بىر تەستەك

ساتېرىك

بىر تەستەك
تەگدى بىر چاغ ئۇشتۇمتۇت،دادام ئۇردى بىر تەستەك،
فونتان چىقىپ كۆزۈمدىن ئايلاندۇردى بىر تەستەك،
ئوت چاقنىدى يۈزۈمدىن ،ئىز قالدۇردى بىر تەستەك،
«ۋايجان»لىدىم چىدىماي،زارلاندۇردى بىر تەستەك،
ئاچچىق تۇيغۇ ئىچىمدە ،خارلاندۇردى بىر تەستەك.

مەن «باغ»دىكى مېۋىنىڭ خىل ،دانىسى ئەمەسمۇ!؟
«ئەتىۋار»لىق بىر پەرزەنت «كۆز قارىسى» ئەمەسمۇ!؟
ئەدەپلەندىم شۇندىمۇ ،ئۆز بالىسى ئەمەسمۇ!؟
تاياق دېگەن ئادەمگە دىل يارىسى ئەمەسمۇ!؟
ئۇرۇپ مېنى ئارتۇقچە خۇيلاندۇردى بىر تەستەك.

دېدى:«رازى بولمايسەن،بۇ باياشات تۇرمۇشتىن،
ئۇرۇش-جېدەل-ماجرادا قېلىشمايسەن ھوقۇشتىن،
بۈگۈن ئۆتسە ئىتىدىن ئەسەرمۇ يوق قورقۇشتىن،
رايىڭ يوقتۇر نىمىشقا ۋاز كېچىسەن ئوقۇشتىن!؟»
«يامانلىق»قا خاتىمە –شۇكلەندۈردى بىر تەستەك.

«ھاي!ھاي!دېسەم شەيتانغا داپ چالىسەن دائىما،
باشقىلارنىڭ رىسقىغا چاڭ سالىسەن دائىما،
بۇلاپ-تالاپ،ئوغۇرلاپ ھەم ئالىسەن دائىما،
تەڭتۆشلىرىڭ قەيەردە!؟...سەن قالىسەن دائىما
تەنبىھ بىلەن قەسەمگە تېزلاندۇردى بىر تەستەك.

بىلمەوپتىمەن راستىنلا،شۇنچىۋالا بوي بىلەن،
بەڭۋاشلىقىم قۇتىراپ ،غەيرى مېجەز-خۇي بىلەن،
سۈرۈپ شىرىن خام-خىيال،ئاخرى يوق ئوي بىلەن،
يۈرۈپتىمەن ئاۋارە،كارىم بولماي ئۆي بىلەن،
ھەق-ناھەقلەر ھەققىدە ئويلاندۇردى بىر تەستەك.

ئاتا-ئانا پەرزەنتكە «پانالىق»كەن چۈشەنسەم،
بالا بېقىپ ،تەربىيلەش-جاپالىقكەن چۈشەنسەم،
بەڭۋاشلىققا يول قويۇش خاتالىقكەن چۈشەنسەم،
تۈزلەپ تۇرۇش «ئەرى»نى –دانالىقكەن چۈشەنسەم،
مەجبۇرىيەت يولىغا ئاتلاندۇردى بىر تەستەك.

چوڭ بولغىچە مۈشكۈلات –قىسمەت باركەن ئەمەسمۇ!؟
تەربىيدە بەك چوڭقۇر ھېكمەت باركەن ئەمەسمۇ!؟
مەن يېگەن شۇ تەستەكتە ئېبرەت باركەن ئەمەسمۇ!؟
دەل تەككۈزسە ئاجايىپ خىسلەت باركەن ئەمەسمۇ!؟
تاپقىنىمدا توغرا يول شادلاندۇردى بىر تەستەك.

رازى بولدۇم :تەستەكنىڭ ئىزى باردۇر مەڭزىمدە،
ئۇنتۇمايمەن تەنبىھلىك سزى باردۇر مەڭزىمدە،
قەسەم قىلدىم ھەر ۋاقىت ئەمەل قىلدىم ئەھدىمدە،
مەن .ولتۇردۇم شۇڭلاشقا بۈگۈنكى بۇ تەختىمدە،
تۇيغۇسىدا بەختنىڭ روھلاندۇردى بىر تەستەك.

توغرا كەلمەس ھېچنېمە شۇ چاغدىكى پەيلىمگە،
«سەۋەن»لەرنى كۆرمەستىم قويۇۋەتسە مەيلىمگە،
بارار ئىدىم قەيەرگە ؟قارىماستىن كەينىمگە،
يەتكۈزدىغۇ شۇ تەستەك مانا بۈگۈن ۋەسلىمگە،
ئامەت ماڭا يار بولۇپ ،زوقلاندۇردى بىر تەستەك.

تەگكىنىدە ئازاپلاپ،دەرتكە سالدى بىرتەستەك،
ھەر قەدەمدە ئېبرەتنى ئەستكە سالدى بىر تەستەك،
يامانلىقتىن بەزدۈرۈپ رەتكە سالدى بىر تەستەك،
بەيگىسىدە ھاياتنىڭ بەستكە سالدى بىرتەستەك،
مېنى دۇرۇس ئادەمگە ئايلاندۇردى بىر تەستەك.
مەنبە :ئۆز يازمام

ئەلكۇت02

كىچىك ۋاقتىمنى ئەسلىتىپ قويدىڭىز دوستۇم.
روھلان تورى Android يانفون تېرمىنالىدا يېزىلغان ئىنكاس

تۈرگەنى

ھازىرقى دەۋردىكى بىر قىسىم بالىلارغا كەم بولىۋاتقىنى دەل سىز ئېيتقان «بىر تەستەك» . شىئېرىڭىز بەك ياخشى چىقىپتۇ .

ئەلتبەر

شۇنداق ئېسل  چېقىپتۇ     
روھلان تورى Android يانفون تېرمىنالىدا يېزىلغان ئىنكاس

ئىدرسجان

پاھ  مىنلا  يىزپىسىز جۇمۇ

hiyalim1234

قالتىس بوپتۇ

بېلىق

بۇ شېئىر ياخشى چىقىپتۇ

روھلان

ياخشى يېىزپسىز. شېئىرلىرىڭىزنى ئۈندىدار سالونىغا يوللاشنى باشلىدىم. بۈگۈن ئاجراشمىساڭ بولاتتى نى يوللىدىم. مەزمۇنلۇق، ئاجرىشش ئالدىدىكىلەرگە تەربىيەبولىدىكەن.