ئىھ،خىرۇستال قىز (تۈگىدى)

barqukkizi

	ئاخىرچۇ قېنى بەرگىيە   خانىمن تىزراق بۇلڭە ۋوي  ئەزىزە خان كىىتىپ قالمىسۇ ن يەنە

ayding

	ئىھ،خىرۇستال قىز !!! نەدە سىز ؟؟؟سىزنى بەك سېغىندىم

layli

	بۇ ئەسەرنىڭ ئاخىرنى قاچانمۇ كۆرەمىز ؟   خاتىرنى ئەكىتىپ قالمىغاندۇ ھە ؟ ۋاقىتلىقلا بىرىپ تۇرغان ئىدى ، شۇڭا ئۇلار كىتىشتىن بۇرۇن كىچىنى كۈندۈزگە ئۇلاپ ئىسمىنا قوشاپ ئوقىۋەتسەك ياخشى بولاتتى .

ziba0308

	مۇشۇ ئەسەرنى دەپ كۈندە نەچچە رەت تورغا چىقىۋاتىمەن،ئاخىرى تىزراق چىقسا بولاتتى.

abida

	تىز بولۇڭچۇ، ئاخىرىغا ئىنتىزارمىز!!!

tawba

	ما ئىش قالماشمغىلى تۇردى جۇمۇ ،،،،ئايغىنى شۇنچە ئۇزۇن ساقلىتىۋەتكەن بارمۇ ....كۇندە كۇزۇم مۇشۇ تىمدا ......

kokasman

	موشۇنداق ئاخىرىنى ساقلاشتىن قورقۇپ قەستەن ئوقۇمىغانتىم بۇنى،يەنە شۇ زارىقىپ كۇتەي ئەمدى..........ئۇھھھھھھھھھھھھھ

islamay

	بەرگىيە ئادەمنى مۇشۇنداقمۇ ساقلاتقان بامۇ دەيمەن؟     ئەزىزە يىغلايدىغان بولدى خاتىرىسىنى سىزدىن ئالالماي . . . .   [s:2]

kiliq

	بەرگىيە،سىزنى ئۈرۈمچىگە كېتىپتۇ دەپ ئاڭلىدىم تېخى قايتىپ كەلمىدىڭىزمۇ يا؟؟ ما ئەسەرنىڭ ئاخىرىنى دەپ كۈندە ئويلاپ ئەزىمەتنى،ئەزىزەنى،ئىككى پەزىلەتنى تولا ئويلاپ چۈشلىرىمگە كىرىپ كېتىۋاتىدۇ.ئەمدى تېز بولمىسىڭىز راستىنلا بەك خاپا بولۇپ قالىمەن. ئۈرۈمچىدىكى ئىشلىرىڭىز تۈگىسە تېزراق قايتىپ كېلىپ ما ئەسەرنى تۈگىتىڭە بولامدۇ؟؟

