟ كۆز نۇرىدىن ئايرىلغان ئەمالار ، ياش تۇرۇپ پۇت-قولىدىن ئايرىلغان مېيىپلارمۇ تىرىشىپ ئىشلەۋاتمامدۇ ؟ بىزنىڭ ئۇلاردىن نەرىمىز كەم ؟ بىز ئۆزىمىزگە دائىم مۇشۇنداق سوئال قويۇپ ، تىرىشىپ ئۆگىنىشىمىز كېرەك . ئۈستۈنلۈك ، ئالاھىدىلىكلىرىمىزنى ياخشى جارى قىلدۇرىشىمىز كېرەك . يەنە بەزى ياشلار مۇھەببەتتە ئوڭۇشسىزلىققا ئۇچرىسا روھى چۈشۈپ كېتىدۇ . ھەممە نەرسىگە ئۈمىدسىز قاراپ ، مەنىسىز ھېس قىلىدۇ . باشقىلارغا ئىشەنمەيدىغان ، ئۆزىنى تۆۋەن كۆرىدىغان بولۇپ قالىدۇ . بەختسىزلىكى ئۈچۈن ھەمىشە ئاھ ئۇرۇپلا يۈرىدۇ . بۇ يارىماس قىلىق .
4 m# h( J( f0 J3 Yمۇھەببەت ئادەمنىڭ ھاياتىدا كەم بولسا بولمايدىغان ئەڭ گۈزەل ۋە نازۇك ھېس-تۇغۇ . لېكىن بىز ياشلار مەغلۇبىيەتكە توغرا مۇئامىلە قىلىپ ، بەختىمىزنى بەختسىز مۇھەببەتنىڭ ئازابلىرىغا مەھكۈم قىلماسلىقىمىز كېرەك . ياخشى پۇرسەتلەر يەنە كېلىدۇ . قولدىن كەتكەن نەرسە ئۈچۈن ھەمىشە ئۆكۈنۈپ يۈرۈشنىڭ ھاجىتى يوق . ئەڭ ئاقىلانە ئۇسۇل – مەغلۇبىيەتتىن ساۋاق ئېلىپ ، كېيىنكى تۇرمۇشىمىزنى ياخشى ئورۇنلاشتۇرىشىمىز ، ئۆزىمىزگە ئىشىنىپ ، ياخشى پۇرسەتلەرنى قەدىرلەشنى ئۆگىنىشىۋېلىشىمىز كېرەك . مەغلۇبىيەتنى مۇۋەپپەقىيەتكە ئايلاندۇرىشىمىز كېرەك . مانا مۇشۇنداق قىلغاندىلا بەخت ئۆزى بىز ياشلارنى ئىزدەپ كېلىدۇ . كېلەچەك – ئىزدەنگەنلەرگە مەنسۈپ .
, n2 k: a4 _( Y1 }, _- L8 m" lبىزنىڭ ھازىرقى دەۋرىمىز رىقابەت دەۋرى ، يۈكسىلىش دەۋرى ، بىز ياشلار تېتىك ۋە جۇشقۇن ، ئاكتىپ روھىي ھالەتتە بۇ رىقابەتكە قاتنىشىشىمىز كېرەك . ھەمىشە بوشىشىپ ، سالپىيىپ يۈرسەك دەۋىرگە ماسلىشالمايمىز . شۇڭا ، بىز ياشلار تۇرمۇشتا دۇچ كەلگەن مەسىلىلەرنى ياخشى بىر تەرەپ قىلىپ ، تۇرمۇشنىڭ زەربىسىگە قارىتا مەردانىلىق بىلەن جەڭ ئېلان قىلىشىمىز كېرەك ، شۇندىلا بارلىق قىيىنچىلىقلار بىز ئۈچۈن باش ئېگىدۇ . مۇۋەپپەقىيەت بىزگە يار بولىدۇ . مۇۋەپپەقىيەت ۋە بەخت جاپالىق ئەجىردىن كېلىدۇ ، بىز جاپادىن قورقمىساقلا پارلاق كېلەچەك بىزگە كەڭ قۇچاق ئاچىدۇ .
« قەشقەر» ژۇرنىلى ، 2006 ، 4- سان .

ئالمىچى

مىنىڭچە ياشلىقتىكى مەغلۇبىيەتنى، مەغلۇبىيەت دىگىلى بولمايدۇ. چۈنكى ياشلىقتا قىلغان ئىشىمىز ئوڭۇشلۇق بولمىسا بىزدە يەنە قايتا باشلىغۇدەك كۈچ ماغدۇر بار.
* ?* m7 @! A; b( b, ~مەغلۇبىيەت مۇۋاپىقىيەتنىڭ ئانىسى دىگەن كونىلار.

نۇرلان

غەلبىنىڭ يۈز دادىسى با، مەغلۇبىيەت يىتىم بالا.