تىلىفۇن ۋە مەلەكنىڭ ئويلىرى

ayixa-886

	مەن ئىككى كۈن بولدى ،سودامدىن چاتاق چىققاچقا تېلىفۇننى ئىتىۋەتتم،بۇگۇن ئەتىگەندە يېقىن دوستۇم بىلەن قېيدىشىپ قېلىپ ،ئىشخانامغىمۇ بارماي تورخانىغا كىرىۋالدىم .مېنى ھېچكىم ئىزدىمىدى ،ئاچچىغىم يانغاندا ئۆزۈم قايتارمەن .........  ئۇزۇن بوپتۇ سىزنىڭ ئەسىرىڭىزنى كۆرمىگىلى .........تېلىفۇنغا قانداق باھا بىرىشنى بىلەلمەي قالدىم ........كەچۈرڭلار !

uyghurzade

	سىڭلىم مەلەك، مېىنىڭ مەرھۇم تۇرسۇنئاي ساقىمغا ۋە توختى تىللاغا ھۆرمىتىم شۇنداق يۇقىرى. خەۋىرىڭىز بولغىنىدەك، مەركىزى رادىئو ئىستانىسىسى تۈركچە بۆلۈمىنىڭ سابىق دېكتورى مەرھۇم  تۇرسۇنئاي ساقىم "مەمەت ئاۋاق"، "چالىقۇشى" قاتارلىق رومانلارنى؛غۇلجىدىكى تەقۋادار  توختى تىللا ھاجىم "لەۋدىن قەلبكە"، "مېنىڭ ئېتىم قىزىل" قاتارلىق رومانلارنى ۋە  "ئۆمەر سەيپىدىن ئەسەرلىرى"نى ياخشى تەرجىمە قىلغان. ئۇ ئەسەرلەرنىڭ تىلىمۇ شۇنداق ياخشى. ئەلۋەتتە بۇ ساھەدە يەنە رۇقىيە ھاجى، ئەنۋەر مۇھەممەت،يۈسۈپجان ياسىن، شىرئەلى مامۇت، ۋەلى كېرەم قاتارلىقلارنىڭ تۈركچىدىن تەرجىمە قىلغان ماتېرياللرىمۇ بار.     لېكىن،  تۈركچىدىن تەرجىمە قىلىدىغان قوشۇنىمىز شالاڭشىپ قالدى. ئەزىز نەسيىننىڭ خېلى كۆپ ئەسەرلىرى ۋە "ئەنقەرە مەھبۇسى" قاتارلىقلار خەنزۇچىدىن ئايلاندۇرۇلۇپ تەرجىمە قىلىندى. ئەسلى قانداشلىقى بولغان بۇ ئىككى مىللەتنىڭ بۇنداق ئايلانما تەرجىمە بىلەن شۇغۇلىنىشى توغرا ئەمەس ئىدى.           شۇڭا سىڭلىم مەلەك، سىز تۈرك تىلىغا سۇنداق پۇختا ئىكەنسىز.  بولسا سىز تۇرسۇنئاي ساقىمدەك بىر كاتتا ئەدەبىي تەرجىمان بولۇپ چىققان بولسىڭىز. بۇ ئىشنىڭ قىممىتى ئاجايىپ يۇقىرى. قارسىام سىزدە شۇنداق قابىليەت، ئەدەبىي دىت ۋە جىگەر بار ئىكەن. قايىل بولدۇم.      ئۇنداقتا مەن سىزگە نېمىلەرنى تەۋسيە قىلىمەن؟ بولسا كەرىمە نادىرنىڭ "ئۆكسۈش" ۋە "ساما يولى"، "ئۇيقۇسىز كېچىلەر" قاتارلىق ئەسەرلىرىدىن باشقا رومانلىرى بولسا تەرجىمە قىلىپ باقسىڭىز. ھازىر "دۇنيا ئەدەبياتى" ژۇرنىلى قايتىدىن رومان بېرىشنى باشلىدى. ئەگەر ياخشى روماندىن بىرنى تەرجىمە قىلسىڭىز، ھامان خېرىدارى چىقىدۇ. كىرىممۇ ئوبدان بولىدۇ. ھازىر نەشرياتنىڭ ياخشى ئەدەبىي تەرجىمانغا، ياخشى رومانغا كۆپلەپ ئېھتىياجى بار. ئەجرىڭىز يەردە قالمايدۇ. ۋاقتى كەلسە ماسلاشتۇرۇش رولىنى ئۆتەپ سىزنى قوللايمىز.      مەن كەرىمە نادىرىنىڭ ئەسەرلىرىنى ئالىي مەكتەپتە ئوقۇغان. مۇھەببەت تەسۋىرلەنگەن رومانلار ئىچىدە ئەينى ۋاقىتتا كەرىمە نادىرىنىڭ "ئۆكسۈش"ى، "ساما يولى" دېگەن رومانى( "دۇنيا ئەدەبياتىنىڭ 90-يىللىق سانلىرىغا چىققان، كېيىن ئۆكسۈش كىتاب بولۇپ چىقتى، 80-يىللاردىن كېيىن تۇغۇلغان جىق بالىلار بىلمەيدۇ بۇ رومانلارنى) ۋە مىسىر يازغۇچىسى مۇستاپا كامالنىڭ "تۇنجى مۇھەببەت" دېگەن رومانى بەك قاتتىق تەسىر قىلغان. بۇ رومانلارنىڭ ئادەم تەربىيلەش، ئېستېتىك تۇيغۇ ئاتا قىلىش قىمىتى بەك يۇقىرى ئىدى.       دېمەكچى، ئۇ ئايال يازغۇچىنىڭ باشقا ئەسەرلىرى بولسا سىزدەك ياشلارنىڭ تەرجىمىسى ئارقىلىق كۆرۈشنى خالايمەن. بولسا ئۇ ئەسەرلەرنى مۇھەببەت تېمىسىنى يالىڭاچ يېزىپ قويۇۋاتقان بارلىق تور يازغۇچىلىرىمۇ ئوقۇشى كېرەك.     پۇرسەت تېپىپ يەنە داۋاملىق سۆزلىشىمىز. مەلەك سىڭلىمىز مېنىڭ كىچىك سىڭلىمدىنمۇ نەچچە ياش كىچىك ئىكەن(2009نىڭ ئوقۇغۇچىسى بولسا)، مەشئەل ئىنىمىزنى 17 ياشقا كىرگەن بالا دەيدۇ(پوۋېستلىرىنى كۆرگەن). يېشىغا باققاندا تالانتلىق بالىلار جىقكەن. قايىل بولماي تۇرالمىدىم.