bargiya

	مانا تەتىل كۈنلىرىمۇ ئارقا-ئارقىدىن ئۆتمەكتە.  ئالدىنقى ھەپتە ناھىيەدىكى چوڭ ئاپاملارنىڭكىگە ئاپام بىلەن بىللە چىقىپ بىرھەپتە تۇرۇپ كىردىم.باشقا ۋاقىتلاردا شۇ ئۆيدە ۋە دوستۇم گۈلزار بىلەن بازار چۆگىلەش ۋە كۈتۈپخانىغا بېرىپ كىتاپ كۆرۈپ كېلىش بىلەن ئۆتۈپتۇ.كۆپرەك موماملارنىڭكىگە بېرىپ ئاپامنىڭ خىزمەت ئالدىراشچىلىقى بىلەن مومامنىڭ ئىشلىرىنى قىلىشىپ ھالىدىن خەۋەر ئېلىپ بولالمىغاندىكى سەۋەنلىكلىرىنىڭ ئورنىنى تولدۇرۇشقا تىرىشىمەن. ئاپام بىچارە گەرچە تەتىل بولغان بولسىمۇ بىراق ھازىرقى بىر يېڭى قائىدە-تۈزۈملەرنىڭ رامكىسى بىلەن  يەنىلا قانداقتۇر بىر ئۈگىنىش ۋە باشقا ئىشلار بىلەن مەشغۇل.خۇددى تەتىل بولمىغان ۋاقىتلىرىدىكىدەكلا ئالدىراش ئۆتۈۋاتاتتى.ئاپام ئۆزىمۇ ئۆي ئىشلىرىدا ئەستايىدىل بولۇپلا قالماي بەلكى خىزمەتتىمۇ ئىنتايىن ئەستايىدىل، بولۇپمۇ ھازىر مەكتەپ مۇدىرى بولۇپ قول ئاستىدىكى خىزمەتچىلىرىنىڭ باشلامچىسى بولغانلىقى ئۈچۈن بۇرۇنقىدىنمۇ بەكرەك ئالدىراش ھەم ئەستايىدىللىق ئىچىدە كۈنى ئۆتەتتى. بىچارە ئاپامغا قاراپ تەتىلدە كېلىپ خېلىلا يېنىكلەتكەنلىكىمنى ھېس قىلىپ قالىمەن. قىززىق.داداممۇ ھازىر يىغىنلىرىدىن چىقىپمۇ "يەنىلا قىزىم پەزىلەتنىڭ تەملىك تاماقلىرىنى دەپ ئۆيگە قايتىپ كەلدىم"دەپ كۆپرەك ئۆيدە تاماقلىنىدىغان بولدى. ئۇكامغىغۇ گەپ كەتمەيدۇ ئۇ سېپى ئۆزىدىنلا ئالدار كوسىنىڭ ئۆزى..مېنى ماختاپ،ئۇچۇرۇپ تۇرۇپ كەچكىچە ئىشىنى قىلغۇزۇشقا ۋە ئۇيالمىسا ئۈچ ۋاق تاماق ئېىتپ بەر دىيىشكە ئارانلا تۇرۇدۇ.. بىراق بۇنداق بەخىتلىك جەم بولۇشلار ماڭا شۇنداق ئارام بېغىشلايدۇ.مۇشۇ بەختلىك كۈنلەر ئىلكدە خۇشال يۈرۈپ ماۋۇ خاتىرەمگىمۇ خېلى بوپتۇ بىر نىمە يازمىغىلى.. بۈگۈن كەچلىك تاماقتىن كېيىن ئاپام بىلەن راسا مۇڭداشقۇم بار ئىدى قارىسام بىچارە ئاپامنىڭ كۆز جىيەكلىرى قارىداپ تۇرقىدىن ئادەتتىن تاشقىرى بىر خىل ھارغىنلىق چىقىپ قاپتۇ. قاچىلارنى بېسىقتۇرۇۋىتىپ مىھمانخانا ئۆيدە يەنىلا بىزنىڭ كۆڭلىمىزنى دەپ بىز بىلەن كەچلىك غىزادىن كېيىنكى "ۋىتامىن تولۇقلاش"قا بىللە ئىشتىراك بولۇش (يەنى بىزنىڭ ئۆيدە بۇرۇندىن تاماقتىن كېيىن يىغىلىشىپ ئولتۇرۇپ تاماق سىڭدۈرگەچ مىۋە يەيدىغان ئادەت بار ئىدى. ئوقۇۋاتقان ۋاقىتلاردىمۇ بىز شۇنداق قىلىپ بولۇپ ئاندىن دەرىس تەكرارلاشقا ئۆيلىرىمىزگە كىرىپ كېتەتتۇق)ئۈچۈن ئولتۇرغانلىقىنى كۆردۈم .