روبائىيلار

ئەزھەر36

روبائىيلار

دۇنيانى قارچۇقتا ئوينىتار كۆزۈڭ ،
باھارغا گۈزەللىك بېغىشلار يۈزۈڭ .
تەبىئەت ياراتقان نادىر سۈرەتتەك ،
دىلرەبا، گۈزەللىك ئالىمى ئۆزۈڭ .


ئۆمرۈڭنىڭ بېغىنى قۇرۇتماي ياشا ،
ئۈمىدىڭ گۈلىنى توزۇتماي ياشا .
ھەر كىمنىڭ تەقدىرى تەدبىرگە باغلىق ،
ئادەملىك بۇرچۇڭنى ئۇنۇتماي ياشا .


مېھنىتىڭ بولمىسا، نېمىتىڭ بولماس ،
جۈرئىتىڭ بولمىسا، ھىممىتىڭ بولماس .
ئاتىلار سۆزىنى ئۇنتۇما، ئەي جان ،
ھىممىتىڭ بولمىسا، قىممىتىڭ بولماس .


ھاياتنىڭ مەنزىلى ئىگىز بىر داۋان ،
يوللىرى ئېگىز-پەس، خەتىرى يامان .
چېكىنسەڭ غۇلايسەن تېگى يوق ھاڭغا ،
ئۆرلىسەڭ تىرمىشىپ قالىسەن ئامان .

نۇرلان

رۇبائىيلارنى ھەقىقەتەن ياخشى يېزىپسىز.

yusuf3032

ئۆزىڭزىنىڭ ئىجادىيىتىڭىزما ؟ ياخشى يىزىپسىز ..ئەگەر ئۆزىڭىزنىڭ بولمىسا ئاپتۇرنى ھۆرمەت قىلغان ئاساستا نام شەرىپىنى قالدۇرۇپ قويۇڭ

ئىدرسجان

ياخشى يىزلغان روبائى ئىكەن،