ياغدى كۈزنىڭ يامغۇرى، سوغۇق...

hawas

ياغدى كۈزنىڭ يامغۇرى، سوغۇق-
ئۆتۈپ تەستە قىزىغان جاندىن.
بېلىق بولۇپ پىلتىڭلار كۆڭۈل،
يايراپ شېرىن بىر ھاياجاندىن.
ياغدى كۈزنىڭ يامغۇرى، سوغۇق-
دەريا-كۆللەر گىرۋەكتىن تېشىپ.
بولدى ھالسىز زېمىنغا شىپا،
تۇرغان چاغدا ئىسسىقى ئېشىپ.

ياغدى كۈزنىڭ يامغۇرى، سوغۇق-
شېرىن شەربەت قاينىغان باغقا.
قايتىپ كەلدى رومانتىك ھايات،
ياشلىق جىلۋە ئەيلىگەن چاغقا.

ياغدى كۈزنىڭ يامغۇرى، سوغۇق-
ئاخشام بىللە قالدۇرغان ئىزغا.
ئوخشاپ قالدى نەملەشكەن ئالەم،
ھەسرەت چىكىپ يىغلىغان قىزغا.

ياغدى كۈزنىڭ يامغۇرى، سوغۇق-
تۇتۇپ كۆكتە قۇياشقا سوۋغا.
يوقاپ كەتتى قارايغان بۇلۇت،
ھەيۋە بىلەن قىلىشىپ غوۋغا.

پولات2

ياخشى يىزىپسىز......

غورور

پولات2 يوللىغان ۋاقتى  2013-11-3 17:47
ياخشى يىزىپسىز......

ئاددى سۆزلەردىن كۆڭۈلگە ياققۇدەك يېقىملىق مىسىرالارنى يېزىپسىز،قەلەم تۇتقان قوللىرڭىزغا ئامەت،تۇرمۇشڭىزغا
     بەخىت،تېنىڭىزگە سالامەتلىك يار بولسۇن.  ئىلھام بۇلاقلىرڭىزنىڭ كۆزى ئېتىلمىسۇن. رەخمەت سىزگە.