كېلىپ مۈرىلىرىنى  يېنىك ئۇۋىلاپ تۇتۇپ قويدۇم. بۇنىڭدىن ئاپام ئالەمچە خۇش بولۇپ كەتتى. توۋا ئاتا-ئانىلارنىڭ باغرى نەقەدەر كەڭ ھە.. كىچىكىمىزدىن چوڭ قىلىپ بىزنى قانچە قېتىملاپ شۇنداق سىلاپ،ئۇۋىلاپ تۇتۇپ ھاردۇقلىرىمىزنى چىقارغانلىقى،ئەركىلىتىپ كۆتۈرۈپ باققانلىقلىرى ئېسىدە يوق بىرەر قېتىم بىز ئۇلارغا شۇنداق قىلىپ قويساق رەھمەت ئېيتىشىپ كېتىدۇ.ئاپام-دادامغا كەچلىك ئارام تىلەپ ھوجرا ئۆيۈمگە قايىتىپ كىرىپ ئولتۇرۇپ بۇ خاتىرەمنى يېزىۋاتىمەن. بۇ خاتىرەمنى قولۇمغا ئالساملا مانا مۇشۇنداق غەلىتە ئويلار ھوجۇمغا ئۇچرايمەن. ئاتا-ئانا،ئۆي قېرىنداشلار توغرىلىق سۈرىدىغان لەززەتلىك خىياللىرىمغا ھېلىقى قويۇق كىرپىكلىك قارا كۆزلەر ھوجۇم قىلىدۇ دىسە.. ئۇنى ئويلاپ قالدىم. ئۇنى راستتىنلا سېغىنىپ قالغانلىقىمنى ئۇيۇلۇپ تۇرۇپ ئېتىراپ قىلىمەن.بۇ خاتىرەمنى پەۋقۇللادە بىر كۈنلىرى ئۇنىڭغا تاپشۇرۇپ بېرىش توغرا كەلسە ئېھتىمال يېزىۋاتقان مۇشۇ قۇرلىرىم ئۈچۈن شەلپەردەك قىزىرىپ كېتىشىم بۇ ھەقىقەت ئىدى. ئۇنىڭ ئاشۇ كۆزلىرىنى،كېلىشكەن بوي-تۇرقىنى ئويلىساملا يۈرىكىمگە ئالەمچە بىر خىل ئىسسىق ئېقىم شۇررىدە ئېقىپ كىرىدۇ. ئاپام مېنىڭ مەكتەپتىكى ۋاقىتتا پۈتۈن كاللامنى ئۈگىنىشكە بېرىشىمنى ھەمدە بالدۇر ئۇنداق مۇھەببەتلىشىپ قالماسلىقىمنى ئوچۇق ۋە يۇشۇرۇن ھالەتتىكى سىپايە سكزلىرى ۋە ماڭا قويغان تەلەپلىرى ئارقىلىق بىلدۈرۈپ تۇرغان ئىدى. نەدە شۇنداق  ئۈمىدتىكى  ئاتا-ئانىلارنىڭ قىزلىرى ماڭا ئوخشاش مۇشۇنداق ھېسسىيات ھوجۇمىغا بەرداشلىق بېرەلمەيدىغان ئوخشايدۇ. مەنمۇ ئوقۇشقا مېڭىشنىڭ ئالدىدا قانچىلىك ئىشلار بولۇپ كېتىشىدىن قەتئىي نەزەر ھەرگىزمۇ بىرەرسىنىڭ مۇھەببەت توزىقىغا چۈشمەيمەن ھەم مۇھەببەتلەشمەيمەن دەپ ۋەدە قىلغان ئىدىم . دەرۋەقە ۋەدەمگە ئەمەل قىلىپ كېتىشىممۇ مۇمكىن ئىدى. بىراق ئېرادەمگە زىت  ۋە ئۆزەممۇ تا شۇ كەمگىچە تېگىگە يېتىپ بولالمايدىغان تۇيغۇ مېنى قامال قىلىۋىلىپ مانا مۇشۇنداق ئاجىزلىق بىلەن ئۇنى ئۇيۇلۇپ تۇرۇپ،تىترەپ تۇرۇپ،ئۆزەمنى قاچۇرۇپ تۇرۇپ ئەسلەيمەن.