uyghurzade

	خەنزۇچىدىن ئۆتۈپ تۈركچىدىن، ئەرەبچىدىن، روسچىدىن، ئېنگلىزچىدىن، ياپونچىدىن،گرمانچىدىن بېۋاستە تەرجىمە قىلىدىغان ياشلىرىمىز چىقىۋاتىدۇ. بۇ ياخشى ئەھۋال. 21-ئەسردە بىزنىڭ بېۋاستە چەت ئەل تىلىدىن تەرجىمە قىلىدىغان قوشۇنىمىز بولۇشى لازىم.  ئايلانما تەرجىمەدە بەك جىق نەرسىلەر چۈشۈپ قالىدىكەن. مەتبۇئات، نەشرىياتلىرىمىز قوللاپ بەرسە.ياشلىرىمىز بەلنى مەھكەم باغلىسا، غايىنى بالدۇر تىكلىسە.

bozqir

	-2001يىلى ئەتىيازدا ئۆيىمىزگە تۇنجى تېلېفون ئورناتقاندا قوشنىلىرىمىز ‹‹ئۇ ئالەمدىكىلەر بىلەنمۇ سۆزلەشكىلى بولسا ئاندىن ئورنىتارمىزمىكى››دېيىشكەنىدى،ھالا بۈگۈنگە كەلگەندە ھەر كۈنى قۇلىقىدا يانفون،ئىشىك ئالدىدا يانفوندا كوتۇلداپ ئولتۇرغىنى ئولتۇرغان.

