ئوينىمىغىن ئەمدى بەس!

ساتېرىك

                                                                                                      ئوينىمىغىن ئەمدى بەس!
(ساتېرىك)
نېمە چىقار ئويۇندىن سەن ئويۇنغا بەك ھەۋەس،
ئويناۋەرسەڭ ئويۇننى ئىشىڭ بولار كېيىن تەس،
سەن ئوينىغان ئويۇندىن «شەيتان»مۇ ھەم بولۇر مەس،
رېكورتىنى ئويۇننىڭ بۇزدۇڭ،تۇرقۇڭ سەن ئەمەس،
قىلاي ساڭا تەربىيە :ئوينىمىغىن ئەمدى بەس!
شىېئر بىلەن ئاشكارە بولسۇن ئىشىڭ ئويۇنچى،
قىلاي ئەپتى-بەشىرەڭنى ئېچىپ سېنىڭ ئويۇنچى،
شەيتان بىلەن ئويۇنداشىرىكمىدىڭ ئويۇنچى،
قىلسام قانچە تەربىيە تىرىكمىدىڭ ئويۇنچى،
قىلاي ساڭا تەربىيە :ئوينىمىغىن ئەمدى بەس!
نان بولمىسا كەچكىچە «قورساق ئاچتى»دېمەيسەن،
ئاناڭ ئەتكەن شۇ ئاشنى خوشياقتۇرۇپ يېمەيسەن،
ئويۇن بولسا بولدىغۇ،شۇنچە ئويناپ تويمايسەن،
دادڭ ئىزدەپ چىقمىسا ئۆيگەھەرگىز كىرمەيسەن
قىلاي ساڭا تەربىيە :ئوينىمىغىن ئەمدى بەس!
يۈگۈرەيسەن مىندىم دەپ تال-چىۋىقىنى «تاي»قىلىپ،
يۇمۇلايسەن ھەر يەردەكىيىمىڭنى  لاي قىلىپ،
ئۇچراپ قالسا ئالىسەن توڭ تېزەكنى «ئاي»قىلىپ،
يۇندا دېسى جىم تۇرماس ،يۈز-كۆزۈڭنى ماي قىلىپ
قىلاي ساڭا تەربىيە :ئوينىمىغىن ئەمدى بەس!
ۋاقىرايسەن ئۆزىچە ئانىسى يوق موزايدەك،
تېپچەكلەيسەن،سەكرەيسەنپۇتى كۆيگەن توخۇدەك،
ھەتتا تامغا ئۈسسۈيسەن مۈڭگۈزى چوڭ كالىدەك،
بەزى كۈلۈپ، يىغلايسەن،خۇددىي بوۋاق بالىدەك.
قىلاي ساڭا تەربىيە :ئوينىمىغىن ئەمدى بەس!
داڭ چېلىنسا دەرسكە ئويۇن ئويناپ تالادا،
ئارام ئېلىش ۋاقتىدا كىرىۋېلىپ خالاغا
«ئوقۇدۇڭمۇ!؟»دەپ داداڭ سوراپ قالسا ناۋادا؛
«توڭگۇز توپاق ئوينىدۇق»دىيەلەيسەن دالادا
قىلاي ساڭا تەربىيە :ئوينىمىغىن ئەمدى بەس!
يانچۇقۇڭدا مەر-مەر تاش شاراقلايدۇ ماڭغاندا،
ئىزدەپ بارار مۇئەللىم سەن مەكتەپتىن قاچقاندا،
ئويۇن ئويناپ خۇدۇڭنى،بىلمەي ھېرىپ قالغاندا،
نومۇس قىلماي ئۇخلايسەن،كۈن چۈشقىچە يوتقاندا.
قىلاي ساڭا تەربىيە :ئوينىمىغىن ئەمدى بەس!
ئايلاپ-يىللاپ بىرەر قۇركىتاپ ئالماي   قولۇڭغا،
لازا كەمپۈت ئالىسەن داداڭ بەرگەن قولۇڭغا،
ئويۇن بىلەن بوپ كېتىپ بىلىم چۈشمەس دىلىڭغا،
ئاناڭ نەچچە كېپ كېتەر سېنىڭ قايتار يولۇڭغا.
قىلاي ساڭا تەربىيە :ئوينىمىغىن ئەمدى بەس!
يازالمايسەن بىرەر خەت ياكى بىرەر ھېساپنى،
ئويۇن دېسە ئاتىسەن زەي سالمىغان پو گەپنى،
تەنقىتلىسە مۇئەللىم دەيسەن تېخى «ىەپ-خەپ»نى،
ئويلىمايسەن ئاخىرى كىم تارتىدۇ بۇ« دەرتنى!؟.
قىلاي ساڭا تەربىيە :ئوينىمىغىن ئەمدى بەس!
ئىمتىھاندا سوئالنى جاۋاپسىزلا قويىسەن،