ئۇنىڭ قويۇق كىرپىكلەر ئورىغان ئاشۇ  قاپقارا كۆزلىرىنى  كۆز قارچۇقلىرىمدىن مەڭگۈلۈك ئورۇن ئالغاندەكلا ھېس قىلىمەن. ھەي يەنە نىمىلەرنى دەپ نىمىلەرنى يېزىپ كېتىۋاتىمەن. كۆڭلۈمگە نىمە كەلسە شۇنى يېزىۋىرەيچۇ مەن بىرھىكايە ياكى رومان ئەمەس بەلكى كۈندىلىك تۇرمۇشۇمنى شۇنداقلا پەقەت ئۆزۈمگىلا تەۋە بولغان نازۇك يۈرەك سىرلىرىمنى مۇشۇ خاتىرە دەپتىرىمگىلا پۈتۈۋاتقاندىن كېيىن. ئاشۇ كۈنى ئەركىن ماڭا ئاڭلاتقان ئۈنئالغۇدىن ئەزىمەتنىڭ ماڭا يالغاندىن گەپ قىلمىغانلىقىنى  ئۇنىڭ سۆزلىرىنىڭ راست ئىكەنلىكىنى بىلگەن بولساممۇ بىراق شۇ ئۈنئالغۇدىكى مەھبۇبەنىڭ ئاۋازىنىڭ ئۆزىلا مەھبۇبە ئۈچۈن بۇ قارارنى چىقىرىشنىڭ قانچىلىك ئېغىر كەلگەنلىكىنى ئىسپاتلاپ تۇرغۇدەك دەرىجىدە ھەسرەتلىك ئىدى.(پەقەت ئەڭ ئاخىرىدا ماڭا ئېيتقان بىر جۈملە سۆزىدىن باشقىلىرى)شۇنىڭ ئۈچۈنمىكىن شۇ كۈنى ئۇيقۇم قاچتى. ئۇيان ئۆرۈلۈمەن،بۇ يان ئۆرۈلۈمەن.ئۇخلىيالماي شۇ ەقدەر قىينالدىم .قۇلىقىمدا مەھبۇبەنىڭ ھەسرەتلىك ئاۋازى كۆز ئالدىمدا ئەزىمەتنىڭ  چىرايلىق قارا كۆزلىرى.بۇ ئۈچ بۇرجەك يەنى بىر يىگىت ئىككى قىز ئارىسىدا يا ئۆز ئىگىسىگە يان بېسىشىنى ياكى بولسا ئاۋۇ بەخىتسىز بىچارە قىزغا يان بېسىشىنى بىلەلمەي تېنەپ-تەمتىرەپ يۈرگەن بىچارە سەرسان تۇيغۇلىرىم.. شۇ كۈننىڭ ئەتىسى ئەزىمەتنىڭ تېلېفۇنىنى تاپشۇرۇپ ئالدىم. ئۇ ئەركىندىن بۇ ئىشلارنى خەۋەر تاپقاندىن كېيىن خۇشاللىقىدا نىمە قىلىشىنى بىلەلمەي ماڭا ئالدىراپ تېلېفۇن قىلغانىكەن گەرچە ئۇنىڭ گۇناھسىز ئىكەنلىكىنى بىلىپ ئۇنى كەچۈرگەن بولساممۇ بىراق يەنىلا ئۇنىڭ كۆرۈشۈش تەلىپىنى رەت قىلدىم .ماڭا دەيدىغان نۇرغۇن-نۇرغۇن يۈرەك سىرلىرى بار ئىكەنلىكىنى ئاڭلاپ تۇرۇپ ئۆزۈممۇ ھەم ئۇنىڭ شۇ يۈرەك سىرلىرىنى ئاڭلاشقا تەقەززا تۇرۇپ بىراق كۈتمىگەن بىر خىل جاھىللىق بىلەن ئۇنىڭ تەلىپىنى رەت قىلدىم. شۇندىن كېيىن مانا 10 نەچچە كۈن ئۆتۈپ كەتتى ئۇمۇ جىممىدە جىمىپلا كەتتى. ئەركىندىن ئاڭلىشغىمچە ئۇ بىر تاللا ئوغۇل ئىكەن.