3-ئاينىڭ 9-كۈندىكى شائىر

نەۋرۇز

3-ئاينىڭ 9-كۈندىكى شائىر

ئابدۇرېيىم ئابدۇۋەلى(ئاسۇق)


مەن ھېجران سۈيىدىن چىقتىم يۇيۇنۇپ،
مۇھەببەت ...
                بولدى قىل!!!
                          قىلغۇم يوق ھەۋەس.
نەقەدەر سۈيۈملۈك ۋاز كىچىش دىگەن،
چۈشۈمگە كىرگىنى بەلكىم سەن ئەمەس.

مۇھەببەت بولدى قىل قىلغۇم يوق ھەۋەس،
شۇ غېرىپ قەبرەمگە بارغۇم يوق زىنھار.
مۇزلىغان ئوت بولۇپ تېرىلسەم قايتا،
تاتلىق بىر شىېئردىن مىنى سوراڭلار.......

مەن ھېجران سۈيىدىن چىقتىم يۇيۇنۇپ،
نەقەدەر سۈيۈملۈك ۋاز كىچىش دىگەن،
بىر تەلۋە شائىرنىڭ يۈرىكى بولۇپ،
ئۈلۈمنىڭ قەستىدە يۈرگنىم يۈرگەن.

چۈشۈمگە كىرگىنى بەلكىم سەن ئەمەس.
بىلمىدىم مەن كىمگە قالدىم چۈش بولۇپ.
بىلمەكچى بولساڭلار ھېجران نىمە دەپ،
ئوقۇڭلار شىئېرىمنى پۇرايدۇ گۈپ-گۈپ.
2015-يىلى 9-مارت ئاقسۇ شەھەر ساجىڭزا(قۇمقۇدۇق)تا يېزىلدى

نۇرلان

شېئىرنىڭ 2-كۇبلىتى ماڭا ھەقىقەتەن يارىدى، نەۋرۇز ئەپەندىمنىڭ قەلىمىگە قۇت ياغسۇن.

аㄨιΚ⑤⒛□

ياخشى  چىقىپتۇ  بۇ شېئىر

ADiL

شېئىرنىڭ 1-كۇبلىتىدىكى مەزمۇنلاردا بوشلۇق كۇنۇپكىسى كۆپ قۇيۇلۇپ كەتتىمۇ ياكى يېزىلىش ئۇسلۇبى شۇنداقمىدى؟

arkzat

نەۋرۇز ھارپىسىدىكى ھېسلىرىڭىز  خېلىلا ئۇرغۇلۇق نامايەن بولۇپتۇ. سىزدە شېئىرىي دىت بار ئىكەن. شېئىرلىرىڭىزنى مەتبۇئاتلارغا يۈزلەندۈرۈشكە ئالدىراڭ.

كۇسەنى

مەن ھېجران سۈيىدىن چىقتىم يۇيۇنۇپ،
نەقەدەر سۈيۈملۈك ۋاز كىچىش دىگەن،
بىر تەلۋە شائىرنىڭ يۈرىكى بولۇپ،
ئۈلۈمنىڭ قەستىدە يۈرگنىم يۈرگەن.

مۇنۇ مىسرالاردىن سۈيۈندۈم،ھەم دوستۇمنىڭ ئۈزىگە قايتىۋاتقانلىقىنى سەزدىم،تەشەككۇر دوستۇم.

ئەزھەر36

شىئىرىڭىزدىن ئىلھامىڭىزنىڭ يۇقىرى پەللىسىنى كۆرگەندەك بولدۇم .
بولۇپمۇ :
مەن ھېجران سۈيىدىن چىقتىم يۇيۇنۇپ،
نەقەدەر سۈيۈملۈك ۋاز كىچىش دىگەن،
بىر تەلۋە شائىرنىڭ يۈرىكى بولۇپ،
ئۈلۈمنىڭ قەستىدە يۈرگنىم يۈرگەن.

بۇ كوپلىت ماڭا بەك يارىدى . ئىلھامىڭىزغا تېخىمۇ بەرىكەتلەر تىلەيمەن !

نەۋرۇز

ADiL يوللىغان ۋاقتى  2015-3-9 21:22
شېئىرنىڭ 1-كۇبلىتىدىكى مەزمۇنلاردا بوشلۇق كۇنۇپكىسى ك ...

ئاشۇنداق يازسام تېخىمۇ جانلىق چىقىدۇ دەپ ئويلىدۇم.

سىھىر

ۋاز كىچىش ئۈزىمۇ بىر بەخىت بىلسەڭ،
ئىرىشىش ھەممىسى ئەمەستۇر سۆيگۈ.
يىراقتىن مىھىرلىك بىقىشنىڭ ئۈزى،
بىر تاتلىق ھىس - تۇيغۇ ،يۈرەكتە مەڭگۈ.

قاملاشمىسىمۇ ئەگشىپ قويدۇم ،،،سالامەت بۇلۇڭ

ئ‍ويغاق

شىئىرىڭىز ياخشى چىقىپتۇ ،قەلىمىڭىز بەركەتلىك بولسۇن…