قالدىم ئەجەپ .

ئەپ.

قالدىم ئەجەپ .


مەن بۇ شىئىرىمنى مەرھۇم ئانام خەلچەم قايم ( 16 - 7 - 2001 ~1955 ) نىڭ ۋاپاتىغا بېغىشلايمەن .

ئەي ئانا ، جانىم ئانا كەتتى مادارىم ئەجەپ ،
سەن كىتىپ قالدى چۆل باغىڭ ئەجەپ .
ئاھ ! مانا ئاقتى بۈگۈن ياشىم ئەجەپ ،
بۇ جۇدالىق دەشىتىدە بولدى چاك باغرىم ئەجەپ ،
گاھ قىيامەت دەھشىتىدە ئاشتى پىغانىم ئەجەپ .

سەن قۇشۇپ بىزنى قاتارغا زور ئۈمىت كۈتكەن ئىدىڭ ،
بىز ئۈچۈن مىڭ تىرىلىپ لەختە قان يۈتكەن ئىدىڭ .
ئۇشبۇ تۇرمۇش ئېغىرىنى ۋايسىماي يۇدىگەن ئىدىڭ ،
قان - تەرىڭدىن بەختىمىزگە تىلتۇمار پۈتكەن ئىدىڭ ،
سەن كىتىپ باغۋەن كىتىپ قالدى چۆل باغىڭ ئەجەپ .

قالدى باغدا ئۆرۈكۈڭ ، قالدى تەشتەكتە گۈلۈڭ ،
قالدى پۇت - قول راھىتى جان ئارامگاھىڭ ئۆيۈڭ .
ئەينە قالدى كۈپلىرىڭدە ئابى زەمزەمدەك سۈيۈڭ ،
قالدى دۇتتار تارلىرىدا خۇشناۋا بۇلبۇل كۈيۈڭ ،
ئەسىر قىلدى قايغۇ - ھەسرەت ، قاشتى خوشلۇغۇم ئەجەپ .

بىزنى تاشلاپ سەن كىتىپ بولدى قىيامەت شۇ كۈنى ،
قوشنا - خۇلۇم ، ئۇرۇقتۇققان چەكتى نادامەت شۇ كۈنى .
قېرىندىشىڭ تۆكتى قان - ياش ، ئاھۇ - نادامەت شۇ كۈنى ،
يۈرەك پارەڭ قالدى قاھار ئۇرۇپ پەرياد شۇ كۈنى ،
غېرىپ بۇلدى بېلقىز ، نۇرگۈل ، غۇنچە گۈللىرىڭ ئەجەپ .

گۈل بېغىڭنى ئۈششىتەرمۇ كەچكۈزخازاننىڭ بورىنى ،
ئۇشبۇ يىتىم تۆت كىيىككە ئوۋچى يايارمۇ تورىنى .
بېغى بارلار بىزنى كۆرسە ھىم ئىتەرمۇ شۇرىنى ،
ئاناسىزلار قىلىپ ياتارمۇ ئەمدى يېپىنچا بورىنى ،
مىللەندى پاتقاق قارا لايغا گۈلگۈن يۈزلىرىم ئەجەپ .

بارچە ئىقلىمغا كەئىبە بولسا ئۇلۇغ سەجدىگاھ ،
مەن قىلاي قەبرەڭنى ئۇلۇغ ھەم مۇقەددەس قىبلىگاھ .
نامازىمدا ساڭا ئاتاپ قىلاي « ياسىن » نى نىدا !!!
قەبرەڭگە مەن باشىم ئۇرۇپ ئۇشبۇ ئۆمرۈم ئىنتىھا ،
سەن كىتىپ چۆللەردە مەن ئېزىقىپ قالدىم ئەجەپ .

تامام .

( بۇ شىئىرىم « كۇچا مۇنبىرى » دە ئېلان قىلىنغان. )

ئەلتبەر

شۇنداق يا خشى يېزىپسىز  باركاللا .

ئىدرسجان

يا خشى يېزىپسىز  باركاللا .