نە سەۋەبكىن ئاپىسى ئۇنى تۇغۇپلا قايتا بالىلىق بولمىغانىكەن. شۇ قەدەر ئەتىۋارلىق ئىكەنكىن ئۆيدە ئۇ بىر تۇتىيا گۆھەردەك ئەتىۋارلىنىدىكەن ئاتا-ئانىسىمۇ ئوبلاسىتلىق دوختۇرخانىدىكى داڭلىق دوختۇرلار ئىكەن. ئۆزلىرىنىڭ كەسپىگە ۋارىسلىق قىلغۇزۇش ئارزۇسى ھەمدە كىچىكىدىنلا دورا،دوختۇر،كېسەل دىگەندەك ئاتالغۇلار ئىچىدە ئۆسۈپ يېتىلگىنىنىڭ تەسىرى بويىچە ئۆزىمۇ ھەم دوختۇرلۇققا ئىشتىياق باغلىغان ئەزىمەتنىڭمۇ ئوقۇش پۈتتۈرگەندىن كېيىن ئاتا-ئانىسىنڭ ئىزىنى بېسىپ ياخشى بىر دوختۇر بولىشىدا گەپ يوق ئىكەن. ئەزىمەتنىڭ ئاپىسىنىڭ دادىسى ۋە ئاپىلىرى يەنى ئۇنىڭ چوڭ مومىلىرىمۇ تۈركىيەدە بولۇپ شۇ بىر قاتار سەۋەبلەر بىلەن بۇۋا مومىلىرىمۇ تۈركىيەگە چىقىپ كېتىپ ماكانلىشىپ قالغانىكەن .ئاپىسىنىڭ ئاخىرقى بىر ئۈمىدى ئەزىمەت مەكتەپنى پۈتتۈرگەندىن كېيىن ئۇنىڭ خىزمەت ئىشلرىنى بىر ياقلىق بولغاندىن كېيىن ئۇلار تۈركىيەگە چىقىپ كەتمەكچى ئىكەن. ئەزىمەتنى ئېلىپ چىقىپ كېتىمىز دەيدىغان خىيالىمۇ باركەن بىراق ئەزىمەت مۇشۇ يەرتدە تۇغۇلۇپ ئۆسكەنلىكى ئۈچۈن بۇنىڭغا قەتئىي قارشى ئىكەن. شۇڭا بەلكىم بۇ يالغۇز بىر تال ئوغلىنىڭ ئارزۇسىغا ھۆرمەت قىلىپ ئۇلارمۇ تۈركىيەگە تۇققان يوقلاپ چىقىپ قايتىپ كېلىدىكەن بىراق ئولتۇراقلىشىپ خىيالى يوق ئىكەن. ئەركىن مۇشۇنداق بىر قاتار زىددىيەتلىك گەپلەرنى قىلىپ ئۇلارنىڭ ئائىلىسى توغرىلىق تۇنۇشتۇرۇش ئېلىپ بارغاندىن كېيىنلا ئەزىمەتنىڭ شۇ قەدەر ئېسىل كىيىملەرنى كىيىپ بايۋەتچە سۈپەت  يۈرىدىغانلىقىنى چۈشەندىم ھەمدە ئائىلىسىدىكى بۇ ئەركە بالىنىڭ مىجەزىنىڭ شۇنداق يېقىشلىق ئارتۇقچە تەكەببۇرلۇقتىن خالىي ئىكەنلىكىدىن ھەيرانمۇ قالغاندەك بولدۇم. كۆڭلۈمنىڭ بىر يەرلىرىدە ئەركىننىڭ ئۇلارنىڭ ئائىلىسى توغرىلىق تۈركىيەگە چىقىپ كېتىش ئىمكانىيىتىنى بىردە بار بىردە يوق دىگەنلىكلىرى  بىر خىل تۇمان بولۇپ خىرەلەشتۈرۈپ قويدى. ئۇلارمۇ ئەلۋەتتە بۈبىر تال بالىسىدىن ئايرىلىپ قېلىشنى خالىمايدۇ، ئەزىمەتمۇ ئاتا-ئانىسىدىن ئايرىلىپ قېلىشنى خالىماسلىقى مۇمكىنغۇ.. ھەي مەن يەنە نىمىلەرنى ئويلاپ كېتىۋاتىمەن خۇددى ئەزىمەت بىلەن توي قىلىشقا پۈتۈشۈپ ئۇ تۈركىيەگە چىقىپ كېتەرمۇ دەپ غەم يەۋاتقاندەك بۇ خىل خىياللارنى قىلىپ كېتىشىم كۈلكىلىك .