دادامغا يىزىلغان خەت (قاينام)

Qaynam1

دادامغا يېزىلغان خەت
                              
                                     ¹
دادا، ــ
        دادا دەپ پەخىرلەندىم نامىڭدىن
چۈنكى مەن ئوغلۇڭ .
تىك چوققىغا قول سوزدۇڭ، مەن ئۈچۈن
جىسمىمنى ئالدىڭ .
تىك چوققا ساڭا نەقەدەر ئىگىز،
                               لىكىن يانمىدىڭ  .
بەختىم، ــ
        بۇلۇتلار ئۈستىدە بولسا ـــ
ــ ئويلىدىڭ، ياق، ــ
         ــ چىقىپ بەختىمنى ئالدىڭ بەرگەن مىھرىڭدىن .
كۈلەر بۇجاھان،رازى تەڭرىمۇ ،
نوتا ئالغان ئورمانلېرىڭدىن .
ئاپرىدە قىلدىڭ مىنى دۇنياغا  .
  
                                        ²
دادا، ــ
     ئۆستۈم مىھرىڭدىن،
كۆتۈردۈڭ مىنى، ئاستا ــ ئاۋايلاپ  .
نەقەدەر ئىللىق، ……
بالىلىق قەلبىم سەزدى ئىللىقلىق ــ
ئىللىق باغرىڭدا  .
شەرقتىن قىزارسا شەپەق، تاڭدا ــ
چىقىدۇ قۇياش .
ئاھ، ــ
ــ قىردا چاسا تاش
بولۇپ سەن قىلغان ئەمگىكىڭگە جۆر
تەرىڭنى ئاققۇزۇپ ئولتۇرساڭ ئۇــ
ــ بولىدۇ مۇڭداش.
ئەلەمنى يۈتتۈڭ شۇ تاشقا يانداش.

                                       ³
دادا، ـــ
     ئالەم ساڭا لال  .
تاغنى كۆتۈردۈڭ قولۇڭدا،
لىكىن گەجگەڭدە بىر تاغ  .
بەخىت سانىدىڭ شۇنى كۆتۈرۈپ،
پىشانەڭدە تەر.
خۇشاللىق ساڭا ھەمرا
ئۆمۈدۋارلىق ھەم.
چاغلىدىڭ چۈنكى ئۆزۈڭنى بىر ئەر.
يۈزۈڭدىكى قورۇقلار كۆپ شۇقەدەر.
ئاقلىقىڭ ــ پاكلىقىڭدىن كۈلىدۇ سەھەر.

                                      ⁴
دادا، ــ
    يىراق كەتسىمۇ بەخىت سېنىڭدىن،
كۈلدۈڭ ئەل ئۈچۈن،
رازى  قىلدىڭ، يۇرتۇڭنى، خەلقىڭنى.
جان پىدا ھەركۈن
كۈرەشكە تەييار، ئېلىڭگە مەردان
يىتىشتۈردىڭ مەۋلانە ئوغلاننى.
مەڭگۈلۈك بەخىت ــ
ئەل - يۇرت قەلبىگە ئورنىدىڭ مەھكەم
ئەسلىتىپ ھامان.
ئەي، ئۇلۇغ ئىنسان، ــ
كۈلگەنلىكىڭدىن كۈلەر بۇجاھان.
پاك بولۇپ ياشا، مەڭگۈگە ھامان!!!!


مەنبە: ئۆز قەلىمىم ..

ئەسسالامۇ - ئەلەيكۇم روھلان مۇنبىرىدىكى بارلىق ئۇستازلار !!
بۇمىنىڭ روھلان مۇنبىرىدىكى تۇنجى ئەسىرىم ، ئىنىڭلارنىڭ بىلىمى كەم ، ھەم شۇنداقلا بىر ھەۋەسكار بولغانلىقى ئۈچۈن بۇ شېئىرنى تازا باغلاشتۇرۇپ يازالمىدىم، ئۇستازلارنىڭ تەلىم -تەربىيە بىرىشنى سورايمەن !!

تۇلپار001

خېلى ئوبدان يېزىپسىز مەزمۇنى ناھايىتى ياخشى بوپتۇ .تېخمۇ تىرىشىڭ.ھەر قانداق ئىش بىر قەدەم-بىر قەدەمدىن بولىدۇ ئەمەسمۇ؟

ئەلتبەر

ياخشى يېزىپسىز .تېخمۇ  تېرشىڭ  . مۇشۇنداق ياخشى تېملارنى يوللاپ تۇراسىز.