maxal20

	ئۇيغۇرزادە ئاكا، (مەنمۇ مەلەكتىن ئۆگىنىپ تۇراي) مەن بۇ يەرگە كەلگىلى بىر ئاي بولۇپتۇ توپتوغرا... بۇ جەرياندىكى تەسىراتلىرىم، ئېرىشكەنلىرىم، ئويلىغانلىرىم شۇنداقلا يوقاتقانلىرىم شۇنچە كۆپ.... ئوقۇشۇم ياخشى. بۇ يەردە نەۋرە ئاكام بولغاچقا تۇرمۇشتا قىينىلىپ كەتمەيۋاتىمەن. غېرىپلىق.... غېرىپلىقنى يېڭىشنى بۇرۇنلا ئۆگىنىۋاپتىكەنمەن. خاتىرە يازىمەن. لېكىن كۆپىنچە ۋاقىتلاردا ئالدىراشچىلىقتىن غېرىبلىقنى ھېس قىلمايلا قالىمەن. يېشىمنى سورىسىىز 17. ئاللاھ خالىسا، تېنىچ ئامان، پاك پاكىز مۇشۇ ياشقا ئۇلاشتىم بۇندىن كېيىنمۇ مۇشۇنداق ئۆتۈپ كېتىش نېسىپ بولسۇن،... مەن ئادەتتە كۈندىزى دەرس بىلەن، ئاخشىمى تەكرار بىلەن ئالدىراش. بولمىسىغۇ سىز بىلەن شۇنداق پىكىرلەشكۈم بار ئىدى. سورايدىغان سوئاللىرىم ھەم نۇرغۇن ئىدى. پۇرسەت بوپ قالار. سىز يەنە بىر قېتىم مۇنبەردىن چېكىنگىچە. چېكىنمىسىڭىزغۇ خۇش بولاتتىم. گەپنى ئاز قىلاي.... سۆزلىرىڭىزنى كۆپرەك ئاڭلاي... ئۈمىدىم كۆپرەك پىكىر قاتناشتۇرسىڭىز. بولۇپمۇ بىزدەك ياشلارغا. بىز باشقىلارغا قارىغاندا تېخىمۇ سىلكىنىش ۋە ئويغىنىشقا مۇھتاج....

arxang

	بۇ كوت-كوت جىنتەكنىڭ يوللىغان ئەسەرلىرىنى ئوقۇماي ئۆتۈپ كەتكىنى بولمايدۇ.

bidar

	بۈگۈنكى جەمىيىتىمىزدە تىلفۇن كەم بولسا بولمايدىغان ئالاقىلىشىش قۇرالىغا ئايلاندى، شەخسەن مەنمۇ تىلفۇنۇمنىڭ بىر كۈن توختاپ قېلىشىغا چىدىمايمەن، ھەتتا باشلىقىممۇ تىلفۇنۇمنى ئىتىۋېلىشىمغا قارشى، مۇئاشىڭدىن تۇتىمەن دەپ پوپوزا قىلىپ كېتىدۇ.لېكىن تىلفۇن ئىشلىتىشتە بەزى مەسىللەرمۇ يوق ئەمەس ، مەسىلەن ئىش بىجۈرگىچىلەر ئۆچرەت ساقلاۋاتقانلار بىلەن كارى يوق ھالدا تىلفۇندا ئۇزۇندىن ئۇزۇن مۇڭدىشىدىغان، مەسجىدلەردە تىلفۇن جاراڭلاپ كېتىدىغان، ئادەم كۆپ ئۇرۇنلاردا ئۈنلۈك ئاۋازدا توۋلاپ سۆزلىشىدىغان ، يېنىمدا ئادەم بارمۇ يوق دىمەي تىلفۇندا سەت گەپلەر بىلەن تىللىشىدىغان.....دېگەندەك مىنىڭچە تىلفۇن ئىشلىتىش ئەخلاقىغا دىققەت قىلساقلا ئۇ يەنىلا ياخشى نەرسە!

bargiya

	بەك ئالدىراش خىزمەت ئىشلەۋاتقان ۋاقىتلاردا تولا جىرىڭلاپ توختىمىغان تېلېفۇنۇمغا تېرىكىش بىلەن قاراپ زەردە-گۆش بولۇمەن."ئالدىراش،ئالدىراش"دىگەن تونغا ئورۇنۇپ مىھرىبان ئاتا-ئانامنىڭ قېشىغا قەدىمىم،چىھرىنى كۆرۈشكە كۆزلىرىم يېتەلمىگەن چاغدا تېلېفۇن ئارقىلىق سالام يوللاپ ئاۋازىنى ئاڭلىغىنىمدا بولسا تېلېفۇندىن بەك سۆيۈنۈپ كېتىمەن.

sarsan115

	ھازىر تۇرمۇش رىتىمى بارغانسىرى تىزلىشىپ كىتىۋاتىدۇ.يانفۇن قاتارلىق ئالاقە ئۈسكۈنلىرنىڭ رولىمۇ ئىشىپ بىرىۋاتىدۇ.ئىشقىلىپ ھازىر ماڭا نىسبەتەن كەسپى ئىشلىرىمدا تىلفۇن بەك مۇھىم ( مەلەك ماقۇل كۆرسىڭىز چ چ نومۇرىڭىزنى قالدۇرۇپ قويۇڭ پىكىرلەشسەك؟؟؟)

maryam

	مەلەك، مەنمۇ شۇ مەكتەپنىڭ ئىنگىلىز تىلى فاكولتىتىدا ئوقۇغان، مەن 2004 نىڭ، ئوقۇش پۈتتۈرگىلى خېلى بولدى، بىر مەكتەپ ئىكەنمىز ھە