ئەمسمۇ.بىز يا  ھەقىقى مۇھەببەتلەشكەن ئاشىق-مەشۇقلاردىن بولمىساق. ***************** بۈگۈن موماملارنىڭكىگە بېرىپ قايتىپ كېلىۋىتىپ قايسى كۈنى دوستۇم "يېڭى چىقىپتۇ"دەپ ماڭا تېلېفۇن قىلغان كىتابلارنى كۆرۈپ بېقىش ئۈچۈن شەھەرلىك شىنخۇا كىتابخانىسىغا كىردىم. ھەقىقەتەن بۇ ئون  نەچچە كۈن ئىچىدە نۇرغۇن يېڭى كىتابلار چىقىپ كېتىپتۇ. مەن ئىشتىياق بىلەن كىتاب جاھازىلىرىنى ئارىلاپ ئۆتۈپ ئۆزۈمگە ئەپلىك يەردىن ئورۇن تاللاپ تۇرۇپ  تاللىغان كىتابىمنى ئېلىپ كۆرۈپ بېقىش ئۈچۈن ئوقۇپ ئىچىگە كىرىپلا كېتىپتىمەن. _ياخشى تۇرامسىز پەزىلەت؟_دىگەن ئاۋازدىن چۆچۈپ بېشىمنى كۆتۈرسەم بىز بىلەن تولۇق ئورتىدا بىر قاراردا پارالىل ئوقۇغان  ئېرپان ئىسىملىك بالا كۈلۈمسىرىگىنىچە قېشىمدا قاراپ تۇرۇپتۇ. _ياخشى ئۆزىڭىزمۇ ياخشى تۇرامسىز؟ _خۇداغا شۈكرى،يائاللا ئوقۇۋاتقان ۋاقىتلاردىكىدەك كىتاب دىسە دۈم چۈشىدىغان ئادىتىڭىز تېخىچە  بار ئىكەن-دە ھە؟؟ مەن كۈلۈپلا قويدۇم. ئېرپانمۇ مەكتەپتە ئوقۇۋاتقان ۋاقىتلاردا گەرچە باشقا دەرىسلەردە ياخشى بولمىسىمۇ بىراق ئەدىبىياتتا خېلىلا كۆزگە كۆرۈنگەن بولۇپ بىز تولۇقسىزدە ئوقۇۋاتقان ۋاقىتلىرىدىلا ئىلى گېزىتى ۋە كەچلىك گېزىتلاردا بىر قىسىم شېئىر-ھىكايىلىرى بېسىلغان .كېيىن تولۇق ئورتىدا ئوقۇۋاتقىنىمىزدا ئىلى دەرياسىغا "كۆڭلۈلدىكى داغ"دىگەن ھىكايىسى بېسىلىپ مۇھەببەتكە تەلپۈنۈپ تۇرغان ياشلار ئارىسىدا خېلىلا زىلزىلە سېلىپ كۆزگە كۆرۈنۈپ قالغان ياش قەلەمكەش ئىدى.ئۇنىڭدىن كېيىنمۇ بىر قىسىم ھىكايە شېئىرلىرى ئارقا-ئارقىدىن مەتبۇئاتلاردا ئېلان قىلىنغان بىراق بۇ نەتىجىلەر بىلەن مەغرۇرلىنىپ قالدىمۇ ياكى بارلىق زىھنىنى ئىجادىيەتكە بېغىشلاپ باشقا پەنلەرگە نىسبەتەن بىراقلا ئۈگىنىشنى توختىتىپ قويدىمۇ ئەيتاۋۇر ئالىي مەكتەپ ئىمتىھانىدا ئەدىبىياتتىن ئالغان يۇقۇرى نەتىجىسى باشقا پەنلەردىن ئالغان تۆۋەن نەتىجىلىرىگە ئارا تۇرالماي ئالىي مەكتەپكە ئۆتەلمىگەن. بۇ بالىنىڭ بۇ توغرىدا«بۇنىڭدىن قىلچىمۇ مەيۇسلەنمەيمەن.