نول ئالساڭمۇ ھېيىقماي ھىجىيىپلا قويىسەن،
«ياخشى»لارنى كۆرەلمەي مازاق قىلىپ كۈلىسەن،
سەنمۇ قاچان ئۇلاردەك ياخشى بالا بولىسەن!؟
قىلاي ساڭا تەربىيە :ئوينىمىغىن ئەمدى بەس!
ئۆز جېنىڭغا نىمىشقا ئاغرىمايدۇ ئىچىڭمۇ؟
بىرەر ئىشقا ئەجەپمۇ يوقتۇر قىلچە دىتىڭمۇ،
ئىش-ئەمگەككە بەكمۇ ئۆچ چىش ،تىرنىقىڭ ،چېچىڭمۇ،
«ئويۇنچى»دەپ پور كەتتى سېنىڭ ھەتتا ئېتىڭمۇ
قىلاي ساڭا تەربىيە :ئوينىمىغىن ئەمدى بەس!
ئويۇنىڭنىڭ تۈرىنى تۈگەتمىدىم ساناپمۇ،
زىرىكمىدىڭ ئۇنىڭدىن بۇرنۇڭ نەچچە قاناپمۇ،
پۇت-قوللىرىڭ سۇندىغۇ،كار قىلماسمۇ «ساۋاق»مۇ!؟
ھەتتا ئىتمۇ زىرىكتى سېنى دوراپ قاۋاپمۇ.
قىلاي ساڭا تەربىيە :ئوينىمىغىن ئەمدى بەس!
نېمە باردۇر ئىچىڭدە نېمىلەرنى ئويلايسەن!؟
ئويۇن ئۈچۈن ئاناڭنى ،داداڭنىمۇ گووللايسەن
سىرتتىكىسى ئاز كېلىپ دەرستىمۇ ئوينايسەن،
ئويۇن دەپلا ھېچكىمنى بىر دەم ئارام قويمايسەن
قىلاي ساڭا تەربىيە :ئوينىمىغىن ئەمدى بەس!
نەچچىلەرگە بارغانسەن سوراپ باقاي يېشىڭنى،
يېگۈزەمدۇ شۇ ئاناڭ تېخى يەنە ئېشىڭنى.
ئوقۇ دىسە مۇئەللىم قاشلايسەن، سەن يېشىڭنى،
قاچانغىچە يۈرۈيسەن،تاپالماي ئەس – ھوشۇڭنى.
قىلاي ساڭا تەربىيە :ئوينىمىغىن ئەمدى بەس!
ئويۇن دىگەن سەن ئۈچۈن قىممەتلىكمۇ ناندىنمۇ،
ئويۇن دىسە كېچسەن ھەتتا تاتلىق جاندنمۇ.
ئازلىق قىلار ئويۇنغا كۈندۈز تۈگۈل ئايدىڭمۇ،
ئويناۋىرىپ ئويۇننى بىرەر مەنپەت ئالدىڭمۇ.
قىلاي ساڭا تەربىيە :ئوينىمىغىن ئەمدى بەس!
مەن ئوينىدىم دېمىگىن، سېنى ئوينار شۇ ئويۇن،
ئويناۋەرسەڭ بىر كۈنى ئوڭدا قويار شۇ ئويۇن.
ئېشلىرىڭنى يېرىمچە يولدا قويۇر شۇ ئويۇن،
شۇ ئويۇننىڭ ۋەجىدىن قىسىپ قالما سەن بويۇن.
قىلاي ساڭا تەربىيە :ئوينىمىغىن ئەمدى بەس!
ئويۇنىڭنى يىغىشتۇر دەپتەر قەلەم ئال ئەمدى،
ياش دىلىڭغا بىلىمدىن كۈچ قۇۋەتلەر سال ئەمدى.
كچىك ئەمەس چوڭ بولدۇڭ،خاتا يولدىن قال ئەمدى،
كەلگۈسىگە ئاتلىنىپ، يېڭى قەدەم ئال ئەمدى.
قىلاي ساڭا تەربىيە :ئوينىمىغىن ئەمدى بەس!
              مەنبە:ئۆز قەلەم

ئىدرسجان

قولڭىزغا دەرت بەرمىسۇن ئىگىمىز رەھمەت سىزگە.

ئىدرسجان

ھەقىقەتەن ياخشى يىزىپسىز

zeheri

ئالامەتكەن .I love  you to  poemas.تەشەەككۈر.
روھلان تورى Android يانفون تېرمىنالىدا يېزىلغان ئىنكاس

azat007

نادىرلەپ قويغىدەك تىمىكەن يارايسىز

بوۋىخەن

ھەقىقەتەن ياخشى يېزىپسىز

سادا0998

قالتىس ياخشى چىكىپتۇ. ھارمىغايسىز
روھلان تورى Android يانفون تېرمىنالىدا يېزىلغان ئىنكاس

ئەلتبەر

شۇنداق ياخشى يېزىپسىز باركاللا  قولىڭىزغا دەت كەلمىسۇن