يىلتىزلىسام باغرىڭغا يار

نەپرەت

بۇ ئىشق مەنزىلىدە ۋەسلىڭ مېنى قىلغاچ خۇمار،
باشلىدىم يولنى يۈسۈپنىڭ روھىنى ئەيلەپ تۇمار.

زارىقىشنىڭ دەھشىتى يۇلتۇزلىرىمنى چاقنىتىپ،
روھ قۇشۇم قىلماقتا پەرۋاز سەن ئۈچۈن ھەردەم بىدار.

چۈشلىرىم بولماس بىھۇش سۆيگۈم-غۇرۇرۇم ئەۋجىدە،
يامرىغاي جىمجىت بېغىڭغا ئاي نۇرىدەك بىغۇبار.

دەردى ھىجران گۈللىرىدىن زوقلىنار ئەھلى ئىشق،
بولسىمۇ گەر لەۋلىرىڭ تۇز يۈرىكىمگە بال ئاقار.

يوللىرىمنىڭ ئاخىرى بولغاي گۈلىستانلىق ماكان،
چۆلدىكى ئۈجمە كەبى يىلتىزلىسام باغرىڭغا يار.


نەپرەت نامىدىكى يازمىلار رۇخسەتسىز كۆچۈرۈلمىسۇن

بىجىرىم

تېخىمۇ مەزمۇن كەڭەيتىۋەتكەن بولسىڭىز ئالامەت چىقىدىكەنتۇق. ھازىرمۇ خېلى تىرىشىپىز. يارايسىز.
مېنىڭچە رۇخسەتسىز كۆچۈرۈلمىسۇن دېمەي ، كۆچۈرسىڭىز روھلان تور بېكىتى ۋە تېما ئىگىسىنى ئەسكەرتىڭ دەپ ئېلىڭ ئەسكەرتىشىڭىزگە.

سەلكىن01

بۇ غەزەلنى ئوقۇپ، سىزگە ئاپىرىن ئېيتقۇم كەلدى. يېڭى ئوي- پىكىرگە تۇيۇنغان، مەزمۇنى چوڭقۇر، پاساھەتلىك تىل كەڭلىكىگە ئىگە بوپتۇ. داۋاملىق تىرىشقايسىز...