ئائىلە تەربىيەسىدىكى خاتالىقنىڭ سەۋەبى

AKYAR

                                         خاتا ئائىلە تەربىيەسى بالىنىڭ كەلگۈسىگە ماياك بولالمايدۇ                                              يېقىندا ماتېرىيالدىن كۆرۈشىمچە، خۇنەن ئۆلكىسىنىڭ نەنجاڭ ناھىيەلىك خەلق سوت مەھكىمىسى ئانىسىنى ئۆلتۈرۈۋەتكەن 15 ياشلىق بالىنى مەجبۇرىي دوختۇرخانىغا ئېلىپ بارغان. نامرات ئائىلىدە چوڭ بولغان بۇ بالا ئاتا – ئانىسىنىڭ يوقسۇزلۇق توغرىسىدىكى تاپا – تەنىلىرىنى ئاڭلاۋېرىپ، ئانىسىنى ئۆلتۈرۈۋېتىپلا بۇ بىزارلىقتىن قۇتۇلماقچى بولغان. ئۇنداقتا زادى نېمە سەۋەب بالىنى ئانىسىنى ئۆلتۈرۈشكە قىستىغان؟ ھازىر كىشىلەرنىڭ تۇرمۇش سەۋىيەسى ئۆسۈپ، بالىلىرىنى ياخشى تۇرمۇش، ئوقۇش شارائىتىغا ئىگە قىلىۋاتقان بولسىمۇ، لېكىن بەزى ئائىلىلەردە ئىقتىسادىي قىيىنچىلىق خېلى ئېغىر بولغاچقا، ئاتا – ئانىلارنىڭ بالىلىرىغا قاقشاش، تاپا – تەنە قىلىش، رەنجىشلىرى كۆپ بولىدۇ. قۇرامىغا يەتمىگەن بالىلارنىڭ پىسخىكىسى تېخى تۇراقلاشمىغان، ئىشلارنىڭ تېگىنى ئويلاپ يېتەلمەيدىغان بولغاچقا، بۇنداق ۋاقىتتا ئاسانلا قالايمىقان خىياللارغا كېلىپ قالىدۇ، ئۇلار ئائىلىسىدىن زىقچە يورۇقلۇق تاپالمىسا، پۈتكۈل دۇنيامۇ قاراڭغۇ تويۇلىدۇ. بۇ دەل ئائىلە تەربىيەسىدىكى تۇرمۇش غۇربەتچىلىكىدىن زارلىنىشنىڭ مەھسۇلى. كونىلاردا: ‹‹نامرات ئۆينىڭ بالىسى بالدۇر چوڭ بولىدۇ›› دەيدىغان گەپ بار. ئەگەر بالىلارغا مۇستەقىللىق ئادىتى يېتىلدۈرۈشنىڭ ئۈنۈمىنى كۆرۈمىز دەيدىكەنمىز، ئۇسۇل توغرا بولمىسا ئويلىغىنىمىزنىڭ ئەكسىچە ئۈنۈم بېرىدۇ. مەسىلەن، ھازىر جۇڭگودا غەربنىڭ بالا تەربىيەلەش مەدەنىيىتىنى ئۆگىنىش ئەۋجىمەكتە، يەنى بالىلارنىڭ مۇستەقىللىق ئېڭىنى كۈچەيتىش، قول سېلىپ ئەمگەك قىلىشقا ئۈندەش، ماددى ئۇسۇلدا ئىلھاملاندۇرۇشنىڭ ئۈنۈمى كۆرۈنەرلىك بولۇۋاتىدۇ. غەرب ئەللىرىدە ئوخشىمىغان تۇرمۇش شارائىتىدىكى ئائىلىلەرنىڭ بالا تەربىيەلەش پىرىنسىپىمۇ ئوخشاش بولمايدۇ. نامرات ئائىلىنىڭ بالىلىرى ئاتا – ئانا تەربىيەسىدە تېجەشلىك بولۇشنى ئۆگەنگەندە، ھەرگىزمۇ ئاتا – ئانىنىڭ تۇرمۇشتىن ئاغرىنىشىغا ئۇچرىمايدۇ ھەم شۇ سەۋەبلىك ئۆزىنى باشقا بالىلاردىن تۆۋەن تۇتمايدۇ. باي ئائىلىنىڭ بالىلىرى باياشاتچىلىق تۇرمۇشتا كەمتەر، تېجەشلىك بولۇشتەك ئېسىل ئەخلاق – پەزىلەتنى يارىتالايدۇ. بەزى ئائىلىلەرنىڭ بېسىمى قانچە ئېغىرلاشقانسېرى ئانا بولغۇچى بالىسىنى ئۆي ئىشلىرىغا سېلىپ، ئائىلە قىيىنچىلىقى ئالدىدا ئۆز غەيرەت – جاسارىتىنى بالىغا ئىپادىلەپ، بالىنىڭ ئىرادىسىنى چىڭىتىشقا تۈرتكە بولۇۋاتىدۇ. ئەگەر بەزى ئانىلار ئائىلىنىڭ ئىللىقلىقىنى بالىلارغا ھېس قىلدۇرۇشقا تىرىشماي ، ھە دېسىلا تۇرمۇشتىن زارلىنىپ، ئۆزىنىڭ زىيادە چارچاۋاتقانلىقىنى، يېمەي – ئىچمەي بالىلىرىغا بەدەل تۆلەۋاتقانلىقىنى مىننەت قىلىۋەرسە بالىلار ئاسان بىزار بولىدۇ. شۇڭا ئانا بولغۇچى بالا تەربىيەسىدە قانچىلىك بەدەل تۆلەش ئەمەس، قانداق بەدەل تۆلەش، قانداق يوسۇندا گەپ قىلىشقا كۆڭۈلشىمىسە، مەيلى قانچىلىك جاپا تارتقان بىلەن يەنىلا ئىشلار كۆڭۈلدىكىدەك بولمايدۇ. بالىلىرىمىزنىڭ ساغلام، نورمال ئۆسۈپ – يېتىلىشىدە ئاتا – ئانىدىن ئىبارەت تۇنجى ئۇستازنىڭ ئەجىر – مېھنىتى تولىمۇ مۇھىم. ئاتا – ئانا بولغۇچىلار بالىنى ياخشى تەربىيەلىشى ئۈچۈن ئاۋۋال ئۆزىنى تەربىيەلىشى، نورمال پىسخىك ساپانى يېتىلدۈرۈشىگە ھەرگىز سەل قارىماسلىقى كېرەك. ياخشى ئائىلە تەربىيەسىگە پۇل كەتمەيدۇ، بىز تەكىتلەۋاتقان ئائىلە تەربىيەسى ھەرگىزمۇ بالىنى ئىقتىساد جەھەتتىن ئەركىن قويۇۋېتىش ياكى بوغۇۋېلىش ئەمەس، بەلكى ئۇلارنىڭ قارىشىغا ھۆرمەت قىلىش ئاساسىدا خاتالىقلىرىنى تۈزىتىش، سىرتقى جەمئىيەتكە بولغان قارىشىنى توغرىلاش، دوستلىرى، ساۋاقداشلىرى، ئوقۇتقۇچى – ئۇستازلىرى ئارىسىدىكى ياكى ئۇنداق ياكى مۇنداق مۇناسىۋەتلەرنى تەڭشەشكە ياردەملىشىش كېرەك. شۇڭا بالا تەربىيەلەشتە ئاتا – ئانىلار ئۆز مەسئۇلىيىتىنى چوڭقۇر تونۇپ، ئىلمىي بولغان ئائىلە تەربىيەسىدە بالىلارنىڭ يۈرىكىدىكى نۇرلۇق ماياك بولالىشى كېرەك. شۇنىڭدىلا ئاتا – ئانا بىلەن بالا ئوتتۇرىسىدىكى ھەرخىل پاجىئەلەرنىڭ ئالدىنى ئالغىلى ۋە ئۇنىڭدىن ساقلانغىلى بولىدۇ.
- q# b( V6 K+ b3 Aمەنبە: شىنجاڭ گېزىتى

نەپرەت

{:5_175:}{:5_175:}  مۇنداق ئىشمۇ با دەڭلا