چۈنكى قولۇمدىكى قەلەم مېنى ئالىي مەكتەپتە ئوقۇغاندىنمۇ ئارتۇق كۆزلىگەن نىشانىمغا يەتكۈزەلەيدۇ >دىگەن گېپىگە ھەم ھەيران قالغان ھەم بۇ خىل كۈچلۈك ئىرادىسىگە قولمۇ قويغان ئىدىم. _مېنىڭ شېئىرلار توپلىمىم نەشىردىن چىقتى كۆردىڭىزمۇ؟ _شۇنداقمۇ؟-مەن قايىللىق ۋە ئىپتىخارلىنىش ئىلكىدە ئاۋازىمنى كۆتۈرۈپرەك سورىدىم،-ياخشى بوپتۇغۇ.قېنى ماڭا كۆرسىتىڭچۇ؟؟ ئۇ تەكچىدىكى كىتابلار ئارىسىدىن تېشىغا شارقىراتما ۋە ياپ-يېشىل ئورمان مۇقاۋا قىلىپ ئىشلەنگەن نېپىزراق كەلگەن بىر كىتابنى ئېلىپ ماڭا سۇندى. _مۇبارەك بولسۇن!! بۇ خەۋەرنى ھەجەپ كېچىكىپ ئۇقۇپتىمەن. _شۇ ،شۇنچە نۇرغۇن تەبرىكلىگەنلەر ئىچىدە مەن ھەقىقىي ئۈمىد قىلغان بىرلا كىشىنىڭ ھېچقانداق خەۋىرى يوق،_ئۇ كۆزلىرىنى كۆزلىرىمگە تىكىپ تۇرۇپ شۇنداق دىدى. ئۇنىڭ كۆزىدىن تارقىغان نۇر ۋە سۆزىدىكى يۇشۇرۇن بىر خىل مەنادىن يۈرىكىم ئاغقان بولسىمۇ ئۆزۈمنى ھېچنىمىنى سەزمىگەنگە سېلىپ ئۇ ئۇزاتقان كىتابنى ئېلىپ بىر قۇر ۋاراقلاپ تۇرۇپ: _ئەمىسە مەن بۇ كىتابىڭىزنى سېتىۋالاي دىدىم. _ياقەت،مەن سىەگە بىرنى سوۋغا قىلاي دىگەنتىم. _ياق،مەنچە ياش شائىرىمىزنىڭ بۇ تۇنجى ئۇتۇقىنى چوقۇم ھەق تۆلەپ تۇرۇپ قۇتلۇقلىشىمىز كېرەك،|مەن ئۆزۈم تاللىغان بىر نەچچە كىتابلار بىلەن بىللە ئۇنىڭ كىتابىنىمۇ قوشۇپ ئېلىپ پۇل تۆلەش ئورنىغا بېرىپ پۇلىنى تۆلىدىم. كىتابخانىدىن ئىككىمىز بىللە چىقتۇق. سوڭدىشىپلا بىللە كېتىۋاتقان ئېرپانغا قاراپ نىمە دىيىشىمنى بىلەلمىدىم.شۇنچە قىزغىن پاراڭ سېلىپ كېتىۋاتقان مۇنۇ بالىنىڭ سەمىمىيلىكىدىن گۇمانلنىشقا نىمە ھەققىم بار؟؟ **************** چۈشلۈك تاماقتىن ياتاق ئۆيۈمدە ئولتۇرۇپ كىتاب كۆرۈۋاتاتتىم ئۇكام قېشىمغا كىرىپ: _ھەدە ساڭا تېلېفۇن،ئاۋازى شۇنداق مۇلايىم بىر بالا تېلېفۇن قىپتۇ،_دەپ ھەييارلىق بىلەن كۆزلىرىنى ئوينىتىپ كۈلدى. _يالغان سۆزلىمە،ناڭا ھېچكىمدىن تېلېفۇن كەلمەيدۇ.مەن ھېچ تېلېفۇن ئاۋازىنى ئاڭلىمىدىمغۇ.. _ۋۇي راست،ھەجەپ مېنىڭ گېپىمگىلا ئىشەنمەيسەن،بولمىسا ھەدەمنىڭ سىز بىلەن كۆرۈشكىسى يوقكەن،.ئاستا كەشىڭىزنى توغرىلىۋالامسىز يا دەيمۇ؟-دىدى. قارىسام ئۇ راست سۆزلەۋاتقاندەك قىلاتتى.مىھمانخانىغا چىقىپ تېلېفۇننى ئالدىم.