بەختنىڭ بەلگىسى

ئەزھەر36

بەختنىڭ مۇئەييەن بەلگىسى بولىدۇ. بىر ئادەمنىڭ بەخت تۇيغۇسىنىڭ بار يوقلىقى-ئۇنىڭ ئېتىراپ قىلىش قىلماسلىقى بىلەن مۇناسىۋەتسىز، بەختلىك كىشىلەر مانا مەن دەپ چىقىپ تۇرىدۇ.
4 y- u  ], _% q2 H, D! O  E
بەختنىڭ بىرىنچى بەلگىسى ـــ خاتىرجەملىك. خاتىرجەملىك قارىماققا ناھايىتى ئاددىي روھىي ھالەت بولسىمۇ، بىراق يالغاندىن خاتىرجەم قىياپەتكە كىرىۋېلىش تەس. يىغىلىشلاردا بەزى كىشىلەرنىڭ توختىماي سائەتكە قارىغىنىنى ياكى توختىماي يانفون بىلەن ھەپىلىشىۋاتقانلىقىنى كۆرىمىز، ئۇلارنىڭ روھىي-ھالىتىدىن «يىغىلىش تېزراق ئاياغلاشسىكەن» دېگەننى ئويلاۋاتقىنىنى كۆرىۋالغىلى بولىدۇ. بۇلار بەختكە خېلى ئارلىقى بار كىشىلەردۇر. بەزى كىشىلەر مەيلى قانداق سورۇندا بولسۇن، ئۆزىنى شۇ قەدەر تەمكىن، ئەركىن تۇتالايدۇ. بۇنداق كىشىلەر بەختكە يېقىنلاشقان كىشىلەردۇر.

. P! }3 ^* T/ I: N, Nبەختنىڭ ئىككىنچى بەلگىسى ـــ دوستانىلىق. بەختلىك كىشىلەر ناتۇنۇش كىشىلەرگىمۇ دوستانە مۇئامىلە قىلالايدۇ، شۇنىڭدەك بەزى كىشىلەرنىڭ ئىككى ئېغىز گەپ قىلىپ بولغۇچە، نېرۋىسى قىرىق گەز ئۆرلەيدىغان مىجەزىنى چۈشەنمەيدۇ. جەمئىيەتتە غەلىتە مىجەزلىك كىشىلەر ھەقىقەتەن تولا، ھەممە ئادەمنىڭ دېگۈدەك باشقىلار تەرىپىدىن ئالدانغانلىق ياكى ئادىل بولمىغان مۇئامىلىگە ئۇچرىغانلىق كەچۈرمىشى بار. بىراق بۇلار باشقىلارغا دۈشمەنلىك نەزىرىدە قاراشقا سەۋەب بولالمايدۇ. بەختلىك بولاي دىسىڭىز، ئەڭ بولمىغاندىمۇ دوستانە بولۇشىڭىز كېرەك.
6 H# l7 L! l, Q3 ]+ t0 G. v
. X* S3 T% u4 lبەختنىڭ ئۈچىنچى بەلگىسى ـــ يول قويۇش. كىچىككىنە ئىشلاردىمۇ يول قويماي تالىشىدىغان، چوڭلار ياكى بالىلارغا قارىماستىن ئىشىكنى جالاقلىتىپ چىقىپ كېتىدىغان، يامغۇرلۇق كۈندە تاكسى تالىشىدىغان ياكى دوختۇرخانىدا باشقىلارغا يول قويماستىن لېفىتقا بىرىنچى بولۇپ قىسىلىپ چىقىۋالىدىغان ... كىشىلەرنىڭ بەختلىك بولالايدىغىنى ساناقلىق.
9 u0 V8 s1 F; K+ X0 K
بەختنىڭ تۆتىنچى بەلگىسى ـــ مەنىۋىيىتى باي بولۇش. بۇ خىل بايلىق كىشىلەرنىڭ قىزىقىشىدىن چىقىپ تۇرىدۇ. يەنى كىتاب ئوقۇش، ھۆسىنخەت يېزىش، تەنھەرىكەت بىلەن شۇغۇللىنىش، مۇزىكا ئاڭلاش، سۈرەت تارتىش دېگەندەك. بۇنداق كىشىلەر تۇرمۇشتىن ھوزۇرلىنىشنى بىلىدۇ. بۇلارنىڭ ھەممىسى بەخت.

بەختنىڭ قېلىپلاشقان ئۆلچىمى يوق، ئۇ ھەربىر كىشىنىڭ شەخسىي ھېس تۇيغۇسى، خالاس. يۇقىرىدا ئېيتىلغان بەلگىلەر ھەر ھالدا پۇت تېرەپ تۇرالايدۇ، دەپ قارايمەن.
مەنبە :مەركىزىي خەلق رادىيو ئىستانسىسى تور بېتى  

نۇرلان

راستىنلا ياخشى گەپلەركەن. بەخىتنىڭ ئۆلچىمى جىق. گەپ بىزنىڭ بەخىتنى قانداق چۈشىنىشىمىزدە.