نورۇز ئالدىدا

童心

نورۇز ئالدىدا

ئوسمان جۈمە





     كۈتۈش ئادەت، ساقلاش- شەرەپ  ،نورۇز ئالدىدا،

نورۇز-ئۈمۈت،نورۇز -يېڭى، ھايات ئالدىدا،

زىمىن ئىللىپ تولدى نۇرغا ،نورۇز ئالدىدا،

      گۈلگە تولدى كۆڭۈل ،  ياخشى ئىمكان  ئالدىدا.




ئۈرۈك ئېچىپ چىچەك,باغلار گۈلگە تولغاندا،

  چىۋىق ئاتقىپ ئوغلۇم ، ئېرىق- ئىدىر چاپقاندا،

ئۇيغۇر قىزى نازدا ،  دىلغا ئوتنى ياققاندا،

نورۇز- يېڭى ،نورۇز - ھايات ، ئۈمۈت ئالدىدا.



خۇش ھىد چېچىپ سەلكىن شامال ھاۋاغا،

تاغۇ-دەريا ، باغۇ- بوستان چۈشتى ساماغا،

ناخشا-ئۆلەن ئېيتىپ  دوستلار چىقتى تالاغا،

قۇچاق ئاچتى  شېرىن ۋىسال، نورۇز ئالدىدا.




سەھەر تىلغا كىرىپ تورغاي ، سازنى چالغاندا،

دىھقان تاغام يەڭنى تۇرۇپ، يەرنى تىلغاندا،

يالپۇز ھىدى مەيىن شامال بىرلە ئۇرۇلغاندا ،

زىمىن ئىللىپ تولدى نۇرغا ،نورۇز ئالدىدا.



ئالغىن بىلىم ،بولغىن جەسۇر، خىرىس ئالدىدا

كۆڭۈل قويغىن-زىھىن قويغىن ،پۇرسەت ئالدىدا

بەركەت - ئىشەنج ، ئۇتۇق- غەلبە، ئىمكان ئالدىدا

نىشان توغرا، قايتما بۈگۈن،  دەۋران  ئالدىدا


(ئاپتۇر:3-شى 49-تۇەن1-ئوتتورا مەكتەپتە

15599860074)

ئەلتبەر

بەك ياخشى يېزىپسىز   

سارسان

مەنمۇ ياقتۇرۇپ ئۇقۇدۇم   ياخشى يىزىلىپتۇ

oygan9

نورۇزنى قانداق ئۆتكۈزۈش كىرەك دىگەن تىمىدا مۇھاكىمە ئىلىپ بىرىلسا بولاتتى روھلاندا ،مەنچە بولغاندا ھازىر شىئىر يىزىش ۋە ئۆزئارا ئىغىزچە مۇبارەكلەشلا قالدى ،نورۇز ئىشى ئىتىش ۋە نورۇزنىڭ كىلىپ چىقىشى توغرىلۇق سۆھبەتلەر بولسا بولتتى ،（يۇقىرقىسى پەقەت پىقىرنىڭ قارشى خالاس ）